ໂຄງການ “ປັ້ນເຈົ້າໃຫ້ເປັນດາວ” ຊີງລາງວັນຫລາຍກວ່າ 50 ລ້ານກີບ

ໂຄງການ “ປັ້ນເຈົ້າໃຫ້ເປັນດາວ” ຊີງລາງວັນຫລາຍກວ່າ 50 ລ້ານກີບ - advert banner 728 90 728x90 - ໂຄງການ “ປັ້ນເຈົ້າໃຫ້ເປັນດາວ” ຊີງລາງວັນຫລາຍກວ່າ 50 ລ້ານກີບ

ພິທີຖະແຫລງຂ່າວເປີດໂຄງການ “ປັ້ນເຈົ້າໃຫ້ເປັນດາວ” ຊີງລາງວັນ ຫລາຍກວ່າ 50 ລ້ານກີບ ໄດ້ຈັດຂຶ້ນໃນວັນທີ 21 ຕຸລານີ້ ທີ່ສູນການຄ້າວຽງຈັນເຊັນເຕີ, ໂດຍມີທ່ານ ນາງ ອານິດ ສີວິໄຊ ປະທານສູນຝາກຂາຍ ໂອດ໋ອບລາວ N&N/12 ແລະ ທ່ານ ທະວີສັກ ທໍາມະວົງສາ ປະທານບໍລິຫານຄ້າຍເພງ TK ຊາວລາວ, ພ້ອມຕົວແທນໃຫ້ການສະໜັບສະໜູນໂຄງການເຂົ້າຮ່ວມ.

ໂຄງການ “ປັ້ນເຈົ້າໃຫ້ເປັນດາວ” ຊີງລາງວັນຫລາຍກວ່າ 50 ລ້ານກີບ - new3 - ໂຄງການ “ປັ້ນເຈົ້າໃຫ້ເປັນດາວ” ຊີງລາງວັນຫລາຍກວ່າ 50 ລ້ານກີບ

ເພື່ອເປີດໂອກາດໃຫ້ຜູ້ທີ່ມີພອນສະຫວັນ, ມີຄວາມສາມາດ ຫລາຍຮູບແບບໄດ້ສະແດງຄວາມສາມາດໂດຍບໍ່ຈໍາກັດເພດ, ອາຍຸ ແລະ ວຸດທິ ການສຶກສາໃນການສະແດງຄວາມສາມາດຄື: ຕໍາຫູກງາມ, ປຸງແຕ່ງອາຫານແຊບ, ຮ້ອງເພງ, ຂັບ, ລໍາ, ອອກແບບເສື້ອຜ້າ, ເດີນແບບແຟຣຊັນໂຊ, ຊ່າງແຕ່ງໜ້າ, ອອກແບບກະເປົາ, ເຄື່ອງຈັກສານທີ່ງົດງາມ ແລະ ອື່ນໆ. ພ້ອມທັງເປັນການສົ່ງເສີມໄວໜຸ່ມ, ປະຊາຊົນຜູ້ມີສີມືແຮງງານ, ພອນສະຫວັນຄວາມສາມາດຫລາຍໆດ້ານແຕກຕ່າງກັນ, ໃຫ້ເຂົ້າມາແຂ່ງຂັນປະກວດສະແດງຄວາມສາມາດແຂ່ງຂັນສີລະປະວັດທະນະທໍາລາວ, ວາງຈໍາໜ່າຍສິນຄ້າຜະລິດຕະພັນພາຍໃນຂອງຕົນ, ສົ່ງເສີມການທ່ອງທ່ຽວລາວດຶງດູດນັກທ່ອງທ່ຽວພາຍໃນ ແລະຕ່າງປະເທດເຂົ້າມາທ່ຽວຊົມ ສປປ ລາວໃຫ້ນັບມື້ຫລາຍຂຶ້ນ ແລະ ປະກອບສ່ວນເຂົ້າໃນການພັດທະນາສີມືແຮງງານແບບຍືນຍົງ ພ້ອມເປີດສູນຝາກຂາຍ ໂອດ໋ອບລາວຢ່າງເປັນທາງການອີກດ້ວຍ.

ໂຄງການ “ປັ້ນເຈົ້າໃຫ້ເປັນດາວ” ຊີງລາງວັນຫລາຍກວ່າ 50 ລ້ານກີບ - lattana 1 - ໂຄງການ “ປັ້ນເຈົ້າໃຫ້ເປັນດາວ” ຊີງລາງວັນຫລາຍກວ່າ 50 ລ້ານກີບ

ຜູ້ທີ່ສົນໃຈສາມາດດາວໂຫລດເອົາແບບຟອມສະໝັກໄດ້ທີ່ ເຟສບຸກເພຊ໌: TK Entertainment, N&N/12 Laos 0dop ສູນ ຝາກຂາຍໂອດອບລາວ ແລະ ບູດຂາຍສິນຄ້າ ມິສທິນລາວ ແລະ ຈະປິດຮັບສະໝັກໃນວັນທີ 11 ພະຈິກນີ້, ເຊິ່ງຈະຄັດເລືອກໃນວັນທີ 15 ພະຈິກ ທີ່ສູນການ ຄ້າວຽງຈັນເຊັນເຕີ ນະຄອນຫລວງວຽງຈັນ ແລະ ຊີງຊະນະເລີດ ໃນວັນທີ 5-10 ທັນວານີ້. ພ້ອມຮ່ວມວາງສະແດງສິນຄ້າໂອດ໋ອບລາວໄດ້ໂດຍບໍ່ເສຍຄ່າເຊົ່າສະຖານທີ່ນໍາອີກ.

error: Content is protected !!