ຊົມຟຣີ ! ການແຂ່ງຂັນເພາະກາຍ ແລະ ງັດກ້າມ ຊີງແຊ້ມປະເທດລາວ 24-26 ຕຸລານີ້

ຊົມຟຣີ ! ການແຂ່ງຂັນເພາະກາຍ ແລະ ງັດກ້າມ ຊີງແຊ້ມປະເທດລາວ 24-26 ຕຸລານີ້ - advert banner 728 90 728x90 - ຊົມຟຣີ ! ການແຂ່ງຂັນເພາະກາຍ ແລະ ງັດກ້າມ ຊີງແຊ້ມປະເທດລາວ 24-26 ຕຸລານີ້

       ໃນ​ລະ​ຫວ່າງວັນ​ທີ 24- 26 ຕຸ​ລານີ້ ສະ​ຫະ​ພັນ​ກິ​ລາເພາະ​ກາຍ​ແຫ່ງ​ຊາດ​ລາວ ຈະຈັດ​ການ​ແຂ່ງ​ຂັນ​ກິ​ລາ​ເພາະກາຍ ແລະ ງັດ​ກ້າມ ຊີງ​ແຊ້ມປະ​ເທດ​ລາວ ຊີງ​ຂັນ​ລັດ​ຖະ​ມົນ​ຕີ​ກະ​ຊວງ​ສຶກ​ສາ​ທິ​ການ ແລະ ກິ​ລາ ປະ​ຈຳ​ປີ 2019 ທີ່ສະ​ໂມ​ສອນ​ໃຫຍ່ ມະ​ຫາ​ວິ​ທະຍາ​ໄລ​ແຫ່ງ​ຊາດ ເຊິ່ງ​ຄັ້ງ​ນີ້​ເປັນ​ຄັ້ງ​ທຳ​ອິດ​ທີ່​ການ​ແຂ່ງ​ຂັນ​ຈະ​ຈັດ​ທີ່​ສະ​ໂມ​ສອນ​ໃຫຍ່ ມະ​ຫາ​ວິ​ທະ​ຍາ​ໄລ​ແຫ່ງ​ຊາດ. ສະ​ເພາະ​ກິ​ລາ​ເພາະ​ກາຍ​ມີ​ຊີງ 5 ລາຍ​ການ ໃນ​ນີ້​ປະ​ເພດ​ເພາະ​ກາຍ​ຊາຍ 4 ລາຍ​ການ, ຍິງ 1 ລາຍ​ການ.

ຊົມຟຣີ ! ການແຂ່ງຂັນເພາະກາຍ ແລະ ງັດກ້າມ ຊີງແຊ້ມປະເທດລາວ 24-26 ຕຸລານີ້ - new3 - ຊົມຟຣີ ! ການແຂ່ງຂັນເພາະກາຍ ແລະ ງັດກ້າມ ຊີງແຊ້ມປະເທດລາວ 24-26 ຕຸລານີ້

    ການ​ແຂ່ງ​ຂັນ​ຄັ້ງ​ນີ້​ຈັດຂຶ້ນ​ເພື່ອ​ສືບ​ຕໍ່​ຊຸກ​ຍູ້​ສົ່ງ​ເສີມ​ໃຫ້ທຸກ​ຄົນ​ໃນ​ສັງ​ຄົມ​ສົນ​ໃຈ​ໃນການ​ອອກ​ກຳ​ລັງ​ກາຍ​ໃຫ້ຫລາຍ​ຂຶ້ນ ເພື່ອ​ສຸ​ຂະ​ພາບ​ຈິດ ແລະ ສຸ​ຂະ​ພາບ​ກາຍ​ທີ່​ເຂັ້ມແຂງ. ພ້ອມ​ກັນ​ນີ້ ກໍ​ເປັນ​ການ ສ້າງ​ໂອ​ກາດ​ໃຫ້​ນັກ​ກິ​ລາ​ເພາະ​ກາຍ ແລະ ງັດ​ກ້າມລາວ​ເຮົາ​ມີ​ເວ​ທີ​ສະ​ແດງຄວາມ​ສາ​ມາດ ເພື່ອ​ໂອ​ກາດເປັນ​ນັກ​ກິ​ລາ​ທີມ​ຊາດ​ກ້າວ​ສູ່ການ​ແຂ່ງ​ຂັນ​ລະ​ດັບ​ຕ່າງໆ​ ທັງ​ພາກ​ພື້ນ ແລະ ສາ​ກົນ.

     ພິ​ເສດ​ໃນ​ການ​ແຂ່ງ​ຂັນຄັ້ງ​ນີ້​ຈະ​ມີ​ກິດ​ຈະ​ກຳ​ຝຶກ​ອົບຮົມ​ແລກ​ປ່ຽນ​ບົດ​ຮຽນ ແລະ ປະ​ສົບ​ການ​ກັບ​ຄູ​ຝຶກ ແລະ ນັກ​ກິ​ລາ​ເພາະ​ກາຍ​ທີ່​ມີ​ຊື່​ສຽງ ແລະ​ ຜົນ​ງານ​ຈາກ​ລາວ ແລະ ໄທ ເປັນ​ຕົ້ນ​ໃນ​ວັນ​ທີ 24 ຕຸ​ ລາ ເວ​ລາ 13:00 ໂມງ ຈະ​ມີການ​ສຳ​ມະ​ນາ​ໃຫ້​ຄວາມ​ຮູ້ດ້ານ​ກິ​ລາ​ເພາະ​ກາຍ​ໃຫ້​ຜູ້​ເຂົ້າຮ່ວມ ໂດຍ​ຈະ​ມີ​ທ່ານ ເຊດ​ຖະວຸດ ວັດ​ສະ​ລະ​ຄຸນ ຫລື ບ້ວຍ ຈະ​ມາ​ໂອ້​ລົມ​ສ້າງ​ແຮງ​ບັນດານ​ໃຈ​ໃນ​ການ​ອອກ​ກຳ​ລັງ ກາຍ, ທ່ານ ທົດ​ສະ​ພົນ ຊື້ນຊົມ ນັກ​ກິ​ລາ​ໂມ​ເດວ​ຟິດ​ເນັ​ສ ທີມ​ຊາດ​ໄທ ຈະ​ມາ​ແນະ​ນຳການ​ອອກ​ກຳ​ລັງ​ກາຍ ແລະ ການ​ສ້າງ​ກ້າມ​ຊີ້ນ, ທ່ານ ທັນປະ​ວັດ ເຕ​ຊະ​ພູ​ວະ​ດົນ​ວີ​ຕິດ ຜູ້ຈັດ​ການ​ທີມ​ຊາດ​ໄທ ຈະ​ມາຊ່ວຍ​ແນະ​ນຳ​ການ​ເລືອກ​ກິນອາ​ຫານ​ເສີມ​ທີ່​ຖືກ​ຕ້ອງ​ກັບຄວາມ​ຕ້ອງ​ການ​ຂອງ​ຮ່າງກາຍ.

      ສ່ວນ​ໃນ​ວັນ​ທີ 25 ຕຸ​ລາ ຈະ​ມີ​ການ​ແຂ່ງ​ຂັນ​ງັດ​ກ້າມ ຊີງ​ແຊ້ມ​ປະ​ເທດ​ລາວ​ຄັ້ງ​ທຳອິດ ເລີ່ມ​ແຕ່​ເວ​ລາ 13:00 ໂມງ​ເປັນ​ຕົ້ນ​ໄປ ແລະ ໃນ​ວັນທີ 26 ຈະ​ແຂ່ງ​ຂັນ​ເພາະ​ກາຍຍິງ-ຊາຍ​ຊີງ​ແຊ້ມ​ປະ​ເທດ​ ລາວ ເລີ່ມ​ເວ​ລາ 13:00 ໂມງ​ເປັນ​ຮອບ​ຄັດ​ເລືອກ ແລະ ເວ​ລາ 16:00 ໂມງ ເປັນ​ຮອບ​ຊີງ​ຊະ​ນະ​ເລີດ. ທັງໝົດ​ເຂົ້າ​ຊົມ​ຟ​ຣີ. urn�YJ.w

error: Content is protected !!