ຄະນະຜູ້ແທນ ສປປ ລາວ ເຂົ້າຮ່ວມພິທີສາບານຕົນຂອງຜູ້ນຳອິນໂດເນເຊຍ.

ຄະນະຜູ້ແທນ ສປປ ລາວ ເຂົ້າຮ່ວມພິທີສາບານຕົນຂອງຜູ້ນຳອິນໂດເນເຊຍ. - advert banner 728 90 728x90 - ຄະນະຜູ້ແທນ ສປປ ລາວ ເຂົ້າຮ່ວມພິທີສາບານຕົນຂອງຜູ້ນຳອິນໂດເນເຊຍ.

​ແຫ​ລ່ງຂ່າວ ຂປລ ລາຍ​ງານ​ວ່າ: ໃນລະຫວ່າງວັນທີ 19-21 ຕຸລາ 2019 ທີ່ຜ່ານມາ, ທ່ານ ສະເຫລີມໄຊ ກົມມະສິດ ລັດ ຖະມົນຕີກະຊວງການຕ່າງປະເທດ ໄດ້ເປັນຜູ້ຕາງໜ້າພິເສດ ຂອງທ່ານ ທອງລຸນ ສີສຸລິດ ນາຍົກລັດຖະ ມົນຕີ ແຫ່ງ ສປປ ລາວ ນໍາພາຄະນະຜູ້ແທນ ສປປ ລາວ ເຂົ້າຮ່ວມພິທີສາບານຕົນ ເພື່ອຮັບຕໍາແໜ່ງເປັນປະທານາທິບໍດີ ແລະ ຮອງປະທານາທິບໍດີ ຂອງ ສາທາລະນະລັດອິນໂດເນເຊຍ ຢ່າງເປັນທາງການ ຕາມການເຊື້ອເຊີນ ຂອງ ລັດຖະບານອິນໂດເນເຊຍ. ພິທີດັ່ງກ່າວໄດ້ຈັດຂຶ້ນ ທີ່ນະຄອນຫລວງຈາກາຕາ, ອິນໂດເນເຊຍ ໂດຍມີບັນດາການນຳຂັ້ນສູງ ຈາກປະເທດສະມາຊິກອາຊຽນ, ສປ ຈີນ, ອົດສະຕາລີ, ສ ອາເມລິກາ, ສ ເກົາຫລີ, ຍີ່ປຸ່ນ ແລະ ປະເທດເພື່ອນມິດ ຂອງອິນໂດເນເຊຍ ເຂົ້າຮ່ວມເປັນກຽດ ແລະ ສະແດງຄວາມຊົມເຊີຍຕໍ່ ທ່ານ ໂຈໂກ ວິໂດໂດ ປະທານາທິບໍດີ ແລະ ທ່ານ ມາຣຸຟ ອາມິນ ຮອງປະທານາທິບໍດີ ຂອງອິນໂດເນເຊຍ ໃນພິທີອັນຊົງກຽດດັ່ງກ່າວ.

ຄະນະຜູ້ແທນ ສປປ ລາວ ເຂົ້າຮ່ວມພິທີສາບານຕົນຂອງຜູ້ນຳອິນໂດເນເຊຍ. - new3 - ຄະນະຜູ້ແທນ ສປປ ລາວ ເຂົ້າຮ່ວມພິທີສາບານຕົນຂອງຜູ້ນຳອິນໂດເນເຊຍ.

ພິທີສາບານຕົນ ເຂົ້າຮັບຕໍາແໜ່ງປະທານາທິບໍດີ ແລະ ຮອງປະທານາທິບໍດີ ຂອງອິນໂດເນເຊຍ ຖືເປັນສັນຍາລັກທີ່ມີຄວາມໝາຍສຳຄັນ ໃນລະບອບການເມືອງ ແລະ ການປົກຄອງ ປະເທດອິນໂດເນເຊຍ ເຊິ່ງລັດຖະທຳມະນູນ ໄດ້ກຳນົດໃຫ້ປະທານາທິບໍດີ ແລະ ຮອງປະທານາທິບໍດີ ທີ່ໄດ້ຊະນະການເລືອກຕັ້ງ ຕ້ອງໄດ້ຜ່ານພິທີສາບານຕົນ ຢ່າງເປັນທາງການ ທີ່ລັດຖະສະພາແຫ່ງຊາດກ່ອນການເຂົ້າບໍລິ ຫານປະເທດຢ່າງເປັນທາງການ.

ຄະນະຜູ້ແທນ ສປປ ລາວ ເຂົ້າຮ່ວມພິທີສາບານຕົນຂອງຜູ້ນຳອິນໂດເນເຊຍ. - o - ຄະນະຜູ້ແທນ ສປປ ລາວ ເຂົ້າຮ່ວມພິທີສາບານຕົນຂອງຜູ້ນຳອິນໂດເນເຊຍ.

ສປປ ລາວ ແລະ ສາທາລະນະລັດ ອິນໂດເນເຊຍໄດ້ສ້າງຕັ້ງສາຍພົວພັນການທູດນຳກັນ ໃນວັນທີ 30 ສິງຫາ 1957. ນັບ​ເປັນເວລາຫລາຍກ່ວາ 6 ທົດສະວັດ ທີ່ສອງປະເທດ ມີໄດ້​ການ​ພົວພັນ​ຮ່ວມ​ມືທີ່ມີ​ບາດກ້າວຂະຫຍາຍ​ຕົວຂຶ້ນ​ເປັນ​ລຳ​ດັບ ທັງທາງດ້ານການເມືອງ, ເສດຖະກິດ, ວັດທະນະທຳ, ສັງຄົມ,​ ການສຶກສາ ແລະ ດ້ານອື່ນໆ. ​ອັນພົ້ນເດັ່ນ, ລັດຖະມົນຕີກະຊວງຕ່າງປະເທດແຫ່ງ ສປປ ລາວ ໄດ້ເດີນທາງຢ້ຽມຢາມທາງການ ແລະ ເຂົ້າຮ່ວມກອງປະຊຸມ ຄະນະກໍາມາທິການຮ່ວມ ວ່າດ້ວຍການຮ່ວມມືສອງຝ່າຍ ລາວ-ອິນໂດເນເຊຍ ຄັ້ງທີ 5 ທີ່ ອິນໂດເນເຊຍ ໃນປີ 2017 ແລະ ທ່ານ ນາຍົກລັດຖະມົນຕີ ແຫ່ງ ສປປ ລາວ ກໍໄດ້ເດີນທາງຢ້ຽມຢາມທາງການ ຢູ່ອິນໂດເນເຊຍໃນປີດຽວກັນ ເພື່ອສືບຕໍ່ຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືທີ່ດີລະຫວ່າງ ສອງປະເທດ. ນອກນີ້, ລັດຖະມົນຕີກະຊວງການຕ່າງປະເທດ ແຫ່ງອິນໂດເນເຊຍ ກໍໄດ້ເດີນທາງມາຢ້ຽມຢາມທາງການ ສປປ ລາວ ໃນຕົ້ນປີ 2016. ທ່ານ ນາງ ລິນີ ໂຊມາໂນ ລັດຖະມົນຕີກະຊວງວິສາຫະກິດ ຂອງອິນໂດເນເຊຍ ແລະ ທ່ານ ອາລຸນແກ້ວ ກິດຕິຄຸນ ລັດຖະມົນຕີປະຈຳສຳນັກງານນາຍົກລັດຖະມົນຕີ ກໍໄດ້ແລກປ່ຽນການຢ້ຽມຢາມກັນ ໃນເດືອນມິຖຸນາ ແລະ ເດືອນສິງຫາ ປີ 2019 ຜ່ານມານີ້ ຕາມລຳດັບ ເພື່ອເປັນການຊຸກຍູ້ ແລະ ສົ່ງເສີມການຄ້າ ແລະ ການລົງທຶນ ລະຫວ່າງ ສອງປະເທດໃຫ້ຂະຫຍາຍຕົວຍິ່ງໆຂຶ້ນ.

ການເຂົ້າຮ່ວມພິທີສຳຄັນຄັ້ງນີ້ ຂອງຄະນະຜູ້ແທນລາວ ເປັນການສືບຕໍ່ເຈດຕະນາລົມອັນສະເໝີຕົ້ນສະເໝີປາຍ ຂອງ ສປປ ລາວ ໃນການຮັດແໜ້ນສາຍພົວພັນມິດຕະພາບ ແລະ ສົ່ງເສີມການພົວພັນຮ່ວມມືທີ່ດີ ລະຫວ່າງ ສປປ ລາວ ກັບບັນດາປະເທດຕ່າງໆ ໃນພາກພື້ນ ແລະ ໃນໂລກ ໂດຍສະເພາະ ກັບປະເທດເພື່ອນມິດອິນໂດເນເຊຍ ທີ່ຢູ່ໃນຄອບຄົວອາຊຽນດຽວກັນ ທັງຍັງເປັນການນໍາເອົາການສະໜັບສະໜູນຢ່າງຈິງໃຈ ຈາກລັດຖະບານ ແລະ ປະຊາຊົນ ແຫ່ງ ສປປ ລາວ ມາຍັງລັດຖະບານ ແລະ ປະຊາຊົນ ແຫ່ງ ສາທາລະນະລັດ ອິນໂດເນເຊຍ ໃນໂອກາດທີ່ມີຄວາມໝາຍສຳຄັນຄັ້ງນີ້.

error: Content is protected !!