ລາວ ເປັນເຈົ້າພາບຈັດກອງປະຊຸມ ລັດຖະມົນຕີ ໄອຊີທີ ອາຊຽນ ຄັ້ງທີ 19

ລາວ ເປັນເຈົ້າພາບຈັດກອງປະຊຸມ ລັດຖະມົນຕີ ໄອຊີທີ ອາຊຽນ ຄັ້ງທີ 19 - advert banner 728 90 728x90 - ລາວ ເປັນເຈົ້າພາບຈັດກອງປະຊຸມ ລັດຖະມົນຕີ ໄອຊີທີ ອາຊຽນ ຄັ້ງທີ 19

ກອງປະຊຸມລັດຖະມົນຕີ ໄອຊີທີ ອາຊຽນ ຄັ້ງທີ 19 (The 19th ASEAN Telecommunication Technology Ministers Meeting-TELMIN), ໄດ້ຈັດຂຶ້ນໃນວັນທີ 24-25 ຕຸລານີ້ ທີ່ນະຄອນຫຼວງວຽງຈັນ, ພາຍໃຕ້ຄໍາຂວັນ “ສ້າງການເຊື່ອມຈອດທີ່ທັນສະໄໝ ເພື່ອການຫັນເປັນດີຈີຕອນ ຂອງອາຊຽນ”. ກອງປະຊຸມດັ່ງກ່າວ ໄດ້ມີການປຶກສາຫາລື, ແລກປ່ຽນດ້ານນະໂຍບາຍ ແລະ ລະບຽບການ ກັບປະເທດຄູ່ຮ່ວມເຈລະຈາ ລວມທັງການຮ່ວມມືກັບຄູ່ຮ່ວມພັດທະນາ, ຜູ້ປະກອບການເອກະຊົນ ເພື່ອສົ່ງເສີມໃຫ້ເສດຖະກິດ-ສັງຄົມດີຈີຕອນ ມີການຂະຫຍາຍຕົວ, ສອດຄ່ອງກັບເປົ້າໝາຍປະຊາຄົມອາຊຽນ ພ້ອມທັງໄດ້ຖອດຖອນບົດຮຽນທີ່ສໍາຄັນເພື່ອເປັນແນວທາງໃນການສືບຕໍ່ປະຕິບັດໜ້າທີ່ວຽກງານໃນຕໍ່ໜ້າ, ເຮັດໃຫ້ບັນດາປະເທດ ສະມາຊິກອາຊຽນ ມີຄວາມກ້າວໜ້າໃນແຕ່ລະດ້ານເປັນຢ່າງດີ ແລະ ຫັນເປັນດີຈີຕອນເທື່ອລະກ້າວ.

ລາວ ເປັນເຈົ້າພາບຈັດກອງປະຊຸມ ລັດຖະມົນຕີ ໄອຊີທີ ອາຊຽນ ຄັ້ງທີ 19 - new3 - ລາວ ເປັນເຈົ້າພາບຈັດກອງປະຊຸມ ລັດຖະມົນຕີ ໄອຊີທີ ອາຊຽນ ຄັ້ງທີ 19

ທ່ານ ທັນສະໄໝ ກົມມະສິດ ລັດຖະມົນຕີກະຊວງ ປຕທ ກ່າວວ່າ: ການຈັດກອງປະຊຸມຄັ້ງນີ້, ເປັນຄັ້ງທີ 2 ທີ່ປະເທດລາວໄດ້ຮັບກຽດເປັນເຈົ້າພາບ, ໃນໄລຍະ10 ປີຜ່ານມາກໍໄດ້ວາງແຜນ ແລະ ສຸມຄວາມພະຍາຍາມໃນການປັບປຸງ ແລະ ຂະຫຍາຍພື້ນຖານໂຄງລ່າງໂທລະຄົມມະນາຄົມຂອງປະເທດ ແຕ່ສູນກາງລົງຮອດທ້ອງຖິ່ນ ເພື່ອໃຫ້ການເຊື່ອມຕໍ່ເຄືອຂ່າຍໄດ້ມາດຕະຖານສູງ. ສ່ວນນິຕິກໍາ, ນະໂຍບາຍດ້ານເຕັກໂນໂລຊີການສື່ສານ ແລະ ຂໍ້ມູນຂ່າວສານ (ໄອຊີທີ) ກໍໄດ້ຮັບການປັບປຸງໃຫ້ແທດເໝາະກັບສະພາບການຂະຫຍາຍຕົວຂອງເສດຖະກິດ-ສັງຄົມ ແລະ ເຕັກໂນໂລຊີໃໝ່ ເຮັດໃຫ້ອັດຕາສ່ວນຂອງຜູ້ຊົມໃຊ້ໂທລະສັບ ແລະ ອິນເຕີເນັດ ມີການຂະຫຍາຍຕົວຢ່າງກ້າວກະໂດດ. ໄດ້ມີການຮ່ວມມືຊ່ວຍເຫຼືອເຊິ່ງກັັນ ແລະ ກັນ  ເພື່ອການພັດທະນາໃນຫຼາຍດ້ານເຊັ່ນ: ດ້ານເສດຖະກິດ-ສັງຄົມ,​ ວັດທະນະທໍາ, ເຕັກນິກວິຊາການ, ​ການສຶກສາ ລວມທັງການສົ່ງເສີມສັນຕິພາບ, ສະຖຽນລະພາບ ແລະ ຄວາມໝັ້ນຄົງໃນພາກພື້ນອາຊຽນ. ພ້ອມດຽວກັນນີ້ ອາຊຽນ ໄດ້ກາຍເປັນຈຸດໃຈກາງທີ່ສໍາຄັນໜຶ່ງໃນການຂັບເຄື່ອນເສດຖະກິດ-ສັງຄົມ ດ້ວຍການນໍາໃຊ້ນະວັດຕະກໍາໃໝ່ທາງດ້ານໄອຊີທີ ແລະ ການຫັນເປັນດີຈີຕອນ ໃນການເຊື່ອມໂຍງ-ເຊື່ອມຈອດ. ໃນຖານະເປັນສະມາຊິກອາຊຽນ, ສປປ ລາວ ຈະສືບຕໍ່ຕັ້ງໜ້າເສີມຂະຫຍາຍຂີດຄວາມສາມາດຂອງຕົນ ແລະ ສະໜັບສະໜູນການຮ່ວມມືໃນທຸກຂົງເຂດວຽກງານທີ່ອາຊຽນໄດ້ຕົກລົງກັນ ເພື່ອໃຫ້ບັນລຸເປົ້າໝາຍຕາມແຜນພັດທະນາໃນດ້ານຕ່າງໆ ເຮັດໃຫ້ວິໄສທັດປະຊາຄົມອາຊຽນ 2025 ປາກົດຜົນເປັນຈິງ.

ລາວ ເປັນເຈົ້າພາບຈັດກອງປະຊຸມ ລັດຖະມົນຕີ ໄອຊີທີ ອາຊຽນ ຄັ້ງທີ 19 - DSC08537 - ລາວ ເປັນເຈົ້າພາບຈັດກອງປະຊຸມ ລັດຖະມົນຕີ ໄອຊີທີ ອາຊຽນ ຄັ້ງທີ 19

ໃນໂອກາດດຽວກັນນີ້, ທ່ານ ຮອງນາຍົກລັດຖະມົນຕີ ສອນໄຊ ສີພັນດອນ ມີຄໍາເຫັນຕໍ່ກອງປະຊຸມວ່າ: ປັດຈຸບັນ ເຕັກໂນໂລຊີນັບມື້ນັບມີການຂະຫຍາຍຕົວຢ່າງວ່ອງໄວ ແລະ ມີການພັດທະນາແບບກ້າວກະໂດດ ເຊິ່ງເປັນສ່ວນໜຶ່ງທີ່ສໍາຄັນໃນການດໍາລົງຊີວິດ ທັງຍັງເປັນປັດໄຈສໍາຄັນໃນການພັດທະນາເສດຖະກິດ-ສັງຄົມ ໃຫ້ມີການຂະຫຍາຍຕົວຢ່າງກວ້າງຂວາງ, ສ້າງທຸລະກິດຫຼາຍຮູບແບບ ແລະ ສ້າງຂະແໜງອຸດສາຫະກໍາໃໝ່ໆຂຶ້ນ, ທັງໄດ້ປ່ຽນວິທີການໃຫ້ບໍລິການປະຊາຊົນຂອງພາກລັດ, ການຮັກສາສຸຂະພາບ ແລະ ການສຶກສາ ເປັນຕົ້ນຕໍ. ເພື່ອໃຫ້ບັນລຸຄໍາຂວັນດັ່ງກ່າວ, ພວກເຮົາຕ້ອງສ້າງພື້ນຖານໂຄງລ່າງ ດ້ານໂທລະຄົມມະນາຄົມໃຫ້ມີຄວາມເຂັ້ມແຂງ, ​ສ້າງລະບົບການສື່ສານໃຫ້ມີປະສິດທິພາບ, ອຸປະກອນ ແລະ ເຄື່ອງມືຕ້ອງທັນສະໄໝ ພ້ອມທັງສົ່ງເສີມການສ້າງບຸກຄະລາກອນ ແລະ ການສ້າງນະວັດຕະກໍາໃໝ່ ເພື່ອຮັບມືກັບການຫັນປ່ຽນເຂົ້າສູ່ດີຈີຕອນ.

ລາວ ເປັນເຈົ້າພາບຈັດກອງປະຊຸມ ລັດຖະມົນຕີ ໄອຊີທີ ອາຊຽນ ຄັ້ງທີ 19 - lattana 1 - ລາວ ເປັນເຈົ້າພາບຈັດກອງປະຊຸມ ລັດຖະມົນຕີ ໄອຊີທີ ອາຊຽນ ຄັ້ງທີ 19
error: Content is protected !!