ມອບ-ຮັບໜ້າທີ່ຫົວໜ້າຫ້ອງວ່າການສູນກາງພັກ ແລະ ຫົວໜ້າຄະນະໂຄສະນາອົບຮົມສູນກາງພັກ

ມອບ-ຮັບໜ້າທີ່ຫົວໜ້າຫ້ອງວ່າການສູນກາງພັກ ແລະ ຫົວໜ້າຄະນະໂຄສະນາອົບຮົມສູນກາງພັກ - advert banner 728 90 728x90 - ມອບ-ຮັບໜ້າທີ່ຫົວໜ້າຫ້ອງວ່າການສູນກາງພັກ ແລະ ຫົວໜ້າຄະນະໂຄສະນາອົບຮົມສູນກາງພັກ

ສູນ​ກາງພັກ​ປະຊາຊົນ​ປະຕິວັດ​ລາວ ​ໄດ້​ຕົກລົງແຕ່ງ​ຕັ້ງ​ສະຫາຍ ຄຳພັນ ພົມມະທັດ ກໍາ​ມະ​ການ​ກົມ​ການ​ເມືອງ​ສູນ​ກາງ​ພັກ, ຫົວໜ້າຫ້ອງວ່າການສູນກາງພັກ ​ໄປ​ຮັບ​ໜ້າ​ທີ່​ໃໝ່​ເປັນຫົວໜ້າຄະນະໂຄສະນາອົບຮົມສູນກາງພັກ ​ແລະ ​ຕົກລົງ ​ແຕ່ງຕັ້ງສະຫາຍ ກິແກ້ວ ໄຂຄຳພິທູນ ເລຂາທິການ​ສູນ​ກາງ​ພັກ, ຫົວໜ້າຄະນະໂຄສະນາອົບຮົມສູນກາງພັກ​ໄປ​ຮັບ​ໜ້າ​ທີ່​ໃໝ່, ພ້ອມ​ທັງ​ໄດ້​ຕົກລົງ​ແຕ່ງ​ຕັ້ງສະຫາຍ ທອງສະລິດ ມັງໜໍ່ເມກ ກໍາມະການ​ສູນ​ກາງ​ພັກ, ຫົວໜ້າ​ສະ​ຖາ​ບັນ​ການ​ເມືອງ-ການ​ປົກຄອງ​​ແຫ່ງ​ຊາດ ເປັນຫົວໜ້າຫ້ອງວ່າການສູນກາງພັກ ຄົນໃໝ່.

ມອບ-ຮັບໜ້າທີ່ຫົວໜ້າຫ້ອງວ່າການສູນກາງພັກ ແລະ ຫົວໜ້າຄະນະໂຄສະນາອົບຮົມສູນກາງພັກ - new3 - ມອບ-ຮັບໜ້າທີ່ຫົວໜ້າຫ້ອງວ່າການສູນກາງພັກ ແລະ ຫົວໜ້າຄະນະໂຄສະນາອົບຮົມສູນກາງພັກ

  ພິທີມອບ-ຮັບໜ້າທີ່ສໍາຄັນ​ດັ່ງກ່າວ​ໄດ້​ມີ​ຂຶ້ນ​ໃນ​ວັນ​ທີ 24 ຕຸລາ​ນີ້,​ ​ໂດຍ​ໃຫ້​ກຽດ​ເຂົ້າ​ຮ່ວມ​ຂອງ​ສະຫາຍ ບຸນຍັງ ວໍລະຈິດ ​ເລຂາທິການ​ໃຫຍ່ຄະນະ​ບໍລິ​ຫານ​ງານ​ສູ​ນກາງ​ພັກ​ປະຊາຊົນ​ປະຕິວັດ​ລາວ, ປະທານ​ປະ​ເທດ​ແຫ່ງ ສປປ ລາວ. ​

ມອບ-ຮັບໜ້າທີ່ຫົວໜ້າຫ້ອງວ່າການສູນກາງພັກ ແລະ ຫົວໜ້າຄະນະໂຄສະນາອົບຮົມສູນກາງພັກ - lattana 1 - ມອບ-ຮັບໜ້າທີ່ຫົວໜ້າຫ້ອງວ່າການສູນກາງພັກ ແລະ ຫົວໜ້າຄະນະໂຄສະນາອົບຮົມສູນກາງພັກ
ມອບ-ຮັບໜ້າທີ່ຫົວໜ້າຫ້ອງວ່າການສູນກາງພັກ ແລະ ຫົວໜ້າຄະນະໂຄສະນາອົບຮົມສູນກາງພັກ - 212707827712 n - ມອບ-ຮັບໜ້າທີ່ຫົວໜ້າຫ້ອງວ່າການສູນກາງພັກ ແລະ ຫົວໜ້າຄະນະໂຄສະນາອົບຮົມສູນກາງພັກ

  ໂອກາດນີ້, ສະຫາຍ ບຸນຍັງ ວໍລະຈິດ ໄດ້​ໃຫ້​ກຽດໂອ້ລົມ​ຊີ້​ນໍາວ່າ:​ ການ​ຊັບ​ຊ້ອນ​ໜ້າ​ທີ່ຂອງ​ສະມາຊິກ​ພັກ-ພະນັກງານ​ລະດັບ​ສູງ​ນີ້, ​ແມ່ນ​ເຫດການປົກກະຕິຂອງ​ການ​ປັບປຸງກົງຈັກ​ການຈັດ​ຕັ້ງ​ຂອງພັກ-ລັດ​ຖະບານ​ເຮົາ ​ເພື່ອ​ໃຫ້​ສອດຄ່ອງ​ກັບ​ຄວາມ​ຮຽກຮ້ອງ​ຕ້ອງການ​ຂອງ​ໜ້າ​ທີ່​ການ​ເມືອງ​ໃນ​ໄລຍະ​ໃໝ່, ພ້ອມ​ທັງ​ເນັ້ນ​​ໃຫ້ການນຳທຸກຂັ້ນ ກໍຄືຜູ້ທີ່ໄດ້ຮັບໜ້າທີ່ໃໝ່ໃຫ້ສືບຕໍ່​ເອົາ​ໃຈ​ໃສ່ຊີ້ນຳ-ນຳພາວຽກ​ງານສຶກສາອົບຮົມແນວຄິດຂອງສະມາຊິກພັກ​-ພະນັກງານ ໃຫ້​ມີ​ຄວາມ​ໜັກ​ແໜ້ນ, ​ເພີ່ມ​ທະວີ​ຄວາມ​ສາມັກຄີ​ເປັນ​ປືກ​ແຜ່ນ​ ເພື່ອຮັບປະກັນ​ບໍ່​ໃຫ້​ເກີດ​ມີ​ປາກົດການສວຍໂອກາດ​ໃນ​ໜ້າ​ທີ່​ໄປ​ໃນ​ທາງ​ທີ່​ບໍ່​ເໝາະ​ສົມ ຫລື​ການທັບຖົມໂຈມຕີກັນໃນທາງທີ່ບໍ່ດີຕ່າງໆ, ອັນໃດທີ່ເປັນຜົນສຳເລັດທີ່ໄດ້ນຳພາ ແລະ ຈັດຕັ້ງປະຕິບັດໃນໄລຍະຜ່ານມາໃຫ້ພ້ອມກັນປົກປັກຮັກສາ ແລະ ເສີມຂະຫຍາຍໃຫ້ດີຂຶ້ນເລື້ອຍໆ, ສ່ວນອັນໃດທີ່ຍັງອ່ອນ ແລະ ​ເປັນຂໍ້ຄົງຄ້າງກໍໃຫ້ພ້ອມ​ກັນເລັ່ງປັບປຸງແກ້ໄຂ​ໃຫ້​ໝົດ​ໄປ ເພື່ອສືບຕໍ່ນຳພາພະນັກງານສະມາຊິກພັກປະຕິບັດວຽກງານເປັນເສນາທິການໃຫ້ສູນການພັກ ກໍຄືກົມການເມືອງ, ຄະນະເລຂາທິການສູນກາງພັກ ໃຫ້ນັບມື້ໄດ້ຮັບການປັບປຸງດີຂຶ້ນເລື້ອຍໆ.​

error: Content is protected !!