ບັນຫາ​ຄົນ​ຂໍທານ​ຍັງ​ແກ້ບໍ່ຕົກ

ບັນຫາ​ຄົນ​ຂໍທານ​ຍັງ​ແກ້ບໍ່ຕົກ - advert banner 728 90 728x90 - ບັນຫາ​ຄົນ​ຂໍທານ​ຍັງ​ແກ້ບໍ່ຕົກ

ປັດຈຸບັນ, ສະພາບຄົນຂໍທານໃນຕົວເມືອງແມ່ນພົບເຫັນຫລາຍຂຶ້ນ, ໂດຍ ສະເພາະໃນຍ່ານທີ່ມີຮ້ານອາຫານຍິ່ງພົບເຫັນຫລາຍ, ຊຶ່ງມີທັງຜູ້ບ້າ​ໃບ້ເສຍຈິດ, ພິການ ແລະ ຜູ້​ມີ​ຮ່າງກາຍ​ສົມບູນແຂງແຮງກໍ​ມີ​ຫລາຍ, ຊຶ່ງນອກຈາກຈະເປັນພາບອັນບໍ່ຈົບງາມຕໍ່ສາຍຕານັກທ່ອງທ່ຽວແລ້ວ, ຍັງສ້າງຄວາມລໍາຄານໃຫ້ປະຊາຊົນກໍຄືຜູ້ປະ ກອບການຂາຍອາຫານຕ່າງໆ, ເນື່ອງຈາກວ່າຄົນຂໍທານສ່ວນຫລາຍແມ່ນຈະເຂົ້າໄປໃນຮ້ານເພື່ອຂໍເງິນນໍາແຂກ ຫລື ລູກຄ້າທີ່ມາໃຊ້ບໍລິການໂດຍກົງຈົນ​ບາງ​ຮ້ານ​ກໍ​ເຖິງ​ຂັ້ນ​ຂຽນປ້າຍ​ເຕືອນ​ລູກ​ຄ້າ​ຫ້າມ​ເອົາ​ເງີ​ນ​ໃຫ້​ຄົນຂໍທານ ​ແລະ ອື່ນໆ.

ບັນຫາ​ຄົນ​ຂໍທານ​ຍັງ​ແກ້ບໍ່ຕົກ - new3 - ບັນຫາ​ຄົນ​ຂໍທານ​ຍັງ​ແກ້ບໍ່ຕົກ

      ​ເຈົ້າ​ຂອງ​ຮ້ານ​ອານ​ຫານ​ແຫ່ງໜຶ່ງ​​ໃນເຂດ​ແຄມ​ຂອງ​ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ບັນຫາ​ຄົນຂໍທານ​ນີ້​ໄດ້​ສ້າງ​ຄວາມໜັກ​ໃຈຫລາຍ​ໃຫ້​ສັງຄົມ, ​ໂດຍ​ສະ​ເພາະ​ແມ່ນ​ຜູ້​ປະກອບ​ການ​ຮ້ານ​ອາຫານ, ​ເນື່ອງ​ຈາກ​ພວກ​ເຂົາຈະ​ມັກ​ເຂົ້າ​ມາ​ຂໍທານ​ນຳ​ແຂກ​, ​ເຮັດ​ໃຫ້​ລູກ​ຄ້າ​ເກີດ​ຄວາມ​ລຳ​ຄານ, ຊຶ່ງ​ໃນ​ແຕ່​ລະ​ວັນ​ກໍ​ຈະ​ມີ​ທັງ​ເດັກນ້ອຍ ​ແລະ ຜູ້​ໃຫຍ່ ວົນວຽນ​ເຂົ້າ​ມາ​ໃນ​ຮ້ານ​ເປັນ​ປະຈຳ ​ໂດຍ​ສະ​ເລ່ຍມື້ໜຶ່ງບໍ່ຕໍ່າ​ກ່ວາ 5 ຄົນ, ​ແລະ ຮ້ານ​ພວກ​ເຮົາ​ກໍ​ຈຳ​ເປັນ​ຕ້ອງ​ເອົາ​ເງີ​ນ​ໃຫ້ ບາງ​ຄັ້ງ​ກໍ​ເອົາ​ອາຫານ ຫລື ສິ່ງ​ຂອງ​ຕ່າງໆເພື່ອ​ບໍ່​ໃຫ້​​ເຂົ້າມາ​ສ້າງ​ຄວາມໜັກ​ໃຈ​ໃຫ້​ລູກ​ຄ້າ​.

​ເຈົ້າໜ້າທີ່ຮັກສາ​ຄວາມ​ສະຫງົບ ​ໃຫ້​ຮູ້​ວ່າ: ໄລຍະຜ່ານມາ, ເຖິງວ່າເຈົ້າໜ້າທີ່ກ່ຽວຂ້ອງ​ໄດ້​ເອົາ​ໃຈ​ໃສ່ແກ້ໄຂບັນຫາດັ່ງກ່າວມາ​ແລ້ວດ້ວຍຫລາຍຮູບການ ເຊັ່ນ: ຜູ້ໃບ້ບ້າເສຍຈິດ ຫລື ພິການຖ້າຫາກມີຄອບຄົວ ຫລື ຜູ້ປົກຄອງກໍສົ່ງກັບຄືນສູ່ຄອບຄົວເບິ່ງແຍງ, ຖ້າບໍ່ກໍແມ່ນຈັດສັນເຂົ້າໄປຢູ່ສູນບໍາບັດ, ສ່ວນຜູ້ທີ່ມີຮ່າງກາຍແຂງ ແຮງມາຈາກຕ່າງແຂວງກໍໄດ້ສົ່ງກັບຄືນເມືອມອບໃຫ້ອໍານາດການປົກຄອງທ້ອງຖິ່ນສຶກສາອົບຮົມບໍ່ໃຫ້ເຂົາເຈົ້າກັບຄືນມາຂໍທານອີກ. ແຕ່ປາກົດວ່າຄົນຂໍທານປະເພດນີ້ແມ່ນຍັງສືບຕໍ່ກັບຄືນມາເລາະຂໍທານໃນຕົວເມືອງນັບ​ຫລາຍ​ຂຶ້ນ, ໂດຍສະເພາະຢູ່ນະ ຄອນຫຼວງຈັນ, ເຊິ່ງຍັງບໍ່ສາມາດແກ້ໄຂໄດ້ຢ່າງຂາດຕົວ, ເນື່ອງຈາກພວກກ່ຽວມີຄວາມກຽດຄ້ານ ແລະ ບໍ່ມັກອອກແຮງງານ ເພື່ອພັດທະນາຄອບຄົວ, ຄົນຂໍທານ ປະເພດນີສ່ວນໃຫ່ຍແມ່ນມາເປັນຄອບຄົວ ແລະ ບາງຄົນກໍ​ຫອບ​ເອົາລູກເດັກແດງມາ​ພ້ອມ ​ແລະ ​ແຕ່​ລະມື້​ເຂົາ​ເຈົ້າ​ຈະ ພາກັນຍ່າງເລາະຂໍທານຕາມສາຍທາງຕ່າງໆໃນຕົວເມືອງ, ຕົກແລງມາກໍໄປເຕົ້າໂຮມກັນຢູ່ຕາມສວນສາທາລະນະ, ວັດ ແລະ ສະຖານທີ່ຕ່າງໆ, ບາງຄັ້ງມີການຊື້ເຫຼົ້າເບຍມາດຶ່ມຢ່າງເມົາມັນໂດຍບໍ່ສົນໃຈຕໍ່ສາຍຕາປະຊາຊົນທີ່ຜ່ານໄປມາ.

ບັນຫາ​ຄົນ​ຂໍທານ​ຍັງ​ແກ້ບໍ່ຕົກ - lattana 1 - ບັນຫາ​ຄົນ​ຂໍທານ​ຍັງ​ແກ້ບໍ່ຕົກ

       ທ່ານຫົວໜ້າພະແນກແຮງງານ ແລະສະຫວັດດີການສັງຄົມນະຄອນຫລວງວຽງຈັນ ໄດ້ໃຫ້ສໍາພາດຕໍ່ນັກຂ່າວພວກເຮົາວ່າ: ພາຍຫລັງເຫັນວ່າສະພາບຄົນ​ຂໍທານ ຢູ່ ນະຄອນຫລວງ​ວຽງຈັນ ນັບ​ມື້ມີລັກສະນະເພີ່ມຂຶ້ນຫລາຍ, ໂດຍສະເພາະປະເພດຄົນໃບ້ບ້າເສຍຈິດ, ຊຶ່ງບາງຄົນກໍມີພຶດຕິກໍາເອົາເສດວັດຖຸຕ່າງໆດຶກແກວ່ງໃສ່ລົດຜູ້ທ່ຽວທາງ, ບາງຄົນກໍປະເປືອຍຍ່າງຕາມທາງ, ຊຶ່ງນັບວ່າເປັນພາບພົດບໍ່ເໝາະສົມແກ່ສັງຄົມ ອັນໄດ້ກາຍເປັນປະກົດການຫຍໍ້ທໍ້ໜຶ່ງທີ່ໜ້າເປັນຫວ່ງ ແລະ ຕ້ອງໃຫ້ໄດ້ຮັບການແກ້ໄຂໂດຍໄວ ແລະ ຜ່ານມາ​ຂະ​ແຫນງ​ກ່ຽວຂ້ອງ​ກໍ​ໄດ້​ເລ່ງ​ແກ້​ໄຂຈັດເກັບຄົນຂໍທານ, ເດັກ ເລ່ລ້ອນ ແລະ ຄົນໃບ້ບ້າເສຍຈິດທີ່ໄດ້ຮັບລາຍງານຈາກປະຊາຊົນ ຫລື ອໍານາດການປົກຄອງທ້ອງຖິ່ນ ເພື່ອເອົາໄປໄວ້ຢູ່ສູນສັງຄົມສົງເຄາະບ້ານສົມສະຫງ່າ, ເມືອງໄຊເສດຖາ ໄດ້ເປັນຈໍານວນຫລາຍ, ໃນນັ້ນສໍາລັບຜູ້ທີ່ມີສຸຂະພາບແຂງແຮງພາຍຫລັງເຈົ້າໜ້າທີ່ໄດ້ສຶກສາອົບຮົມແລ້ວ, ກໍໄດ້ສົ່ງກັບຄືນທ້ອງຖິ່ນບ້ານເກີດເມືອງນອນຂອງເຂົາເຈົ້າ ແລະ ປັດຈຸບັນ ຢູ່ ນະຄອນຫລວງ ຍັງ​ມີ​ຄົນ​ຂໍທານປະມານ 90 ກວ່າຄົນ​ເທົ່າ​ນັ້ນ, ສ່ວນໃຫຍ່ແມ່ນປະເພດໃບ້ບ້າເສຍຈິດ ແລະ ກໍມີຄວາມຫຍຸ້ງຍາກບໍ່ໜ້ອຍໃນການແກ້ໄຂ, ຊຶ່ງຈະຕ້ອງໄດ້ໃຊ້ຄວາມພະຍາຍາມອົດທົນສູງ, ຍ້ອນເຂົາເຈົ້າມີສະພາບບໍ່ຄືຄົນປົກກະຕິທົ່ວໄປ, ຂະນະດຽວກັນພະນັກງານ ແລະ ເຈົ້າໜ້າທີ່ຈະ​ສຸມ​ໃສ່ແກ້ໄຂບັນຫານີ້​ໃຫ້​ສະຫງົບ​ລົງ

 ຕໍ່ສະພາບດັ່ງກ່າວ, ເຈົ້າໜ້າທີ່ ຫລື ໜ່ວຍງານກ່ຽວຈະ​ຕ້ອງ​ໄດ້ນຳໃຊ້ມາດຕະການຢ່າງເດັດຂາດເພື່ອໃຫ້ກັບຄືນສູ່ທ້ອງຖິ່ນ, ພ້ອມທັງມອບໃຫ້ອຳນາດການປົກຄອງທ້ອງຖິ່ນຂອງພວກເຂົາຢູ່ນັ້ນເອົາໃຈໃສ່ໃນການສຶກສາອົບຮົມ​ໃຫ້​ເຂົາ​ເຈົ້າ​ກັບ​ມາ​ສຸມ​ໃສ່​ເຮັດ​ການ​ຜະລິດ ພ້ອມທັງປຸກລະດົມໃຫ້ພວກເຂົາຮູ້ໄດ້ເຖິງຄວາມສໍາຄັນຂອງກສຍອອກແຮງງານເພີ່ມພູນຜະລິດຜົນ,  ເພື່ອເປັນອາຫານ ແລະ ສີນຄ້າສ້າງລາຍຮັບ​ໃຫ້​ແກ່​ຄອບຄົວ​ມີ​ຢູ່​ມີ​ກິນ​ດີ​ຂຶ້ນ​ເທື່ອ​ລະ​ກ້າວ.

error: Content is protected !!