​ແກ້​ບັນຫາ​ດ້ວຍ​ມາດຕາ​ໃນກົດໝາຍ

​ແກ້​ບັນຫາ​ດ້ວຍ​ມາດຕາ​ໃນກົດໝາຍ - advert banner 728 90 728x90 - ​ແກ້​ບັນຫາ​ດ້ວຍ​ມາດຕາ​ໃນກົດໝາຍ

ໂດຍ: ວິ​ເສດ ສະ​ແຫວ​ງສຶກສາ

​ແກ້​ບັນຫາ​ດ້ວຍ​ມາດຕາ​ໃນກົດໝາຍ - new3 - ​ແກ້​ບັນຫາ​ດ້ວຍ​ມາດຕາ​ໃນກົດໝາຍ

ມາ​ພົບ​ກັນ​ຕາມ​ສັນຍາ​ວ່າ​ໄວ້ໃນ​ສະບັບ​ກ່ອນ​ວ່າ​ຈະ​ຂໍ​ສືບ​ຕໍ່​ເລື່ອງ​ກົດໝາຍ​ສະບັບ​ໃໝ່​ຢູ່​ບ້ານ​ເພິ່ນ​ເມືອງ​ທ່ານ ​ທີ່​ຕ້ອງ​ສຸມ​ໃສ່​ບັນຫາ​ນີ້ ກໍ​ເພື່ອ​ຕ້ອນຮັບ​ກອງ​ປະຊຸມ​ສະ​ໄໝ​ສາກົນ​ເທື່ອ​ທີ 8 ຂອງ​ສະພາ​ແຫ່ງ​ຊາດ​ໃນ​ເດືອນ​ພະຈິກ​ຊິ​ມາ​ນີ້, ບາງ​ທີ່​ມັນ​ອາດ​ຊ່ວຍ​ເພີ່ມ​ເຕີມ​ເສີມ​ຂໍ້​ຄິດ​ໃຫ້ ສສຊ ລາວ​ວ່າ ​ແມ່ນ​ຫຍັງ​ເຫັນ​ບັນຫາ​ຮີບ​ດ່ວນ​ຢູ່​ບ້ານ​​ເຮົາ​ທີ່​ຄວນ​ມີ​ກົດໝາຍ​ຄຸ້ມ​ຄອງ ​ໂດຍ​ໄວ.

ກົດໝາຍ​ທີ່​ສັນ​ຫາ​ມາ​ເລົ່າ​ສູ່​ຟັງ​ໃນ​ວັນ​ນີ້​ລວມມີ 2 ສະບັບ​ອ່າວ​ແປກ​ຈາກ ຟີ​ລິບ​ປິນ ​ແລະ ກົດໝາຍ​ທີ່​ໜ້າ​ສົນ​ໃຈ​ຈາກໂປໂລ (​ໂປແລນ) ປະ​ເທດ​ແດນ​ໄກ​ໃນ ​ເອີຣົບ.

ສຳລັບຢູ່ ຟີລິບປິນ ນັ້ນ, ຂໍ​ເລີ່​ມຈາກ​ກົດໝາຍ​ທີ່​ກຳນົດ​ໃຫ້​ນັກຮຽນ-ນັກ​ສຶກສາ​ປູກ​ຕົ້ນ​ໄມ້​ໃຫ້​ໄດ້​ຖົງ​ລະ 10 ຕົ້ນກ່ອນ​ຈົບ​ການ​ຮຽນ​ການ​ສຶກສາ​ຂອງ​ແຕ່ລະຄົນ.  ​ຟີ​ລິບ​ປິນ ​ໃນ​ປັດຈຸບັນ​ມີ​ນັກຮຽນ​ຂັ້ນປະຖົມ 12 ລ້ານ​ຄົນ, ຂັ້ນມັດທະຍົມ 5 ລ້ານ​ຄົນ ​ແລະ ຂັ້ນມະຫາວິທະຍາ​ໄລປະມານ 5 ​ແສນ​ຄົນ.

ກົດໝາຍ​ທີ່​ວ່າ​ນີ້​ຖືກ​ຮັບຮອງ​ເອົາ​ໃນ​ວັນ​ທີ 30 ພຶຶດສະພາ​ປີ​ນີ້, ​ເຊິ່ງທາງ​ການ ຟີ​ລິບ​ປິນ​ເຊື່ອ​ວ່າ​ມັນ​ຈະ​ຊ່ວຍ​ໃຫ້ ຟີ​ລິບ​ປິນມີ​ຕົ້ນ​ໄມ້​ປູກ​ໃໝ່​ໃນ​ແຕ່ລະ​ປີ​ໂດຍ​ນັກຮຽນ-ນັກ​ສຶກສາ​ຈຳນວນ 175 ລ້ານ​ຕົ້ນ.

ວ່າ​ກັນ​ວ່າ​ກົດໝາຍ​ນີ້​ແມ່ນ​ມາດ​ຕະການ​ຕໍ່ສູ້​ກັບ​ບັນຫາ​ໂລກ​ຮ້ອນ​ທີ່​ກໍ່​ໃຫ້​ເກີດ​ມີ​ໄພ​ທຳ​ມະ​ຊາດ​ນັບ​ມື້ຖີ່​ຂຶ້ນຢູ່ ຟີ​ລິບ​ປິນ.

ຟີລິບປິນ ​ເປັນ​ປະ​ເທດ​ໜຶ່ງ​ທີ່​ປະ​ເຊີນ​ກັບ​ສະພາບ​ ປອກໂລ້ນ ຍ້ອນ​ປ່າ​ໄມ້​ຖືກ ທຳລາຍ​ປະມານ 70% ​ໃນ​ສະ​ຕະວັດ​ທີ 20, ດຽວ​ນີ້​ປ່າ​ໄມ້​ຍັງ​ເຫລືອ​ພຽງ 20% ​ເທົ່າ​ນັ້ນ.

ກົດໝາຍ​ສະບັບ​ຕໍ່​ໄປ​ຂອງ ຟີ​ລິບ​ປິນປະກອບ​ມີ​ມາດຕາ​ທີ່​ຟັງ​ແລ້ວ​ຄື​ເປັນ​ເລື່ອງ​ຕະຫລົກ​ເພາະ​ມີ​ການ​ກຳນົດ​ໂທດ​ປັບ​ໄໝ ​ແລະ ລົງ​ໂທດ​ທາງ​ອາຍາ​ຜູ້​ທີ່​ສະ​ແດງ​ອອກ​ທາງ​ກາຍ ຫລື ວາຈາ ທີ່​ເປັນການ ຢອກຜູ້ສາວ”.

​ແກ້​ບັນຫາ​ດ້ວຍ​ມາດຕາ​ໃນກົດໝາຍ - lattana 1 - ​ແກ້​ບັນຫາ​ດ້ວຍ​ມາດຕາ​ໃນກົດໝາຍ

ລັກສະນະ​ການ​ຢອກ​ທີ່​ກົດໝາຍ​ສະບັບ​ນີ້​ໄດ້​ກຳນົດ​​ເປັນຄວາມ​ຜິດ​ນັ້ນ ​ໄດ້​ແກ່​ການ​ຜິວ​ປາກ, ການ​ໃຊ້​ທ່າ​ທາງ​ແບບ​ຍົ້ວຍວນ​ກໍ່ກວນ​ຊວນ​ໝຸດໝັດ​ໃສ່​ແມ່ຍິງ ຫລື ​ເພດ​ທີ 3 ຕາມ​ສະຖານ​ທີ່​ສາທາລະນະ​ຕ່າງໆ​ຫ້າມ ຢອກສາວ ນີ້​ໄດ້​ກຳນົດ​ໄວ້​ໃນ​ມາດຕາ​ໜຶ່ງ​ໃນ​ກົດໝາຍ​ວ່າ​ດ້ວຍ​ຄວາມ​ປອດ​ໄພ​ຕາມ​ທ້ອງ​ຖະໜົນ ຫລື ສະຖານ​ທີ່​ສາທາລະນະ​ຕ່າງໆ.

ການ​ຜິວ​ປາກ, ການ​ຢອກ​ລໍ້​ອໍ້​ແອ້ ຫລື ການສະ​ແດງ​ພຶດຕິ​ກຳ​ທີ່​ບໍ່​ເໝາະ​ສົມ​ດັ່ງກ່າວ​ທີ່​ບໍ່​ໄດ້​ຮັບ​ການ​ຍິນ​ຍອມ​ຈາກ​ຄົນ​ອື່ນ​ນັ້ນ ຈະ​ໄດ້​ຮັບ​ໂທດ​ຖືກ​ປັບ​ໄໝ ​ເປັນ​​ເງິນ​ລະຫວ່າງ  1 ​ແສນ ຫາ 5 ​ແສນເປໂຊ (ປະມານແຕ່ 16-58 ລ້ານກີບ) ຫລື ​ໄດ້​ໂທດ​ຈຳ​ຄຸກ (ຫລື ທັງ​ຈຳ​ຄຸກ​ທັງ​ປັບ).

ການ​ກຳນົດ​ໂທດ​ໄດ້​ລວມ​ເອົາ​ທັງ​ບຸກຄົນ, ນິຕິບຸກຄົນ ​ແລະ ຄົນ​ຕ່າງປະ​ເທດ ​ເຊິ່ງລ້ວນ​ແຕ່​ຕ້ອງ​ໄດ້​ຮັບຜິດຊອບ​ຕໍ່​ການ​ກະທຳ​ຂອງ​ຕົນ​ຕາມ​ບົດບາດ ​ແລະ ຖານະ​ທີ່​ແຕກ​ຕ່າງ​ກັນ. ກົດໝາຍ​ສະບັບ​ນີ້ ​ໄດ້​ຮັບ​ການ​ລົງ​ນາມ​ໂດຍ ທ່ານປະທານາທິບໍດີໂຣດຼິໂກ ດູເຕັກເຕ ​ໃນ​ເດືອນ ​ເມສາ​ປີ​ນີ້​ເອງ.

ສຳລັບ​ຢູ່​ປະ​ເທດ ໂປໂລ ນັ້ນລັດຖະສະພາ​ໄດ້​ອອກກົດໝາຍ​ຍົກ​ເວັ້ນການ​ເກັບ ພາສີ​ລາຍ​ຮັບ​ສ່ວນ​ບຸກຄົນ ສຳລັບ​ຜູ້​ທີ່​ມີ​ອາຍຸ​ຕຳ​ກວ່າ 26 ປີ, ​ເຊິ່ງມີ​ລາຍ​ຮັບ​ໜ້ອຍ​ກວ່າ 85 ພັນຊວດຕີ ຕໍ່ປີ​ (ສະກຸນເງິນໂປໂລເທົ່າກັບ 192 ລ້ານກີບ).

        ລາຍ​ໄດ້​ໂດຍ​ສະ​ເລ່ຍຕໍ່​ປີ​ຂອງ​ປະຊາຊົນ ​ໂປ​ໂລ​ຍ ​ແມ່ນ​ປະມານ 60 ພັນ​ຊວດ​ຕີ (ປະມານ 135 ລ້ານ​ກີບ) ​ແຕ່​ທີ່​ກົດໝາຍ​ໄດ້​ຍົກ​ເວັ້ນການ​ເກັບ​ພາສີ​ຜູ້ ມີ​ລາຍ​ຮັບ​ຫລຸດ 85 ພັນ​ຊວດ​ຕີ ​ເຊິ່ງມີ​ອາຍຸ​ຕ່ຳ​ກວ່າ 26 ປີນັ້ນ ​ແມ່ນ​ເພື່ອ​ດຶງດູດ​ບໍ່​ໃຫ້​ຊາວ​ໜຸ່ມ​ຫລັງ​ໄຫລ​ໄປ​ເຮັດ​ວຽກ​ຢູ່​ປະ​ເທດ​ອື່ນ ​ໃນ​ສະຫະພາບ​ເອີຣົບ ດັ່ງ​ທີ່​ເຄີຍ​ເປັນ​ມາ​ແລ້ວ​ ກົດໝາຍ​ນະ​ໂຍບາຍ​ພິ​ເສດ​ຕໍ່​ຊາວ​ໜຸ່ມ​ທີ່​ມີ​ຜົນ​ສັກສິດ​ນັບ​ແຕ່​ວັນ​ທີ 1 ​ເດືອນ​ສິງຫາ ປີ​ນີ້​ເປັນຕົ້ນມາ./.

​ແກ້​ບັນຫາ​ດ້ວຍ​ມາດຕາ​ໃນກົດໝາຍ - 22365241 - ​ແກ້​ບັນຫາ​ດ້ວຍ​ມາດຕາ​ໃນກົດໝາຍ
(ພາບປະກອບ)
error: Content is protected !!