ສິນ​ໄຊ ​ໄດ້​ຮັບ​ລາງວັນ​ໂຮງຮຽນ​ນິ​ເວດ​ອາ​ຊຽນຊັ້ນມັດທະຍົມ 2019

ສິນ​ໄຊ ​ໄດ້​ຮັບ​ລາງວັນ​ໂຮງຮຽນ​ນິ​ເວດ​ອາ​ຊຽນຊັ້ນມັດທະຍົມ 2019 - advert banner 728 90 728x90 - ສິນ​ໄຊ ​ໄດ້​ຮັບ​ລາງວັນ​ໂຮງຮຽນ​ນິ​ເວດ​ອາ​ຊຽນຊັ້ນມັດທະຍົມ 2019

ໂຮງຮຽນປະຖົມ ແລະ ມັດທະຍົມສົມບູນສິນໄຊ ເມືອງຈັນທະບູລີ ນະຄອນຫຼວງວຽງຈັນ ໄດ້ຮັບລາງວັນໂຮງຮຽນນິເວດອາຊຽນຊັ້ນມັດທະຍົມ ປະຈໍາປີ  2019, ສ່ວນຊັ້ນປະຖົມແມ່ນ ໂຮງຮຽນຊະນະພົນ ເມືອງ ສີໂຄດຕະບອງນະຄອນຫຼວງ ວຽງຈັນ ເຊິ່ງເປັນການນຳ ເອົາຊື່ສຽງມາສູ່ປະເທດຊາດ ກໍຄືຂະແໜງການສຶກສາ ຂອງລາວ. ພິທີມອບ-ຮັບ ລາງວັນດັ່ງກ່າວໄດ້ຈັດຂຶ້ນ ວັນທີ 8 ຕຸລາ ຜ່ານມານີ້, ທີ່ ນະຄອນຊຽງລຽບແຫ່ງລາ ຊະອານາຈັກກຳປູເຈຍ.

ສິນ​ໄຊ ​ໄດ້​ຮັບ​ລາງວັນ​ໂຮງຮຽນ​ນິ​ເວດ​ອາ​ຊຽນຊັ້ນມັດທະຍົມ 2019 - new3 - ສິນ​ໄຊ ​ໄດ້​ຮັບ​ລາງວັນ​ໂຮງຮຽນ​ນິ​ເວດ​ອາ​ຊຽນຊັ້ນມັດທະຍົມ 2019

ສິນ​ໄຊ ​ໄດ້​ຮັບ​ລາງວັນ​ໂຮງຮຽນ​ນິ​ເວດ​ອາ​ຊຽນຊັ້ນມັດທະຍົມ 2019 - 25974 - ສິນ​ໄຊ ​ໄດ້​ຮັບ​ລາງວັນ​ໂຮງຮຽນ​ນິ​ເວດ​ອາ​ຊຽນຊັ້ນມັດທະຍົມ 2019

ທ່ານ ນາງ ອາລີ ພົນ ເສນາ,  ຜູ້ອຳນວຍການໂຮງ ຮຽນປະຖົມ ແລະ ມັດທະຍົມ ສົມບູນສິນໄຊ ໃຫ້ສໍາພາດວ່າ: ການຄັດເລືອກໂຮງຮຽນ ນິເວດອາຊຽນແມ່ນ ອີງໃສ່ ມາດຕະຖານທີ່ ອາຊຽນກໍານົດສະເພາະການຄັດເລືອກ ຢູ່ລາວແມ່ນພະແນກສຶກສາ ທິການ ແລະ ກິລາ ນະຄອນ ຫລວງວຽງຈັນຮ່ວມກັບກົມສົ່ງເສີມຄຸນນະພາບສິ່ງ ແວດລ້ອມ, ກະຊວງຊັບພະ ຍາກອນທໍາມະຊາດ ແລະ ສິ່ງແວດລ້ອມຮັບຜິດຊອບ ຄັດເລືອກ. ສໍາລັບໂຮງຮຽນ ສິນໄຊ ໄດ້ເອົາໃຈໃສ່ໃນການ ຮຽນ-ການສອນ, ປະຕິບັດ ຫຼັກສູດຂອງກະຊວງສຶກສາ ທິການ ແລະ ກິລາວາງອອກ ແລະ ຮັບປະກັນໄດ້ 5 ຫຼັກມູນ ການສຶກສາ ແລະ 3 ລັກສະນະ, ຄຽງຄູ່ກັນນີ້ໂຮງຮຽນ ຍັງໄດ້ເອົາໃຈໃສ່ສຶກສາອົບ ຮົມນັກຮຽນໃຫ້ຮູ້ຈັກຮັກສາ ສິ່ງແວດລ້ອມ ແລະ ບໍ່ຖິ້ມຂີ້ເຫຍື່ອຊະຊາຍ.

ສິນ​ໄຊ ​ໄດ້​ຮັບ​ລາງວັນ​ໂຮງຮຽນ​ນິ​ເວດ​ອາ​ຊຽນຊັ້ນມັດທະຍົມ 2019 - lattana 1 - ສິນ​ໄຊ ​ໄດ້​ຮັບ​ລາງວັນ​ໂຮງຮຽນ​ນິ​ເວດ​ອາ​ຊຽນຊັ້ນມັດທະຍົມ 2019

ຜູ້ອຳນວຍການໂຮງຮຽນສິນໄຊ ໃຫ້ຮູ້ຕື່ມວ່າ:  ສິ່ງສຳຄັນແມ່ນສືບເນື່ອງມາຈາກທີ່ໂຮງຮຽນໄດ້ຮັບທຸງໄຊປະເພດ 1 ໂຮງຮຽນສີຂຽວສະອາດ ແລະ ມີຄຸນນະພາບຂັ້ນພະແນກສຶກສາທິການ ແລະ ກິລາ ນະຄອນຫຼວງວຽງຈັນຊຸດທຳອິດ ທີ່ ໄດ້ສືບຕໍ່ນຳພານັກຮຽນຮັກ ສາສິ່ງແວດລ້ອມດ້ວຍການປູກຈິດສຳນຶກໃນການແຍກ ຂີ້-ເຫຍື່ອ ກໍຄືນຳໃຊ້ສິ່ງເສດ ເຫຼືອໃຫ້ເປັນປະໂຫຍດ, ເປັນ ຕົ້ນໄດ້ນຳໃຊ້ສິ່ງເສດເຫຼືອອາຫານ, ພືດຜັກມາເຮັດຝຸ່ນ ຊີວະພາບ ແລະ ນ້ຳໝັກທີ່ ປອດສານພິດເພື່ອຫົດຕົ້ນໄມ້ດອກໄມ້ຕ່າງໆ ມີສວນ ສາທິດປູກພືດຜັກ ແລະ ນາເຂົ້າເພື່ອໃຫ້ນັກຮຽນໄດ້ຮຽນຮູ້ກະສິກຳເປັນຕົ້ນ ວິທີປູກຜັກ ແລະ ປູກເຂົ້າ ເພື່ອນຳໄປ ເຮັດຢູ່ເຮືອນພ້ອມມີສວນປູກຕົ້ນໄມ້ເປັນຢາຫຼາຍຊະນິດໃຫ້ນັກຮຽນໄດ້ສຶກສາ ຮຽນຮູ້ນອກນີ້ໂຮງຮຽນຍັງ ນຳໃຊ້ຕຸກນ້ຳດື່ມມາປະດິດສ້າງເປັນສື່ການຮຽນ-ການ ສອນສ້າງເປັນສິ່ງປະດິດ ເຂົ້າຮ່ວມການແຂ່ງຂັນໄດ້ຮັບລາງວັນທີ 1 ຫຼາຍຄັ້ງ, ຍ້ອນ ຜົນງານດັ່ງກ່າວນັ້ນໂຮງ ຮຽນສິນໄຊຈຶ່ງໄດ້ຖືກຄັດ ເລືອກເປັນຕົວແທນໃຫ້ລາວ ໄປຮັບລາງວັນໂຮງຮຽນນິເວດອາຊຽນ ຄັ້ງທີ 3 ປີ 2019 ຮ່ວມກັບບັນດາໂຮງຮຽນ 9 ປະເທດອາຊຽນອັນ ໄດ້ນຳເອົາຊື່ສຽງມາສູ່ປະ ເທດຊາດກໍຄືນະຄອນຫຼວງ ວຽງຈັນ ແລະ ໂຮງຮຽນສິນໄຊ./.

ສິນ​ໄຊ ​ໄດ້​ຮັບ​ລາງວັນ​ໂຮງຮຽນ​ນິ​ເວດ​ອາ​ຊຽນຊັ້ນມັດທະຍົມ 2019 - 3658 - ສິນ​ໄຊ ​ໄດ້​ຮັບ​ລາງວັນ​ໂຮງຮຽນ​ນິ​ເວດ​ອາ​ຊຽນຊັ້ນມັດທະຍົມ 2019
error: Content is protected !!