ສຳມະນາ “ການເປັນຜູ້ນຳ ແລະ ການພັດທະນາອາຊີບຂອງແມ່ຍິງ”

ສຳມະນາ “ການເປັນຜູ້ນຳ ແລະ ການພັດທະນາອາຊີບຂອງແມ່ຍິງ” - advert banner 728 90 728x90 - ສຳມະນາ “ການເປັນຜູ້ນຳ ແລະ ການພັດທະນາອາຊີບຂອງແມ່ຍິງ”

ສະມາຄົມນັກທຸລະກິດແມ່ຍິງລາວ ຮ່ວມກັບສະພາການຄ້າແລະ ອຸດສາຫະກຳເອີຣົບ ປະຈໍາລາວ (ECCIL)ແລະ ສະພາການຄ້າ ອົດສະຕາລີ ປະຈຳລາວ ໄດ້ຈັດສຳມະນາໃນຫົວຂໍ້ “ການເປັນຜູ້ນຳ ແລະ ການພັດທະນາອາຊີບຂອງແມ່ຍິງ” ຂຶ້ນໃນວັນທີ 24 ຕຸລານີ້ ທີ່ສູນຝຶກອົບຮົມແມ່ຍິງລາວ ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ນາງ ຈັນທະຈອນ ວົງໄຊ ປະທານ ສະມາຄົມນັກທຸລະກິດແມ່ຍິງລາວ, ທ່ານ ArnuadCaulierຜູ້ອໍານວຍການໃຫຍ່ ທະນາຄານລາວ-ຝຣັ່ງ, ທ່ານຮອງປະທານສູນກາງສະຫະພັນແມ່ຍິງລາວ ພ້ອມນັກວິທະຍາກອນ ແລະ ນັກສໍາມະນາກອນເຂົ້າຮ່ວມເປັນຈໍານວນຫລາຍ.

ສຳມະນາ “ການເປັນຜູ້ນຳ ແລະ ການພັດທະນາອາຊີບຂອງແມ່ຍິງ” - new3 - ສຳມະນາ “ການເປັນຜູ້ນຳ ແລະ ການພັດທະນາອາຊີບຂອງແມ່ຍິງ”

ທ່ານ ປະທານ ສະມາຄົມນັກທຸລະກິດແມ່ຍິງລາວ ກ່າວວ່າ: ໃນຍຸກແຫ່ງການເຊື່ອມໂຍງທາງດ້ານເສດຖະກິດນີ້, ການພົວພັນຮອບດ້ານໂດຍບໍ່ມີພົມແດນໃນຂະບວນວິວັດແຫ່ງການເຊື່ອມໂຍງດັ່ງກ່າວ, ມັນຮຽກຮ້ອງໃຫ້ມີຄວາມຮ່ວມມືກັນຫລາຍຝ່າຍ ເພື່ອຊ່ວຍກັນພັດທະນາເສດຖະກິດ ແລະ ດ້ານອື່ນໆຂອງໂລກໃຫ້ກ້າວໄປຕາມຍຸກສະໄໝ.ດັ່ງນັ້ນ, ຈິ່ງມີຄວາມຈໍາເປັນທີ່ຕ້ອງສ້າງຄວາມເຂັ້ມແຂງໃຫ້ຄົນຮຸ່ນໜຸ່ມທີ່ກໍາລັງມີຄວາມຄິດກຽມດໍາເນີນທຸລະກິດ, ໂດຍສະເພາະແມ່ນແມ່ຍິງຜູ້ໜຸ່ມນ້ອຍທີ່ກຽມສໍາເລັດການສຶກສາແລ້ວຊອກຫາວຽກເຮັດງານທໍາຢູ່ຍິ່ງໄດ້ເພີ່ມຄວາມກ້າຫານໃນການຕັ້ງຄວາມຫວັງກັບອາຊີບຂອງຕົນໃນອະນາຄົດ.

ສຳມະນາ “ການເປັນຜູ້ນຳ ແລະ ການພັດທະນາອາຊີບຂອງແມ່ຍິງ” - IMG 2595 - ສຳມະນາ “ການເປັນຜູ້ນຳ ແລະ ການພັດທະນາອາຊີບຂອງແມ່ຍິງ”

ເພື່ອໃຫ້ຜູ້ເຂົ້າຮ່ວມໄດ້ມີໂອກາດໄດ້ສົນທະນາ, ແລກປ່ຽນບົດຮຽນນໍາບັນດາທ່ານນັກວິທະຍາກອນ ທີ່ມາຈາກອາຊີບທີ່ແຕກຕ່າງກັນ, ຈະນໍາສະເໜີຫົວຂໍ້ຕ່າງໆຄື: ການດໍາເນີນທຸລະກິດປັດສະເຕີລາວ, ທຸລະກິດກະເປົາຈາກຜ້າໄຫມລາວ(NAREE), ທຸລະກິດກ່ຽວກັບ ຣີໄຊເຄິນ-ອາດລາວ, ເຄື່ອງຫັດຖະກໍາເຜົ່າ(Her works) ແລະ ກ່ຽວກັບການເຮັດຫນ້າທີ່ດັບເພີງໃນບໍລິສັດ.ການກ້າວຂຶ້ນເປັນຜູ້ນໍາພາໃນດ້ານຕ່າງໆ ທີ່ສາມາດພັດທະນາອາຊີບຂອງຕົນໄປໄດ້ດີນັ້ນ, ມັນສະແດງໃຫ້ເຫັນວ່າແມ່ຍິງເຮົາໄດ້ກ້າວຂ້າມສິ່ງກີດຂວາງ ເພື່ອກ້າວຂຶ້ນມາເປັນຜູ້ນໍາໄດ້ຢ່າງໜ້າເພິ່ງພໍໃຈ ພ້ອມພັດທະນາຄຸນນະພາບໃນການສ້າງບຸກຄະລາກອນຍິງໃຫ້ກາຍເປັນຜູ້ນໍາພາ, ສາມາດພັດທະນາອາຊີບໃຫ້ດີເດັ່ນໃນອະນາຄົດ, ໃນຖັນແຖວຂອງແມ່ຍິງລາວພວກເຮົາ.

ສຳມະນາ “ການເປັນຜູ້ນຳ ແລະ ການພັດທະນາອາຊີບຂອງແມ່ຍິງ” - lattana 1 - ສຳມະນາ “ການເປັນຜູ້ນຳ ແລະ ການພັດທະນາອາຊີບຂອງແມ່ຍິງ”

ໃນຍຸກໂລກາພິວັດນີ້, ມີແມ່ຍິງຫລາຍຄົນທີ່ປະສົບຜົນສໍາເລັດ ແລະ ມີບົດບາດເປັນແບບຢ່າງ,ມີວິທີການນໍາພາ ແລະ ວິທີການເປັນຜູ້ນໍາ, ແມ່ຍິງຫລາຍຄົນກໍສາມາດບໍລິຫານບໍລິສັດຕ່າງໆ, ບໍລິຫານໃນອົງການຈັດຕັ້ງຂອງລັດ ແລະ ອົງການຈັດຕັ້ງອື່ນໆ. ໃນຫລາຍກໍລະນີຜູ້ນໍາທີ່ເປັນແມ່ຍິງກໍໄດ້ປະເຊີນໜ້າກັບສິ່ງທ້າທາຍຕ່າງໆ, ເຊິ່ງແຕກຕ່າງຈາກເພື່ອນຮ່ວມງານເພດຊາຍຂອງຕົນຢ່າງຫລີກລ້ຽງບໍ່ໄດ້. ເພື່ອເປັນແຮງບັນດານໃຈ ແລະ ໃຫ້ກໍາລັງໃຈ ບັນດາແມ່ຍິງທີ່ຍັງໜຸ່ມນ້ອຍໃຫ້ມີຄວາມກ້າຫານ ແລະ ມີກໍາລັງໃຈໃນການສ້າງເປົ້າໝາຍໃນອາຊີບຂອງຕົນ.

error: Content is protected !!