ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ

ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ - advert banner 728 90 728x90 - ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ

ບໍລິສັດ ສະຕາ ໂທລະຄົມ ຈໍາກັດ ໄດ້ຈັດພິທີສະເຫລີມສະຫລອງ ເນື່ອງໃນໂອກາດວັນປະກາດໃຊ້ເຄື່ອງໝາຍການຄ້າ ຢູນີເທວ“UNITEL” ຄົບຮອບ 10 ປີ ແຫ່ງການດໍາເນີນທຸລະກິດດ້ານໂທລະຄົມຢູ່ລາວຢ່າງເປັນທາງການຂຶ້ນໃນວັນທີ 23 ຕຸລານີ້ ທີ່ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານສອນໄຊ ສີພັນດອນ ຮອງນາຍົກລັດຖະມົນຕີ, ທ່ານ ພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງ ປ້ອງກັນປະເທດ, ທ່ານ ຫງວຽນບາຮຸ່ງ ເອກອັກຄະລັດຖະທູດຜູ້ມີອໍານາດເຕັມແຫ່ງ ສສ ຫວຽດນາມປະຈໍາລາວ ເຂົ້າຮ່ວມນໍາດ້ວຍ.

ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ - new3 - ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ
ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ - IMG 2388 - ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ
ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ - IMG 2450 - ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ
ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ - IMG 120 - ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ

ທ່ານ ລີວ ແມ້ງ ຮ່າຜູ້ອຳນວຍການໃຫຍ່ ບໍລິສັດ ສະຕາ ໂທລະຄົມ ຈໍາກັດໄດ້ມີຄໍາເຫັນໃນພິທີວ່າ: ຕະຫລອດໄລຍະ10 ປີແຫ່ງການດຳເນີນທຸລະກິດດ້ານໂທລະຄົມມະນາຄົມຢູ່ລາວ, ບໍລິສັດ ສະຕາ ໂທລະຄົມຈໍາກັດ ໄດ້ເປັນສ່ວນໜຶ່ງໃນການສົ່ງເສີມ ແລະ ພັດທະນາເສດຖະກິດ-ສັງຄົມຂອງລາວ, ເຮັດໃຫ້ວຽກງານໂທລະຄົມມະນາຄົມ ແລະ ການສື່ສານຂອງລາວ ມີການຂະຫຍາຍຕົວຢ່າງກ້າວກະໂດດ, ປະຊາຊົນໃນຂອບເຂດທົ່ວປະເທດໄດ້ເຂົ້າເຖິງລະບົບໂທລະຄົມມະນາຄົມ ແລະ ການສື່ສານໄດ້ຢ່າງທົ່ວເຖິງ, ເຮັດໃຫ້ໄລຍະເສັ້ນທາງໃນການພົວພັນ ລະຫວ່າງ ແຂວງເຖິງເມືອງ ແລະ ເຂດຫ່າງໄກສອກຫລີກໄດ້ຍັບເຂົ້າໃກ້ກັນຫລາຍຂຶ້ນ.

ອາດເວົ້າໄດ້ວ່າ: ປັດຈຸບັນ, ບໍລິສັດ ສະຕາ ໂທລະຄົມໄດ້ຢືນຢູ່ ອັນດັບໜຶ່ງໃນລາວ,ເຊິ່ງພື້ນຖານໂຄງລ່າງລະບົບສົ່ງສັນຍານມືຖືທີ່ໃຫຍ່ ແລະ ກວ້າງຂວາງ, ປະກອບມີ 8.000 ສະຖານີສົ່ງສັນຍານຂອງລະບົບເຕັກໂນໂລຊີ 2G,3G,4G,4.5G,ດ້ວຍລະບົບສາຍສົ່ງແກ້ວໃຍແສງຕັ້ງແຕ່ພາກເໜືອເຖິງພາກໃຕ້ຂອງປະເທດລາວ ມີຄວາມຍາວເຖິງ 30.000 ກິໂລແມັດ ທີ່ປົກຄຸມພື້ນທີ່ໄດ້ຢ່າງກວ້າງຂວາງນັບທັງເຂດຫ່າງໄກສອກຫລີກຕ່າງໆ.ມີລູກຄ້ານໍາໃຊ້ບໍລິການຫລາຍກວ່າ 3 ລ້ານເລກໝາຍກວມເອົາ 56% ຂອງສ່ວນແບ່ງຕະຫລາດມືຖືໃນລາວ. ປັດຈຸບັນ, ບໍລິສັດ ສະຕາ ໂທລະຄົມ ໄດ້ປະກອບສ່ວນພັນທະໃຫ້ລັດຖະບານລາວ ລວມ 634 ລ້ານໂດລາສະຫະລັດ,ສ້າງວຽກເຮັດງານທຳໃຫ້ປະຊາຊົນລາວຫລາຍກວ່າ 2.000 ຄົນ, ມີຮ້ານຕົວແທນຈໍາໜ່າຍສິນຄ້າຫລາຍກ່ວາ 20.000 ຮ້ານໃນຂອບເຂດທົ່ວປະເທດ.

ຕະຫລອດໄລຍະ 10 ປີ ແຫ່ງການກໍ່ສ້າງ ແລະ ພັດທະນາຕົນເອງໃຫ້ເຕີບໃຫຍ່ເຂັ້ມແຂງ ແລະ ຢູນິເທວ ຍັງໄດ້ເອົາໃຈໃສ່ປະກອບສ່ວນຊ່ວຍເຫລືອສັງຄົມຢ່າງກວ້າງຂວາງ ເພື່ອແນໃສ່ຍົກສູງຄຸນນະພາບຊີວິດການເປັນຢູ່ຂອງປະຊາຊົນລາວບັນດາເຜົ່າຄື: ໂຄງການສະໜັບສະໜູນອີນເຕີເນັດໃຫ້ແກ່ໂຮງຮຽນຕ່າງໆໂດຍບໍ່ເສຍຄ່າ, ມອບທຶນຊ່ວຍເຫລືອປະຊາຊົນທີ່ໄດ້ຮັບຜົນກະທົບຈາກໄພພິບັດທາງທຳມະຊາດ, ມອບທຶນສະໜັບສະໜູນນັກຮຽນຜູ້ທີ່ທຸກຍາກຂາດເຂີນຢູ່ບັນດາເມືອງຕ່າງໆ, ພ້ອມໄດ້ຈັດຕັ້ງວຽກງານຝຶກອົບຮົມເພື່ອຍົກສູງຄວາມຮູ້ໃນການນໍາໃຊ້ລະບົບເທັກໂນໂລຊີຂໍ້ມູນຂ່າວສານ-ໂທລະຄົມມະນາຄົມໃຫ້ແກ່ພະນັກງານລັດຖະກອນ ເພື່ອນໍາໃຊ້ເຂົ້າໃນວຽກງານ ກໍຄືການພັດທະນາປະເທດຊາດໃຫ້ມີຄວາມຈະເລີນກ້າວໜ້າ.

ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ - lattana 1 - ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ

ຜູ້ອຳນວຍການໃຫຍ່ ບໍລິສັດ ສະຕາ ໂທລະຄົມ ຈໍາກັດ ໃຫ້ຮູ້ອີກວ່າ: ໃນຕໍ່ໜ້ານີ້ບໍລິສັດຈະສືບຕໍ່ພັດທະນາລະບົບເທັກໂນໂລຢີທີ່ທັນສະໄໝທີ່ສຸດ ເພື່ອສະໜອງການບໍລິການລະບົບ 5G,AI, virtual reality (VR), Big data ແລະ ອື່ນໆໄປພ້ອມໆກັບການໃຫ້ບໍລິການໃໝ່ໆຄື: ທະນາຄານດິຈິຕອນ,ລະບົບເຕັກໂນໂລຊີເພື່ອນໍາໃຊ້ເຂົ້າໃນບັນດາໂຄງການຂອງລັດຖະບານເອເລັກໂຕຣນິກຕ່າງໆອີກດ້ວຍ.

ໃນໂອກາດນີ້, ທ່ານລັດຖະມົນຕີກະຊວງປ້ອງກັນປະເທດ ກໍໄດ້ກ່າວສະແດງຄວາມຍ້ອງຍໍຊົມເຊີຍຢ່າງສຸດໃຈຕໍ່ບໍລິສັດທີ່ໄດ້ເອົາໃຈໃສ່ພັດທະນາດ້ານໂທລະຄົມມະນາຄົມ ແລະ ການສື່ສານ ໃຫ້ນັບມື້ທັນສະໄໝທຽບເທົ່າກັບປະເທດຕ່າງໆໃນພາກພື້ນ ແລະ ສາກົນ ແລະ ປະກອບສ່ວນສ້າງວຽກເຮັດງານທໍາໃຫ້ປະຊາຊົນລາວ,ປະກອບສ່ວນສໍາຄັນເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບ, ໃຫ້ທຶນສະໜັບສະໜູນຊ່ວຍເຫລືອສັງຄົມໂດຍດີຕະຫລອດມາ. ພ້ອມນີ້, ທ່ານລັດຖະມົນຕີກໍໄດ້ເນັ້ນໃຫ້ບໍລິສັດຈົ່ງສືບຕໍ່ພັດທະນາບໍລິສັດຂອງຕົນໃຫ້ນັບມື້ພັດທະນາໃຫ້ໜັກແໜ້ນກ້າວໄກທັນສະໄໝຍິ່ງຂຶ້ນ, ສືບຕໍ່ປະກອບສ່ວນສໍາຄັນເຂົ້າໃນການພັດທະນາເສດຖະກິດ-ສັງຄົມຂອງລາວ ໂດຍຕິດພັນກັບການປ້ອງການຊາດ-ປ້ອງກັນຄວາມສະຫງົບ ແລະ ຍາດແຍ່ງແຂ່ງຂັນໃຫ້ໄດ້ຜົນງານອັນໃຫຍ່ຫລວງກວ່າເກົ່າ.

ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ - IMG 1222 - ຢູນີເທວ ສະຫລອງວັນປະກາດໃຊ້ເຄື່ອງໝາຍການຄ້າ ຄົບຮອບ 10 ປີ

ເພື່ອຈາລຶກຄຸນງາມຄວາມດີຂອງບໍລິສັດ ສະຕາ ໂທລະຄົມ ຈໍາກັດ ທີ່ໄດ້ປະກອບສ່ວນເຂົ້າໃນການພັດທະນາຂົງເຂດວຽກງານໂທລະຄົມມະນາຄົມ ແລະ ການສ້າງສາພັດທະນາປະເທດຊາດ, ທ່ານ ພົນເອກ ຈັນສະໝອນ ຈັນຍາລາດ ໄດ້ຕາງ ໜ້າໃຫ້ລັດຖະບານຂຶ້ນປະດັບຫລຽນໄຊອິດສະຫລະຊັ້ນ I ແລະຫລຽນ​ໄຊພັດ​ທະ​ນາ​ຊັ້ນIໃຫ້ແກ່ ບໍລິສັດດັ່ງກ່າວ.ນອກນີ້, ທ່ານ ຫງວຽນບາຮຸ່ງ ກໍໄດ້ຕາງໜ້າລັດຖະບານ ສສ ຫວຽດນາມ ຂຶ້ນປະດັບຫລຽນໄຊແຮງງານຊັ້ນ IIIໃຫ້ແກ່ ບໍລິສັດອີກດ້ວຍ.

error: Content is protected !!