ຢ່າໃຫ້ ກົງລໍ້ ຕ້ອງພິການ

ຢ່າໃຫ້ ກົງລໍ້ ຕ້ອງພິການ - advert banner 728 90 728x90 - ຢ່າໃຫ້ ກົງລໍ້ ຕ້ອງພິການ

ໂດຍ: ມຶກບໍ່ແຫ້ງ

ຢ່າໃຫ້ ກົງລໍ້ ຕ້ອງພິການ - new3 - ຢ່າໃຫ້ ກົງລໍ້ ຕ້ອງພິການ

ສັງເກດໄດ້ດີວ່າ ພາຫະນະນັ້ນ ກ່ອນຈະຂັບເຄື່ອນໄປໄດ້ຢ່າງໝັ້ນຄົງ ມັນຮຽກຮ້ອງໃຫ້ ການໝູນຂອງກົງລໍ້ທັງໝົດຂອງມັນປິ່ນພ້ອມໆກັນ ດ້ວຍຄວາມໄວທີ່ສະໝໍ່າສະເໝີກັນ ແລະ ທຸ່ນທ່ຽງດີ ເຊິ່ງບໍ່ຕ່າງຫຍັງກັບການພັດທະນາທີ່ຂະແໜງການຕ່າງໆຕ້ອງຂະຫຍາຍຕົວໄປຄຽງຄູ່ກັນ ແລະ ຄົນໃນສັງຄົມ ກໍຄວນໄດ້ຮັບຜົນປະໂຫຍດຢ່າງເທົ່າທຽມກັນ.

ແຕ່ຄວາມຈິງອັນແສນເສົ້າຢູ່ບັນດາປະເທດໃນໂລກນີ້ ໂດຍສະເພາະ ປະເທດ ທີ່ກຳລັງພັດທະນາ ທີ່ອຸດົມສົມບູນ ໄປດ້ວຍຊັບພະຍາກອນ ທຳມະຊາດ ເຊັ່ນ ບໍ່ນໍ້າມັນ, ແຮ່ທາດ ລາຄາແພງ, ປ່າໄມ້ ອັນອຸດົມສົມບູນ ແລະ ອື່ນໆ ແຕ່ເຕັມໄປດ້ວຍຄວາມຄັດແຍ່ງ, ຄວາມທຸກຍາກ ແລະ ໄພອຶດຫິວ ເຊິ່ງຮາກເຫງົ້າອັນຕົ້ນຕໍກໍແມ່ນຈັນຍາບັນຂອງການພັດທະນາ ທີ່ຕອບສະໜອງຜົນປະໂຫຍດໃຫ້ຄົນພາຍໃນຊາດບໍ່ເທົ່າທຽມກັນ.

ເມື່ອເປັນເຊັ່ນນັ້ນ ບໍ່ສະເພາະ ແຕ່ກຸ່ມຄົນໜຶ່ງຈະຮັ່ງມີຂຶ້ນເກີນເຫດ ແຕ່ສັງຄົມຍັງຈະມີຄົນທຸກຍາກ ຢ່າງແຜ່ຫຼາຍ, ສິ່ງແວດລ້ອມຖືກທຳລາຍ ແລະ ການບໍລິການທາງດ້ານສາທາລະນະບໍ່ໄດ້ຮັບການປັບປຸງເທົ່າທີ່ ຄວນຈະເປັນ.

ໃນບົດຄົ້ນຄວ້າສະບັບໜຶ່ງຂອງ ອົງການສະຫະປະຊາຊາດ ເພື່ອການພັດທະນາ ເວົ້າວ່າ ໜຶ່ງໃນເຫດຜົນ ທີ່ເຮັດໃຫ້ ການພັດທະນາ ບໍ່ມີຄວາມຍືນຍົງ ແມ່ນອຳນາດທີ່ແຕກຕ່າງກັນໃນສັງຄົມ, ຄວາມບໍ່ສະເໝີພາບຍິງ-ຊາຍ, ລະຫວ່າງສູນກາງ ແລະທ້ອງຖິ່ນ, ລະຫວ່າງໃນເມືອງ ແລະ ຊົນນະບົດ, ລະຫວ່າງຄົນຮັ່ງ ແລະຄົນທຸກໃນປະເທດຕ່າງໆ, ທັງໃນປະເທດທີ່ເອີ້ນວ່າ “ພັດທະນາແລ້ວ” ຫຼື “ກຳລັງພັດທະນາ”.

ຢ່າໃຫ້ ກົງລໍ້ ຕ້ອງພິການ - lattana 1 - ຢ່າໃຫ້ ກົງລໍ້ ຕ້ອງພິການ

ຜູ້ທີ່ເຂັ້ມແຂງກວ່າ ໄດ້ກອບໂກຍເອົາ ຊັບພະຍາກອນທຳມະຊາດຈົນໝົດກ້ຽງ ແລະເອົາປຽບຜູ້ທີ່ອ່ອນນ້ອຍກວ່າ ເພື່ອຜົນປະໂຫຍດອັນຈໍ້ໆ ທີ່ຕ້ອງຊົດເຊີຍໂດຍອະນາຄົດ ຂອງສະພາບແວດລ້ອມທີ່ເສື່ອມໂຊມ ແລະ ຄວາມທຸກຍາກ, ຄວາມສ່ຽງ ຕໍ່ໄພພິບັດ.

ໃນທ່າມກາງທີ່ຊັບພະຍາກອນໃນໂລກກຳລັງບົກແຫ້ງລົງນີ້ ພວກເຮົາກໍຍິ່ງເຫັນຄວາມຟ້າວຟັ່ງ ໃນການໂກບໂກຍ ເອົາຊັບພະຍາກອນ ທີ່ເຫຼືອຢູ່. ຄວາມພະຍາຍາມ ໃນການຖີບຢັນຜູ້ທີ່ອ່ອນແອ ອອກຈາກວົງນອກ ກໍຍິ່ງຈະແຈ້ງ ແລະ ການຊຸກດັນໃຫ້ ລະບົບນິເວດໄປສູ່ການເສື່ອມໂຊມ, ການສູນພັນຂອງບັນດາ ຊີວະນາໆພັນ ນັ້ນກໍຍິ່ງເພີ່ມທະວີ ເພາະການຍາດຊີງນີ້ ບໍ່ມີທີທ່າທີວ່າຈະຫຼຸດໜ້ອຍຖອຍລົງ.

ເມື່ອເປັນເຊັ່ນນັ້ນ ມີແຕ່ການມອບອຳນາດໃຫ້ແກ່ຄົນທຸກຍາກ, ຜູ້ດ້ອຍໂອກາດ ແລະ ແມ່ຍິງ ກໍຄື ບັນດາປະເທດທີ່ກຳລັງພັດທະນາທັງຫຼາຍ ໃນໂລກນີ້ ມີສິດທິເຕັມສ່ວນໃນການ ກຳນົດຊາຕາກຳຂອງເຂົາເຈົ້າ ຈຶ່ງຈະສາມາດ ເກີດມີການປ່ຽນແປງໃນສັງຄົມ.

ສະຕິຕື່ນຕົວ ແລະ ທາງເລືອກນັ້ນ ບໍ່ມີຈັກເທື່ອດອກ ຈະເອົາເງິນຊື້ໄດ້ ແຕ່ຖ້າລົງທຶນຖືກບ່ອນ ກໍສາມາດຊ່ວຍໄດ້ບໍ່ໜ້ອຍ, ເຮັດແນວນັ້ນ ຄວາມກ້າວໜ້າ ຈຶ່ງຈະສາມາດດຳເນີນໄປຢ່າງຍືນຍົງ ບໍ່ດັ່ງນັ້ນ ກໍບໍ່ຕ່າງຫຍັງກັບກົງລໍ້ຂອງຍານພາຫະນະ, ດ້ານໜຶ່ງປິ່ນ ອີກດ້ານໜຶ່ງບໍ່ເຮັດວຽກ ການຂັບເຄື່ອນກໍບໍ່ຮ່ອນໄປໄກ ແລະ ຍືນຍົງໄດ້.

error: Content is protected !!