ລາວ​ຈະສະຫລອງວັນສ້າງຕັ້ງອົງການແຮງງານສາກົນຄົບຮອບ 100 ປີກາງເດືອນພະຈິກນີ້

ລາວ​ຈະສະຫລອງວັນສ້າງຕັ້ງອົງການແຮງງານສາກົນຄົບຮອບ 100 ປີກາງເດືອນພະຈິກນີ້ - advert banner 728 90 728x90 - ລາວ​ຈະສະຫລອງວັນສ້າງຕັ້ງອົງການແຮງງານສາກົນຄົບຮອບ 100 ປີກາງເດືອນພະຈິກນີ້

ໃນວັນ​ທີ 25 ຕຸລາ​​ນີ້, ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ​ ​ໄດ້​ຖະ​ແຫ​ລ່ງ​ໃຫ້​ຮູ້​ວ່າ: ປັດ​ຈຸ​ບັນ, ກະຊວງຂອງ​ຕົນ​​​ໄດ້ກະກຽມ​​ຫລາຍ​ກິດ​ຈະ​ກໍ​າ​ເພື່ອສະ​ເຫລີ​ມສະຫລອງວັນສ້າງຕັ້ງອົງການແຮງງານສາກົນ ILO ຄົບຮອບ 100 ປີ ​ແລະ ການຮ່ວມມືລະຫວ່າງ ສປປ ລາວ ແລະ ອົງການແຮງງານສາກົນຄົບຮອບ 55 ປີຂຶ້ນ​ໃນ​ກາງ​ເດືອນ​ພະຈິກ​ນີ້, ຊຶ່ງ​ປະກອບ​ມີ: ການຍ່າງເພື່ອສຸຂະພາບ,​ ສໍາມະນາໃຫ້ຄໍາປຶກສາດ້ານແຮງງານ, ການແຂ່ງຂັນສີມືແຮງງານ, ວາງສະແດງຮູບພາບການເຄື່ອນໄຫວວຽກງານຂອງອົງການແຮງງານສາກົນ ​ແລະ ກິດຈະ​ກໍາ​ອື່ນໆ ​ເພື່ອໂຄສະນາ, ປູກຈິດສໍານຶກໃຫ້ສັງຄົມໄດ້ຮັບຮູ້ ແລະ ເຂົ້າໃຈເຖິງການສົ່ງເສີມການມີວຽກເຮັດງານທໍາ, ຄວາມຕ້ອງການຂອງຕະຫລາດແຮງງານ, ການປົກປ້ອງ ແລະ ສົ່ງເສີມສິດຜູ້ອອກແຮງງານ ແລະ ຜູ້ໃຊ້ແຮງງານ, ພ້ອມ​ທັງເສີມຂະຫຍາຍວຽກງານດ້ານມະນຸດສະທໍາ, ເພີ່ມທະວີໃຫ້ການຊ່ວຍ​ເຫລືອຜູ້ອ່ອນແອ ແລະ ດ້ອຍໂອກາດໃນສັງຄົມ ໂດຍສະເພາະຜູ້ທຸກຍາກ, ແມ່ຍິງ ແລະ ຄົນພິການໃຫ້ມີສ່ວນຮ່ວມ ​ແລະ ​ເຂົ້າ​ເຖິງຂໍ້ມູນນຂ່າວສານດ້ານແຮງງານ ແລະ ອື່ນໆ. ນອກ​ນີ້, ​ເພື່ອສະແດງ​ເຖິງ ການປະກອບສ່ວນຂອງອົງການຈັດຕັ້ງຕ່າ​ງໆຂອງລາວ ແລະ ອົງການແຮງງານສາກົນເຂົ້າໃນວຽກງານພັດທະນາເສດຖະກິດ-ສົງຄົມ​ຂອງ​ຊາດ​ໃນຜ່ານມາ.

ລາວ​ຈະສະຫລອງວັນສ້າງຕັ້ງອົງການແຮງງານສາກົນຄົບຮອບ 100 ປີກາງເດືອນພະຈິກນີ້ - new3 - ລາວ​ຈະສະຫລອງວັນສ້າງຕັ້ງອົງການແຮງງານສາກົນຄົບຮອບ 100 ປີກາງເດືອນພະຈິກນີ້

  ທ່ານ​ລັດຖະມົນຕີ​ກະຊວງ​ດັ່ງກ່າວ ​ໃຫ້​ຮູ້​ວ່າ: ອົງການແຮງງານສາກົນສ້າງຕັ້ງຂຶ້ນໃນປີ 1919, ມີ​ສຳນັກງານ​ໃຫຍ່​ຕັ້ງຢູ່​ເຈນ​ນິວາ ປະ​ເທດ​ສະ​ວິສ​ເຊີ​ແລນ, ​ເປັນອົງການເຄືອຂ່າຍຂອງອົງການສະຫະປະຊາຊາດ, ​ມີ​ບົດບາດ​ໃນ​ການ​ປົກ​ປ້ອງສິດຜົນປະ​ໂຫຍ​ດດ້ານງານແຮງງານ​, ກຳນົດມາດຕະຖານແຮງງານ, ພັດທະນານະໂຍບາຍ ແລະ ແຜນງານປະຕິບັດ ເພື່ອສົ່ງເສີມສິດທິໃນການເຮັດວຽກ, ສ້າງຄວາມເຂັ້ມແຂງໃນການປົກປ້ອງສັງຄົມ ແລະ ສົ່ງເສີມວຽກທີ່ມີຄຸນຄ່າ ແລະ ເປັນທຳສຳລັບທຸກ​ຄົນ.

  ສຳລັບ ສປປ ລາວ, ໄດ້ເຂົ້າເປັນສະມາຊິກອົງການດັ່ງກ່າວໃນປີ 1964 ​ຕະຫລອດໄລຍະ 55 ປີທີ່ເປັນສະມາຊິກ, ສປປ ລາວ ໄດ້ໃຫ້ສັດຕະຍາບັນ ບັນດາສົນທິສັນຍາກັບອົງການນີ້ຈໍານວນ 10 ສະບັບ ​ແລະ ​ໄດ້​ຕັ້ງໜ້າແກ້​ໄຂ​ບັນຫາ ​ແລະ ​ພັດທະນາວຽກ​ງານ​ແຮງ​ງານ, ໄດ້​​ປັບປຸງ​ບັນດາ​ກົດໝາຍ ​ເຊັ່ນ: ກົດໝາຍວ່າດ້ວຍແຮງງານ, ກົດໝາຍວ່າດ້ວຍການປະກັນສັງຄົມ ​ແລະ ນິຕິ​ກຳ​ ຕ່າງໆທີ່ກ່ຽວຂ້ອງກັບການປົກປ້ອງສິດ ແລະ ຜົນປະໂຫຍດຂອງຜູ້ອອກແຮງງານ ແລະ ຜູ້ໃຊ້ແຮງງານ, ລວມ​ເຖິງການສ້າງຄວາມເຂັ້ມແຂງ​ໃຫ້​ແກ່ລະບົບການປົກປ້ອງສັງຄົມແຫ່ງຊາດ ແນໃສ່ຮັບປະກັນໃຫ້ການພັດທະນາເສດຖະກິດ ມີຄວາມໝັ້ນ​ທ່ຽງ, ສັງຄົມມີຄວາມສະຫງົບສຸກ ​ແລະ ຍຸຕິທຳ ປະຊາຊົນບັນດາ​ເຜົ່າມີຄວາມຢູ່​ດີ​ກິນ​ດີ ​ແລະ ຫລຸດ​ພົ້ນອອກ​ຈາກ​ຄວາມທຸກ​ຍາກ​ເທື່ອ​ລະ​ກ້າວ.

ລາວ​ຈະສະຫລອງວັນສ້າງຕັ້ງອົງການແຮງງານສາກົນຄົບຮອບ 100 ປີກາງເດືອນພະຈິກນີ້ - lattana 1 - ລາວ​ຈະສະຫລອງວັນສ້າງຕັ້ງອົງການແຮງງານສາກົນຄົບຮອບ 100 ປີກາງເດືອນພະຈິກນີ້
error: Content is protected !!