ລາວເປີດນຳໃຊ້ແອບການເກີດລູກທີ່ປອດໄພ

- Safety Born - ລາວເປີດນຳໃຊ້ແອບການເກີດລູກທີ່ປອດໄພ
- Untitled design - ລາວເປີດນຳໃຊ້ແອບການເກີດລູກທີ່ປອດໄພ

- Safety Born - ລາວເປີດນຳໃຊ້ແອບການເກີດລູກທີ່ປອດໄພວັນທີ 29 ພຶດສະພານີ້, ກະຊວງສາທາລະນະສຸກຮ່ວມກັບອົງການສະຫະປະຊາຊາດກອງທືນສຳລັບປະຊາກອນ (UNFPA), ທະນາຄານໂລກ ແລະ ອົງການມູນນິທິເພື່ອການໃຫ້ກຳເນີດ, ໄດ້ຈັດພິທີເປີດນຳໃຊ້ແອບເທິງມືຖື “ການເກີດລູກທີ່ປອດໄພ” ຂື້ນທີ່ກະຊວງດັ່ງກ່າວ, ໂດຍການເຂົ້າຮ່ວມຂອງທ່ານຮັກສາການຫົວໜ້າກົມການສຶກສາ ແລະ ຄົ້ນຄວ້າວິທະຍາສາດກະຊວງສາທາລະນະສຸກ, ມີຜູ້ຕາງໜ້າອົງການ UNFPA, ທະນາຄານໂລກ ແລະ ອົງການມູນນິທິເພື່ອການໃຫ້ກຳເນີດ, ພ້ອມດ້ວຍຂະແໜງການກ່ຽວຂ້ອງຕ່າງໆເຂົ້າຮ່ວມນຳດ້ວຍ.

ທ່ານຮັກສາການຫົວໜ້າກົມດັ່ງກ່າວ ໃຫ້ຮູ້ວ່າ: ແອບການເກີດລູກທີ່ປອດໄພແມ່ນເຄື່ອງມືທີ່ນຳໃຊ້ຜ່ານທາງໂທລະສັບມືຖືສະມາດໂຟນ, ເພື່ອໃຫ້ຂໍ້ມູນໂດຍກົງແກ່ຜູ້ຊ່ວຍເກີດລູກໃຫ້ເຂົ້າເຖິງຂໍ້ມູນໃໝ່ໆ, ໂດຍສະເພາະແມ່ນຄຳແນະນຳທີ່ມີຫລັກຖານດ້ານຄລີນິກ, ໃຫ້ການດູແລສຸກເສີນດ້ານການປະສູດ ແລະ ເຕັກນິກໃໝ່ໆຂັ້ນພື້ນຖານ, ໂດຍຂໍ້ມູນດັ່ງກ່າວສາມາດດາວໂຫລດເຂົ້າມາໃນໂທລະສັບມືຖືໄດ້ທຸກບ່ອນ, ເພື່ອສະໜອງຂໍ້ມູນເຂົ້າໃນໜ້າວຽກ ແລະ ໃຫ້ຄຳແນະນຳຕ່າງໆທີ່ສາມາດເຂົ້າເຖິງໄດ້ງ່າຍ, ມີການສ້າງເປັນວີດີໂອ, ມີບົດແນະນຳ ແລະ ລາຍການຢາຕ່າງໆ, ຊຶ່ງສາມາດໃຊ້ເປັນເຄື່ອງມືກ່ອນຝຶກອົບຮົມ, ໄລຍະຝຶກອົບຮົມ ແລະ ເປັນເຄື່ອງມືໃນການຊ່ວຍເກີດລູກໃນກໍລະນີສຸກເສີນ ຫລື ຢູ່ເຂດຫ່າງໄກສອກຫລີກ, ດ້ວຍເຄື່ອງມືທີ່ມີປະສິດທິພາບ ແລະ ມີເອກະສານອ້າງອິງຊັດເຈນ, ຈາກຂໍ້ມູນຕົວຈິງທີ່ນຳໃຊ້ໃນແອບເຫັນວ່າມີຜົນປະໂຫຍດຫລາຍຢ່າງໃນການຮັກສາສຸຂະພາບຂອງແມ່ ແລະ ເດັກ.

ທ່ານຮັກສາການຫົວໜ້າກົມ ກ່າວອີກວ່າ: ແອບການເກີດລູກທີ່ປອດໄພຖືກສ້າງຂື້ນ ແລະ ນຳໃຊ້ຢູ່ຫລາຍປະເທດມາແລ້ວ, ໂດຍສະເພາະຢູ່ທະວີບອາຟຣິ ກາ ແລະ ຍ້ອນຜົນປະໂຫຍດຂອງມັນປະເທດເຮົາຈຶ່ງໄດ້ນຳມາພັດທະນາ ແລະ ແປເປັນພາສາລາວນັບແຕ່ປີ 2012 ແລະ ມາຮອດປັດຈຸບັນຈຶ່ງສຳເລັດ ແລະ ເປີດນຳໃຊ້ແລ້ວ, ໂດຍໄດ້ຮັບການສະໜັບສະໜູນຈາກຫລາຍພາກສ່ວນ, ໂດຍສະເພາະແມ່ນອົງການຈັດຕັ້ງສາກົນ ແລະ ຄູ່ຮ່ວມພັດທະນາ, ເຊື້ອວ່າການເປີດນຳໃຊ້ແອັບດັ່ງກ່າວຈະຊ່ວຍໃຫ້ການຮັກສາສຸຂະພາບແມ່ ແລະ ເດັກໃນປະເທດເຮົາມີປະສິດທິຜົນຫລາຍຂື້ນ ແລະ ຈະຊ່ວຍເຮັດໃຫ້ອັດຕາການຕາຍຂອງແມ່ຫລຸດລົງ.

- Wave100S AD to Website 2020 0 - ລາວເປີດນຳໃຊ້ແອບການເກີດລູກທີ່ປອດໄພ
- WhatsApp Image 2020 05 27 at 5 - ລາວເປີດນຳໃຊ້ແອບການເກີດລູກທີ່ປອດໄພ
- WhatsApp Image 2020 05 27 at 5 - ລາວເປີດນຳໃຊ້ແອບການເກີດລູກທີ່ປອດໄພ
error: Alert: ເນື້ອຫາຂ່າວມີລິຂະສິດ !!