ຖືກປາກອີ່ມໃຈ ຕ້ອງໄປຮ້ານ ຄິງບຸບເຟ້

ຖືກປາກອີ່ມໃຈ ຕ້ອງໄປຮ້ານ ຄິງບຸບເຟ້ - advert banner 728 90 728x90 - ຖືກປາກອີ່ມໃຈ ຕ້ອງໄປຮ້ານ ຄິງບຸບເຟ້

ປັດຈຸບັນ ອາຫານບຸບເຟ້ທະເລ ໄດ້ກາຍເປັນທີ່ນິຍົມກັນກິນຫຼາຍທີ່ສຸດ, ເພາະປະເທດເຮົາເປັນປະເທດທີ່ບໍ່ມີຊາຍແດນຕິດກັບທະເລ ຈຶ່ງເປັນການຍາກທີ່ຈະໄດ້ກິນອາຫານຊະນິດນີ້. ແຕ່ມາຮອດປັດຈຸບັນໄດ້ມີການນໍາເຂົ້າມາຈົນກາຍເປັນທຸລະກິດຂອງຄົນລາວໄປສາແລ້ວ, ພ້ອມທັງມີຫຼາຍຮ້ານໄວ້ຄອຍໃຫ້ບໍລິການເຊິ່ງສາມາດເລືອກກິນ, ເລືອກໃຊ້ບໍລິການເພື່ອຄວາມຖືກປາກ ແລະ ປະທັບໃຈຂອງຄວາມແຊບຊ້ອຍຂອງມັນດັ່ງຮ້ານອາຫານຄິງບຸບເຟ້ ຕັ້ງຢູ່ຖະໜົນທ່າເດື່ອ ຂ້າງຄ້າຍທະຫານຈີ່ນາຍໂມ້ ຕິດກັບສະຖາບັນການເງິນ ໄພສານລ້ານຊ້າງ (ມີແຜນທີ່ຢູ່ດ້ານລຸ່ມ) .

ຖືກປາກອີ່ມໃຈ ຕ້ອງໄປຮ້ານ ຄິງບຸບເຟ້ - new3 - ຖືກປາກອີ່ມໃຈ ຕ້ອງໄປຮ້ານ ຄິງບຸບເຟ້

ເປີດໃຫ້ບໍລິການມາແລ້ວ 1 ປີ ຮອງຮັບໄດ້ 300 ກວ່າຄົນ, ເລີ່ມເປີດຕັ້ງແຕ່ເວລາ 17:00 – 23:00 ໂມງຂອງທຸກໆມື້, ມີອາຫານຫຼາຍກວ່າ 80 ເຍື່ອງ, ທີ່ສົດໃໝ່ ແລະ ມີຄວາມປອດໄພສູງໂດຍສະເພາະປະເພດອາຫານທະເລແມ່ນນໍາເຂົ້າມາຈາກປະເທດເພື່ອນບ້ານ ແລະ ມີການຄັດເລືອກເອົາມາດີທີ່ສຸດຄື: ປາແຊວມອນຕ້ອງສົດ, ກຸ້ງໂຕໃຫຍ່ເປັນພິເສດ. ສ່ວນປະເພດຊີ້ນໝູແມ່ນນໍາໃຊ້ຜະລິດຕະພັນຂອງຊີພີຢູ່ບ້ານເຮົາ ແລະ ຈະເອົາມາຊອຍເອງກັບທີ່ຢູ່ຮ້ານເລີຍ. ສໍາລັບແຈ່ວກໍແຊບໆບໍ່ມີຮ້ານໃດຄືເພາະນໍ້າແຈ່ວຈະເປັນເອກະລັກຂອງຮ້ານ.

ຄິງບຸບເຟ່ເປັນຮ້ານທີ່ຕອບສະໜອງຄວາມຕ້ອງການຂອງລູກຄ້າໄດ້ເປັນຢ່າງດີເພາະຈະເນັ້ນທັງປີ້ງ, ດາດ ແລະ ຈຸ່ມລູກຄ້າສາມາດກິນໄດ້ແບບຈຸໃຈໄປເລີຍໃນລາຄາ 89.000 ກີບ (ສໍາລັບຜູ້ໃຫຍ່), 45.000 ກີບ (ສໍາລັບເດັກນ້ອຍສູງບໍ່ເກີນ 130 ຊັງຕີແມັດ), ສ່ວນເດັກນ້ອຍສູງບໍ່ເກີນ 100 ຊັງຕີແມັດແມ່ນບໍ່ຄິດໄລ່ໃດໆ.

ພິເສດສໍາລັບລູກຄ້າທ່ານໃດທີ່ໄປກິນແບບຄອບຄົວກໍສາມາດເອົາເດັກນ້ອຍໄປໄດ້ເພາະທາງຮ້ານຈະມີພິດຊ່າ, ຂາໄກ່, ເຟນຟາຍ, ສະປາເກັດຕີ້ ໄວ້ໃຫ້ສະເພາະເດັກນ້ອຍໄດ້ກິນນໍາອີກ, ຈຸດນີ້ເອງໄດ້ກາຍເປັນສິ່ງປະທັບໃຈຂອງລູກຄ້າ ແລະ ບໍ່ມີຮ້ານໃດເຮັດມາກ່ອນ.

ສໍາລັບລູກຄ້າທີ່ເຂົ້າໃຊ້ບໍລິການຮ້ານດັ່ງກ່າວເພິ່ນມີໂປຣໂມຊັນໃຫ້ອີກຄື ເມື່ອສັ່ງຊື້ເບຍ 3 ແກ້ວ ຈະແຖມໃຫ້ 1 ແກ້ວພ້ອມດ້ວຍຄູ່ປອງ 1 ໃບ ເພື່ອລຸ້ນຊີງໂຊກຮັບລາງວັນເປັນຄຳ1 ສະຫຼຶງ, ເສື້ອ ແລະ ຄັນຮົ່ມທີ່ບໍລິສັດເບຍລາວຈັດຂຶ້ນແລະ ໃນໃນອາທິດຜ່ານມາທາງບໍລິສັດເບຍລາວເຫັນວ່າຮ້ານຄິງບຸບເຟ້ມີລູກຄ້າເຕັມຕະຫລອດ ຈຶ່ງຈັດຂອງແຈກແຖມ ແລະ ມອບລາງວັນທອງຄຳໃຫ້ກັບລູກຄ້າທີ່ຮ້ານຄິງບຸບເຟ້ ແລະ ຍັງມີຈັດແບບນີ້ໄປອີກເລື້ອຍໆໃນທຸກໆທ້າຍເດືອນ.

ຖືກປາກອີ່ມໃຈ ຕ້ອງໄປຮ້ານ ຄິງບຸບເຟ້ - lattana 1 - ຖືກປາກອີ່ມໃຈ ຕ້ອງໄປຮ້ານ ຄິງບຸບເຟ້

ດ້ານສະຖານທີ່ກໍອໍານວຍຄວາມສະດວກໄດ້ດີ, ໂລ່ງ, ສະບາຍ, ສະອາດ, ນັ່ງກິນແບບສະບາຍໆໄປພ້ອມກັບສຽງເພັງເບົາໆເພາະທາງຮ້ານມີດົນຕີຟົກຊອງນຳ, ຖ້າໃຜໄດ້ໄປໃຊ້ບໍລິການແລ້ວນອກຈາກຈະໍ່ໄດ້ໄປກິນບຸບເຟແລ້ວຍັງໄດ້ບັນຍາກາດເໝືອນຮ້ານເບຍເຊິ່ງເຮັດໃຫ້ເປັນການດຶງດູດໃຈຂອງລູກຄ້າອີກທາງໜຶ່ງ.

ທ່ານນາງ ຂັນສະແຫວງ ພິມມະສອນ, ຜູ້ບໍລິຫານຮ້ານອາຫານ ຄິງບຸບເຟ້ ໃຫ້ຮູ້ວ່າ: ຮ້ານພວກເຮົາມີອາຫານແຊບທຸກຢ່າງ, ມີບັນຍາກາດດີ, ບໍລິການເປັນເລີດ, ຕ້ອນຮັບດີ, ສະຖານທີ່ຝາກລົດສະບາຍໂດຍບໍ່ເສຍຄ່າ, ໃຜໄດ້ມາກິນກໍຕິດໃຈກັບຄຸນນະພາບທີ່ມີເອກະລັກສະເພາະຂອງຮ້ານ. ສໍາລັບທ່ານ ໃດທີ່ຕ້ອງການຢາກໄປສໍາຜັດ ແລະ ກິນອາຫານທະເລແບບຄົບຊຸດ ແລະ ເຖິງໃຈທີ່ສຸດກໍສາມາດແວ່ມາຮ້ານຄິງບຸບເຟ້ນີ້ເລີຍ ຫຼື ຕ້ອງການລາຍລະອຽດກໍສາມາດຕິດຕໍ່ຫາເພິ່ນໄດ້ທີ່ເບີ 020 5555 8788 ຫຼື ຈະຕິດຕາມທາງເພດຂອງຮ້ານໄດ້ທີ່ King buffet ຄິງບຸບເຟ້ ໄດ້ ທຸກເວລາ.

error: Content is protected !!