ສະພາບ​ນ້ຳບົກ​ແຫ້ງ​ໄພພິບັດ​ມາບ​ອກ​ເຕືອນ​ຂົ່ມຂູ່

ສະພາບ​ນ້ຳບົກ​ແຫ້ງ​ໄພພິບັດ​ມາບ​ອກ​ເຕືອນ​ຂົ່ມຂູ່ - advert banner 728 90 728x90 - ສະພາບ​ນ້ຳບົກ​ແຫ້ງ​ໄພພິບັດ​ມາບ​ອກ​ເຕືອນ​ຂົ່ມຂູ່

​ໂດຍ: ທິດ​ກ່ຳ

ສະພາບ​ນ້ຳບົກ​ແຫ້ງ​ໄພພິບັດ​ມາບ​ອກ​ເຕືອນ​ຂົ່ມຂູ່ - new3 - ສະພາບ​ນ້ຳບົກ​ແຫ້ງ​ໄພພິບັດ​ມາບ​ອກ​ເຕືອນ​ຂົ່ມຂູ່

ກະ​ໂຕ​ນະຄອນ​ຫລວງ​ວຽງ​ຈັນ​ເຂດ​ໃດ​​ໄດ້​ໃຊ້​ນ້ຳປະປາ​ທີ່​ເອົາ​ມາ​ຈາກ​ແຫ​ລ່ງນ້ຳງື່ມ    ​ແມ່ນ​ມີ​ສະພາບ​ຂາດ​ມາ​ໄດ້​ຫລາຍ​ວັນ​ແລ້ວ ປາກົດການ​ນີ້​​ເລີ່​ມເກີດ​ຂຶ້ນມາແຕ່​ຕົ້ນ​ເດືອນ    ຕຸລານີ້ ​ໂດຍ​ສະ​ເພາະ​ແມ່ນ​ເຂດ​ເມືອງ​ໄຊ​ທາ​ນີ້, ​ໄຊ​ເສດ​ຖາ ​ແລະ ຈັນທະ​ບູລີ.

ຕາມ​ການ​ໃຫ້​ຂໍ້​ມູນ​ຂອງ ທ່ານ ນາງ ​ເພື່ອນ​ແສງ ​ໄຊ​ນາ​ຄຳ ຮອງ​ຜູ້ອຳນວຍການ ລັດ​ວິ ສະຫະ​ກິດ ນ້ຳປະປາ ນະຄອນຫລວງ​ວຽງ​ຈັນ​ໃຫ້​ຮູ້​ວ່າ: ປັດຈຸບັນ​ມີ​ຫລາຍ​ເຂດ​ຢູ່​ນະ ຄອນ​ຫລວງ​ວຽງ​ຈັນ ​ໂດຍ​ສະ​ເພາະ​ແມ່ນ​ເຂດ​ເມືອງ​ໄຊ​ທາ​ນີ, ​ໄຊ​ເສດ​ຖາ ​ແລະ ຈັນທະ​ບູລີ​ໄດ້​ຮັບ​ຜົນ​ກະທົບ​ຈາກ​ນ້ຳປະ​ປາ​ບໍ່​ມາ ຫລື ມາ​ກໍ​ພໍ​ໄຫລ​ຮິ່ນໆ​ຈອກໆ.

ອັນ​ສາ​ເຫດ​ກໍ​ຍ້ອນ​ວ່າ​ໂຮງງານ​ຜະລິດ​ນ້ຳປະປາ​ດົງ​ໝາກຄາຍ​ບໍ່​ສາມາດ​ຜະລິດ​ນ້ຳປະປາສະໜອງ​ໃຫ້​ຜູ້​ຊົມ​​ໃຊ້​ໄດ້​ຢ່າງ​ທົ່ວ​ເຖິງ​ເພາະວ່າ​ນ້ຳງື່ມມັນ​ບົກ​ແຫ້ງ​ຜິດ​ປົກກະຕິ​ກວ່າ​ປີ ຜ່ານໆ​ມາ.

ຈາກ​ສະພາບ​ດັ່ງກ່າວ, ​ເພື່ອ​ເປັນ​ການ​ແກ້​ໄຂ​ແບບ​ປັດຈຸບັນ​ທັນ​ດ່ວນ, ທາງ​ປະປາ​ນະຄອນຫລວງ​ໄດ້​ຕິດຕັ້ງຈັກສູບນ້ຳ​ເພິ່ນ​ໃນ​ປະລິມານ 20 ພັນ​ແມັດ​ກ້ອນ​ເພື່ອ​ສະໜອງ​ໃຫ້​ເປັນ​ປົກກະຕິ. ທ່ານ ຮອງ​ຫົວໜ້າ​ປະປາ​ນະຄອນຫລວງ​ຍັງ​ໄດ້​ແຈ້ງ​ຕື່ມ​ວ່າ: ສະພາບ​ນ້ຳງື່ມ​ໄດ້​ບົກ​ແຫ້ງ​ລົງ​ຈົນ​ຫວິດ​ຈາກ​ປາກ​ທໍ່ດູດ​ນ້ຳບໍ່​ສາມາດ​ດູດ​ເອົາ​ນ້ຳຂຶ້ນມາ​ຜະລິດ​ເປັນນ້ຳປະປາ​ໄດ້.

​        ໃນ​ໄລຍະ​ຜ່ານ​ມາ​ໂຮງງານ​ນ້ຳປະປາ​ດົງ​ໝາ​ກຄາຍ​ສາມາດ​ຜະລິດ​ໄດ້ 80 ພັນ​ແມັດ​ກ້ອນ​ຕໍ່​ມື້,   ​ແຕ່​ຕົກ​ມາ​ໃນ​ຊ່ວງຂາດ​ນ້ຳ​ໂຮງງານ​ໄດ້​ກາຍ​ເປັນ​ອຳມະພາດ​ມາ​ຫລາຍ​ວັນ​ແລ້ວ.

​        ແນວ​ໃດ​ກໍ​ຕາມ, ​ເພື່ອ​​ແກ້​ໄຂ​ສະພາບ​ວິ​ກິດ​ດ່ັງກ່າວ ທາງ​ປະປາ​ນະຄອນຫລວງ​ໄດ້​ຕິດຕັ້ງ​ເຄື່ອງ​ຈັກສູບນ້ຳ​ໃໝ່​ຕໍ່​ລົງ​ໄປ​ຕື່ມ​ເພື່ອ​ໃຫ້​ເຖິງ​ມວນ​ນ້ຳມາ​ຮອດ​ປັດຈຸບັນ​ກໍ​ສາມາດ​ຜະລິດນ້ຳປະປາ​ໄດ້​ເປັນ​ປົກກະຕິ​ແລ້ວ.

ສະພາບ​ນ້ຳບົກ​ແຫ້ງ​ໄພພິບັດ​ມາບ​ອກ​ເຕືອນ​ຂົ່ມຂູ່ - lattana 1 - ສະພາບ​ນ້ຳບົກ​ແຫ້ງ​ໄພພິບັດ​ມາບ​ອກ​ເຕືອນ​ຂົ່ມຂູ່

ດັ່ງ​ທີ່​ຮູ້​ນຳ​ກັນ​ວ່າ, ປີ​ນີ້​ນ້ຳງື່ມ​ໄດ້​ບົກ​ແຫ້ງ​ລົງ​ຜິດ​ປົກກະຕິ​ອີ່ຫລີ​ອັນ​ເນື່ອງ​ມາ​ຈາກ​ຝົນຕົກໜ້ອຍ​ຫລື​ຕົກ​ບໍ່​ທົ່ວ​ເຖິງ, ມີ​ບ່ອນ​ຕົກ​ຫລາຍຕົກ​ໜ້ອຍ, ຊ່ວງ​ຍາມ​ຝົນ​ກາງ​ເກົ້າ, ກາງ​ສິບ ທ້າຍ​ປີ 2017 ​ເຂດ​ນີ້​ຖືກ​ນ້ຳຖ້ວມ​ໜັກ​ສົມຄວນ, ນັບ​ທັງ​ພາກ​ໃຕ້​ເຂື່ອນ​ເຊ​ປຽນ-​ເຊ​ນ້ຳນ້ອຍ​ທີ່​ແຂວງ​ອັດ​ຕະປືຈົນ​ແຕກ​ພັງ.

ພໍ​ຕົກ​ມາ​ປີ​ນີ້​ນັບ​ແຕ່​ເຂດ​ບໍລິ​ຄຳ​ໄຊ, ນະຄອນ​ຫລວງ​ວຽງ​ຈັນ​ຂຶ້ນ​ໄປ​ທາງ​ພາກ​ເໜືອ​ດ້ານຕາ​ເວັນ​ຕົກຕາ​ເວັນ​ອອກ​ເກີດ​ມີ​ການ​ຂາດ​ນ້ຳຍ້ອນ​ຝົນ​ບໍ່​ຕົກ​ສະ​ໝ່ຳສະ​ເໝີ​ແຕ່ລະ​ເຂື່ອນ​ທີ່​ມີໃນ​ເຂດ​ນີ້​ກໍ​ພາກັນ​ກັກ​ກັນນ້ຳ​ເພື່ອ​ຮັບ​ໃຊ້​ຜະລິດ​ກະ​ແສ​ໄຟຟ້າ​ໃຫ້​ໄດ້​ຕາ​ມມາດຕະຖານ ຈຶ່ງ​ເປັນ​ເຫດ​ໃຫ້​ບາງ​ເມືອງ​ຢູ່​ນະຄອນຫລວງ​ວຽງ​ຈັນ​ມີ​ການ​ຂາດ​ແຄນ​ນ້ຳ​ໄປ​ຕາມໆ​ກັນ.

ກ່າວ​ເຖິງ​ສະພາບ​ການ​ຂາດ​ນ້ຳມັນ​ກໍ​ບໍ່​ມີ​ແຕ່​ນ້ຳງື່ມ, ຍັງ​ມີນ້ຳຂອງ​ຕອນ​ກາງ, ທັງ​ສາຂາ ແຕ່​ລະສາຍ​​ໃນ​ເຂດ​ນີ້, ກໍ​ ​ບົກ​ແຫ້ງ​ເໝືອນ​ກັນ​ຄື​ດັ່ງ​ທີ່​ເຫັນ​ໃນ​ແຫ​ລ່ງສື່​ຕ່າງໆ ຄື​ຜ່ານມານັ້ນ​ເອງ, ຕາມ​ທິດ​ກ່ຳ​ວ່າ ​ເມື່ອ​ເປັນ​ສະພາບ​ແບບ​ນີ້​ໄພພິບັດ​ໃນ​ການ​ຂາດ​ແຄນ​ນ້ຳ​ໄດ້​ມາບ​ອກ​ເຕືອນ​ຂົ່ມຂູ່​ພວກ​ເຮົາ​ແລ້ວ​ໃນ​ ອະນາຄົດ​ຖ້າ​ພວກ​ເຮົາ​ບໍ່​ມີ​ການ​ບໍລິ ຫານ​ຈັດການ​ນ້ຳທີ່​ດີ ​ແລະ ​ເກັ່ງ​ຈະ​ກາຍ​ເປັນ​ບັນຫາ​ໄພພິບັດ​ອັນ​ໃຫຍ່​ຫລວງ​ຕໍ່​ປະຊາຊົນລາວ ​ບັນດາ​ເຜົ່າ​ຢ່າງ​ແນ່ນອນ.

​        ເຖິງ​ຢ່າງ​ໃດ​ກໍ​ດີ, ທຸກ​ສິ່ງ​ຢ່າງ​ມັນ​ພັດ​ຂຶ້ນກັບ​ທຳ​ມະ​ຊາດ​ເປັນ​ຫລັກ. ປີ​ໃດ​ຝົນຕົກ​ຫລາຍ​ນ້ຳລົ້ນອັ່ງ​ຖ້ວມ​ສະ​ຖ້ວມ​ຊາຍ ປີ​ໃດ​ຝົນ​ບໍ່​ຕົກ​ໜ້ອຍ ຫລື ຕົກ​ບໍ່​ສະ​ໝ່ຳສະ​ເໝີກໍ​ເກີດ​ບັນຫາ​ຂາດ​ແຄນ​ນ້ຳກາຍ​ເປັນ​ໄພພິບັດ​ຄຸກ​ຄາມ​ຊີວິດ​ການ​ເປັນ​ຢູ່​ຂອງ​ປະຊາຊົນ ກ່າວ​ເຖິງ​ມາດ​ຕະການ​ແກ້​ໄຂ​ນັ້ນກໍ​ຍ່ອມ​ມີ​ທາງ​ອອກ​ຫລາຍ​ວິທີ​ຖ້າ​ພວກ​ເຮົາ​ພ້ອມ​ໃຈ​ກັນ​ເຢີ​ກ​ເປັນຕົ້ນຄື: ພ້ອມ​ກັນ​ປົກ​ປັກ​ຮັກສາ​ທຳ​ມະ​ຊາດ ​ແລະ ສິ່ງ​ແວດ​ລ້ອມ​ໃຫ້​ຍືນ​ຍົງ, ​ໄປ​ຄຽງ​ຄູ່​ກັນນັ້ນ, ກໍ​ຕ້ອງ​ປູກ​ປ່າໃຫ້​ຫລາຍໆ, ກຳນົດ​ເຂດ​ພັດທະນາ, ​ເຂດ​ບຸກ​ເບີກ​ກໍ່ສ້າງ, ​ເຂດ​ປ່າ​ສະຫງວນ, ຊຸກຍູ້​ສົ່ງ​ເສີມ​ໃຫ້​ທຸກ​ພາກສ່ວນ​ເຂົ້າຮ່ວມ​ການ​ພັດທະນາ​ປ່າ​ໄມ້​ແບບ​ຍືນ​ຍົງ​ ​ເຊິ່ງພັກ ​ແລະ​ ລັດຖະ ບານ​ເຮົາ​ພວມ​ມີ​ແນວທາງ​ຢ່າງ​ຊັດ​ເຈນ​ອອກ​ມາ​ແລ້ວ.

​        ແຕ່​ອັນ​ສຳຄັນ​ພວກ​ເຮົາ​ເວົ້າ​ແລ້ວ​ຕ້ອງ​ພ້ອມ​ກັນ​ເຮັດ, ບໍ່​ຄວນ​ເວົ້າ​ແຕ່​ປາກ​ນັບ​ທັງ​ມີ​ມາດຕະການ​ຖ້າ​ຜູ້​ໃດ​ຝ່າຝືນ​ກໍ​ຕ້ອງ​ໄດ້​ລົງ​ໂທດ​ຕາມ​ຂະ​ບວນການ​ຍຸດຕິ​ທຳ./.

ສະພາບ​ນ້ຳບົກ​ແຫ້ງ​ໄພພິບັດ​ມາບ​ອກ​ເຕືອນ​ຂົ່ມຂູ່ - 23659 - ສະພາບ​ນ້ຳບົກ​ແຫ້ງ​ໄພພິບັດ​ມາບ​ອກ​ເຕືອນ​ຂົ່ມຂູ່
ສະພາບ​ນ້ຳບົກ​ແຫ້ງ​ໄພພິບັດ​ມາບ​ອກ​ເຕືອນ​ຂົ່ມຂູ່ - 4425 - ສະພາບ​ນ້ຳບົກ​ແຫ້ງ​ໄພພິບັດ​ມາບ​ອກ​ເຕືອນ​ຂົ່ມຂູ່
error: Content is protected !!