ກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ຕີລາຄາວຽກງານ ປີ 2019

ກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ຕີລາຄາວຽກງານ ປີ 2019 - advert banner 728 90 728x90 - ກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ຕີລາຄາວຽກງານ ປີ 2019

ຂປລ.ກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ ໄດ້ຈັດກອງປະຊຸມຄົບຄະນະ ຂອງຕົນຂຶ້ນ ໃນລະຫວ່າງວັນທີ 23-24 ຕຸລາ ນີ້, ເພື່ອຕີລາຄາການເຄື່ອນໄຫວວຽກງານໃນໄລ ຍະຜ່ານມາ ແລະ ສະເໜີວຽກງານຈຸດສຸມປະຈຳປີ 2020; ພ້ອມທັງປຶກສາຫາລືກ່ຽວກັບບັນຫາພົ້ນເດັ່ນ ທີ່ສັງຄົມມີຄວາມສົນໃຈ ທີ່ຕິດພັນກັບວຽກງານຂອງກຳມາທິການ, ການຈັດຕັ້ງປະຕິບັດນິຕິກຳກ່ຽວກັບການເຊົ່າ ແລະ ສຳປະທານເນື້ອທີ່ດິນ ເພື່ອການດຳເນີນກິດຈະການຕ່າງໆຄື ກິດຈະການຕິດຕັ້ງ ແລະ ສ້ອມແປງໄຟຟ້າ ລວມທັງມາດຕະຖານເຕັກນິກ, ອຸປະກອນໄຟຟ້າ ແລະ ລາຄາໄຟຟ້າເຂົ້າເຮືອນ ແລະ ປຶກສາຫາລືກັນກ່ຽວກັບ ແຜນການຜະລິດ ເພື່ອທົດແທນຜົນເສຍຫາຍຈາກໄພນ້ຳຖ້ວມໃນປີຜ່ານມາ.

ກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ຕີລາຄາວຽກງານ ປີ 2019 - new3 - ກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ຕີລາຄາວຽກງານ ປີ 2019

ທ່ານ ບຸນປອນ ສີສຸລາດ ປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ ກ່າວວ່າ: ກອງປະຊຸມໃນຄັ້ງນີ້, ເປັນການສະຫລຸບຕີລາຄາການຈັດຕັ້ງປະຕິບັດພາລະບົດ ບາດຂອງກຳມາທິການ ໃນຖານະທີເປັນເສນາທິການໃຫ້ແກ່ສະພາແຫ່ງຊາດ ໃນການຕິດຕາມກວດກາ ການຈັດຕັ້ງປະຕິບັດ ລັດຖະທຳມະນູນ ແລະ ກົດໝາຍ ຂອງອົງການລັດທີ່ກ່ຽວຂ້ອງ ທັງແລກປ່ຽນທັດສະ ນະຄຳຄິດເຫັນຮ່ວມກັນ ກ່ຽວກັບບັນ ຫາພົ້ນເດັ່ນທີ່ເກີດຂຶ້ນ ເພື່ອປຶກສາຫາລືຮ່ວມກັນ. ໃນໄລຍະຜ່ານມາ ກໍາມາທິການນີ້ ໄດ້ເປັນ​ເສນາ​ທິການ​ໂດຍກົງ​ໃຫ້​ແກ່​ສະພາ​ແຫ່ງ​ຊາດ ​ຊຸດ​ທີ VIII ແລະ ຄະນະ​ປະ​ຈໍາ​ສະ ພາ​ແຫ່ງ​ຊາດ ເປັນຕົ້ນ ດ້ານນິຕິບັນຍັດ, ການ​ຄົ້ນຄວ້າຕົກລົງ​ບັນຫາ​ສໍາຄັນ​ພື້ນຖານຂອງ​ຊາດ, ການຕິດ ຕາມ​ກວດກາ​ການປະຕິບັດ​ລັດຖະທໍາ​ມະນູນ, ກົດໝາຍ, ມະຕິ​ຂອງ​ສະພາ​ແຫ່ງ​ຊາດ, ມະຕິຂອງຄະນະປະຈໍາສະພາແຫ່ງຊາດ, ​ແຜນ​ພັດທະນາ​ເ​ສດຖະກິດ-ສັງຄົມ, ​ແຜນ​ງົບປະມານແຫ່ງລັດ, ຄົ້ນຄວ້າ​ປະກອບ​ຄໍາ​ເຫັນ ກ່ຽວ​ກັບ​ການ​ໃຫ້​ສັດຕະຍາບັນ​ແກ່​ສົນ​ທິສັນຍາ ​ແລະ ສັນຍາ​ສາກົນ​ທີ່ ສປປ ລາວ ​ເປັນ​ພາຄີ ​ແລະ ຄໍາ​ຮອ້ງຂໍ​ຄວາມ​ເປັນ​ທໍາຂອງປະຊາຊົນ ​ໃນ​ຂົງ​ເຂດວຽກງານ​ ກະສິກໍາ ​ແລະ ປ່າ​ໄມ້, ​ໂຍທາ​ທິການ ​ແລະ ຂົນ​ສົ່ງ, ອຸດ​ສະຫະ​ກໍາ ​ແລະ ການ​ຄ້າ, ​ໄປສະນີ, ໂທລະ​ຄົມມະນາຄົມ ​ແລະ ການສື່ສານ, ວິທະຍາສາດ ​ແລະ ​ເຕັກ​ໂນ​ໂລ​ຊີ, ພະລັງງານ ​ແລະ ບໍ່​ແຮ່, ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ​ແລະ ອື່ນໆ.

ທ່ານ ບຸນປອນ ສີສຸລາດ ລະບຸວ່າ: ສຳລັບທິດທາງວຽກງານຈຸດສຸມໃນປີ 2020 ຈະສືບຕໍ່ເອົາໃຈ ໃສ່ໃນຫລາຍບັນຫາ ທີ່ຍັງຄົງຄ້າງ ເປັນຕົ້ນ ສືບຕໍ່ເພີ່ມ​ທະ​ວີ​ຄວາມ​ສາ​ມາດ ແລະ ຮັບ​ປະ​ກັນ​ຄຸ​ນນະ​ພາບ ໃນ​ການ​ສ້າງ ​ແລະ ປັບ​ປຸງ​ກົດ​ໝາຍ, ການ​ຄົ້ນຄວ້າ​ບັນຫາ​ສຳຄັນ​ພື້ນຖານ​ຂອງ​ຊາດ ແລະ ການຕິດ​ຕາມກວດ​ກາການ​​ປະ​ຕິ​ບັດ​ລັດ​ຖະ​ທຳ​ມະ​ນູນ, ກົດ​ໝາຍ ແລະ ນິ​ຕິ​ກຳ​ລຸ່ມ​ກົດ​ໝາຍ; ພ້ອມ​ທັງ​ຍົກ​ສູງ​ຄຸ​ນນະ​ພາບໃນ​ການ​ຕິດ​ຕາມກວດ​ກາ ແລະ ແກ້​ໄຂ​ຜົນ​ການ​ຕິດ​ຕາມກວດ​ກາ ຢ່າງ​ເປັນ​ລະ​ບົບ​ຕໍ່​ເນື່ອງໃນ​ຂົງ​ເຂດ​ເສດ​ຖະ​ກິດ, ເຕັກ​ໂນ​ໂລ​ຊີ ແລະ ສິ່ງ​ແວດ​ລ້ອມ; ຍົກ​ສູງ​ບົດ​ບາດ​ການ​ເປັນ​ຕົວ​ແທນ​ແຫ່ງ​ສິດ ແລະ ຜົນ​ປະ​ໂຫຍດ​ຂອງ​ປະ​ຊາ​ຊົນປະ​ຈຳ​ເຂດ​ເລືອກ​ຕັ້ງ​ໃນ​ຂອບ​​ເຂດ​ທົ່ວ​ປະ​ເທດ.

ກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ຕີລາຄາວຽກງານ ປີ 2019 - lattana 1 - ກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ຕີລາຄາວຽກງານ ປີ 2019
error: Content is protected !!