ທຸກ​ໃຈ​ນຳ​ໄຟ​ເຍືອງ​ທາງ

ທຸກ​ໃຈ​ນຳ​ໄຟ​ເຍືອງ​ທາງ - advert banner 728 90 728x90 - ທຸກ​ໃຈ​ນຳ​ໄຟ​ເຍືອງ​ທາງ

ສະບາຍດີ ເພື່ອນຜູ້ອ່ານ ທີ່ຮັກແພງ, ດັ່ງພວກເຮົາຮັບຮູ້ນຳກັນແລ້ວວ່າ: ພາຍຫຼັງນະຄອນຫຼວງວຽງຈັນໄດ້ ວາງນະໂຍບາຍ 6 ສ ເພື່ອພັດ ທະນາຕົນເອງ ແລະ ໜຶ່ງໃນນັ້ນກໍຄື ສ ສະຫວ່າງແຕ່ຜ່ານມາເຫັນວ່າ:ປະຕິບັດໄດ້ຍາກ ໂດຍສະເພາະແມ່ນໄຟເຍືອງທາງຕາມຖະໜົນຕ່າງໆບາງເສັ້ນທາງມີເສົາໄຟ-ດອກໄຟ ແຕ່ບໍ່ມີແສງສະຫວ່າງ ແລະ ບາງເສັ້ນ ກໍບໍ່ມີການຕິດຕັ້ງ ໄຟແສງສະຫວ່າງເລີຍເຊິ່ງນອກຈາກຈະເຮັດໃຫ້ການປະຕິບັດນະໂຍບາຍ ສ ສະຫວ່າງ ມີສິ່ງທ້າທາຍແລ້ວຍັງເປັນ ເຫດໃຫ້ມີກຸ່ມຄົນບໍ່ດີສວຍ ໂອກາດກໍ່ຄວາມບໍ່ສະຫງົບເກີດຂື້ນຄື: ການປຸ້ນຈີ້- ຊີງຊັບ, ຂີ່ລົດງັດແງະ ແລະ ອື່ນໆຄື: ຢູ່ເສັ້ນທາງຕັດໃໝ່ດອນນົກ ຂຸ້ມສູ່ເສັ້ນທາງ 450 ປີ ແລະ ອີກຫຼາຍແຫ່ງທີ່ມີເຫດການ ດັ່ງກ່າວເກີດຂື້ນມາແລ້ວ, ເຊິ່ງຫາງສຽງສັງຄົມກໍໄດ້ສົ່ງຂ່າວວ່າສາເຫດທີ່ກຸ່ມ ຄົນບໍ່ດີສວຍໂອກາດກໍ່ເຫດ ປຸ້ນ-ຈີ້ ຊີງຊັບ ກໍ່ຄວາມບໍ່ສະ ຫງົບນີ້ ບັນຫາຕົ້ນຕໍໜຶ່ງກໍຍ້ອນເປັນເຂດມືດບໍ່ມີໄຟ  ເຍືອງທາງ ແລະ ເມື່ອບໍ່ດົນ ມານີ້ ມີປະຊາຊົນໄດ້ໂທລະ ສັບເຂົ້າມາຍັງໜັງສືພິມລາວພັດທະນາພວກເຮົາເວົ້າເລື່ອງ ບັນຫາໄຟເຍືອງທາງວ່າ ບໍ່ ຮູ້ເປັນຍ້ອນຫຍັງທາງຫຼາຍ ຈຸດບໍ່ໃຕ້ ໄຟເຍືອງທາງ ແລະ ມີສະພາບຮຸ່ງສະຫວ່າງ ບໍ່ທົ່ວ ເຖີງ ແລະ ຢາກໃຫ້ພາກສ່ວນ ກ່ຽວຂ້ອງລົງກວດກາເບິ່ງ ຄືນ, ໂດຍສະເພາະແມ່ນ ຢູ່ ເສັ້ນທາງຄູວຽງ, ໂພນປ່າເປົ້າ ແລະ ຖະໜົນ 450 ປີ.

ທຸກ​ໃຈ​ນຳ​ໄຟ​ເຍືອງ​ທາງ - new3 - ທຸກ​ໃຈ​ນຳ​ໄຟ​ເຍືອງ​ທາງ

ແນວໃດກໍດີ ນັກຂ່າວພວກເຮົາກໍໄດ້ສອບຖາມໄປ ຍັງພາກສ່ວນກ່ຽວຂ້ອງ ກໍຄື ໄຟຟ້ານະຄອນຫຼວງວຽງຈັນ ແລະ ໄດ້ຮັບຄຳເຫັນວ່າ: ສາເຫດທີ່ໄຟເຍືອງທາງຢູ່ຈຸດ ເສັ້ນທາງຄູວຽງ, ໂພນປ່າ ເປົ້າບໍ່ຮຸ່ງນັ້ນແມ່ນຍ້ອນການ ເກີດອຸປະຕິເຫດລົດຕຳເສົາໄຟ ແລະ ການຊຸດໂຊມຂອງ ດອກໄຟ, ແຕ່ຂອດສະເໜີ ຂໍ ງົບປະມານຊັກຊ້າ ແລະ ເຮັດ ໃຫ້ໄຟເຍືອງທາງຢູ່ຈຸດດັ່ງກ່າວໄດ້ມອດໄປໄລຍະໜຶ່ງ, ຂະນະທີ່ຢູ່ເສັ້ນທາງ 450  ປີນີ້ ສາເຫດທີ່ບໍ່ມີໄຟເຍືອງທາງເນື່ອງຈາກວ່າມີກຸ່ມຄົນບໍ່ດີຈຳນວນໜຶ່ງໄດ້ໄປລັກຕັດສາຍໄຟ, ຢູ່ຕາມຫຼັກເສົາໄຟ ເຍືອງທາງ ເຊິ່ງປັດຈຸບັນທາງໄຟຟ້າກໍຕິດຕາມຜູ້ກໍ່ເຫດດັ່ງກ່າວເພື່ອດຳເນີນຄະ  ດີ ແລະ ກໍຍອມຮັບວ່າບັນຫາ ໄຟເຍືອງທາງບໍ່ຮຸ່ງແຈ້ງຢູ່ຫລາຍຈຸດນັ້ນອາດສົ່ງຜົນກະທົບບໍ່ໜ້ອຍຕໍ່ຜູ້ໃຊ້ຖະໜົນ, ແຕ່ແນວໃດທາງໄຟຟ້ານະ ຄອນຫຼວງວຽງຈັນກໍຈະເລັ່ງແກ້ໄຂໂດຍໄວ.

ທ່ານ ຫົວໜ້າຫ້ອງການຄຸ້ມຄອງໄຟເຍືອງທາງ ແລະ ໄຟອຳນາດ, ໄຟຟ້ານະຄອນຫຼວງວຽງຈັນ ໃຫ້ຮູ້ວ່າ: ພາຍຫຼັງໄດ້ມີການມອບໂອນຄວາມຮັບຜິດຊອບໄຟເຍືອງ ທາງ ແລະ ໄຟຟອຳນາດ ຈາກ ອພບ ໃນປີ 2012 ຜ່ານມາໃຫ້ໄຟຟ້ານະຄອນຫຼວງວຽງຈັນ ເປັນຜູ້ຮັບຜິດຊອບຄຸ້ມຄອງໂດຍກົງນີ້ ກໍເຫັນວ່າມີຫຼາຍອັນໄດ້ຮັບການພັດທະນາດີຂຶ້ນ, ໂດຍ ສະເພາະແມ່ນການຄຸ້ມຄອງຮັກສາ ແລະ ສ້ອມແປງ, ເມື່ອມີສະພາບເປ່ເພ ແລະ ໄຟດັບມອດກໍໄດ້ຮີບຮ້ອນແກ້ໄຂ ເພາະປັດຈຸບັນພວກເຮົາໄດ້ ຈັດຕັ້ງໜ່ວຍງານຮັບຜິດ ຊອບໂດຍກົງ ກໍຄື ຫ້ອງການຄຸ້ມຄອງໄຟອຳນາດ ແລະ ໄຟ ເຍືອງທາງ ແລະ ໄດ້ມີການຂຶ້ນແຜນບຳລຸງສ້ອມແປງ ຢູ່ເປັນແຕ່ລະໄລຍະ, ຂະນະທີ່ຜ່ານມາສາເຫດໄຟເຍືອງ ທາງຕາມຖະໜົນດັບມອດແມ່ນຍ້ອນມາຈາກການເກີດອຸປະຕິເຫດລົດຕຳເສົາໄຟ, ລະບົບດອກໄຟເປ່ເພຊຸດໂຊມ ແລະ ບັນຫາກຸ່ມຄົນບໍ່ດີລັກຕັດສາຍໄຟໄປຂາຍ ຈຶ່ງເຮັດໃຫ້ໄຟດັບມອດ, ແນວໃດກໍດີ ເມື່ອທາງຫ້ອງການໄດ້ຮັບແຈ້ງຈາກສັງຄົມ ກໍໄດ້ຮີບ ຮ້ອນລົງໄປສ້ອມແປງເພື່ອໃຫ້ສະພາບດີຂຶ້ນ.

ທຸກ​ໃຈ​ນຳ​ໄຟ​ເຍືອງ​ທາງ - lattana 1 - ທຸກ​ໃຈ​ນຳ​ໄຟ​ເຍືອງ​ທາງ

ປັດຈຸບັນນະຄອນຫຼວງວຽງຈັນມີການຕິດຕັ້ງດອກ ໄຟເຍືອງທາງກວ່າ 5.000 ດອກ ແລະ ມີ 35 ເສັ້ນທາງ ທີ່ຕິດຕັ້ງສຳເລັດແລ້ວ ແລະ ພວມເລັ່ງຕິດຕັ້ງເພີ່ມອີກ 3 ພັນກວ່າດອກ ໃນເສັ້ນທາງຕ່າງໆ ຢູ່ ທົ່ວນະຄອນຫຼວງວຽງຈັນ ເພື່ອໃຫ້ຄຳຂວັນ  ສ. ສະຫວ່າງ ທີ່ວາງໄວ້ໄດ້ປາກົດຜົນເປັນຈິງ ແລະ ແຕ່ລະ ວັນຈະເປີດໄຟເຍືອງທາງແຕ່ເວລາ 18 ໂມງ ຫາ 5 ໂມງເຊົ້າ ເຊິ່ງອາດມີບາງ ບ່ອນຈະຕິດຕັ້ງເປີດຢ່າງອັດ ຕະໂນມັດໃນຊ່ວງ 17 ໂມງ ຫາ 21 ໂມງ ແລະ 21 ໂມງ ຫາ 1 ໂມງ ສະນັ້ນ ຈຶ່ງມີບາງ ຈຸດທີ່ດອກໄຟອາດຈະບໍ່ຮຸ່ງ ແລະ ດັບມອດເປັນບາງ ດອກທັງນີ້ກໍເພື່ອເປັນການປະຢັດພະລັງງານຕາມການໃຫ້ຂໍ້ມູນຂອງໄຟຟ້ານະຄອນ ຫຼວງວຽງຈັນ.

ທຸກ​ໃຈ​ນຳ​ໄຟ​ເຍືອງ​ທາງ - 25864 - ທຸກ​ໃຈ​ນຳ​ໄຟ​ເຍືອງ​ທາງ

error: Content is protected !!