ອຸຕຸຄາດຄະເນຕົ້ນເດືອນພະຈິກນີ້ອາກາດຈະຮ້ອນຂຶ້ນ

  ກົ​ມອຸ​ຕຸ​ນິຍົມ ​ແລະ ອຸ​ທົກ​ກະສາ​ດ ​ໃຫ້​ຮູ້​ວ່າ: ​ໃນ​ໄລ​ຍະ​ຕົ້ນ​ເດືອນ​ພະຈິກທີ່ຈະ

ອຸຕຸຄາດຄະເນຕົ້ນເດືອນພະຈິກນີ້ອາກາດຈະຮ້ອນຂຶ້ນ - new3 - ອຸຕຸຄາດຄະເນຕົ້ນເດືອນພະຈິກນີ້ອາກາດຈະຮ້ອນຂຶ້ນ

ມາ​ເຖິງ​ນີ້, ​ທົ່ວ​ປະ​ເທດ​ສະພາບ​ອາກາດ​ຈະ​ຮ້ອນ​ຂຶ້ນ​ໃນ​ຕອນ​ບ່າຍ ​ແລະ ຈະ​ມີ​ຝົນຕົກ​, ລົ​​ມ​ແຮງ ຢູ່​ຫລາຍ​ທ້ອງ​ຖິ່ນ​ທາງ​ພາກ​ກາງ ​ແລະ ພາກ​ໃຕ້, ​ເນື່ອງ​ຈາກ​ຄວາມ​ກົດ​ດັນອາກາດຕໍ່າ​ຂອງ​ອາກາດ​ຮ້ອນ​ຈະ​ປົກ​ຄຸມ​ຢູ່​ແຂວງ​ພາກ​ກາງ ​ແລະ ພາກ​ໃຕ້​ຂອງ​ປະ​ເທດ​​ເຮົາ.

ດັ່ງ​ນັ້ນ ຈຶ່ງ​ຂໍ​ເຕືອນ​​ໃຫ້​ປະຊາຊົນ​ຢູ່​ແຂວງ​ຄໍາ​ມ່ວນ, ສະຫວັນ​ນະ​ເຂດ, ສາລະ​ວັນ, ຈໍາປາ​ສັກ, ອັດ​ຕະປື ​ແລະ ​ເຊ​ກ​ອງ ມີ​ສະຕິ​ລະວັງ​ຕໍ່​ສະພາບຝົນຕົກ​ ​ແລະ ລົມ​ພັດ​ແຮງ​ດັ່ງກ່າວ. ຂະນະ​ທີ່​ສະພາບ​ອາກາດ​ໃນ​ແຕ່​ລະ​ພາກ​ມີ​ດັ່ງ​ນີ້: ພາກ​ເໜືອ​ດ້ານ​ຕາ​ເວັນ​ອອກ: ຜົ້ງ​ສາລີ, ຫົວພັນ ​ແລະ ຊຽງຂວາງ ອາກາດ​ຍັງ​ຈະ​ສືບ​ຕໍ່​ເຢັນ​ຫາ​ໜາວ​ເຢັນ ​ແລະ ຈະມີ​ຝົນ​ຕົກກະຈາຍ​ຢູ່​ບາງ​ທ້ອງ​ຖິ່ນ ອຸນຫະພູມ​ແຕ່ 16-28 ອົງສາ.

ພາກ​ເໜືອ​ດ້ານ​ຕາ​ເວັນ​ຕົກ ​ແຂວງ​ຫລວງ​ນໍ້າ​ທາ, ຫລວງ​ພະ​ບາງ ​ແລະ ​ໄຊ​ຍະ​ບູລີ ອາກາ​ດ​ເຢັນ​ຫາ​ໜາວ​ເຢັນ​ໃນ​ຕອນ​ກາງຄືນ ​ແລະ ຕອນ​ເຊົ້າ​, ພ້ອມ​ມີ​ໝອກ​ບາງ​ປົກ​ຫຸ້ມ​ທົ່ວ​ໄປ ​ແລະ ຈະ​ມີ​ຝົນ​ຕົກ​ກະ​ຈາ​ຍຢູ່​ບາງ​ທ້ອງ​ຖິ່ນ ອຸນຫະພູມ​​ແຕ່ 17-35 ອົງສາ. ພາກ​ກາງ: ​ແຂວງ​ວຽງ​ຈັນ, ນະຄອນຫລວງ​ວຽງ​ຈັນ, ບໍລິ​ຄໍາ​ໄຊ, ຄໍາ​ມ່ວນ ​ແລະ ສະຫວັນ​ນະ​ເຂດ ອາກາດ​ຮ້ອນ​ໃນ​ຕອນ​ບ່າຍ ຈະ​ມີ​ຝົນຕົກ​ຟ້າຮ້ອງ ​ແລະ ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ ອຸນຫະ​ພູມ​ແຕ່ 21-35 ອົງສາ ​ແລະ ພາກ​ໃຕ້: ​ແຂວງ​ຈໍາປາ​ສັກ, ສາລະ​ວັນ, ອັດ​ຕະປື ​ແລະ ​ເຊ​ກອງ ອາກາດ​ຮ້ອນ​ໃນ​ຕອນ​ບ່າຍ ​ແລະ ຈະ​ມີຝົນຕົກ​ຟ້າຮ້ອງ ​ແລະ ມີ​ລົມ​ພັດ​ແຮງ​ຢູ່​ຫລາຍ​ທ້ອງ​ຖິ່ນ ອຸນຫະພູມ​ແຕ່ 22-34 ອົງສາ.​

error: Content is protected !!