ກະຊວງ ຍທຂ ແຈ້ງ​ເຕືອນ​ໃຫ້​ລະວັງ​ກຸ່ມ​ຄົນ​ບໍ່​ດີ​ແອບ​ອ້າງ​ເຮັດ​ໃບ​ຂັບ​ຂີ່​ສາກົນ.

ໃນ​ວັນ​ທີ 29 ຕຸລາ​ນີ້, ກະຊວງ​ໂຍທາ​ທິການ ​ແລະ ຂົນ​ສົ່ງ (ຍທຂ) ​ໄດ້​ອອກ​​ແຈ້ງ​ການ​ເຕືອນ​​ສັງຄົມ​ໃຫ້ມີ​ສະຕິ​ລະ​ວັງ​ຕົວ​ເພື່ອບໍ່​ໃຫ້​ຕົກ​ເປັນ​ເຫຍື່ອ​ຂອງ​ກຸ່ມ​ຄົນ​ບໍ່​ດີ​ທີ່​ແອບອ້າງ​ເປັນ​ເຈົ້າ​ໜ້າ​ທີ່ ​ຫລື ​ເປັນ​ສະມາຄົມ​ທີ່​ບໍ​ລິ​ການ​ເຮັດ​ໃບ​ຂັບ​ຂີ່​ສາກົນຜ່ານ​ສື່​ອອນ​ລາຍ ​ເປັນ​ຕົ້ນ: ​ເຟສບຸກ Facebook ​ໂດ​ຍ​ໂຄ​ສະ​ນາ​ວ່າ​ສາມາດ​ເຮັດ​ໃບ​ຂັບ​ຂີ່​ສາກົນ​ຂອງ​ສະມາຄົມ​ລົດ​ໂອ​​ໂຕ​ສາກົນ (IAA) ທີ່​ມີ​ອາຍຸ​ການ​ນໍາ​ໃຊ້​ເຖິງ 5 ປີ ​ແລະ ສາມາດ​ຂັບ​ລົດ​ໄປ​ໄດ້ 196 ປະ​ເທດ​ໃນ​ທົ່ວ​ໂລກ

ກະຊວງ ຍທຂ ແຈ້ງ​ເຕືອນ​ໃຫ້​ລະວັງ​ກຸ່ມ​ຄົນ​ບໍ່​ດີ​ແອບ​ອ້າງ​ເຮັດ​ໃບ​ຂັບ​ຂີ່​ສາກົນ. - new3 - ກະຊວງ ຍທຂ ແຈ້ງ​ເຕືອນ​ໃຫ້​ລະວັງ​ກຸ່ມ​ຄົນ​ບໍ່​ດີ​ແອບ​ອ້າງ​ເຮັດ​ໃບ​ຂັບ​ຂີ່​ສາກົນ.

ນັ້ນ​ແມ່ນ​ບໍ່​ເປັນຄວາມ​ຈິງ, ​ເປັນ​ການ​ຫລອກ​ຫລວງເອົາ​ຊັບສິນ​ຂອງ​ປະຊາຊົນ ​ແລະ ຫວັງ​ທໍາລາຍ​ຄວາມ​ສະຫງົບ​ຂອງ​ຊາດ, ຊຶ່ງ​ການ​ອອກ​ໃບ​ຂັບ​ຂີ່​ສາກົນ​ໄດ້​ນັ້ນ ຕ້ອງ​ແມ່ນ​ອົງການ​ທີ່​ມີ​ສິ​​ດອໍານາດ​ເທົ່າ​ນັ້ນ.

ສໍາລັບ ສປປ ລາວ ​ແມ່ນ​ກົມ​ຂົນ​ສົ່ງ ກະຊວງ​​ໂຍທາ​ທິການ ​ແລະ ຂົນ​ສົ່ງ ​ເປັນໜ່ວຍ​ງານ​ເຊັນ​ຮັບຮອງ ​ແລະ ອະນຸຍາດ​ໃຫ້​ສະ​ເພາະ​ບຸກຄົນທີ່​ມີ​ໃບ​ຂັບ​ຂີ່​ຂອງ ສປປ ລາວ ທີ່​ຖືກ​ຕ້ອງຕາ​ມລະບຽບ​ກົດໝາຍ, ​ໂດຍ ສປປ ລາວ ​ໄດ້​ລົງ​ນາມ​ເປັນ​ພາຄີ​ສົນທິສັນຍາ​ສາກົນ​ວ່າ​ດ້ວຍ​ການ​ຈະລາ​ຈອນ​ທາ​ງບົກ​ຂອງ​ອົງການ​ສະຫະ​ປະຊາ​ຊາດ ​ເມື່ອປີ 1949 ທີ່​ເຊີ​ແນວປະ​ເທດ​ສະ​ວິດ.

error: Content is protected !!