ເປີດເທສະການຮູບເງົາດີເດັ່ນລາວ-ຈີນປະຈໍາປີ 2019

ເປີດເທສະການຮູບເງົາດີເດັ່ນລາວ-ຈີນປະຈໍາປີ 2019 - advert banner 728 90 728x90 - ເປີດເທສະການຮູບເງົາດີເດັ່ນລາວ-ຈີນປະຈໍາປີ 2019
ເປີດເທສະການຮູບເງົາດີເດັ່ນລາວ-ຈີນປະຈໍາປີ 2019 - 031608 2019 2 - ເປີດເທສະການຮູບເງົາດີເດັ່ນລາວ-ຈີນປະຈໍາປີ 2019

ກົມຮູບເງົາ ກະຊວງຖະແຫລງຂ່າວ ວັດທະນະທໍາ ແລະ ທ່ອງທ່ຽວລາວ (ຖວທ) ຮ່ວມກັບວິທະຍຸສາກົນແຫ່ງປະເທດຈີນປະຈໍາລາວ (CRI) ໄດ້ຈັດພິທີເປີດເທສະການຮູບເງົາດີເດັ່ນລາວ-ຈີນປະຈໍາປີ 2019 ຂຶ້ນຢ່າງເປັນທາງການໃນວັນທີ 30 ຕຸລານີ້ ຢູ່ຫໍວັດທະນະທໍາແຫ່ງຊາດ ທີ່ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ຈ້າວເສີງກ່າງ ທີ່ປຶກສາການເມືອງສະຖານທູດ ສປ ຈີນ ປະຈໍາລາວ, ທ່ານ ວິທູນ ສູນດາຣາ ຫົວໜ້າກົມຮູບເງົາ ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ ແລະ ທ່ານ ນາງ ສຸດທິດາ ຫົວໜ້າວິທະຍຸສາກົນແຫ່ງປະເທດຈີນ CRI ປະຈໍາລາວ ພ້ອມດ້ວຍມວນຊົນເຂົ້າຮ່ວມເບິ່ງຊົມຢ່າງຫລວງຫລາຍ.

ເປີດເທສະການຮູບເງົາດີເດັ່ນລາວ-ຈີນປະຈໍາປີ 2019 - new3 - ເປີດເທສະການຮູບເງົາດີເດັ່ນລາວ-ຈີນປະຈໍາປີ 2019
ເປີດເທສະການຮູບເງົາດີເດັ່ນລາວ-ຈີນປະຈໍາປີ 2019 - IMG 2909 - ເປີດເທສະການຮູບເງົາດີເດັ່ນລາວ-ຈີນປະຈໍາປີ 2019

ຫົວໜ້າກົມຮູບເງົາ ກ່າວວ່າ: ໂດຍປະຕິບັດຕາມແຜນແມ່ບົດວ່າດ້ວຍການສ້າງຄູ່ຮ່ວມຊາຕາກໍາ ລາວ-ຈີນ ແລະ ຜົນສໍາເລັດໃນການຈັດເທສະການຮູບເງົາດີເດັ່ນ ລາວ-ຈີນ ໃນຄັ້ງຜ່ານມາ, ພາຍໃຕ້ການຊີ້ນໍາຂອງກະຊວງ ຖວທ ແລະ ສະຖານທູດ ສປ ຈີນ ປະຈໍາລາວ. ສະນັ້ນ, ກົມຮູບເງົາ ແລະ ວິທະຍຸ CRI ປະຈໍາລາວ ໄດ້ຮ່ວມກັນຈັດເທສະການສາຍຮູບເງົາດີເດັ່ນ ລາວ-ຈີນ ປະຈໍາປີ 2019 ຂຶ້ນຢູ່ລາວ, ເຊິ່ງເປັນການຮ່ວມມື ຄັ້ງທີ 3 ແລ້ວ. ໃນຖານະທີ່ຮູບເງົາເປັນສື່ໜຶ່ງທີ່ໃຫ້ທັງຄວາມຮູ້, ສາລະ ແລະ ຄວາມບັນເທິງ, ພ້ອມທັງເຊື່ອໝັ້ນວ່າເທສະການສາຍຮູບເງົາຄັ້ງນີ້ຈະກາຍເປັນເວທີແຫ່ງການພົວພັນ ແລະ ແລກປ່ຽນວັດທະນະທໍາລະຫວ່າງສອງຊາດລາວ-ຈີນ, ໂດຍຜ່ານການຊົມຮູບເງົາຈີນທີ່ພາກເປັນພາສາລາວ ເພື່ອຈະເຮັດໃຫ້ປະຊາຊົນລາວບັນດາເຜົ່າໄດ້ເຂົ້າໃຈວັດທະນະທໍາຈີນຢ່າງເລິກເຊິ່ງຫລາຍຂຶ້ນກວ່າເກົ່າ ແລະ ຫວັງວ່າສອງຝ່າຍຈະສືບຕໍ່ຮ່ວມມື ໃນການຊ່ວຍເຫລືອເຊິ່ງກັນ ແລະ ກັນ, ໂດຍສະເພາະການຈັດງານແຂ່ງຂັນຮູບເງົາ ແລະ ການພັດທະນາບຸກຄະລາກອນດ້ານຮູບເງົາ ເພື່ອປະກອບສ່ວນເສີມຂະຫຍາຍສາຍພົວພັນມິດຕະພາບ ລະຫວ່າງສອງພັກ-ລັດ ແລະ ປະຊາຊົນສອງຊາດໃຫ້ເກີດດອກອອກຜົນຂຶ້ນເລື້ອຍໆ.

ເປີດເທສະການຮູບເງົາດີເດັ່ນລາວ-ຈີນປະຈໍາປີ 2019 - lattana 1 - ເປີດເທສະການຮູບເງົາດີເດັ່ນລາວ-ຈີນປະຈໍາປີ 2019
ເປີດເທສະການຮູບເງົາດີເດັ່ນລາວ-ຈີນປະຈໍາປີ 2019 - 032908 2019 1 - ເປີດເທສະການຮູບເງົາດີເດັ່ນລາວ-ຈີນປະຈໍາປີ 2019

ໃນໂອກາດນີ້, ທ່ານ ນາງ ສຸດທິດາ ຫົວໜ້າວິທະຍຸສາກົນແຫ່ງປະເທດຈີນ CRI ປະຈໍາລາວ ກ່າວວ່າ: ເທສະການຮູບເງົາດີເດັ່ນ ລາວ-ຈີນ ປະຈໍາປີ 2019ນີ້, ໄດ້ນໍາເອົາຮູບເງົາດີເດັ່ນຈາກຈີນ 2 ເລື່ອງຄື: ມະຫາເສດຖີຈໍາເປັນ ແລະ ສາຍພູຈາກຮອຍຍິ້ມ ທີ່ພາກເປັນພາສາລາວໂດຍນັກພາກມືອາຊີບ ແລະສິລະປິນຊື່ດັງຂອງລາວ, ພ້ອມທັງໄດ້ນໍາເອົາຮູບເງົາດີເດັ່ນລາວ-ຈີນເຂົ້າສາຍຫລາຍເຖິງ 20 ຄັ້ງທີ່ນະຄອນຫລວງວຽງຈັນ ແລະ ອີກ 8 ແຂວງໂດຍບໍ່ເສຍຄ່າຄື: ແຂວງວຽງຈັນ, ບໍລິຄໍາໄຊ, ສະຫວັນນະເຂດ, ສາລະວັນ, ອັດຕະປື, ໄຊຍະບູລີ, ບໍ່ແກ້ວ ແລະ ແຂວງຜົ້ງສາລີ ໃນລະຫວ່າງເດືອນພະຈິກນີ້ ເພື່ອແລກປ່ຽນ ແລະ ຖ່າຍທອດວັດທະນະທຳຈີນໃຫ້ປະຊາຊົນລາວບັນດາເຜົ່າເຂົ້າໃຈໄດ່ຢ່າງເລິກເຊິ່ງ ພ້ອມຮັດແໜ້ນສາພົວພັນລາວ-ຈີນ, ຈີນ-ລາວໃຫ້ນັບມື້ແຕກດອກອອກຜົນຍິ່ງຂຶ້ນ.

error: Content is protected !!