ປະທານປະເທດ ເນັ້ນໃຫ້ຄະນະຊາວໜຸ່ມ ປະຊາຊົນປະຕິວັດລາວ ເອົາໃຈໃສ່ຕື່ມຫຼາຍບັນຫາສໍາ

ປະທານປະເທດ ເນັ້ນໃຫ້ຄະນະຊາວໜຸ່ມ ປະຊາຊົນປະຕິວັດລາວ ເອົາໃຈໃສ່ຕື່ມຫຼາຍບັນຫາສໍາ - advert banner 728 90 728x90 - ປະທານປະເທດ ເນັ້ນໃຫ້ຄະນະຊາວໜຸ່ມ ປະຊາຊົນປະຕິວັດລາວ ເອົາໃຈໃສ່ຕື່ມຫຼາຍບັນຫາສໍາ

ໃນໂອກາດໃຫ້ກຽດເຂົ້າຮ່ວມກອງປະຊຸມກອງປະຊຸມສາມັນ ຄົບຄະນະບໍລິຫານງານ ສູນກາງຊາວໜຸ່ມ ປະຊາຊົນປະຕິວັດລາວ ຄັ້ງທີ 5 ສະໄໝທີ VII, ທີ່ໄດ້ຈັດຂຶ້ນໃນວັນທີ 28-30 ຕຸລານີ້, ຢູ່ຫໍປະຊຸມແຫ່ງຊາດ, ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ໂອ້ລົມຊີ້ນໍາໃຫ້ຄະນະຊາວໜຸ່ມປະຊາຊົນປະຕິວັດລາວ ເອົາໃຈໃສ່ຫຼາຍບັນຫາສໍາຄັນ ຄື: ສືບຕໍ່ຕັ້ງໜ້າປັບປຸງການຈັດຕັ້ງຂອງຊາວໜຸ່ມໃຫ້ໜັກແໜ້ນເຂັ້ມແຂງ, ເພີ່ມທະວີຄວາມສາມາດນຳພາ, ສຶກສາອົບຮົມ, ເຕົ້າໂຮມກຳລັງແຮງຂອງມະຫາຊົນຄົນໜຸ່ມເຂົ້າສູ່ການຈັດຕັ້ງ ​ແລະ ​​ເຮັດ​ໃຫ້​ເປັນຂະບວນການທີ່ມີລັກສະນະທົ່ວປວງຊົນ ແລະ ການຈັດຕັ້ງຂອງຊາວໜຸ່ມກໍຕ້ອງກະທັດຮັດສົມເຫດສົມຜົນ ແລະ ປະສິດທິຜົນ. ພ້ອມທັງເອົາໃຈໃສ່ການຍົກລະດັບຄຸນນະພາບຂອງສະມາຊິກຊາວໜຸ່ມຜ່ານຂະບວນແຂ່ງຂັນປະຕິບັດຂໍ້ແຂ່ງຂັນ 4 ບຸກຂອງຕົນຢ່າງຕັ້ງໜ້າ, ສ້າງພະນັກງານຊາວໜຸ່ມ ເພື່ອເປັນແບບຢ່າງທາງດ້ານແນວຄິດ​ເບິ່​ງກວ້າງ​ເຫັນ​ໄກ, ເປັນແບບຢ່າງຫ້າວຫັນ ນຳໜ້າໃນທຸກວຽກງານ, ມີຄວາມຮູ້ຄວາມສາມາດ, ທັກສະດ້ານຕ່າງໆ  ແລະ ​ມີ​ຄຸນສົມບັດ​ສິນ​ທຳ​ປະຕິວັດ.

ປະທານປະເທດ ເນັ້ນໃຫ້ຄະນະຊາວໜຸ່ມ ປະຊາຊົນປະຕິວັດລາວ ເອົາໃຈໃສ່ຕື່ມຫຼາຍບັນຫາສໍາ - new3 - ປະທານປະເທດ ເນັ້ນໃຫ້ຄະນະຊາວໜຸ່ມ ປະຊາຊົນປະຕິວັດລາວ ເອົາໃຈໃສ່ຕື່ມຫຼາຍບັນຫາສໍາ

ສືບຕໍ່ຕັ້ງໜ້ານຳພາສະມາຊິກຊາວໜຸ່ມເຂົ້າໃນການເຄື່ອນໄຫວຈັດຕັ້ງປະຕິບັດໃນທຸກວຽກງານຂອງຊາດໃນຫຼາຍຂະແໜງການສາຂາວິຊາອາຊີບ, ໃນຫຼາຍລະດັບ, ຫຼາຍສີສັນ, ຮູບແບບໂດຍຕິດພັນກັບການຈັດຕັ້ງປະຕິບັດໜ້າທີ່ການເມືອງຂອງທ້ອງຖິ່ນ, ຂະແໜງການ, ຮາກຖານຂອງຕົນ, ເຮັດໃຫ້ທຸກການເຄື່ອນໄຫວຂອງຊາວໜຸ່ມມີຊີວິດຊີວາທັງນຳເອົາຜົນປະໂຫຍດຕົວຈິງມາສູ່ເຂົາເຈົ້າ, ສັງຄົມ ແລະ ປະເທດຊາດ, ເອົາໃຈໃສ່ແກ້ໄຂແບບແຜນວິທີເຮັດວຽກຕາມແບບອົງການລັດບໍລິຫານ, ເຮັດໃຫ້ອົງການຊາວໜຸ່ມເປັນອົງການການເມືອງ, ສັງຄົມທີ່ແທ້ຈິງ.

ປະທານປະເທດ ເນັ້ນໃຫ້ຄະນະຊາວໜຸ່ມ ປະຊາຊົນປະຕິວັດລາວ ເອົາໃຈໃສ່ຕື່ມຫຼາຍບັນຫາສໍາ - lattana 1 - ປະທານປະເທດ ເນັ້ນໃຫ້ຄະນະຊາວໜຸ່ມ ປະຊາຊົນປະຕິວັດລາວ ເອົາໃຈໃສ່ຕື່ມຫຼາຍບັນຫາສໍາ

ນອກນີ້ຕ້ອງເພີ່ມທະວີວຽກງານຈັດຕັ້ງ ແລະ ນຳພາວຽກງານເຍົາວະຊົນ, ອະນຸຊົນ ໃຫ້ຄົນຮຸ່ນນີ້ໄດ້ຮັບຮູ້ມູນເຊື້ອທີ່ດີງາມຂອງຊາດ, ຂອງພັກ, ປູກຈິິດສຳນຶກໃນການຮັກການຮຽນ, ການອອກແຮງງານ, ການຮັບຮູ້ສະຕິ ແລະ ເຂົ້າເຖິງສະຕິກົດໝາຍເທື່ອລະກ້າວ, ພ້ອມທັງກຳນົດແຈ້ງພາລະບົດບາດ, ຄວາມຮັບຜິດຊອບລະອຽດຊັດເຈນລະຫວ່າງຄອບຄົວ, ໂຮງຮຽນ ແລະ ຄະນະຊາວໜຸ່ມໃນການພັດທະນາຮຸ່ນຄົນເຫຼົ່ານີ້ ແລະ ເອົາໃຈໃສ່ການບຳລຸງສ້າງພະນັກງານຊາວໜຸ່ມແຕ່ລະຂັ້ນທ້ອງຖິ່ນໃຫ້ຂະຫຍາຍຕົວຮອບດ້ານ.

error: Content is protected !!