ຕ້ອງຮັບປະກັນຊົນລະປະທານ ເພື່ອສະໜອງນໍ້າເຂົ້າຮັບໃຊ້ການຜະລິດລະດູແລ້ງ

ເພື່ອບັນລຸຄາດໝາຍການສະໜອງນໍ້າຮັບໃຊ້ການຜະລິດລະດູແລ້ງ ສົກປີ 2019-2020 ໃຫ້ພຽງພໍໃນເນື້ອທີ່ 165.000 ເຮັກຕາ, ໃນນັ້ນສະໜອງໃຫ້ນາແຊງ 1 ແສນເຮັກຕາ ແລະ ສະໜອງໃຫ້ການປູກພືດ 65 ພັນເຮັກຕາ ເພື່ອແນໃສ່ຮັບປະກັນຄວາມໝັ້ນຄົງດ້ານສະບຽງອາຫານ, ສົ່ງເສີມການຜະລິດເປັນສິນຄ້າ ແລະ ແກ້ໄຂຄວາມທຸກຍາກຂອງປະຊາຊົນລາວບັນດາເຜົ່າຕາມທິດຍືນຍົງ, ດັ່ງນັ້ນ, ລັດຖະມົນຕີກະຊວງກະສິກໍາ ແລະ ປ່າໄມ້ ໄດ້ອອກຄໍາສັ່ງ ກ່ຽວກັບການສ້າງຂະບວນການ ອະນາໄມລະບົບບຫົວງານ ແລະ ລະບົົບຄອງເໝືອງຊົນລະປະທານ ເນື່ອງໃນໂອກາດ ວັນຊົນລະປະທານ ແຫ່ງຊາດ 3 ພະຈິກ 2019 ດັ່ງນີ້:

ຕ້ອງຮັບປະກັນຊົນລະປະທານ ເພື່ອສະໜອງນໍ້າເຂົ້າຮັບໃຊ້ການຜະລິດລະດູແລ້ງ - new3 - ຕ້ອງຮັບປະກັນຊົນລະປະທານ ເພື່ອສະໜອງນໍ້າເຂົ້າຮັບໃຊ້ການຜະລິດລະດູແລ້ງ

(1). ໃຫ້ກົມຊົນລະປະທານ, ພະແນກກະສິກໍາ ແລະ ປ່າໄມ້ນະຄອນຫຼວງວຽງຈັນ ​ແລະ ບັນດາ​ແຂວງ ເປັນເຈົ້າການສົມທົບກັບພາກສ່ວນກ່ຽວຂ້ອງໃນຂັ້ນຂອງຕົນສືບຕໍ່ໂຄສະນາເຜີຍແຜ່ເນື້ອໃນຕົ້ນຕໍຂອງ ກົດໝາຍວ່າດ້ວຍ ຊົນລະປະທານ ດ້ວຍຫຼາຍຮູບແບບ, ຫຼາຍລະດັບ ແລະ ວິທີການຕ່າງໆຕາມຈຸດພິເສດແຕ່ລະເປົ້າໝາຍ ໂດຍຜ່ານສື່ຕ່າງໆ ເປັນຕົ້ນ ໜັງສືພິມ, ໂທລະພາບ, ວິທະຍຸ, ຈັດກິດຈະກໍາຖາມ-ຕອບ, ແຈກຢາຍປື້ມກົດໝາຍສິ່ງພິມ ແລະ ວາລະສານວິຊາການຕ່າງໆ ໃຫ້ແກ່ພະນັກງານ, ທະຫານ, ຕຳຫຼວດ, ຜູ້ປະກອບການຕະຫຼອດຮອດພໍ່ແມ່ປະຊາຊົນບັນດາເຜົ່າ ເພື່ອໃຫ້ເຂົາເຈົ້າໄດ້ຮັບຮູ້ ​ແລະ ເຂົ້າໃຈຄວາມ​ໝາຍ​ສຳຄັນ​ຂອງ​ຊົນລະປະທານ ເພື່ອເຂົ້າຮ່ວມຈັດຕັ້ງປະຕິບັດຢ່າງເປັນເຈົ້າການຕາມທິດຊີ້ນໍາທີ່ວ່າ “ພັກນໍາພາ-ລັດຄຸ້ມຄອງ-ປະຊາຊົນເປັນເຈົ້າ”,  (2). ໃຫ້ພະແນກກະສິກໍາ ແລະ ປ່າໄມ້ ນະຄອນຫຼວງວຍງຈັນ ແລະ ແຂວງ ປຸກລະດົມຂົນຂວາຍແຮງງານຊາວ ໜຸ່ມ, ນັກຮຽນ-ນັກສຶກສາ ທຸກພາກສ່ວນທີ່ມີສ່ວນຮ່ວມ ແລະ ປະຊາຊົນ ເພື່ອພ້ອມກັນຈັດຕັ້ງການຟື້ນຟູ-ສ້ອມ ແປງຊົນລະປະທານ, ຕິດພັນກັບຂະບວນການອອກແຮງງານ (ວັນເສົາແດງ) ດ້ວຍການອະນາໄມຫົວງານ, ລະບົບຄອງເໝືອງ, ປະຕູນໍ້າ ແລະ ອາການຕ່າງໆຕາມຄອງເໝືອງຊົນລະປະທານ ໃຫ້ເປັນຂະບວນຟົດຟື້ນ ເພື່ອໃຫ້ນໍ້າໄຫຼສະດວກ ຫຼຸດຜ່ອນການຮົ່ວຊຶມຂອງນໍ້າ, ຮັບປະກັນການສະຫນອງນໍ້າໃຫ້ແກ່ການຜະລິດກະສິກໍາ ໃຫ້ທັນລະດູການ ແລະ ພຽງພໍ, (3). ໃຫ້ກົມຊົນລະປະທານສົມທົບກັບພະແນກກະສິກໍາ ແລະ ປ່າໄມ້ນະຄອນຫຼວງ​ວຽງ​ຈັນ ແລະ ບັນດາ​ແຂວງ ສືບຕໍ່ຮີບຮ້ອນຊຸກຍູ້ ແລະ ເລັ່ງທວງຜູ້ຮັບເໝົາກໍ່ສ້າງສ້ອມແປງຊົນລະປະທານຕ່າງໆ ທີ່ໄດ້ເຊັນສັນຍາກັນ ປະຕິບັດໜ້າວຽກໃຫ້ສໍາເລັດຕາມກໍານົດເວລາ ພ້ອມທັງນໍາໃຊ້ ມາດຕະການຕໍ່ຜູ້ລະເມີດ ຕາມທີ່ໄດ້ກໍານົດໄວ້ໃນກົດຫມາຍວ່າດ້ວຍ ຊົນລະປະທານ ແລະ ສັນຍາຢ່າງເຂັ້ມງວດ, (4). ສໍາລັບການຈັດພິທີເນື່ອງໃນໂອກາດວັນຊົນລະປະທານແຫ່ງຊາດ ນັບຕັ້ງແຕ່ວັນທີ 3-15 ພະຈິກ 2019 ນີ້, ໃຫ້ອີງໃສ່ສະພາບເງື່ອນໄຂຂອງແຕ່ລະທ້ອງຖິ່ນ ແຕ່ຕ້ອງຮັບປະກັນເນື້ອໃນເປັນຕົ້ນຕໍ ແລະ ຮູບການເປັນສໍາຄັນ ບົນຈິດໃຈປະຢັດມັດທະຍັດ ແລະ ຕ້ານການຟຸມເຟືອຍ ໃຫ້ຖືເອົາວັນດັ່ງກ່າວນີ້ ເຜີຍແຜ່ຜົນສໍາເລັດ ຂອງຂະແໜງການໃນຊຸມປີຜ່ານມາ ພ້ອມທັງສະຫຼຸບ ແລະ ຖອດຖອນບົດຮຽນໄປພ້ອມ ແລະ ຮຽກຮ້ອງໃຫ້ຊາວກະສິກອນ ປະຕິບັດຕາມທິດນໍາທີ່ວ່າ: “ລັດ ແລະ ປະຊາຊົນພ້ອມກັນເຮັດ”, (5). ໃຫ້ກົມຊົນລະປະທານ ອອກຄໍາແນະນໍາດ້ານວິຊາການ ເພື່ອຜັນຂະຫາຍຄໍາສັ່ງສະບັບນີ້ ເປັນອັນລະອຽດໃຫ້ແກ່ຂະແໜງການສາຍຕັ້ງຂອງຕົນຢູ່ທ້ອງຖິ່ນ ເພື່ອຈັດຕັ້ງປະຕິບັດ ໃຫ້ປະສົບຜົນສໍາເລັດ ຜ່ານການຈັດຕັ້ງປະຕິບັດມີຂໍ້ສະດວກ, ມີຂໍ້ຍຸ້ງຍາກແນວໃດ ໃຫ້ລາຍງານການນໍາກະຊວງກະສິກໍາ ແລະ ປ່າໄມ້ ໄດ້ຮັບຊາຍເປັນປົກກະຕິ ເພື່ອຫາວິທີແກ້ໄຂຢ່າງທັນ.

error: Content is protected !!