ຢູນີເທວ ໄດ້ເປີດທົດລອງນຳໃຊ້ 5G ແລ້ວ

ຢູນີເທວ ໄດ້ເປີດທົດລອງນຳໃຊ້ 5g ແລ້ວ - 1122 - ຢູນີເທວ ໄດ້ເປີດທົດລອງນຳໃຊ້ 5G ແລ້ວ
ຢູນີເທວ ໄດ້ເປີດທົດລອງນຳໃຊ້ 5g ແລ້ວ - Untitled design - ຢູນີເທວ ໄດ້ເປີດທົດລອງນຳໃຊ້ 5G ແລ້ວ

ທົດລອງນຳໃຊ້ 5G ຄັ້ງທຳອິດຂອງ ຢູນີເທວ ຢູ່ທີ່ກອງປະຊຸມລັດຖະມົນຕີ ICT  ອາຊຽນ TELMIN 19 ທີ່ໄດ້ຈັດຂຶ້ນລະຫວ່າງວັນທີ່19-25 ຕຸລາຜ່ານມານີ້, ໃນງານສະເຫລີມສະຫລອງຢູນີເທວຄົບຮອບ 10 ປີທີ່ບໍລິສັດສະຕາໂທລະຄົມ, ດ້ວຍຄວາມໄວສູງສຸດໄດ້ເຖິງ 1.7 Gbps (ຖ້າໃຊ້ 5G ຢ່າງ ດຽວ) ແລະ ຖ້າໃຊ້ຮ່ວມ 4G ຈະໄດ້ຄວາມໄວ 2.5Gbps (ລະບົບ Dual Connection ໃຊ້ສັນຍານທັງ 5G ແລະ 4G ແລ້ວສົ່ງຫາອຸປະກອນປາຍ ທາງ).

ທ່ານ ລີວ ແມັງ ຮ່າ ຜູ້ອຳນວຍການໃຫຍ່ບໍລິສັດ StarTelecom ໄດ້ກ່າວວ່າ: ການທົດລອງ 5G ແມ່ນການລິເລີ່ມເພື່ອປະສົບຜົນສຳເລັດ ແລະ ຄວາມສົມບູນໃນອະນາຄົດອັນໃກ້ນີ້ ເຊິ່ງບໍລິສັດພວກເຮົາຮູ້ດີກ່ຽວກັບບົດບາດການເປັນຜູ້ບຸກເບີກໃນການພັດທະນາລະບົບດີຈີຕອນທີ່ທັນສະໄໝ. ນອກຈາກ 4G ທີ່ສາມາດສົ່ງສັນຍານໄດ້ທົ່ວປະເທດແລ້ວ ຍັງມີເປົ້າໝາຍໃນການສ້າງ 5G ເພື່ອຕອບສະໜອງຄວາມຕ້ອງການຂອງສັງຄົມ, ດ້ວຍຄວາມລະອຽດສູງສຸດ ແລະ ສາມາດເຊື່ອມຕໍ່ IoT ເພື່ອນຳໃຊ້ເຂົ້າໃນຜະລິດຕະພັນຂໍ້ມູນຂະໜາດໃຫຍ່, ເປັນຕົ້ນແມ່ນຜະລິດຕະພັນ AI ສາທາລະນະສຸກ, ອຸດສາຫະກຳ, ກະສິກຳ ແລະ ປ່າໄມ້… ເພື່ອຮັບໃຊ້ຂະບວນການຫັນເປັນດີຈີຕອນໂດຍຈະສືບຕໍ່ຂະຫຍາຍການທົດ ລອງ 5G ໃນບາງແຂວງເພື່ອ ໃຫ້ລູກຄ້າສາມາດທົດລອງສຳຜັດກັບຄວາມໄວທີ່ກຳລັງທົດ ສອບໃນປັດຈຸບັນ. ນອກນີ້ຢູນີເທວຈະສົມທົບ, ລາຍງານຕໍ່ກະຊວງໄປສະນີ ແລະ ໂທລະຄົມມະນາຄົມໃນການຂະຫຍາຍລະບົບ 5G ໃນທົ່ວປະເທດ.

ລະບົບ 5G ສົ່ງຜົນໃຫ້ອິນເຕີເນັດທີ່ມີປະສິດທິພາບ ແລະ ໄດ້ຮັບຜົນປະໂຫຍດສູງສຸດຄື:

(1): ເຕັກໂນໂລຊີທີ່ລໍ້າ ສະໄໝ 5G ແມ່ນເຄືອຂ່າຍມືຖືຮຸ່ນທີ 5 (5th Generation)  ແມ່ນເຄືອຂ່າຍຍຸກສະໄໝໃໝ່ພາຍຫລັງ 4G ດ້ວຍຄວາມໄວທີ່ພົ້ນເດັ່ນ. 5G ແມ່ນເຄືອຂ່າຍໄຮ້ສາຍທີ່ຈະເຮັດໃຫ້ພວກເຮົາເຊື່ອມຕໍ່ກັບໂລກພາຍນອກໂດຍເຊື່ອມຕໍ່ກັບ Internet ແບບບໍ່ມີອຸປະສັກ ຫລື ຂໍ້ຈໍາກັດໃດໆ.

(2) ຄວາມໄວທີ່ໂດດເດັ່ນ: ໂດຍວາມໄວໃນການສົ່ງຂໍ້ມູນ 20Gb ຕໍ່ວິນາທີ (ໄວກວ່າ 4G 20 ເທື່ອ).

ຢູນີເທວ ໄດ້ເປີດທົດລອງນຳໃຊ້ 5g ແລ້ວ - Wave100S AD to Website 2020 0 - ຢູນີເທວ ໄດ້ເປີດທົດລອງນຳໃຊ້ 5G ແລ້ວ

(3): ເວລາໃນການສົ່ງຂໍ້ ມູນ (latency) ແມ່ນໃຊ້ໃນ ການແທັກສິ່ງທີ່ເຮົາສົ່ງຈົນເຖິງເວລາທີ່ລະບົບຮັບໄດ້ ແລະ ຕອບກັບຫາເຮົາ. ຕົວຢ່າງ ເວລາເຮົາ click mouse, ຂໍ້ມູນຈະຖືກສົ່ງຫາລະບົບສູນກາງ ແລ້ວປະມວນຜົນ ແລະ ສົ່ງກັບ. ຂະບວນດັ່ງກ່າວນັ້ນ ເອີ້ນວ່າ ເວລາການສົ່ງຂໍ້ມູນ.ຕາມທິດສະດີ  5G ການສົ່ງຂໍ້ມູນໃຊ້ພະລັງງານຕໍ່າຫລາຍ, ພຽງແຕ່ 1ms, ທຽບກັບ 4G ແລະ 3G ແມ່ນ 50-60ms. ຈຶ່ງຊ່ວຍໃຫ້ເຮົາເຊື່ອມຕໍ່ ແລະ ປະມວນຂໍ້ມູນໄວຂຶ້ນ, ບັນຫານີ້ສໍາຄັນ ຫລາຍ ໃນການໃຊ້ງານກັບໂປຣແກຣມ ຄວບຄຸມ ເຊັ່ນ ຄວບຄຸມພາຫະນະຂັບເຄື່ອນດ້ວຍຕົວເອງ, ລວມທັງອຸປະກອນເຊື່ອມຕໍ່. ຕົວຢ່າງ ຖ້າເວລາການສົ່ງຂໍ້ມູນສູງຂໍ້ມູນອື່ນຈະໄດ້ຮັບຜົນທີ່ປະມວນຊ້າຂຶ້ນ ແລະ ບັນຫານີ້ຈະສົ່ງຜົນເຖິງຄວາມປອດໄພຂອງຜູ້ໂດຍສານພາຍໃນລົດນັ້ນ ເພາະການສື່ສານກັນຂອງ ພາຫະນະຈະຖືກຂັດຈັງຫວະ.

(4): ການນໍາໃຊ້ພະລັງງານທີ່ມີປະສິດທິິພາບເມື່ອໃຊ້ 5G, ບັນດາອຸປະກອນທີ່ຈະຊ່ວຍ support ຫລຸດລົງ 90% ການຊົມໃຊ້ພະລັງງານດ້ວຍເຫດນີ້ 5G ຈຶ່ງມີຄວາມສະຖຽນສູງໂດຍບໍ່ຕ້ອງກັງວົນເລື່ອງອາຍຸການໃຊ້ງານຂອງ battery. ຊ່ວຍເພີ່ມອາຍຸການໃຊ້ງານຂອງ battery ອີກ 10ປີ ສໍາລັບໂທລະສັບທີ່ມີຄວາມຈຸ battery ຕໍ່າ.

ເຕັັກໂນໂລຢີ 5G ແມ່ນບາດກ້າວທີ່ສຳຄັນເພື່ອເຊື່ອມໂຍງກັບເຕັກໂນໂລຊີທີ່ນໍາໜ້າສູ່ສັງຄົມລາວເພື່ອໃຫ້ທຽບເທົ່າກັບພາກພື້ນ ແລະ ສາກົນເພື່ອປະຕິບັດໃຫ້ໄດ້ຕາມທິດທາງ-ແຜນການຂອງບໍລິສັດສະຕາໂທລະຄົມໂດຍຈະສືບຕໍ່ພັດທະນາໃຫ້ທັນສະໄໝທີ່ດີທີ່ສຸດເພື່ອສະໜອງການບໍລິການເຊັ່ນ: 5G,AI, virtual reality (VR), Big data… ໄປພ້ອມໆກັບການໃຫ້ບໍລິການໃໝ່ໆເຊັ່ນ: ທະນາຄານດີຈີຕອນ, ລະບົບໂຄງການຂອງລັດຖະບານອີເລັກໂທຕຣນິກ.

ຢູນີເທວ ໄດ້ເປີດທົດລອງນຳໃຊ້ 5g ແລ້ວ - WhatsApp Image 2020 05 27 at 5 - ຢູນີເທວ ໄດ້ເປີດທົດລອງນຳໃຊ້ 5G ແລ້ວ
ຢູນີເທວ ໄດ້ເປີດທົດລອງນຳໃຊ້ 5g ແລ້ວ - WhatsApp Image 2020 05 27 at 5 - ຢູນີເທວ ໄດ້ເປີດທົດລອງນຳໃຊ້ 5G ແລ້ວ
error: Alert: ເນື້ອຫາຂ່າວມີລິຂະສິດ !!