ປ້ອງກັນອັກຄີໄພໃນຍາມແລ້ງ

ປ້ອງກັນອັກຄີໄພໃນຍາມແລ້ງ - advert banner 728 90 728x90 - ປ້ອງກັນອັກຄີໄພໃນຍາມແລ້ງ

ໂດຍ: ມຶກບໍ່ແຫ້ງ

ປ້ອງກັນອັກຄີໄພໃນຍາມແລ້ງ - new3 - ປ້ອງກັນອັກຄີໄພໃນຍາມແລ້ງ

ອັກຄີໄພໄດ້ກາຍເປັນຄວາມສ່ຽງຕໍ່ຊັບສິນແລະຊີວິດຂອງພວກເຮົາໂດຍ ສະເພາະຕົກມາໃນຍາມແລ້ງຍິ່ງມີຄວາມສ່ຽງເພີ່ມຂຶ້ນ.

ພໍແຕ່ກ້າວຂາມາຮອດຍາມແລ້ງພວກເຮົາກໍໄດ້ຂ່າວເສົ້າເນື່ອງຈາກອັກຄີໄພຫຼາຍບ່ອນແລ້ວ, ສະເພາະໃນເດືອນຕຸລາ 2019 ເທົ່ານັ້ນກໍໄດ້ເກີດໄຟໄໝ້ ຕະຫຼາດປາກຊັນແຂວງບໍລິຄຳໄຊທີ່ເຮັດໃຫ້ມີຜົນເສຍຫາຍຢ່າງຫຼວງຫຼາຍ, ນອກນັ້ນທາງແຂວງຫົວພັນກໍເກີດມີໄຟໄໝ້ ເຮືອນປະຊາຊົນຢູ່ບ້ານຫົວຂົວເປັນຈຳນວນ 20 ກວ່າຫຼັງເຊິ່ງເຮັດໃຫ້ ປະຊາ ຊົນສູນເສຍຊັບສິນທີ່ຫາມາໄດ້ ແລະເຫດການດັ່ງກ່າວໄດ້ສົ່ງຜົນກະທົບ ຕໍ່ຊີວິດການເປັນຢູ່ຢ່າງຫຼີກລ່ຽງບໍ່ໄດ້.

ພ້ອມນັ້ນເມື່ອປີຜ່ານມາພວກເຮົາກໍໄດ້ປະສົບພົບພໍ້ກັບຜົນເສຍຫາຍເນື່ອງຈາກຄັກມີໄພໃນທົ່ວປະເທດບໍ່ແມ່ນໜ້ອຍເຊັ່ນກັນຮວມມີໄຟໄໝ້ຕະຫຼາດ, ເຮືອນຊານບ້ານຊ່ອງແລະມີທັງປ່າສະຫງວນພູພະນັງທີ່ເປັນສາເຫດໜຶ່ງທີ່ພາໃຫ້ເກີດມີຟຸ່ນລະອອງທົ່ວທ້ອງຟ້ານະຄອນຫຼວງວຽງຈັນແລະແຂວງອື່ນໆ ອ້ອມຂ້າງເຮັດໃຫ້ເກີດມີຄວາມສ່ຽງທາງດ້ານສຸຂະພາບຂອງຄົນໃນວົງ ກວ້າງ.

ອີງຕາມຂໍ້ມູນຂອງເຈົ້າໜ້າທີ່ ພະແນກຕຳຫຼວດສະກັດກັ້ນ ແລະ ຕ້ານອັກ ຄີໄພນະຄອງຫຼວງວຽງຈັນໃຫ້ຮູ້ວ່າໃນປີ 2018 ນັ້ນມີອັກຄີໄພທັງໝົດ 40​ ຄັ້ງເຮັດເຮືອນເສຍຫາຍ 16​ ຫຼັງ, ເປັນຫ້ອງ 24​ຫ້ອງ, ລົດໃຫຍ່ ສອງຄັນເຮັດໃຫ້ ມີຜົນເສຍຫາຍຫຼວງຫຼາຍ, ອັນນີ້ ເວົ້າສະເພາະນະຄອນ ຫຼວງຖ້າຮວມສະຖິຕິແຂວງອື່ນໆ ຂອບເຂດທົ່ວປະເທດກໍຍິ່ງຫຼາຍກວ່ານີ້ ຫຼາຍເທົ່າ.

ສິ່ງທີ່ພວກເຮົາຄວນເຮັດເພື່ອຫຼຸດຜ່ອນຄວາມສ່ຽງອັກຄີໄພໃນຍາມແລ້ງກໍຄືການປ້ອງກັນ, ຜູ້ຂຽນຂໍນໍາສະເໜີວິທີປ້ອງກັນທີ່ໜັງສືພີມລາວພັດທະນາ ພວກເຮົາທີ່ໄດ້ເຜີຍແຜ່ ເມື່ອເດືອນພຶດສະພາ 2018​ ຄືນອີກເທື່ອໜຶ່ງເພາະ ເຫັນວ່າຍັງມີປະໂຫຍດຫຼາຍຄື 1. ກວດສອບອຸປະກອນໄຟຟ້າໃຫ້ຢູ່ໃນສະ ພາບສົມບູນຫາກພົບສາຍໄຟຈີກຂາດ, ບຸ້ມ-ບ້ຽວປ່ຽນສີມີກິ່ນໄໝ້ໃຫ້ສ້ອມ ແປງແລະປ່ຽນໃໝ່ທັນທີ.

ປ້ອງກັນອັກຄີໄພໃນຍາມແລ້ງ - lattana 1 - ປ້ອງກັນອັກຄີໄພໃນຍາມແລ້ງ

2. ຕິດຕັ້ງລະບົບປ້ອງກັນໄຟໄໝ້ ໂດຍຕິດຕັ້ງເຄື່ອງຕັດກະແສໄຟຟ້າ ອັດຕະໂນມັດ, ຕໍ່ອຸປະກອນເຄື່ອງໃຊ້ໄຟຟ້າເພື່ອປ້ອງກັນໄຟໄໝ້ຈາກກະແສ ໄຟຟ້າລັດວົງຈອນ ແລະ 3. ລະມັດລະວັງທຸກໆກິດຈະກຳພາຍໃນ ແລະ ພາຍນອກຄົວເຮືອນທີ່ກ່ຽວຂ້ອງກັບໄຟທຸກປະເພດກ່ອນເຂົ້ານອນຫຼືກ່ອນ ອອກຈາກເຮືອນ, ປິດສະວິດໄຟ, ຖອດປັກສຽບ, ມອດທູບທຽນໃຫ້ດີ ແລະ ປິດວາວຖັງແກັສໃຫ້ແຈບດີທຸກເທື່ອ.

ຜູ້ຂຽນຂໍອະນຸຍາດນຳເອົາຄຳເວົ້າຂອງທ່ານຮ້ອຍເອກບຸນມີແສງອາລຸນຮອງຫົວໜ້າກອງໂຄສະນາປ້ອງກັນອັກຄີໄພພະແນກຕໍາຫຼວດສະກັດກັ້ນແລະຕ້ານອັກຄີໄພນະຄອນຫຼວງວຽງຈັນກ່າວໃນໂອກາດຖ່າຍທອດຄວາມຮູ້ວິທີປ້ອງກັນອັກຄີໄພໃຫ້ພະນັກຕະຫຼາດເມື່ອຕົ້ນປີ 2019 ຜ່ານມາວ່າ “ສິ່ງທີ່ ຄວນເອົາໃຈໃສ່ ໃນເວລາເກີດອັກຄີໄພບັນດາສະຫາຍຕ້ອງຕັ້ງສະຕິໃຫ້ ອຸ່ນອ່ຽນທຸ່ນທ່ຽງ, ກ້າຫານ, ວ່ອງໄວ, ສົງສັນຍານໃຫ້ທຸກຄົນຮູ້, ຕັດກະແສ ໄຟຟ້າ, ຊອກຫາອຸປະກອນເຂົ້າດັບມອດໄຟທັນທີ”.

“ໂທແຈ້ງເຈົ້າໜ້າທີ່ 1190 ແລະ 021212707 ຫຼືເຈົ້າໜ້າທີ່ ທີ່ຢູ່ໃກ້ ກັບພື້ນທີ່ ພ້ອມທັງຍົກຍ້າຍເຄື່ອງຂອງຈາກພື້ນທີ່, ຊ່ວຍເຫຼືອຜູ້ປະສົບໄພ, ຈັດຕັ້ງປ້ອງກັນພື້ນທີ່ເກີດເຫດ ແລະ ໃຫ້ການຮ່ວມມືກັບເຈົ້າໜ້າທີ່”. 

ສິ່ງສຳຄັນພວກເຮົາບໍ່ຄວນປະມາດເດັດຂາດແລະມີສະຕິລະວັງຕົວທຸກ ເທື່ອເພື່ອາສະກັດກັ້ນການເກີດອັກຄີໄພທີ່ພວກເຮົາບໍ່ປາຖະໜາ.

error: Content is protected !!