ຟີລິບປິນ ແຜ່ນດິນໄຫວ ຕາຍ 8 ເຈັບນັບຮ້ອຍ

ຟີລິບປິນ ແຜ່ນດິນໄຫວ ຕາຍ 8 ເຈັບນັບຮ້ອຍ - advert banner 728 90 728x90 - ຟີລິບປິນ ແຜ່ນດິນໄຫວ ຕາຍ 8 ເຈັບນັບຮ້ອຍ

ຮຽບຮຽງໂດຍ: ລູກເມືອງພວນ

ຟີລິບປິນ ແຜ່ນດິນໄຫວ ຕາຍ 8 ເຈັບນັບຮ້ອຍ - new3 - ຟີລິບປິນ ແຜ່ນດິນໄຫວ ຕາຍ 8 ເຈັບນັບຮ້ອຍ

ນັກສຳຫຼວດທໍລະນີວິທະຍາ ສະຫະລັດ ລາຍງານວ່າ ເກີດແຜ່ນດິນໄຫວຂະໜາດ 6,5 ບົນເກາະ ບິນດາເນົາ ທາງພາກໃຕ້ຂອງ ຟີລິບປິນ ເມື່ອຊ່ວງເຊົ້າຂອງວັນທີ 31 ຕຸລາຜ່ານມາ ໂດຍເກີດຂຶ້ນໃນບໍລິເວນດຽວກັນກັບ ທີ່ເກີດແຜ່ນດິນໄຫວຂະໜາດ 6,6 ເມື່ອສອງວັນກ່ອນ ມີຜູ້ເສຍຊີວິດ 8 ຄົນ ແລະ ໄດ້ຮັບບາດເຈັບຫຼາຍກ່ວາ 100 ຄົນ. ສຳລັບແຜ່ນດິນໄຫວຫຼ້າສຸດນີ້ມີຈຸດສູນກາງຢູ່ໃກ້ກັບເມືອງ ຄິດຊັນເປ ມີຄວາມເລິກລົງໃນພື້ນດິນ 10 ກມ ແລະ ມີລາຍງານວ່າມີຜູ້ເສຍຊີວິດແລ້ວ 5 ຄົນໃນແຂວງ ນອດໂຄຕາບາໂຕ້ ໃນຈຳນວນຜູ້ເສຍຊີວິດນັ້ນ ລວມມີນາຍບ້ານຢູ່ດ້ວຍ ໂດຍເສຍຊີວິດຈາກສຳນັກງານ ອາຄານບ້ານເຮືອນຖະຫຼົ່ມລົງມາໃສ່, ການສັ່ນສະເທືອນຂອງແຜ່ນດິນໄຫວຍັງເຮັດໃຫ້ອາຄານໃນເມືອງ ດາເວົາ  ແລະ ໂຮງແຮມອີກແຫ່ງໜຶ່ງໃນເມືອງ ຄິປາດາວັນ ໄດ້ຮັບຄວາມເສຍຫາຍຢ່າງໜັກ ແລະ ສ່ຽງທີ່ຈະພັງຖະຫຼົ່ມລົງມາອີກ. ທັງນີ້ແຜ່ນດິນໄຫວເກີດຂຶ້ນຫຼ້າສຸດເປັນຄັ້ງທີສາມໃນຮອບ ໜຶ່ງເດືອນໃນພື້ນທີ່ດຽວກັນ.

 ໂດຍແຜ່ນດິນໄຫວຄັ້ງທຳອິດ 6,3 ເກີດຂຶ້ນເມື່ອວັນທີ 16 ຕຸລາຜ່ານມາ ເຮັດໃຫ້ມີຜູ້ເສຍຊີວິດ 7 ຄົນ ແລະ ມີຜູ້ໄດ້ຮັບບາດເຈັບຫຼາຍກ່ວາ 200 ຄົນ, ອາຄານບ້ານເຮືອນກ່ວາ 7.000  ຫຼັງໄດ້ຮັບຄວາມເສຍຫາຍ. ສ່ວນແຜ່ນດິນໄຫວຄັ້ງທີສອງ ຂະໜາດ 6,3 ເກີດຂຶ້ນ ເມື່ອວັນທີ 29 ທີ່ຜ່ານມາ ເຮັດໃຫ້ມີຜູ້ເສຍຊີວິດ 8 ຄົນ ແລະໄດ້ຮັບບາດເຈັບຫຼາຍກ່ວາ 300 ຄົນ.

ຟີລິບປິນ ແຜ່ນດິນໄຫວ ຕາຍ 8 ເຈັບນັບຮ້ອຍ - lattana 1 - ຟີລິບປິນ ແຜ່ນດິນໄຫວ ຕາຍ 8 ເຈັບນັບຮ້ອຍ

ຟີລິບປິນ ແຜ່ນດິນໄຫວ ຕາຍ 8 ເຈັບນັບຮ້ອຍ - 4214 - ຟີລິບປິນ ແຜ່ນດິນໄຫວ ຕາຍ 8 ເຈັບນັບຮ້ອຍ

error: Content is protected !!