ໂຄງການກໍ່ສ້າງຂົວຂ້າມ​ນ້ຳ​ຮຸ່ງ 2 ແຫ່ງ ຢູ່ເມືອງໄຊຍະບູລີ ຄືບໜ້າເກືອບ 60%

ໂຄງການກໍ່ສ້າງຂົວຂ້າມ​ນ້ຳ​ຮຸ່ງ 2 ແຫ່ງ ຢູ່ເມືອງໄຊຍະບູລີ ຄືບໜ້າເກືອບ 60% - advert banner 728 90 728x90 - ໂຄງການກໍ່ສ້າງຂົວຂ້າມ​ນ້ຳ​ຮຸ່ງ 2 ແຫ່ງ ຢູ່ເມືອງໄຊຍະບູລີ ຄືບໜ້າເກືອບ 60%

ໂຄງການກໍ່ສ້າງຂົວຂ້າມ​ນ້ຳ​ຮຸ່ງ 2 ແຫ່ງ ຢູ່ເມືອງໄຊຍະບູລີ ຄືບໜ້າເກືອບ 60% - new3 - ໂຄງການກໍ່ສ້າງຂົວຂ້າມ​ນ້ຳ​ຮຸ່ງ 2 ແຫ່ງ ຢູ່ເມືອງໄຊຍະບູລີ ຄືບໜ້າເກືອບ 60%

ຂປລ. ໂຄງການກໍ່ສ້າງຂົວຂ້າມແມ່ນໍ້າຮຸ່ງ 2 ແຫ່ງ ຂອງເມືອງ ໄຊຍະບູລີ, ແຂວງ ໄຊຍະບູລີ, ໄດ້ເລີ່ມລົງມືກໍ່ສ້າງມາແຕ່ຕົ້ນເດືອນມັງກອນ 2019 ມາຮອດປັດຈຸບັນ ການກໍ່ສ້າງຄືບໜ້າແລ້ວ 57,26% ຂອງໜ້າວຽກທັງໝົດ, ໂດຍແມ່ນບໍລິສັດ MCE Gmbh ຈາກປະເທດໂອຕຣິດ ເປັນຜູ້ຮັບເໝົາກໍ່ສ້າງ, ໄລຍະເວລາ ໃນການກໍ່ສ້າງ 30 ເດືອນ, ໃນມູນຄ່າ 6,1 ລ້ານເອີໂຣ ຫລື ເທົ່າກັບ 59,17 ຕື້ກີບ, ຄາດວ່າການກໍ່ສ້າງຈະໃຫ້ສໍາເລັດພາຍໃນຕົ້ນເດືອນ ມິຖຸນາ 2021.

ໂຄງການກໍ່ສ້າງຂົວຂ້າມ​ນ້ຳ​ຮຸ່ງ 2 ແຫ່ງ ຢູ່ເມືອງໄຊຍະບູລີ ຄືບໜ້າເກືອບ 60% - 14247 - ໂຄງການກໍ່ສ້າງຂົວຂ້າມ​ນ້ຳ​ຮຸ່ງ 2 ແຫ່ງ ຢູ່ເມືອງໄຊຍະບູລີ ຄືບໜ້າເກືອບ 60%

ທ່ານ ສົມບູນ ບຸນຈະເລີນ ຫົວໜ້າໂຄງການກໍ່ສ້າງຂົວຂ້າມແມ່ນໍ້າຮຸ່ງ ໄດ້ໃຫ້ຮູ້ວ່າ: ໂຄງການກໍ່ສ້າງຂົວຂ້າມແມ່ນໍ້າຮຸ່ງຈໍານວນ 2 ແຫ່ງ ຄື: ຈຸດຂ້າມລະຫວ່າງ ບ້ານ ທ່ານາ ຫາ ບ້ານ ນາຍາວ ແລະ ຈຸດຂ້າມ ບ້ານນາເລົາ ຫາ ບ້ານນາຕໍໃຫຍ່, ຂົວທັງ 2 ແຫ່ງ ມີຄວາມກວ້າງ 10,50 ແມັດ, ມີ 2 ຊ່ອງຈໍລະຈອນ, ມີຄວາມກວ້າງຊ່ອງລະ 3,75 ແມັດ, ມີທາງຄົນຍ່າງ 2 ຂ້າງ, ແຕ່ລະຂ້າງກວ້າງ 1,50 ແມັດ, ຂົວດັ່ງກ່າວ ຖືກອອກແບບເປັນສາມຊ່ວງ ຄື: ຄວາມຍາວຊ່ວງທີ່ໜຶ່ງ 28,50 ແມັດ, ຊ່ວງທີ່ສອງເປັນຊ່ວງກາງນໍ້າ ມີຄວາມຍາວ 46,40 ແມັດ ແລະ ຊ່ວງທີ່ສາມ ມີຄວາມຍາວ 28,50 ແມັດ, ລວມລວງຍາວທັງໝົດຂອງຂົວແຕ່ລະແຫ່ງແມ່ນ 103,40 ແມັດ, ໂຄງສ້າງປະກອບດ້ວຍໂຄງເຫລັກໂຕ I ສອງຄານ ແລະ ເຊື່ອມກັນດ້ວຍຄານຂວາງຕາມໄລຍະຫ່າງທີ່ແນ່ນອນ, ດ້ານລຸ່ມເປັນຄອນກລີດເສີມເຫລັກ, ດ້ານເທິງຂອງຄານ ຈະຖືກຍຶດດ້ວຍຄອນກຣີດເສີມເຫລັກສໍາເລັດຮູບ (ແຜ່ນໜ້າຂົວມີຄວາມໜາ 0,4 ແມັດ ), ໜ້າຂົວປູຄອນກລີດເສີມເຫລັກ ແລະ ປູອັດສະຟານປົກໜ້າ, ເຊິ່ງມີຄວາມໜາ 5 ຊັງຕີແມັດ, ສາມາດຮັບນໍ້າໜັກໄດ້ 50 ໂຕນ.

ໂຄງການກໍ່ສ້າງຂົວຂ້າມ​ນ້ຳ​ຮຸ່ງ 2 ແຫ່ງ ຢູ່ເມືອງໄຊຍະບູລີ ຄືບໜ້າເກືອບ 60% - lattana 1 - ໂຄງການກໍ່ສ້າງຂົວຂ້າມ​ນ້ຳ​ຮຸ່ງ 2 ແຫ່ງ ຢູ່ເມືອງໄຊຍະບູລີ ຄືບໜ້າເກືອບ 60%

ທຶນ​ໃນ​ການ​ກໍ່ສ້າງ​ຂົວດັ່ງກ່າວ, ແມ່ນກູ້ຢືມບໍ່ມີດອກເບ້ຍ ຈາກທະນາຄານ Unicredit bank Austris AG ປະເທດ ໂອຕຣິດ, ເມື່ອສ້າງສໍາເລັດຈະອໍານວຍຄວາມສະດວກໃຫ້ປະຊາຊົນ, ພະນັກງານ, ທະຫານ, ຕໍາຫລວດ ແລະ ນັກຮຽນ-ນັກສຶກສາ ທີ່ອາໄສຢູ່ສອງຟາກຝັ່ງຂອງແມ່ນນໍ້າຮຸ່ງ ໄດ້ໄປ-ມາ, ຫາ-ສູ່, ຄ້າ-ຂາຍ ແລະ ປະຕິບັດໜ້າທີ່ວຽກງານທາງລັດທະການໄດ້ດວກ ແລະ ທ່ວງທັນກັບເວລາ.

ຂ່າວ: ອຸ່ນເຮືອນ ໂພທິລັກ

ໂຄງການກໍ່ສ້າງຂົວຂ້າມ​ນ້ຳ​ຮຸ່ງ 2 ແຫ່ງ ຢູ່ເມືອງໄຊຍະບູລີ ຄືບໜ້າເກືອບ 60% - 1257 - ໂຄງການກໍ່ສ້າງຂົວຂ້າມ​ນ້ຳ​ຮຸ່ງ 2 ແຫ່ງ ຢູ່ເມືອງໄຊຍະບູລີ ຄືບໜ້າເກືອບ 60%
error: Content is protected !!