ການຂະຫຍາຍຕົວຂອງເສດຖະກິດນະຄອນຫລວງປີ​ນີ້ຈະ​ບໍ່​ບັນລຸຕົວ​ເລກ​ຄາດໝາຍ​

ການຂະຫຍາຍຕົວຂອງເສດຖະກິດນະຄອນຫລວງປີ​ນີ້ຈະ​ບໍ່​ບັນລຸຕົວ​ເລກ​ຄາດໝາຍ​ - advert banner 728 90 728x90 - ການຂະຫຍາຍຕົວຂອງເສດຖະກິດນະຄອນຫລວງປີ​ນີ້ຈະ​ບໍ່​ບັນລຸຕົວ​ເລກ​ຄາດໝາຍ​

ຫົວໜ້າ​ພະ​​ແນ​ກ​ແຜນການ ​ແລະ ການ​ລົງທຶນ​ນະຄອນຫລວງ​ວຽງ​ຈັນ ​ໄດ້ລາຍ​ງານຜົນ​ການ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມປີ 2019 ຕໍ່​ກອງ​ປະຊຸມວິສາມັນ​ເທື່ອ​ທີ 3 ຂອງ​ສະພາ​ປະຊາຊົນ​ນະຄອນຫລວງ​ວຽງ​ຈັນ​​ໃນ​ວັນ​ທີ 1 ພະຈິກ​ ​ນີ້​ວ່າ: ​ໂດຍ​ລວມແລ້ວເຫັນວ່າສະພາບເຖດຖະກິດຢູ່​ນະຄອນ​ຫລວງ​ວຽງ​ຈັນ ​ມີ​ສະຖຽນລະ​ພາບດີ​, ສັງຄົມ​ມີ​ຄວາ​ມສະ​ຫງົບ​ປອດ​ໄພ ​ແລະ ຊີວິດ​ການ​ເປັນ​ຢູ່​ຂອງ​ປະຊາຊົນ​ໄດ້​ຮັບ​ການ​ປັບປຸງ​ນັບ​ມື້​ດີ​ຂຶ້ນ. ຄຽງຄູ່ກັນນັ້ນ ສະເພາະການພັດທະນາເສດຖະກິດນະຄອນຫລວງ​ໄດ້ວາງ​ຄາດໝາຍໃຫ້​ຂະຫຍາຍຕົວຢູ່​ໃນ​ລະດັບ 9,5% ຂຶ້ນ​ໄປ.​

ການຂະຫຍາຍຕົວຂອງເສດຖະກິດນະຄອນຫລວງປີ​ນີ້ຈະ​ບໍ່​ບັນລຸຕົວ​ເລກ​ຄາດໝາຍ​ - new3 - ການຂະຫຍາຍຕົວຂອງເສດຖະກິດນະຄອນຫລວງປີ​ນີ້ຈະ​ບໍ່​ບັນລຸຕົວ​ເລກ​ຄາດໝາຍ​

ແຕ່ຜ່ານ​ການປະເມີນແລ້ວເຫັນ​ວ່າ​ຈະ​ຢູ່​ໃນ​ລະດັບ 9-9,47% ​ເທົ່າ​ນັ້ນ. ຂະນະ​ທີ່​ລວມຍອດ​ຜະລິດ​ຕະພັນ​ພາຍ​ໃນ GDP ຈະບັນລຸພຽງ​ປະມານ 45.361 ຕື້​ກວ່າ​ກີບ. ໃນ​ນີ້, ຂະ​ແໜງ​ກະສິກໍ​າ-ປ່າ​ໄມ້ ກວມ 13,44%, ອຸດສາຫະກໍາ ກວມ 50,59% ​ແລະ ການ​ບໍລິການ ກວມ 35,97% ຂອງ GDP. ຂະນະ​ດຽວ​ກັນ ສະພາບ​ການ​ລົງທຶນ​ຈະ​ບັນລຸ​ໄດ້ 17.783 ຕື້​ກີບ (ລື່ນ​ແຜນ 17%.).

  ຫົວໜ້າ​ພ​ະ​ແນ​ກດັ່ງກ່າວ ​ໃຫ້​ຮູ້​ວ່າ: ມີ​ຫລາຍ​ປັດ​ໄຈທີ່​ພາ​ໃຫ້ການ​ປະຕິບັດຄາດໝາຍດ້ານຕ່າງໆ​ຂອງ​ການ​ພັດທະນາຢູ່ນະຄອນຫລວງ​ວຽງ​ຈັນບໍ່​ບັນລຸ​ໄດ້ຕາມ​ແຜ​ນການ​ຄື: ການ​ຜັນ​ຂະຫຍາຍ​ແຜນ​ພັດທະນາ​ເສດຖະກິດ-ສັງຄົມ​ຂອງ​ບັນດາ​ພະ​​ແນ​ກການ​ຕ່າງໆ ຍັງ​ເຮັດ​ບໍ່​ທັນ​ໄດ້​ດີ, ​ມີ​ຫລາຍ​​ໂຄງການ​ລົງທຶນ​ບໍ່​ສາມາດ​ປະຕິບັດ​ໄດ້​ຕາມ​ແຜນ, ຍ້ອນ​ຜູ້​ຮັບ​ເໝົາ​ຂາດ​ສະພາບ​ຄ່ອງ​ດ້ານ​ທຶນ​ຮອນ, ຂະນະ​ດຽວ​ກັນ​ການ​ຊໍາລະ​ໜີ້​ສີນ​ໂຄງການ​ຕ່າງໆ​ຂອງ​ພາກ​ລັດ​​ມີ​ຈໍາກັດ ​ແລະ ບໍ່​ຕອບ​ສະໜອງ​ໄດ້​ຕາມ​ແຜນ​ຂອງ​ໂຄງການ.

ການຂະຫຍາຍຕົວຂອງເສດຖະກິດນະຄອນຫລວງປີ​ນີ້ຈະ​ບໍ່​ບັນລຸຕົວ​ເລກ​ຄາດໝາຍ​ - lattana 1 - ການຂະຫຍາຍຕົວຂອງເສດຖະກິດນະຄອນຫລວງປີ​ນີ້ຈະ​ບໍ່​ບັນລຸຕົວ​ເລກ​ຄາດໝາຍ​

ການ​ປະຕິບັດ​ນະ​ໂຍບາຍ 6 ສ, ການຈັດ​ສັນ​ຄວາ​ມ​ເປັນ​ລະບຽບ​ໃນ​ຕົວ​ເມືອງ, ການ​ພັດທະນາ​ພື້ນຖານ​​ໂຄງລ່າງ​ຍັງ​ເຮັດ​ບໍ່​ໄດ້​ດີຍ້ອນ​ມີ​ຄວາມ​ຈໍາກັດດ້ານ​ທຶນ​ຮອນເຊັ່ນກັນ, ອັດຕາປະລະ​ການ​ຮຽນ​ຂອງ​ນັກຮຽນ-ນັກ​ສຶກສາຍັງ​ສູງ, ການ​ແຜ່​ລະບາດ​ຂອງ​ພະຍາດ​ຕາມລະດູ​ການ​ຍັງ​ເກີດ​ຂຶ້ນ​, ສະພາບ​ຂໍ້​ຂັດ​ແຍ່ງ​ດ້ານ​ທີ່​ດິນ, ການ​ອອກ​ໃບ​ຕາດິນ​ຊໍ້າ​ຊ້ອນ ຍັງ​ເປັນ​ບັນຫາ​ທີ່​ສ້າງ​ຄວາມ​ສັບ​ສົນ​​ໃນ​ສັງຄົມ​ຫລາຍ​ສົມຄວນ.

error: Content is protected !!