ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 22 ແລະ ກອງປະຊຸມປີ່ນອ້ອມ.

ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 22 ແລະ ກອງປະຊຸມປີ່ນອ້ອມ. - advert banner 728 90 728x90 - ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 22 ແລະ ກອງປະຊຸມປີ່ນອ້ອມ.

ຄະນະຜູ້ແທນລາວນຳໂດຍທ່ານ ສະຫວັນຄອນ ຣາຊມຸນຕີ ຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ໄດ້ເຂົ້າຮ່ວມກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນ 22 ແລະ ບັນດາກອງປະຊຸມປີ່ນອ້ອມໃນວັນທີ 2 ພະຈິກນີ້ທີ່ບາງກອກ, ປະເທດໄທ ພາຍໃຕ້ຫົວຂໍ້: “ການເປັນປະທານອາຊຽນຂອງໄທປີ 2019:ຮ່ວມມື, ຮ່ວມໃຈ, ກ້າວໜ້າເພື່ອຄວາມຍືນຍົງ(Advancing Partnership for Sustainability), ໂດຍມີບັນດາທ່ານລັດຖະມົນຕີ, ຮອງລັດຖະມົນຕີ, ເຈົ້າຫນ້າທີອາວຸໂສແລະບັນດາຜູ້ແທນຈາກກະຊວງຮັບຜິດຊອບປະຊາຄົມວັດທະນະທຳ-ສັງຄົມອາຊຽນຈາກບັນດາປະເທດສະມາຊິກອາຊຽນ ແລະ ທ່ານຮອງເລຂາທິການໃຫຍ່ອາຊຽນເຂົ້າຮ່ວມກອງປະຊຸມດັ່ງກ່າວຈັດຂື້ນໃນໄລຍະດຽວກັນກັບກອງປະຊຸມສຸດຍອດຜູ້ນຳອາຊຽນ ຄັ້ງທີ 35.

ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 22 ແລະ ກອງປະຊຸມປີ່ນອ້ອມ. - new3 - ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 22 ແລະ ກອງປະຊຸມປີ່ນອ້ອມ.

ກອງປະຊຸມໄດ້ດຳເນີນພາຍໃຕ້ການເປັນປະທານຂອງ ທ່ານຈຸຕິ ໄກຣເຣີກລັດຖະມົນຕີກະຊວງພັດທະນາສັງຄົມ ແລະ ຄວາມໝັ້ນຄົງຂອງມະນຸດແຫ່ງປະເທດໄທ, ຊຶ່ງໄດ້ປຶກສາຫາລືບັນຫາຕ່າງໆຢ່າງກວ້າງຂວາງ ແລະ ສ້າງສັນ. ໃນນັ້ນໄດ້ພິຈາລະນາຮັບຮອງບັນດາເອກະສານສຳຄັນທີ່ຂະແໜງການກ່ຽວຂ້ອງໄດ້ຄົ້ນຄວ້າພິຈາລະນາລະອຽດ ເພື່ອສະເຫນີໃຫ້ຜູ້ນຳອາຊຽນຮັບຮອງ ແລະ ຮັບຊາບ ທີ່ກອງປະຊຸມສຸດຍອດຜູ້ນຳອາຊຽນຄັ້ງທີ 35 ໃນຕອນບ່າຍຂອງວັນດຽວກັນ ຄື:

ຖະແຫລງການຮ່ວມອາຊຽນທີ່ຈະສະເໜີຕໍ່ກອງປະຊຸມລັດພາຄີຕໍ່ສົນທິສັນຍາສະຫະປະຊາຊາດດ້ານການປ່ຽນແປງດິນຟ້າອາກາດຄັ້ງທີ 25 (ASEAN Joint Statement on Climate Change to the 25th Conference of the Parties (COP-25) to the United Nations Framework Convention on Climate Change (UNFCCC)), ຖະແຫລງການອາຊຽນວ່າດ້ວຍການປົກປ້ອງເດັກຈາກທຸກຮູບແບບໃນການລ່ວງລະເມີດ ແລະ ຂູດຮີດທາງເພດໂດຍຜ່ານສື່ອອນລາຍ (Declaration on the Protection of Children against All Forms of Online Exploitation and Abuse in ASEAN), ຖະແຫລງການອາຊຽນວ່າດ້ວຍສິດທິເດັກໃນການເຄື່ອນຍ້າຍຖິ່ນຖານASEAN Declaration on the Rights of Children in the Context of Migration, ຖະແຫລງການບາງກອກວ່າດ້ວຍການໃຫ້ຜູ້ຮ່ວມພັດທະນາຊຸກຍູ້ການສຶກສາແບບຍືນຍົງໃນອາຊຽນຕາມວາລະ 2030 (Bangkok Declaration on Advancing Partnership in Education for 2030 Agenda for Sustainable Development in ASEAN), ຖະແຫລງການຮ່ວມວ່າດ້ວຍການຢືນຢັນຄວາມໝາຍໝັ້ນໃນການກ້າວໄປສູ່ສິດທິເດັກໃນອາຊຽນ (Joint Statement on Reaffirmation of Commitment to Advancing the Rights of the Child in ASEAN), ຖະແຫລງການຜູ້ນຳອາຊຽນວ່າດ້ວຍຄວາມໝັ້ນຄົງ ແລະ ເຂັ້ມແຂງດ້ວຍຕົນເອງທາງດ້ານວັກແຊັງ(ASEAN Leaders’ Declaration on ASEAN Vaccine Security and Self-Reliance).ນອກນີ້ຍັງມີບົດສະເໜີເພື່ອໃຫ້ຜູ້ນໍາອາຊຽນຮັບຊາບຄື: ບົດແນະນຳ ແລະ ລະບຽບການພາກພື້ນໃນການຕອບສະໜອງຕໍ່ຄວາມຕ້ອງການຂອງເຫຍື່ອການຄ້າມະນຸດ, ໂດຍສະເພາະແມ່ຍິງ ແລະ ເດັກນ້ອຍ (Regional Guidelines and Procedures to Address the Needs of Victims of Trafficking in Person, Especially Women and Children),ຖະແຫລງການອາຊຽນວ່າດ້ວຍການສົ່ງເສີມການປົກຄອງທີ່ດີ ແລະ ການຍົກລະດັບພະນັກງານລັດຖະກອນໃນຍຸກເສດຖະກິດດິຈິຕອລASEAN Statement on Promotion of Good Governance and Acceleration of an Agile Civil Service in a Digital Economy ແລະແຜນປະຕິບັດງານພາກພື້ນ ເພື່ອສ້າງຄວາມເຂັ້ມແຂງທາງດ້ານການສຶກສາໃຫ້ແກ່ເດັກນ້ອຍ ແລະ ໄວໜຸ່ມນອກໂຮງຮຽນ (Regional Action Plan for the Implementation of the ASEAN Declaration on Strengthening Education for Out-of-School Children and Youth (OOSCY)).

ພ້ອມນັ້ນ, ທ່ານຮອງລັດຖະມົນຕີ ໄດ້ປະກອບຄຳເຫັນຕໍ່ກອງປະຊຸມຄັ້ງນີ້ວ່າ: ສປປ ລາວ ເຫັນດີ ແລະ ສະແດງຄວາມຊົມເຊີຍຕໍ່ປະເທດໄທໃນການເປັນປະທານອາຊຽນປີ 2019 ພາຍໃຕ້ຫົວຂໍ້: ຮ່ວມມື, ຮ່ວມໃຈ, ກ້າວໜ້າເພື່ອຄວາມຍືນຍົງ, ຊຶ່ງໃນນັ້ນ, ມີບັນດາເອກະສານທີ່ສໍາຄັນທີ່ຈະສະເໜີໃຫ້ຜູ້ນໍາອາຊຽນພິຈາລະນາຮັບຮອງ ແລະ ຮັບຊາບ ທີ່ກອງປະຊຸມສຸດຍອດອາຊຽນຄັ້ງທີ 35 ທີ່ຈະຈັດຂື້ນໃນມໍ່ໆນີ້.

ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 22 ແລະ ກອງປະຊຸມປີ່ນອ້ອມ. - lattana 1 - ຄະນະຜູ້ແທນລາວສໍາເລັດການເຂົ້າຮ່ວມກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 22 ແລະ ກອງປະຊຸມປີ່ນອ້ອມ.

ນອກນັ້ນ, ທ່ານໄດ້ກ່າວຕື່ມວ່າ: ສປປ ລາວ, ຍາມໃດກໍເອົາໃຈໃສ່ປະຕິບັດຍຸດທະສາດ ແລະ ທິດທາງຂອງອາຊຽນ, ໂດຍສະເພາະພັນທະ ແລະ ໜ້າທີ່ໃນການເຮັດວຽກກັບບັນດາປະເທດສະມາຊິກອາຊຽນຢ່າງໃກ້ຊິດ, ປະເທດຄູ່ຮ່ວມເຈລະຈາ ແລະ ຄູ່ຮ່ວມພັດທະນາອາຊຽນ ເພື່ອຈັດຕັ້ງປະຕິບັດວິໄສທັດປະຊາຄົມອາຊຽນ 2025 ແລະ ແຜນແມ່ບົດວັດທະນະທໍາ-ສັງຄົມອາຊຽນ 2025.ໜຶ່ງໃນນັ້ນ, ສປປ ລາວ ຕີລາຄາສູງຕໍ່ການສ້າງຕັ້ງຄະນະກຳມະການອາຊຽນ ເພື່ອສົ່ງເສີມ ແລະ ປົກປ້ອງສິດທິແມ່ຍິງ ແລະ ເດັກນ້ອຍ, ຊຶ່ງລັດຖະບານລາວ ໄດ້ຈັດຕັ້ງປະຕິບັດກິດຈະກຳເພື່ອປູກຈິດສຳນຶກໃຫ້ແກ່ປະຊາຊົນກ່ຽວກັບການປົກປ້ອງສິດທິເດັກ, ການຄ້າມະນຸດ ແລະ ກົດຂີ່ຂູດຮີດເປັນຕົ້ນ: ຈັດຕັ້ງກອງປະຊຸມປຶກສາຫາລືການຈັດຕັ້ງຜັນຂະຫຍາຍຂໍ້ສະເໜີແນະຂອງສະຫະປະຊາຊາດຕໍ່ບົດລາຍງານແຫ່ງຊາດປະຈຳໄລຍະທີ 3-6 ກ່ຽວກັບການຈັດຕັ້ງປະຕິບັດສົນທິສັນຍາວ່າດ້ວຍສິດທິເດັກ ແລະ ບົດລາຍງານແຫ່ງຊາດປະຈຳໄລຍະທີ 8-9 ກ່ຽວກັບການຈັດຕັ້ງປະ

ຕິບັດສົນທິສັນຍາຊີດໍ (CEDAW) ກັບບັນດາຄູ່ຮ່ວມພັດທະນາ.ກອງປະຊຸມຮ່ວມກັບພາກທຸລະກິດເອກະຊົນໃນໂອກາດວັນຄົບຮອບ 30 ປີແຫ່ງການຮັບຮອງເອົາສົນທິສັນຍາວ່າດ້ວຍສິດທິເດັກ, ຈັດຕັ້ງພິທີລົງນາມເອກະສານຄວາມໝາຍໝັ້ນຂອງບັນດາຮອງເຈົ້າແຂວງຕໍ່ການຈັດຕັ້ງປະຕິບັດສົນທິສັນຍາວ່າດ້ວຍສິດທິເດັກເພື່ອນຳໃຊ້ກາລະໂອກາດພັດທະນາທ່າແຮງຂອງເດັກລາວບັນດາເຜົ່າແຕ່ນີ້ ຮອດປີ 2030 ແລະ ການບັນລຸເປົ້າໝາຍພັດທະນາແບບຍືນຍົງ.

error: Content is protected !!