ອັດຕະປື ສຳເລັດຫລາຍໜ້າວຽກໃນການແກ້ໄຂ ແລະ ຟື້ນຟູໄພພິບັດ ຢູ່ເມືອງສະໜາມໄຊ

ອັດຕະປື ສຳເລັດຫລາຍໜ້າວຽກໃນການແກ້ໄຂ ແລະ ຟື້ນຟູໄພພິບັດ ຢູ່ເມືອງສະໜາມໄຊ - advert banner 728 90 728x90 - ອັດຕະປື ສຳເລັດຫລາຍໜ້າວຽກໃນການແກ້ໄຂ ແລະ ຟື້ນຟູໄພພິບັດ ຢູ່ເມືອງສະໜາມໄຊ

ຂປລ. ອຳນາດການປົກຄອງແຂວງອັດຕະປື ໄດ້ສຳເລັດການຈັດຕັ້ງປະຕິບັດວຽກງານໃນການແກ້ໄຂ ແລະ ຟື້ນຟູໄພພິບັດ ຈາກສັນຄູກັນນ້ຳ D ເຂື່ອນເຊປຽນ-ເຊນ້ຳນ້ອຍແຕກ ຢູ່ເມືອງສະໜາມໄຊ ແຂວງອັດຕະປື ໃນຫລາຍໜ້າວຽກຕະຫລອດໄລຍະຜ່ານມາ ເປັນຕົ້ນແມ່ນ ການຈັດສັນທີ່ຢູ່ຊົ່ວຄາວ, ນະ ໂຍບາຍ ແລະ ການຊ່ວຍເຫລືອບັນເທົາທຸກ ແລະ ການສົງເຄາະ.

ອັດຕະປື ສຳເລັດຫລາຍໜ້າວຽກໃນການແກ້ໄຂ ແລະ ຟື້ນຟູໄພພິບັດ ຢູ່ເມືອງສະໜາມໄຊ - new3 - ອັດຕະປື ສຳເລັດຫລາຍໜ້າວຽກໃນການແກ້ໄຂ ແລະ ຟື້ນຟູໄພພິບັດ ຢູ່ເມືອງສະໜາມໄຊ

    ທ່ານ ເລັດ ໄຊຍະພອນ ເຈົ້າແຂວງອັດຕະປື ໄດ້ລາຍງານຄວາມຄືບໜ້າດັ່ງກ່າວ ຕໍ່ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ວ່າການລັດຖະມົນຕີ ກະຊວງແຜນການ ແລະ ການລົງທຶນ ໃນກອງປະຊຸມລາຍງານຄວາມຄືບໜ້າໃນການແກ້ໄຂ ແລະ ຟື້ນຟູໄພພິບັດ, ເຊິ່ງໄດ້ຈັດຂຶ້ນໃນວັນທີ 1 ຕຸລາ 2019 ທີ່ແຂວງອັດຕະປື, ໂດຍມີພະນັກງານຈາກຂະແໜງການທີ່ກ່ຽວຂ້ອງ ຈາກສູນກາງ ແລະ ທ້ອງຖິ່ນເຂົ້າຮ່ວມ. 

    ບັນດາໜ້າວຽກທີ່ໄດ້ຈັດຕັ້ງປະຕິບັດສຳເລັດຜ່ານມາ ປະກອບມີ: ການຈັດສັນທີ່ຢູ່ຊົ່ວຄາວ, ນະໂຍ ບາຍ ແລະ ການຊ່ວຍເຫລືອບັນເທົາທຸກ ແລະ ການສົງເຄາະ, ວຽກຄຸ້ມຄອງສູນພັກຊົ່ວຄາວ, ວຽກສຶກສາ ທິການ ແລະ ສາທາລະນາສຸກ, ການປະເມີນຜົນກະທົບ ແລະ ຊົດເຊີຍ, ການຟື້ນຟູ ແລະ ຈັດສັນອາຊີບ, ການເຈລະຈາ ແລະ ຊົດເຊີຍ, ການຄຸ້ມຄອງລາຍຮັບຈາກການຊ່ວຍເຫລືອ ແລະ ຈາກພາກລັດ, ລວມທັງການສ້າງແບບແຜນ ແລະ ກົນໄກການເຮັດວຽກຂອງຄະນະກຳມະການຕ່າງໆ.

    ມາຮອດເດືອນກຸມພາ 2019, ພາຍຫລັງສໍາເລັດປຸກຫ້ອງແຖວ ແລະ ເຮືອນສໍາເລັດຮູບ ກໍໄດ້ຍົກ ຍ້າຍປະຊາຊົນເຂົ້າຢູ່ໃນ 5 ສູນ ຄື: ສູນຫາດຍາວ, ສູນດົງບາກ, ສູນດອນບົກ, ສູນປິ່ນດົງ ແລະ ສູນຕະມໍຢອດ. ໃນນັ້ນ, ຢູ່ສູນຫາດຍາວ ແລະ ສູນດົງບາກ ເປັນເຮືອນປະເພດຫ້ອງແຖວ ມີ 49 ຫລັງ ມີທັງໝົດ 468 ຫ້ອງ, ສ່ວນອີກ 3 ສູນທີ່ເຫລືອ ໄດ້ປະກອບເປັນເຮືອນສຳເລັດຮູບ ມີທັງໝົດ 457 ຫລັງ.

    ສຳລັບວຽກນະໂຍບາຍ ໂດຍເລີ່ມແຕ່ເດືອນກັນຍາ 2019 ຮອດເດືອນທັນວາ 2021 ຈະໄດ້ຈັດຕັ້ງປະຕິບັດນະໂຍບາຍດັ່ງນີ້: ຈຳນວນເປົ້າໝາຍທີ່ໄດ້ຮັບຜົນກະທົບໜັກ ຈຳນວນ 4.607 ຄົນ ຈະໄດ້ຮັບເຂົ້າ 20 ກິໂລ/ຄົນ/ເດືອນ, ເງິນແຮ ແລະ ເບ້ຍລ້ຽງ 250.000 ກີບ/ຄົນ/ເດືອນ. ສ່ວນປະຊາຊົນ 13 ບ້ານ ຈຳນວນ 3.123 ຄົນ ທີ່ໄດ້ຮັບຜົນກະທົບປານກາງ ແລະ ເບົາ ຍັງໄດ້ສືບຕໍ່ຮັບເຂົ້າກິນ 18 ກິໂລ/ຄົນ/ເດືອນ, ເຊິ່ງສະເລ່ຍຈະມີລາຍຈ່າຍທັງໝົດ 2,3 ຕື້ກວ່າກີບ/ເດືອນ. ມາຮອດປັດຈຸບັນ ລູກຫລານພໍ່ແມ່ປະຊາຊົນທີ່ໄດ້ຮັບຜົນກະທົບ ໄດ້ເຂົ້າຮຽນເປັນປົກກະຕິ, ທັງສົ່ງໄປຮຽນຕໍ່ໃນລະດັບສູງຢູ່ສະຖານບັນການສຶກສາຂັ້ນສູນກາງ. ພ້ອມດຽວກັນນັ້ນ, ພໍ່ແມ່ປະຊາຊົນ ກໍໄດ້ຮັບການບໍລິການກວດສຸຂະພາບ, ປິ່ນປົວ, ຈ່າຍຢາ ແລະ ສັກຢາຂັ້ນພື້ນຖານເປັນປົກກະຕິ ແລະ ໃນກໍລະນີເຈັບໜັກ ແມ່ນໄດ້ນຳສົ່ງໂຮງໝໍເມືອງ ແລະ ແຂວງ.

ອັດຕະປື ສຳເລັດຫລາຍໜ້າວຽກໃນການແກ້ໄຂ ແລະ ຟື້ນຟູໄພພິບັດ ຢູ່ເມືອງສະໜາມໄຊ - lattana 1 - ອັດຕະປື ສຳເລັດຫລາຍໜ້າວຽກໃນການແກ້ໄຂ ແລະ ຟື້ນຟູໄພພິບັດ ຢູ່ເມືອງສະໜາມໄຊ

ສຳລັບວຽກຊົດເຊີຍ ຕາມມູນຄ່າຊົດເຊີຍທີ່ປະເມີນແລ້ວນັ້ນ, ມາຮອດປັດຈຸບັນ ສາມາດຊົດເຊີຍມູນຄ່າເສຍຫາຍຈາກບໍລິສັດພັດທະນາໂຄງການ PNPC/SKEC ໂດຍບໍ່ໄດ້ລໍຖ້າການຊົດເຊີຍ ຈາກບໍລິສັດປະກັນໄພ ເປັນມູນຄ່າທັງໝົດ 74,6 ຕື້ກີບ, ໃນນັ້ນ ຊົດເຊີຍໃຫ້ 71 ຄົນທີ່ເສຍຊີວິດ ແລະ ຜູ້ສູນຫາຍ ແລະ ເດັກກໍາພ້າ-ກໍາພອຍ 28 ຄົນໄດ້ 100%, ຊົດເຊີຍ 50% ຂອງມູນຄ່າຜົນກະທົບເສດຖະກິດ-ຄົວເຮືອນຂອງ 7 ບ້ານ (ບ້ານໃໝ່, ບ້ານສະໝອງໄຕ້, ບ້ານທ່າຫີນ, ຄຸ້ມໂຄກກ່ອງ (ບ້ານແທ), ບ້ານທ່າແສງຈັນ, ບ້ານຫີນລາດ ແລະ ບ້ານຕະມໍຢອດ ເປັນມູນຄ່າທັງໝົດ 51,9 ຕື້ກີບ.

ອັດຕະປື ສຳເລັດຫລາຍໜ້າວຽກໃນການແກ້ໄຂ ແລະ ຟື້ນຟູໄພພິບັດ ຢູ່ເມືອງສະໜາມໄຊ - 14235 - ອັດຕະປື ສຳເລັດຫລາຍໜ້າວຽກໃນການແກ້ໄຂ ແລະ ຟື້ນຟູໄພພິບັດ ຢູ່ເມືອງສະໜາມໄຊ

error: Content is protected !!