ສສ.ຫວຽດນາມມອບຫຼຽນໄຊດາວຄຳໃຫ້ກອງທັບປະຊາຊົນລາວ

ສສ.ຫວຽດນາມມອບຫຼຽນໄຊດາວຄຳໃຫ້ກອງທັບປະຊາຊົນລາວ - advert banner 728 90 728x90 - ສສ.ຫວຽດນາມມອບຫຼຽນໄຊດາວຄຳໃຫ້ກອງທັບປະຊາຊົນລາວ

ພິທີປະດັບຫຼຽນໄຊດາວຄຳແຫ່ງຊາດສສ.ຫວຽດນາມ ໃຫ້ກະຊວງປ້ອງກັນປະເທດສປປລາວ ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນມູນເຊື້ອ ທະຫານອາສາສະໝັກ ແລະ ຜູ້ຊ່ຽວຊານ ຫວຽດນາມ ຢູ່ ລາວ ( 30 ຕຸລາ 1949 – 30 ຕຸລາ 2019),  ໄດ້ມີຂື້ນໃນວັນທີ 4 ພະຈິກນີ້ ຢູ່ນະຄອນຫຼວງວຽງຈັນ ໂດຍການເຂົ້າຮ່ວມຂອງ ທ່ານພັນຄຳ ວິພາວັນຮອງປະທານປະເທດແຫ່ງສປປລາວ

ສສ.ຫວຽດນາມມອບຫຼຽນໄຊດາວຄຳໃຫ້ກອງທັບປະຊາຊົນລາວ - new3 - ສສ.ຫວຽດນາມມອບຫຼຽນໄຊດາວຄຳໃຫ້ກອງທັບປະຊາຊົນລາວ

ໃນພິທີ ສະຫາຍພົນເອກ ໂງ ຊວນລີກ ກຳມະການກົມການເມືອງ ສູນກາງພັກຄອມມູນິດຫວຽດນາມ,ລັດຖະມົນຕີກະຊວງປ້ອງກັນປະເທດ ສສ.ຫວຽດນາມ ໄດ້ຕາງໜ້າລັດຖະບານ ປະດັບຫລຽນໄຊດາວຄຳດັ່ງກ່າວ ໃຫ້ກັບ ສະຫາຍພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ, ໃນທ່າມກາງບັນຍາກາດທີ່ທົ່ວພັກ,ທົ່ວລັດ,ກອງທັບ ແລະ ປະຊາຊົນສອງຊາດລາວ-ຫວຽດນາມພວມດຳເນີນການ ສະເຫຼີມສະຫຼອງວັນມູນເຊື້ອອັນມີກຽດດັງກ່າວດ້ວຍບັນຍາກາດຟົດຟື້ນ, ພ້ອມນີ້ກະຊວງປ້ອງກັນປະເທດຫວຽດນາມຍັງໄດ້ມອບຫຼຽນໄຊໃຫ້ແກ່ກົມກອງລວມໝູ່ ແລະບຸກຄົນໃນຖັນແຖວກອງທັບປະຊາຊົນລາວມີປະເພດຕ່າງໆຄື:ຫຼຽນໄຊ ດາວຄຳ ມອບໃຫ້ກອງທັບປະຊາຊົນລາວອີກດ້ວຍ

ສສ.ຫວຽດນາມມອບຫຼຽນໄຊດາວຄຳໃຫ້ກອງທັບປະຊາຊົນລາວ - DSC09369 - ສສ.ຫວຽດນາມມອບຫຼຽນໄຊດາວຄຳໃຫ້ກອງທັບປະຊາຊົນລາວ

    ໃນໂອກາດນີ້, ທ່ານ ພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ ໄດ້ຕາງໜ້າໃຫ້ກອງທັບປະຊາຊົນລາວ ໄດ້ຂຶ້ນກ່າວຄໍາເຫັນສະແດງຄວາມຮູ້ບຸນຄຸນແລະຂອບອົກຂອບໃຈຢ່າງສູງຕໍ່ພັກ , ລັດຖະບານສສຫວຽດນາມທີ່ ໄດ້ມອບຫຼຽນໄຊອັນຊົງກຽດດັ່ງກ່າວໃຫ້ແກ່ການນໍາຂັ້ນສູງພັກ ແລະ ກອງທັບປະຊາຊົນລາວ.

    ຂະນະດຽວກັນ ທ່ານ ພັນ​ຄຳ ວິພາ​ວັນ ຮອງ​ປະທານ​ປະ​ເທດ ​ໄດ້​ຕີ​ລາຄາ​ສູງ​ຕໍ່ການ​ມອບ​ຫລຽນ​ໄຊ​ດາວ​ຄຳ ​ໃນ​ຄັ້ງ​ນີ້ວ່າ: ຫ່າງຈາກນີ້ 70 ປີ, ພັກກອມມູນນິດ ອິນດູຈີນ, ເຊິ່ງແມ່ນຕົ້ນກຳເນີດຂອງ ພັກກອມມູນິດ ຫວຽດນາມ ແລະ ພັກ ປະຊາຊົນປະຕິວັດລາວ, ໄດ້ສ້າງຕັ້ງກອງທະຫານອາສາສະໝັກ ຫວຽດນາມ ໄປຊ່ວຍເຫຼືອລາວ. ນີ້ແມ່ນຄຳຕັດສິນອັນຖືກຕ້ອງ ແລະ ສຳຄັນທີ່ສຸດ, ເປັນປັດໄຈຕັດສິນຊີ້ຂາດໄຊຊະນະ ຂອງ ການປະຕິວັດສອງປະເທດ, ສະແດງໃຫ້ເຫັນຢ່າງຈະແຈ້ງ ແລະ ມີຊີວິດຊີວາໃນການຮ່ວມສຳພັນສູ້ຮົບ ແຫ່ງນ້ຳໃຈສາມັກຄີພິເສດ ລະຫວ່າງ ລາວ – ຫວຽດນາມ.

ສສ.ຫວຽດນາມມອບຫຼຽນໄຊດາວຄຳໃຫ້ກອງທັບປະຊາຊົນລາວ - lattana 1 - ສສ.ຫວຽດນາມມອບຫຼຽນໄຊດາວຄຳໃຫ້ກອງທັບປະຊາຊົນລາວ

ປະຕິບັດຕາມຄຳສັ່ງສອນຂອງປະທານ ໂຮ່ຈີມິນວ່າ:“ຊ່ວຍເພື່ອນ ແມ່ນຊ່ວຍຕົນເອງ”, ທະຫານອາສາສະໝັກ ຫວຽດນາມ ນັບພັນໆຄົນ ໄດ້ປະຕິບັດ ພັນທະສາກົນຮ່ວມສູ້ຮົບກັບ ກອງທັບ ແລະ ປະຊາຊົນ ລາວ, ຍອມເສຍສະຫຼະຊີວິດ, ຊ່ວຍເຫຼືອກັນ, ພ້ອມກັນສ້າງຜົນງານອັນລ້ຳເລີດລືຊາເພື່ອພາລະກິດປະຕິວັດອັນຍິ່ງໃຫຍ່ຂອງສອງປະເທດ ຫວຽດນາມ – ລາວ. ບັນດາໄຊຊະນະ ແລະ ຜົນສຳເລັດຂອງພາລະກິດຕໍ່ສູ້ກູ້ຊາດ ຂອງປະຊາຊົນລາວ ຍາມໃດກໍ່ຕິດພັນກັບການຕໍ່ສູ້ຍາດເອົາໄຊຊະນະ ແລະ ການເສຍສະຫຼະຊີວິດຂອງກອງທັບປະຊາຊົນຫວຽດນາມກໍຄືອະດີດທະຫານອາສາສະໝັກ,ຜູ້ຊ່ຽວຊານຫວຽດນາມ.

ທ່ານຮອງ​ປະທານ​ປະ​ເທດ ຢັ້ງຢືນວ່າ: ພັກ, ລັດ ແລະ ປະຊາຊົນລາວບັນດາເຜົ່າ ຍາມໃດກໍຮູ້ບຸນຄຸນຂອງທະຫານອາສາສະໝັກ ແລະ ຜູ້ຊ່ຽວຊານ ຫວຽດນາມແລະ ສະແດງຄວາມຮູ້ບຸນຄູນຢ່າງເລິກເຊິ່ງມາຍັງພັກ, ລັດ ແລະ ປະຊາຊົນ ຫວຽດນາມທີ່ ໄດ້ ສະໜັບສະໜູນ,ອູ້ມຊູຊ່ວຍເຫຼືອອັນລ້ຳຄ່າ, ທັນການ ແລະ ມີປະສິດທິຜົນໃຫ້ແກ່ພາລະກິດປະຕິວັດ ຂອງປະຊາຊົນ ລາວ ໃນເມື່ອກ່ອນ ກໍ່ຄືໃນກິດຈະການປົກປັກຮັກສາ ແລະ ສ້າງສາ ປະເທດລາວໃນປັດຈຸບັນ.

error: Content is protected !!