ແກ້​ອັກຄີ​ໄພ ຕ້ອງ​​ເພີ່ມ​ສະຕິ​ໃນ​ການ​ນຳ​ໃຊ້​ຟືນ​ໄຟ

ແກ້​ອັກຄີ​ໄພ ຕ້ອງ​​ເພີ່ມ​ສະຕິ​ໃນ​ການ​ນຳ​ໃຊ້​ຟືນ​ໄຟ - advert banner 728 90 728x90 - ແກ້​ອັກຄີ​ໄພ ຕ້ອງ​​ເພີ່ມ​ສະຕິ​ໃນ​ການ​ນຳ​ໃຊ້​ຟືນ​ໄຟ

ໂຈນ​ປຸ້ນ​ສິບ​ຄັ້ງ​ບໍ່​ທໍ່ໄຟ​ໄໝ້ຄັ້ງໜຶ່ງ ຄຳ​ບູຮານ​ນີ້ ​ເຄີຍ​ເວົ້າມາ​ແຕ່​ດົນນານ​ແລ້ວ, ​ແຕ່​ປານ​ນັ້ນ​ໃນປັດຈຸບັນ ສັງຄົມ​ສ່ວນ​ຫລາຍ​ຍັງ​ຖື​ເບົາ​ກັບ​ບັນຫາ​ດັ່ງກ່າວ, ​ໂດຍ​ສະ​ເພາະ​ໃນ ​ໄລຍະ​ສະພາບ​ອາກາດ​​ແຫ້ງ​ແລ້ງ​ດັ່ງ ປັດຈຸບັນ​ນີ້, ຊຶ່ງ​ຈະ​ເປັນຄວາມ​ສ່ຽງກໍ​ໃຫ້​ເກີດອັກຄີ​ໄພ​ ​ແລະ ​ໂດຍ​ສ່ວນ​ໃຫຍ່​​ຫລັກໆຂອງ​ການ​ເກີດ​ອັກຄີ​ໄພ​ໃນ​ລາວກໍຄື: ​ໄຟຟ້າ​ລັດ​ວົງ​ຈອນ ​ແລະ ​ໃຕ້​ທູບ​ທຽນບູຊາ, ສະ​ນັ້ນ ​ເພື່ອແກ້​ໄຂ​ບັນຫານີ້, ​ເຈົ້າໜ້າທີ່​ຕຳຫລວດ​ສະກັດ​ກັ້ນ ​ແລະ ຕ້ານ​ອັກຄີ​ໄພ​ໃຫ້​ຮູ້​ວ່າ: ຕ້ອງ​ແກ້ 2 ປັດ​ໃຈ​ຫລັກ​ຄື: ຕ້ອງ​​ເພີ່ມ​ທະວີ​ຄວາມ​ມີ​ສະຕິ​​ໃນ​ການ​ນຳ​ໃຊ້​ຟື​ໄຟ​ໃນ​ຊີວິດ​ປະຈຳ​ວັນ​ຄວນໝັ່ນ​ເຊັກ ​ແລະ ກວດກາ​ເປັນ​ປະຈຳ​ສຳ​ຫລັບ​ອຸປະກອນ​ເຄື່ອງ​ໃຊ້​ໄຟຟ້າ​ພາຍ​ໃນ​ເຮືອນ​ຂອງ​ຕົນ​ເອງ, ນອກຈາກ​ນີ້, ກໍ​ແມ່ນ​ການ​ໃຕ້​ທູບ​ທຽນບູຊາ ​​ເນື່ອງ​ຈາກ​ຄົນ​ລາວ​ມີ​ຄວາມ​ເຊື່ອ​ທາງ​ດ້ານ​ສາສໜາ ​ແລະ ຂະ​ນົບ​ທຳນຽມທີ່​ເຊື່ອ​ຖື​ມາ​ແຕ່​ດົນ​ນານ ​ໃນ​ການ​ໃຕ້​ທູບ​ທຽນບູຊາ ​ໃນ​ວັນ​ສິນ, ວັນງານ​ອື່ນໆ, ອັນ​ເຮັດ​ໃຫ້​ມັກ​ເກີດ​ໄຟ​ໄໝ້, ​ແນວ​ໃດ​ກໍ​ດີ ທີ່​ສຳຄັນ​ແມ່ນ​​ສັງຄົມຕ້ອງ​ເປັນ​ເຈົ້າ​ການຮ່ວມ​ກັນ, ​ເນື່ອງ​ຈາກ​ໄຟຟ້າ ​ເປັນສິ່ງທີ່ເຮົານຳໃຊ້ປະຈຳວັນ ແລະ ຂາດບໍ່ໄດ້ ສະນັ້ນ ຫາກເຮົາໃຊ້ເປັນ ກໍຈະເປັນປະໂຫຍດ ແຕ່ເມື່ອເຮົາຂາດສະຕິກໍຈະເປັນໂທດຄື: ​ໃນ​ປີຜ່ານມາທົ່ວ​ປະ​ເທດມີ​ອັກຄີ​ໄພ​ເກີດ​ຂຶ້ນກ່ວາ 150 ຄັ້ງ, ​ເຮັດ​ໃຫ້​ມີ​ຜູ້​ເສຍ​ຊີວິດ 6 ຄົນ, ບາດ​ເຈັບ 8 ຄົນ, ມີ​ຜົນ​ເສຍ​ຫາຍ​ເຮືອນປະຊາຊົນ​ກ່ວາ 10 ຫລັງ, ຕະຫລາດ 2 ​ແຫ່ງ, ຫ້ອງ​ພັກ 8 ຫ້ອງ ​ແລະ ອື່ນໆ ລວມມູນ​ຄ່າ​ກ່ວາ 33.8 ຕື້ກີບ ​ແລະ ​ໃນ​ສະ​ເພາະ​ປີນີ້ ພຽງ​​ໃນເດືອນຕຸລາທົ່ວ​ປະ​ເທດມີ​​ອັກຄີ​ໄພ ເກີດ​ຂຶ້ນຫລາຍ​ກວ່າ 20 ຄັ້ງ ​ແລະ ມີ​ຜົນ​ເສຍ​ຫາຍ​ຄື: ​ເຮືອນ 19 ຫລັງ ​ແລະ ໂຮງ​ເລື່ອຍ, ​ໂຮງ​ອົບ​ຢາງ​ພາລາ, ຫ້ອງ​ສະຕູ​ດີ​ໂອ, ຮ້ານ​ບັນ​ເທິງ, ຕະຫລາດ ​ແລະ ອື່ນໆ ລວມມີ​ມູນ​ຄ່າ​​ເສຍ​ຫາຍ​ກວ່າ 5 ຕື້ກີບ ​ແລະ ສາ​ເຫດ​ຫລັກ​ຂອງອັກຄີ​ໄພກໍ​ແມ່ນ ​ໄຟຟ້າ ​ລັດ​ວົງ​ຈ​ອນ, ​ໄຕ້​ທູບ​ທຽນ​ບູຊາ. ສະ​ເພາະ​ຢູ່ ນະຄອນຫລວງ​ວຽງຈັນ ນັບ​ແຕ່​ຕົ້ນ​ປີ​ມານີ້ ມີ​ອັກຄີ​ໄພ​ເກີດ​ຂຶ້ນ 46 ຄັ້ງ, ທຽບ​ໃສ່​ປີຜ່ານມາ​ເຫັນ​ວ່າ​ມີ​ຈຳນວນ​ເພີ່ມ​ຂຶ້ນ ​ແລະ ​ໃນ​ວັນ​ທີ 1 ພະຈິກ ນີ້, ​ໄດ້​ເກີດ​ເຫດ​ຕະຫລາດ​ສີ​ໄຄ​ທົ່ງ ​ເມືອງ ສີ​ໂຄດ​ຕະບອງ ນະຄອນຫລວງ​ວຽງຈັນ ມີ​ຜົນ​ເສຍ​ຫາຍ 2 ຫ້ອງ, ​ໂດຍ​ເປັນ​ຮ້ານ​ຂາຍ​ເຄື່ອງ​ຂຽນ​ແບບຮຽນ ​ແລະ ອຸປະກອນ​ການ​ສຶກສາ, ຊຶ່ງ​ສາ​ເຫດ​ຂອງ​ການ​ເກີດ​ອັກຄີ​ໄພ​ແມ່ນ​ຍ້ອນ​ໄຟຟ້າ​ລັດ​ວົງ​ຈອນ.

ແກ້​ອັກຄີ​ໄພ ຕ້ອງ​​ເພີ່ມ​ສະຕິ​ໃນ​ການ​ນຳ​ໃຊ້​ຟືນ​ໄຟ - new3 - ແກ້​ອັກຄີ​ໄພ ຕ້ອງ​​ເພີ່ມ​ສະຕິ​ໃນ​ການ​ນຳ​ໃຊ້​ຟືນ​ໄຟ
ແກ້​ອັກຄີ​ໄພ ຕ້ອງ​​ເພີ່ມ​ສະຕິ​ໃນ​ການ​ນຳ​ໃຊ້​ຟືນ​ໄຟ - lattana 1 - ແກ້​ອັກຄີ​ໄພ ຕ້ອງ​​ເພີ່ມ​ສະຕິ​ໃນ​ການ​ນຳ​ໃຊ້​ຟືນ​ໄຟ
error: Content is protected !!