ລັດສຸມໃສ່ສົ່ງເສີມການຜະລິດຢູ່ 4 ຕົວເມືອງຂອງນະຄອນຫຼວງວຽງຈັນ ເພື່ອສະໜອງພາຍໃນໃຫ້ພຽງພໍ

ລັດສຸມໃສ່ສົ່ງເສີມການຜະລິດຢູ່ 4 ຕົວເມືອງຂອງນະຄອນຫຼວງວຽງຈັນ ເພື່ອສະໜອງພາຍໃນໃຫ້ພຽງພໍ - advert banner 728 90 728x90 - ລັດສຸມໃສ່ສົ່ງເສີມການຜະລິດຢູ່ 4 ຕົວເມືອງຂອງນະຄອນຫຼວງວຽງຈັນ ເພື່ອສະໜອງພາຍໃນໃຫ້ພຽງພໍ

ທ່ານ ສົມຈິດ ອິນທະມິດ ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ, ຮອງຫົວໜ້າຄະນະສະເພາະກິດ 51/ນຍ ໃຫ້ສຳພາດໃນວັນທີ 1 ພະຈິກ ນີ້ ວ່າ: ຈາກສະພາບອັດຕາແລກປ່ຽນມີການເໜັງຕີງຫຼາຍ ໃນຊ່ວງໄລຍະເດືອນ ມິຖຸນາ ຫາ ສິງຫາຜ່ານມາ, ອັດຕາເງິນກີບອ່ອນຄ່າ ເມື່ອທຽບໃສ່ສະກຸນເງິນບາດໄທ ແລະ ສະກຸນເງິນໂດລາ, ເນື່ອງຈາກພາຍໃນມີຄວາມຕ້ອງການເງິນຕາຕ່າງປະເທດຫຼາຍເກີນຕົວ, ສ່ວນການຜະລິດຢູ່ພາຍໃນບໍ່ເປັນລະບົບຕໍ່ເນື່ອງ ຈຶ່ງເຮັດໃຫ້ມີການນຳເຂົ້າສິນຄ້າເປັນຈຳນວນຫຼາຍ, ດັ່ງນັ້ນ, ລັດຖະບານຈຶ່ງໄດ້ຕົກລົງແຕ່ງຕັ້ງຄະນະສະເພາະກິດ ເພື່ອຊຸກຍູ້ການພະລິດພາຍໃນ ແລະ ຄວບຄຸມການນໍາເຂົ້າສິນຄ້າອຸປະໂພກ-ບໍລິໂພກ ເພື່ອສົ່ງເສີມການຜະລິດພາຍໃນໃຫ້ແຂງແຮງ ຊຶ່ງເອີ້ນວ່າ ຄະນະສະເພາະກິດ ທີ 51 ຫຼື ຕາມຂໍ້ຕົກລົງ 51 ທີ່ທ່ານນາຍົກ ໄດ້ຮັບການແຕ່ງຕັ້ງແຕ່ທ້າຍເດືອນ ສິງຫາ ຜ່ານມາ, ຄະນະດັ່ງກ່າວຢູ່ພາຍໃຕ້ການຊີ້ນໍາ-ນໍາພາ ໂດຍທ່ານຮອງນາຍົກ ສົມດີ ດວງດີ ລັດຖະມົນຕີກະຊວງການເງິນ, ນອກນີ້, ຍັງມີບັນດາກະຊວງ ແລະ ຂະແໜງການຕົ້ນຕໍຈໍານວນໜຶ່ງຄື: ກະຊວງ ອຸດສາຫະກໍາ-ການຄ້າ, ກະຊວງກະສິກໍາ-ປ່າໄມ່, ແລະ ນະຄອນຫຼວງວຽງຈັນ ເພື່ອສຸມໃສ່ແກ້ໄຂບັນຫາດັ່ງກ່າວຢູ່ນະຄອນຫຼວງວຽງຈັນ, ໂດຍສຸມໃສ່ 4 ຕົວເມືອງຂອງນະຄອນຫຼວງວຽງຈັນ ທີ່ເຫັນວ່າມີທ່າແຮງໃນການຜະລິດ ເພື່ອສະໜອງຕະຫຼາດພາຍໃນພຽງພໍ ແລະ ຫຼຸດຜ່ອນການນຳເຂົ້າ.

ລັດສຸມໃສ່ສົ່ງເສີມການຜະລິດຢູ່ 4 ຕົວເມືອງຂອງນະຄອນຫຼວງວຽງຈັນ ເພື່ອສະໜອງພາຍໃນໃຫ້ພຽງພໍ - new3 - ລັດສຸມໃສ່ສົ່ງເສີມການຜະລິດຢູ່ 4 ຕົວເມືອງຂອງນະຄອນຫຼວງວຽງຈັນ ເພື່ອສະໜອງພາຍໃນໃຫ້ພຽງພໍ

ທ່ານ ສົມຈິດ ອິນທະມິດ ໃຫ້ຮູ້ວ່າ: ເພື່ອເປັນກະຕຸ້ນການຜະລິດ ແລະ ໃຫ້ປະຊາຊົນມີວຽກເຮັດງານທຳ, ມີຕະຫຼາດພາຍໃນຮອງຮັບ, ລວມທັງການຄວບຄຸມອັດຕາແລກປ່ຽນ ລັດກໍຕ້ອງເບິ່ງຄວາມຕ້ອງການເງິນຕາຕ່າງປະເທດຕື່ມ, ຊຶ່ງໃນຜ່ານມາເຫັນວ່າມີການນຳເຂົ້າສິນຄ້າເປັນຈໍານວນຫຼາຍ, ສະເພາະຢູ່ນະຄອນວງວຽງຈັນ ແຕ່ລະມື້ຈະມີການນໍາເຂົ້າສິນຄ້າບໍ່ຕໍ່າກວ່າ 20 ລົດ ຕົ້ນຕໍແມ່ນ ປະເພດພືດຜັກ ແຕ່ໃນຄວາມເປັນຈິງໄລຍະນີ້ບ້ານເຮົາກໍພວມຢູ່ໃນລະດູຂອງການຜະລິດ, ສະນັ້ນ, ລັດຈຶ່ງຕັ້ງຄະນະສະເພາະກິດ ຂຶ້ນ ເພື່ອດໍາເນີນການແກ້ໄຂ ທັງເປັນການກະຕຸກຊຸກຍູ້ໃຫ້ມີການຜະລິດພາຍໃນແຂງແຮງຂຶ້ນ ເພາະຜ່ານມາ ການຊຸກຍູ້ການຜະລິດພາຍໃນແມ່ນສຸມໃສ່ຜະລິດແບບອິນຊີຫຼາຍກວ່າ, ຊຶ່ງເປັນສິນຄ້າທີ່ຮອງຮັບຕະຫຼາດປະເພດກາງ, ດັ່ງນັ້ນ, ຈຶ່ງມີຄວາມຈໍາເປັນຕ້ອງປູກຜັກສະອາດທົ່ວໄປ ເພື່ອຈໍາໜ່າຍຢູ່ຕະຫຼາດທົ່ວໄປ, ໂດຍບັນຫາດັ່ງກ່າວ ຄະນະສະເພາະກິດ ໄດ້ເຮັດໜ້າທີ່ປຶກສາຫາລືຮ່ວມກັນກັບ ນະຄອນຫຼວງ ເພື່ອຈັດຕັ້ງນະໂຍບາຍຊຸກຍູ້ສົ່ງເສີມການຜະລິດພາຍໃນ ໃຫ້ມີປະສິດທິຜົນສູງຂຶ້ນ.

ລັດສຸມໃສ່ສົ່ງເສີມການຜະລິດຢູ່ 4 ຕົວເມືອງຂອງນະຄອນຫຼວງວຽງຈັນ ເພື່ອສະໜອງພາຍໃນໃຫ້ພຽງພໍ - lattana 1 - ລັດສຸມໃສ່ສົ່ງເສີມການຜະລິດຢູ່ 4 ຕົວເມືອງຂອງນະຄອນຫຼວງວຽງຈັນ ເພື່ອສະໜອງພາຍໃນໃຫ້ພຽງພໍ

ປັດຈຸບັນ ຄະນະສະເພາະກິດດັ່ງກິດ ໄດ້ມີການແບ່ງຈຸ ເພື່ອລົງຊຸກຍູ້ການຜະລິດຂອງປະຊາຊົນ ໂດຍສະເພາະ ເຂດເມືອງຫາດຊາຍຟອງ, ນາຊາຍທອງ, ສັງທອງ ແລະ ເມືອງໄຊທານີ ເພື່ອໃຫ້ຮູ້ວ່າສິນຄ້າທີ່ເຂົາຜະລິດໄດ້ມີຫຍັງແດ່, ພ້ອມນັ້ນ ຈຸໜຶ່ງກໍຕ້ອງທີ່ເອົາໃຈໃສ່ ສະກັດກັ້ນບໍ່ໃຫ້ມີການນຳເຂົ້າ, ຊຶ່ງໄລຍະນີ້ ຈະເຫັນວ່າການນຳເຂົ້າເບົາລົງ ແລະ ຜັກທີ່ຜະລິດຢູ່ພາຍໃນກໍພວມອອກສູ່ຕະຫຼາດ, ນອກນັ້ນ, ຍັງເຮັດໜ້າທີ່ເປັນຈຸດເຊື່ອມຕໍ່ລະຫວ່າງພໍ່ຄ້າ ແລະ ຜູ້ຜະລິດ ເພື່ອແນໃສ່ລົບລ້າງຄໍາເວົ້າທີ່ວ່າປູກແລ້ວບໍ່ມີຕະຫຼາດຮອງຮັບ ແລະ ຕ້ານເວົ້າທີ່ວ່າບໍ່ມີຜູ້ປູກ. ແນວໃດກໍຕາມ ການຈະຫ້າມບໍ່ໃຫ້ມີການນໍາເຂົ້າສິນຄ້າຈາກບັນດາປະເທດສະມາຊິກອົງການການຄ້າໂລກແມ່ນເປັນໄປໄດ້ຍາກ, ເພາະລາວມີສັນຍາຜູກຂາດນໍາປະຊາຄົມອາຊຽນ, ແຕ່ສິ່ງທີ່ເຮັດໄດ້ແມ່ນມາດຕະການທີ່ຈະຕ້ອງກວດກ່ອນນຳເຂົ້າ, ຊຶ່ງກໍສອດຄ່ອງກັບໜ້າທີ່ຂອງຄະນະສະເພາະກິດທີ່ພວມປະຕິບັດ ໂດຍສະເພາະ ກະຕຸກຊຸກຍູ້ການຜະລິດ, ຕິດຕາມກວດກາຄວບຄຸມການນຳເຂົ້າໃຫ້ດີຂຶ້ນ ໂດຍເລີ່ມປະຕິບັດງານແຕ່ມື້ແຕ່ງຕັ້ງຈົນເຖິງເດືອນ ທັນວາ 2019 ນີ້  ແລະ ຍັງຈະແກ່ຍາວຮອດເດືອນ ມີນາ ຫາ ມິຖຸນາ 2020 ຫຼື ຄົບຮອບໜຶ່ງປີຂອງການແຕ່ງຕັ້ງ, ແຕ່ໃນຂະນະດຽວກັນນີ້, ບັນດາກະຊວງກ່ຽວຂ້ອງ ຍັງຈະສືບຕໍ່ເຮັດໃຫ້ຮັດກຸມກວ່າເກົ່າ, ໂດຍສະເພາະ ທາງດ້ານນິຕິກໍາ ແລະ ລະບຽບການຕ່າງໆ, ລວມທັງການວາງແຜນໄລຍະກາງ ແລະ ໄລຍະຍາວ ໃຫ້ຊັດເຈນ ເພື່ອສ້າງໜໍ່ແໜງການຜະລິດພາຍໃນໃຫ້ມີຖານການຜະລິດຢ່າງຕໍ່ເນື່ອງ ແລະ ແຂງແຮງ ແນໃສ່ຫຼຸດຜ່ອນການນຳເຂົ້າສິນຄ້າທີ່ບໍ່ຈຳເປັນລົງໃນລະດັບໃດໜຶ່ງ.

error: Content is protected !!