ຍຸກ 4.0 ສ້າງ​ຄົນ​ທັນ​ສະ​ໄໝ​ໄຮ້​ຄົນ​ສໍ້​ໂກງ

ຍຸກ  4.0 ສ້າງ​ຄົນ​ທັນ​ສະ​ໄໝ​ໄຮ້​ຄົນ​ສໍ້​ໂກງ - advert banner 728 90 728x90 - ຍຸກ  4.0 ສ້າງ​ຄົນ​ທັນ​ສະ​ໄໝ​ໄຮ້​ຄົນ​ສໍ້​ໂກງ

​ໂດຍ: ທິດ​ກ່ຳ

ຍຸກ  4.0 ສ້າງ​ຄົນ​ທັນ​ສະ​ໄໝ​ໄຮ້​ຄົນ​ສໍ້​ໂກງ - new3 - ຍຸກ  4.0 ສ້າງ​ຄົນ​ທັນ​ສະ​ໄໝ​ໄຮ້​ຄົນ​ສໍ້​ໂກງ

​       ເວົ້າ​ເຖິງ​ການ​ຫັນ​ເປັນ​ອັນ​ທັນ​ສະ​ໄໝ​ພວກ​​ເຮົາໄດ້​ເວົ້າກັນ​ມາ​ແຕ່​ມະຕິ 8 ມະຕິ 9 ຈົນ ມາ​ຮອດ​ມະຕິ​ຄັ້ງທີ 10 ​ແລະ ອີກ​ບໍ່ພໍ​ເທົ່າ​ໃດ​ປີ​ກໍ​ຈະ​ຮອດ​ມະຕິ 11 ​ແລ້ວ. ​ແຕ່​ວ່າ ຜ່າ​ນການຈັດຕັ້ງປະຕິບັດ ​ແລະ ຜັນ​ຂະຫຍາຍ​ໃຫ້​ເປັນ​ຕົນ​ເປັນ​ໂຕ​ຢ່າງ​ເປັນ​ຮູບ​ປະ​ທຳ​ຂຶ້ນອີ່ຫລີ​ກໍ​ແມ່ນ​ໄລຍະ​ມະຕິ 9 ກັບ 10 ພາຍຫລັງ​ເລັ່ງລັດ​ປັບປຸງ​ລະບົບການ​ສຶກສາ​ຈາກ​ປະລິມານ​ກ້າວ​ສູ່​ຄຸນ​ນະພາ​ບ​ເລີ່​ມ​ແຕ່​ປີ  2015 ​ເປັນຕົ້ນມາ.

ປັດຈຸບັນ, ​ເຮົາ​ເຫັນ​ໄດ້​ວ່າ​ນະ​ໂຍບາຍ​ການ​ຫັນ​ເປັນ​ອັນ​ທັນ​ສະ​ໄໝ​ໃນ​ການ​ສ້າງ​ຄົນ​ໄດ້​ເປັນ​ຮູບ​ປະ​ທຳ​ເປັນ​ຕົນ​​ເປັນ​ໂຕ​ຂຶ້ນ​ໃນ​ທຸກ​ຂົງ​​ເຂດ​ວຽກ​ງານ​ໂດຍ​ສະ​ເພາະ​ແມ່ນ​ໃນ​ຖັນ​ແຖວ​ການ​ສຶກສາ​ໄດ້​ມີການ​ປ່ຽນ​ແປງ ​ແລະ ພັດທະນາ​ກ້າວ​ໄປ​ຢ່າງ​ໜັກ​ແໜ້ນ. ສິ່ງ​ທີ່​ສະ​ແດງ​ອອກ​ໃຫ້​ເຫັນ​ຢ່າງ​ຈະ​ແຈ້ງ​ກໍ​ຄື​ນັກຮຽນ​ນັກ​ສຶກ ສາ​ທີ່​ຮຽນ​ຈົບ​ມີ​ວິຊາ​ອາຊີບ​ໄປ​ແລ້ວ​ກໍ​ສາມາດ​ໄປ​ເຊື່ອມ​ໂຍງ​ແຂ່ງຂັນ​ກັບ​ພາກພື້ນ ​ແລະ ສາກົນ​ໄດ້​ໃນ​ລະດັບ​ທຽບ​ຖານ.

ປັດຈຸບັນ, ບໍ່ວ່າ​ຊາວ​ໜຸ່ມ​ຍິງ ຫລື ຊາຍ ໄດ້​ມີ​ໂອກາດ​ເຂົ້າຮ່ວມ​ງານ​ແຂ່ງຂັນ​ໃນ​ຫລາຍ​ຂະ​ແໜງ​ວິຊາ​ຊີບ​ກໍ​ສາມາດ​ຍາດ​ແຍ່ງ​ເອົາ​ຜົນງານ​ໃນ​ເກນ​ທີ່​ດີ​ມາ​ໃຫ້​ຕົນ​ເອງ ​ແລະ ສ້າງ​ຊື່​ສຽງ​ມາ​ໃຫ້​ປະ​ເທດ​ຊາດ​ດັ່ງ​ພວກ​ເຮົາ​ເຫັນ​ໃນ​  ​ແຫ​ລ່ງຂ່າວ​ຄາວ​ຕາມ​ສື່​ຕ່າງໆ ທັງ​ພາຍ​ໃນ ​ແລະ ຕ່າງປະ​ເທດ.

ຂໍ​ຊົມ​ເຊີຍ​ຂະ​ແໜງ​ການ​ສຶກສາ​ກໍ​ຄື​ສະ​ຖາ​ບັນ​ການ​ສຶກສາທຸກ​ແຫ່ງ​ໃນ​ທົ່ວ  ປະ​ເທດ​ບໍ່​ວ່າ​ພາກ​ລັດ ​ແລະ ​ເອກະ​ຊົນ​ທີ່​ໄດ້​ອຸທິ​ເຫື່ອ​ແຮງ​ສະຕິ​ປັນຍາ​ເພື່ອ​ພາລະກິດ​ສ້າງສາ ​ແລະ ພັດທະນາ​ປະ​ເທດ​ຊາດ​ດ້ວຍ​ຄວາມ​ຊື່ສັດ ​ແລະ ຈົງ​ຮັກ ພັກດີ​.ພິ​ເສດ​ສຸດ, ​ແມ່ນ​ໂຮງຮຽນ, ສະ​ຖາ​ບັນ​ການ​ສຶກສາ​ບາງ​ແຫ່ງ​ທີ່​ໄດ້​ປະກອບ ສ່ວນ​ສ້າງ​ບຸກຄະລາ​ກອນ​ຢ່າງ​ມີ​ຄຸນ​ນະພາ​ບ ​ແລະ ​ເປັນ​ແບບຢ່າງ​ໃຫ້​ບັນດາ​ໂຮງຮຽນ ​ແລະ ສະ​ຖາ​ບັນ​ທັງ​ປວງ​ໃນ​ທົ່ວ​ປະ​ເທດ.

ດັ່ງ​ທີ່​ຮູ້​ກັນ​ແລ້ວ​ວ່າ, ​ໃນ​ຊ່ວງ​​ໄລຍະ​ປະຫວັດສາດ​ຍຸກ​ນີ້​ເປັນ​ຍຸກ 4.0 ​ໄປ​ແລ້ວ​ການ​ພັດທະນາ​ອຸດ​ສະຫະ​ກຳ​ທີ່​ທັນ​ສະ​ໄໝ​ນຳ​ໃຊ້​ເຕັກ​ໂນ​ໂລ​ຊີ​ອັນ​ລ້ຳຍຸກ​ເຂົ້າ​ໃນ​ການ​ຜະລິດ​ຂອງ​ໂລກ ​ແລະ ພາກພື້ນກຳລັງ​ມີ​ການ​ແຂ່ງຂັນ​ກ້າວ​ໄປ​ໜ້າ ຢ່າງ​ບໍ່​ຢຸດ​ຢັ້ງ ການຄົ້ນຄວ້າ​ດ້ານ​ວິທະຍາສາດ​ທີ່​ທັນ​ສະ​ໄໝ​ກໍ​ນັບ​ມື້ມີ​ການ​ກ້າວ ກະ​ໂດດ​ພັດທະນາ​ໄປ​ຕິກໆ ຖ້າ​ຜູ້​ໃດ​ຫາກ​ຍັງ​ມີ​ຫົວ​ເກົ່າ, ​ແນວ​ຄິດ​ເກົ່າ​ຄອງ​ເດີມ ຈະ​ກ້າວ​ໄປ​ບໍ່​ທັນ​ໝູ່​ເພາະ​ການ​ພັດທະນາ​ສ້າງສາ​ໃນ​ທຸກ​ຂົງ​ເຂດ​ຕ້ອງ​ໄດ້​ອາ​ໄສ ຄົນ​ຜູ້​ມີ​ວິຊາ​ຄວາມ​ຮູ້​ຄວາມ​ສາມາດ, ມີ​ປັນຍາ​ຫລັກ​ແຫລມ​ທຽມ​ທັນ​ກັບ​ການ ຂະຫຍາຍ​ໂຕ​ຂອງ​ສັງຄົມ​ໄປ​ແຕ່ລະ​ໄລຍະ.

ທຸກ​ຢ່າງ​ໃນ​ການ​ນຳ​ໃຊ້​ເຕັກ​ໂນ​ໂລ​ຊີ​ເຂົ້າ​ໃນ​ການ​ຜະລິດ​ເພື່ອ​ຫລຸດຜ່ອນ ​ແຮງ​ງານ​ຂອງ​ຄົນ​ນັ້ນນັບ​ມື້​ເປັນ​ໄປ​ຢ່າງ​ອັດຕະ​ໂນ​ມັດ​ຍ້ອນ​ວ່າຄວາມ​ຮຽກ ຮ້ອງ​ຕ້ອງການ​ດ້ານ​ຄຸນ​ນະພາ​ບມັນ​ນັບ​ມື້ສູງ, ທັງ​ປະຢັດ​ເວລາ, ປະຢັດ​ຄົນ, ທັງ​ສາມາດ​ຜະລິດ​ວັດຖຸ​ພັນ​ໄດ້​ເປັນ​ໝື່ນ​ເປັນ​ແສນ​ລື່ນ​ແຮງ​ງານ​ຄົນ​ຕັ້ງຫລາຍ​ ​ເທົ່າ, ​ນີ້​ລະ​ຄື​ສັດຈະທຳ ​ແລະ ຄວາມ​ເປັນ​ຈິງ​ທີ່​ບົ່ງ​ບອກ​ຍຸກ​ອຸດ​ສະຫະ​ກຳ 4.0.

ຍຸກ  4.0 ສ້າງ​ຄົນ​ທັນ​ສະ​ໄໝ​ໄຮ້​ຄົນ​ສໍ້​ໂກງ - lattana 1 - ຍຸກ  4.0 ສ້າງ​ຄົນ​ທັນ​ສະ​ໄໝ​ໄຮ້​ຄົນ​ສໍ້​ໂກງ

​ໃນ​ເງື່ອນ​ໄຂ​ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ຂອງ​ພວກ ​ເຮົາ​ຍັງ​ຕົກ​ຢູ່​ໃນ​ສະພາບ​ທີ່​ທຸກ​ຍາກ ​ແລະ ດ້ອຍ​ພັດທະນາ​ແກ່ຍາວ​ມາ​ໄດ້​ຫລາຍ ສັດຕະວັດ​ດ້ວຍ​ສາ​ເຫດ​ແຕ່​ສະ​ໄໝ​ການ​ປົກຄອງ​ໃນ​ລະບອບ​ສັກ​ດີ​ນາ​ບັນດາ​ເຈົ້ານາຍ ທັງຫລາຍ​ບໍ່​ສາມາດ​ຄື​ກັນ, ​ເກີດ​ການ​​ແຍ່ງ​ຊີງ​ອຳນາດ​ອັນ​ເປັນ​ເຫດ​ໃຫ້​ສັກ​ດີ​ນາ ຕ່າງ​ຊາດ​ເຂົ້າມາ​ບຸກລຸກ​ຮຸກ​ຮານ​ສຸດ​ທ້າຍ​ກໍ​ກາຍ​ເປັນ​ເມືອງ​ຂຶ້ນຂອງ​ສັກ​ດີ​ນາ​ຕ່າງ​ຊາດ ​ແລະ ຈັກກະພັດ​ຜູ້​ເຂົ້າຮຸກ​ຮານ​ເປັນ​ເວລາ​ຫລາຍ​ຮ້ອຍ​ປີ. ນີ້​ຄື​ສິ່ງ​ທີ່​ເຮັດ​ໃຫ້​ປະ​ເທດ​ລາວ​ລ້ານ​ຊ້າງ​ຕົກ​ຢູ່​ໃນ​ຊາຕາກຳ​ເປັນ​ຂ້ອຍ​ຂ້າ, ທຸກ​ຍາກ​ຂາດ​ເຂີນ ​ແລະ ດ້ອຍ​ພັດທະນາ​ແກ່ຍາວ​ມາ​ຮອດ​ທຸກ​ວັນ​ນີ້.

ນັບ​ແຕ່​ປະ​ເທດ​ຊາດ​ຂອງ​ພວກ​ເຮົາ​ໄດ້​ກາຍ​ມາ​ເປັນ​ປະ​ເທດ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ມາ​ແຕ່​ປີ 1975 ​ພັກ ​ແລະ ລັດຖະບານ​ເຮົາ ​ໄດ້​ສຸມ​ໃສ່​ເຮັດ​ທຸກ​ສິ່ງ​ທຸກ​ຢ່າງ​ເພື່ອ​ໃຫ້​ປະ​ເທດ​ຊາດ​ໄດ້​ຫລຸ​ດພົ້ນອອກ​ຈາກ​ຄວາມທຸກ​ຍາກ ​ແລະ ດ້ອຍ​ພັດທະນາ.

​ເພາະສະນັ້ນ, ຈຶ່ງ​ໄດ້​ວາງ​ເປົ້າໝາຍ​ບຸກທະລຸ​ໃນ​ການ​ສ້າງ​ເອົາ​ບຸກຄະລາ ກອນ​ທີ່​ມີ​ປັນຍາ​ຄວາມ​ຮູ້, ຄວາມ​ສາມາດ, ມີ​ຄວາມ​ຊື່ສັດ​ບໍລິສຸດ ຕໍ່​ປະ​ເທດ​ຊາດ​ບ້ານ​ເມືອງ​ນັ້ນຕ້ອງ​ມາ​ກ່ອນ​, ຖ້າ​ບໍ່​ດັ່ງນັ້ນ, ກໍ​ຈະ​ນຳພາ​ປະ​ເທດ​ຊາດ​ບໍ່​ໄປ​ເຖິງ​ຈຸດ​ທີ່​ໝາຍ​ດັ່ງ​ປະຫວັດ​ໃນ​ຍຸກ​ສັກ​ດີ​ນາ​ລ້ານ​ຊ້າງ​ທີ່​ເຄີຍ​ມີ​ມາ​ແລ້ວ.

​ໃນ​ຍຸກ​ອຸດ​ສະຫະ​ກຳ​ທັນ​ສະ​ໄໝ​ຄົນ​ເປັນ​ຫົວຫອກ​ອັນ​ສຳຄັນ​ໃນການ​ສ້າງສາ​ບ້ານ​ເມືອງ, ມັນຮຽກຮ້ອງ​ຕ້ອງການ​ຄົນ​ມີ​ລະດັບ​ມາດຕະຖານ, ທັງ​ມີ​ຄວາມ​ສັດ​ຊື່​ຖື​ຜົນ​ປະ​ໂຫຍ​ດຂອງ​ຊາດ​ເປັນ​ໃຫຍ່, ກົງກັນຂ້າມ​ຖ້າ​ຫາກ​ຂາດ​ມາດຖານ​ຂອງ ຄົນ​ຍຸກ 4.0 ​ແລ້ວ​ເຄື່ອງມື​ທີ່​ທັນ​ສະ​ໄໝ​ມັນ​ກໍ​ກາຍ​ເປັນ​ເສດ​ເຫລັກ​ສຸດ​ທ້າຍ​ມາ ການ​ສໍ້​ລາດ​ບັງ​ຫລວງ​ມັນ​ກໍ​ຍັງ​ມີ​ຄື​ເກົ່າ​ຕາມ​ເສົາ​ວ່າ!./.

ຍຸກ  4.0 ສ້າງ​ຄົນ​ທັນ​ສະ​ໄໝ​ໄຮ້​ຄົນ​ສໍ້​ໂກງ - 425365 - ຍຸກ  4.0 ສ້າງ​ຄົນ​ທັນ​ສະ​ໄໝ​ໄຮ້​ຄົນ​ສໍ້​ໂກງ
(ພາບປະກອບ)
error: Content is protected !!