ເປັນຫ່ວງຂີ້ເຫຍື້ອໃນຕົວເມືອງ

ເປັນຫ່ວງຂີ້ເຫຍື້ອໃນຕົວເມືອງ - advert banner 728 90 728x90 - ເປັນຫ່ວງຂີ້ເຫຍື້ອໃນຕົວເມືອງ

ໂດຍ: ທ່ຽງທຳ

ເປັນຫ່ວງຂີ້ເຫຍື້ອໃນຕົວເມືອງ - new3 - ເປັນຫ່ວງຂີ້ເຫຍື້ອໃນຕົວເມືອງ

ສະບາຍດີ, ເພື່ອນຜູ້ອ່ານ  ທີ່ຮັກແພງ, ກໍດັ່ງພວກເຮົາໄດ້ ຮັບຮູ້ນຳກັນແລ້ວວ່າ: ປັດຈຸບັນການປ່ຽນແປງຂອງສະພາບດິນຟ້າອາກາດນັບມື້ຮ້າຍແຮງ, ສົ່ງຜົນກະທົບບໍ່ໜ່ວຍຕໍ່ການດຳລົງຊີວິດຂອງມວນ ມະນຸດເຮົາເຊັ່ນ: ແຜນດິນ ໄຫວ, ໄພແຫ້ງແລ້ງ, ຝົນຕົກ, ລົມພາຍຸໄພນ້ຳຖ້ວມ ແລະ ມົນລະພິດທາງອາກາດ, ໂລກລະບາດ ແລະ ໜຶ່ງໃນນັ້ນກໍແມ່ນບັນຫາຂີ່ເຫຍື້ອໃນຕົວເມືອງ ຈາກການເພີ່ມຂຶ້ນຂອງປະ ຊາກອນ, ການຜະລິດຂີ້ເຫຍື້ອ  ອອກມາກໍເພີ່ມຂຶ້ນຢ່າງໜ້າ ເປັນຫວ່ງ, ແຕ່ພວກເຂົາຍັງ ບໍ່ສາມາດເກັບມ້ຽນ ຫລື ກຳຈັດມັນໄດ້, ຖ້າມີກໍຍັງເປັນແບບປະຖົມ, ປະຖານເກັບເອົາຂີ້ເຫຍື້ອໄປກອງໄວ້ໃນສະໜາມຂີ້ເຫຍື້ອອັນກວ້າງໃຫຍ່ແລ້ວດຳເນີນການຈູດ, ກິ່ນຂິວ ແລະ ຄວັນໄຟເປັນພິດຂອງຂີ້ເຫຍື້ອດັ່ງກ່າວໄດ້ສົ່ງຜົນກະທົບຮ້າຍແຮງຕໍ່ສິ່ງແວດລ້ອມ ແລະ ບັນຫາສຸຂະພາບຂອງຄົນເຮົາປີແລ້ວປີເລົ່າແກ່ຍາວໄປຢ່າງແກ້ບໍ່ຕົກ.

ດັ່ງຢູ່ນະຄອນຫລວງວຽງຈັນໃນປັດຈຸບັນ, ການກຳຈັດຂີ້ເຫຍື້ອກໍຍັງເປັນສິ່ງທ້າທາຍຫລາຍ, ໂດຍສ່ວນ ໃຫຍ່ແມ່ນຍັງບໍ່ສາມາດເກັບມ້ຽນ ແລະ ກຳຈັດມັນໄດ້ດັ່ງຂະແໜງການຄຸ້ມຄອງດ້ານນີ້ໃຫ້ຮູ້ວ່າ: ປັດຈຸບັນຢູ່ນະຄອນຫລວງວຽງຈັນແຕ່ລະມື້ຜະລິດຂີ້ເຫຍື້ອອອກມານັບຫລາຍ ຮ້ອຍໂຕນແຕ່ໃນນັ້ນພວກເຮົາສາມາດເກັບມ້ຽນໄດ້ພຽງປະມານ 50% ເທົ່ານັ້ນ, ສ່ວນທີ່ເຫລືອກໍຍັງຖິ້ມຊະຊາຍໄປຕາມຕົວເມືອງ, ຮ່ອງນ້ຳ ແລະ ຕະຫລາດຕ່າງໆອັນເປັນອຸປະສັກໃຫຍ່ຫລວງໃຫ້ແກ່ການຈັດຕັ້ງປະຕິບັດນະໂຍ ບາຍ ສ ສະອາດ ຂອງຕົວເມືອງຫລວງວາງອອກ, ສິ່ງນີ້ ຕົ້ນຕໍແມ່ນມາຈາກຈິດສຳນຶກຂອງຄົນເຮົາໃນການຮັກສາອະນາໄມກຳຈັດຂີ້ເຫຍື້ອ ແລະ ອີກອັນໜຶ່ງທີ່ເບື້ອງລັດຈະຕ້ອງໄດ້ເອົາໃຈໃສ່ກວ່ານີ້ກໍແມ່ນ ການລົງທຶນປັບປຸງຮູບແບບ ການກຳຈັດຂີ້ເຫຍື້ອໃຫ້ໄປສູ່ທັນສະໄໝດັ່ງປະເທດພັດທະນາອື່ນໆທີ່ເພິ່ນໄດ້ປະຕິບັດມາ ແລະ ພ້ອມນັ້ນກໍຈະຕ້ອງ ໄດ້ເອົາໃຈໃສ່ຢ່າງແຂງແຮງ ຕໍ່ການປຸກລະດົມຄວາມຕື່ນຕົວ ແລະ ຈິດສຳນຶກທີ່ດີຂອງສັງຄົມໃນການເກັບມ້ຽນ ຂີ້ເຫຍື້ອຢ່າງມີແບບແຜນ  ແລະ ຖືກຫລັກອະນາໄມ, ຄຽງຄູ່ກັນນັ້ນກໍຄວາມມີທິດ ເພື່ອວາງນະໂຍບາຍໃນການຫລຸດຜ່ອນການນຳໃຊ້ຖົງຢາງປລາສະຕິກໃຫ້ເປັນຮູບປະທຳ./.

ເປັນຫ່ວງຂີ້ເຫຍື້ອໃນຕົວເມືອງ - lattana 1 - ເປັນຫ່ວງຂີ້ເຫຍື້ອໃນຕົວເມືອງ
error: Content is protected !!