ບຸນທາດຫລວງ​ປີ​ນີ້​ຂໍ​ໃຫ້​ງົດ​ງາມ​ສົດ​ໃສ​ໄຮ້​ສິ່ງ​ເຮິະຮ້າຍ

ບຸນທາດຫລວງ​ປີ​ນີ້​ຂໍ​ໃຫ້​ງົດ​ງາມ​ສົດ​ໃສ​ໄຮ້​ສິ່ງ​ເຮິະຮ້າຍ - advert banner 728 90 728x90 - ບຸນທາດຫລວງ​ປີ​ນີ້​ຂໍ​ໃຫ້​ງົດ​ງາມ​ສົດ​ໃສ​ໄຮ້​ສິ່ງ​ເຮິະຮ້າຍ

​ໂດຍ: ທິດກ່ຳ

ບຸນທາດຫລວງ​ປີ​ນີ້​ຂໍ​ໃຫ້​ງົດ​ງາມ​ສົດ​ໃສ​ໄຮ້​ສິ່ງ​ເຮິະຮ້າຍ - new3 - ບຸນທາດຫລວງ​ປີ​ນີ້​ຂໍ​ໃຫ້​ງົດ​ງາມ​ສົດ​ໃສ​ໄຮ້​ສິ່ງ​ເຮິະຮ້າຍ

ບຸນນະມັດສະການພະທາດຫລວງປີນີ້ໄດ້ກຳນົດເອົາ​ແຕ່​ວັນ​ທີ 5 ຫາ ວັນທີ 11 ພະຈິກ 2019 ​ເຊິ່ງກົງກັບມື້ຂຶ້ນ 9 ຄ່ຳຫາ 15 ຄ່ຳເດືອນ 12 ​ເພັງ (ລາວ) ພສ 2562. ​ເມື່ອ​ເປັນ​ດັ່ງ​ນີ້, ກໍ​ສະ​ແດງ​ວ່າ​ປີນີ້ໄດ້ແກ່ຍາວ​ລື່ນ​ປີຜ່ານໆ​ມາ 2 ວັນ​ເພາະ​ຜ່ານ​ມາ​ສູງ​ສຸດ​ກໍ​​ບໍ່​ເກີນ 5 ວັນ​ເທົ່າ​ນັ້ນ.

ສ່ວນວ່າ​ການ​ຄົບງັນ​ຕ່າງໆ ອີງ​ຕາມ​ຂ້ໍ​ມູນ​ຈາກ​ຄະນະ​ອະນຸ​ກຳມະການ​ໃຫ້​ຮູ້ແມ່ນ​ມີ​ຫລາຍ​ກິດຈະກຳ ​ແລະ ຫລາກ​ຫລາຍ​ສີສັນ​ທີ່​ຈະ​ສະໜອງ​ໃຫ້​ຜູ້​ມາ​ທ່ຽວ, ມາ​ຊົມ​ໄດ້​ສຳ​ພັດ​ຢ່າງ​ເຕັມ​ອີ່ມ.

ຕາມ​ປົກກະຕິ​ແລ້ວ, ການສະ​ເຫລີ​ມສະຫລອງ​ບຸນ​ນະມັດສະການ​ພະທາດ​ຫລວງໃນ​ປີຜ່ານມາ, ກໍ​ຄື​ປີ​ນີ້​ສິ່ງ​ທີ່​ຂາດ​ບໍ່​ໄດ້​ກໍ​ຄື​ການວາງສະ​ແດງ​ຜະລິດ​ຕະພັນ​ສິນຄ້າ​ຕ່າງໆ, ​ງານ​ສິລະ​ປະວັດທະນະທຳ, ສະ​ແດງ​ວັນນະ​ຄະດີ, ດີດ​ສີຕີ​ເບົ່າ, ນັບ​ທັງ​ຂາຍເຄື່ອງອຸປະ​ໂພ​ກບໍລິ​ໂພ​ກ, ​ເຄື່ອງກິນ​ດື່ມ, ລາມ​ໄປ​ຮອດ​ເຂົ້າຫລາມ, ປິ້ງ​ໄກ່​ຈົນຮອດ​ມື້ສຸດ​ທ້າຍ​ຕອນ​ເຊົ້າມື້​ເພັງ 15 ຄຳ​ມີ​ການ​ຕັກບາດ, ຖະຫວາຍ​ສັງ​ກະທາ​ນ,   ຕອນ​ບ່າຍ​ມີ​ກິລາ​ຕີຄີ, ກາງຄືນ​ຍັງ​ມີ​ການຄົບງັນ​ວຽນທຽນ, ຈູດ​ບັ້ງ​ໄຟ​ດອກ, ບັ້ງຕະ​ໄລ​ຕາມ​ຮີດຄອງ​ປະ​ເພນີ​ກໍ​ເປັນ​ອັນວ່າ ຈົບ​ບໍລະບວນ​ໃນ​ທ່ຽງ​ຄືນ​ຂອງ​ມື້​ເພັງ 15 ຄ່ຳ.

​    ແນວ​ໃດ​ກໍ​ດີ, ປີ​ນີ້​ຄາດ​ວ່າ​ບຸນ​ນະມັດສະການ​ພະທາດ​ຫລວງ​ຕ້ອງ​ມ່ວນ​ກວ່າ​ປີຜ່ານໆ​ມາ ​ແລະ ທັງ​ມີ​ຄວາມ​ໝາຍ​ຍ້ອນ​ວ່າ​ເປັນ​ປີ​ທ່ອງ​ທ່ຽວ​ ລາວ-ຈີນ, ​ເປັນປີ​ແຫ່ງ​ໄຊຊະນະ ໃນ​ພາລະກິດ​ການ​ສ້າງສາ​ພັດທະນາ​ປະ​ເທດ​ຊາດ​ຕະຫລອດ​ໄລ ຍະ 40 ປີກ​ວ່າ​ຜ່ານ​ມາ. ອັນ​ທີ່​ເດັ່ນ​ທີ່​ສຸດ​ປີ​ນີ້ທົ່ງໄຫ​ຫີນ​ຊຽງ​ຂວາງ​ໄດ້​ຖືກ​ຮັບຮອງ​ເຂົ້າ​ເປັນ​ມໍລະດົກ​ໂລກ.

ສະ​ເພາະ​ໃນ​ປີ 2019 ນີ້​ເຖິງ​ວ່າ​ປະ​ເທດ​ຊາດ​ຂອງ​ພວກ​ເຮົາໄດ້​ປະສົບ   ​ ​ໄພ​ທຳ​ມະ​ຊາດ​ຂົ່ມຂູ່​ເກີດ​ໄພພິບັດ​ນ້ຳຖ້ວມ 2 ​ແຂວງ​ພາກ​ກາງ ​ແລະ 4 ​ແຂວງ​ພາກ​ໃຕ້, ຄຸນຄ່າ​ເງິນ​ກີບ​ອ່ອນ​ຕົວ​ລົງ, ​ແຕ່​ການ​ພັດທະນາ, ການ​ລົງທຶນ​ໃນ​ດ້ານ​ອື່ນໆ ​ໂດຍ​ສະ​ເພາະ​ແມ່​ນສຸມ​ໃສ່​ຊຸກຍູ້​ສົ່ງ​ເສີມ​ເສດຖະກິດ​ຂະໜາດ​ນ້ອຍ​ຂະໜາດ​ກາງ ​ແລະ ຂະ​ບວນການ​ພັດທະນາ​ໃນ​ໂຄງການ​ໃຫຍ່ໆ ກໍ​ໄດ້​ດຳ​ເນີນ​ໄປ​ຢ່າງ​ບໍ່​ຢຸດ​ຢັ້ງ, ​ໄປ​ຄວບ​ຄູ່​ກັນນັ້ນ, ສະ​ເຖຍລະ​ພາບ​ທາງ​ດ້ານການ​ເມືອງ, ຂົງ​ເຂດ​ວຽກ​ງານ​ປ້ອງ​ກັນຊາ​ດ, ປ້ອງ​ກັນ​ຄວາມ​ສະຫງົບ​ກໍ​ມີຄວາມ​ໝັ້ນຄົງ​ຍືນ​ຍົງ​ໜັກ​ແໜ້ນ.

ບຸນທາດຫລວງ​ປີ​ນີ້​ຂໍ​ໃຫ້​ງົດ​ງາມ​ສົດ​ໃສ​ໄຮ້​ສິ່ງ​ເຮິະຮ້າຍ - lattana 1 - ບຸນທາດຫລວງ​ປີ​ນີ້​ຂໍ​ໃຫ້​ງົດ​ງາມ​ສົດ​ໃສ​ໄຮ້​ສິ່ງ​ເຮິະຮ້າຍ

ບົນ​ພື້ນຖານ​ດັ່ງກ່າວ, ຈຶ່ງ​ເຮັດ​ໃຫ້​ປະ​ເທດ​ລາວ​ກໍ​ຄື​ສັງຄົມ​ລາວ​ເຮົາ​ນັບ​ມື້ມີ ຄວາມ​ສະຫງົບ​ປອດ​ໄພ, ປະຊາຊົນ​​ຍຸ​ທ່າ​ງສ້າງສາ, ພັດທະນາ ປະ​ເທດ​ຊາດ​ຂອງ​ຕົນ​ຕາມ​ແນວທາງ​ນະ​ໂຍບາຍ​ຂອງພັກ ​ແລະ ລັດຖະບານ, ປັບປຸງ​ຊີວິດ​ການ​ເປັນ​ຢູ່​ໃຫ້​ນັບ​ມື້ດີ​ຂຶ້ນ​ເທື່ອ​ລະ​ກ້າວ, ຈຳນວນ​ຄອບຄົວ​ທຸກ​ຍາກ, ບ້ານ​ທຸກ​ຍາກ ​ແລະ ​ເມືອງ​ທຸກ​ຍາກ​ນັບ​ມື້ຫລຸດ​ໜ້ອຍ​ຖອຍ​ລົງ​ໃນ​ແຕ່ລະ​ປີ ​ແລະ ອີກ​ບໍ່​ນານ​ປະຊາຊົນ​ລາວ​ກໍ​ຈະ​ຫລຸດ​ພົ້ນອອກ​ຈາກ​ຄວາມທຸກ​ຍາກ ​ແລະ ດ້ອຍ​ພັດທະນາ​ຢ່າງ​ແນ່ນອນ.

ການສະ​ເຫລີ​ມສະຫລອງ​ບຸນ​ນະມັດສະການ​ພະທາດ​ຫລວງ​ກໍ​ແມ່ນ​​ເຫດການ​ໜຶ່ງ​ທີ່​ສະ​ແດງ​ໃຫ້​ເຫັນຜົນສຳ​ເລັດ, ຄວາມ​ຈະ​ເລີ​ນງອກ​ງາມ​ທາງ​ດ້ານ​ວັດ​ຖຸ ​ແລະ ຈິດ​ໃຈ​ຂອງ​ຄົນ​ລາວ​ຍຸກ​ໃໝ່​ທີ່​ຫາ​ກໍ​ໄດ້​ຫລຸດ​ພົ້ນອອກ​ຈາກ​ແປວ​ໄຟ​ແຫ່ງ​ສົງຄາມ, ປະ​ເທດ​ຊາດ​ມີ​ເອກະລາດ, ມີ​ຄວາມ​ສະຫງົບ, ມີ​ຄວາມສຸກ ​ແລະ ນັບ​ມື້ອີ່ມ​ໜຳ​ສຳລານ​ຢູ່​ພາຍ​ໃຕ້​ຮ່ົມ​ທຸງ​ກາ​ວົງ​ເດືອນ​ອັນ​ເປັນ​ທີ່​ຮັກ ​ແລະ ຫວ່ງ​ແຫນ​ຂອງ​ຄົນ​ລາວ​ທັງ​ປວງ.

​    ເຖິງ​ຢ່າງ​ໃດ​ກໍ​ດີ, ສຳລັບ​ບຸນ​ນະມັດສະການ​ພະທາດ​ຫລວງ​ປີ​ນີ້​ສິ່ງ​ທີ່​ໜ້າ​ເປັນ​ຫວ່ງ​ເລື່ອງ​ເລັກໆ​ນ້ອຍໆ ທີ່​ໄດ້​ຕິດ​ຫ້ອຍ​ແບບ​ບໍ່​ຈົບ​ບໍ່​ງາມ​ໃນ​ແຕ່ລະ​ປີນັ້ນຄື ບັນຫາ​ຂີ້​ເຫຍື້ອກອງ​ຢັງ​ຢາຍ​ຊະຊາຍ​ກວ່າ​ຈະ​ຖືກ​ກຳຈັດ​ປັດ​ເປົ່າ​ກໍ​ຕ້ອງ​ໄດ້​ໃຊ້ ​ເວລາ​ຫລາຍ​ວັນ ​ເຊິ່ງ​ເຫັນ​ແລ້ວ​ກໍ​ໜ້າ​ອັບອາຍ​ຂາຍໜ້າ​ຕໍ່​ແຂກ​ຕ່າງ​ດ້າວ​ທ້າວ​ຕ່າງ​ແດນ​ທີ່​ໄດ້​ເຂົ້າມາ​ທ່ຽວ​ຊົມ ​ແລະ ສັກກາລະ​ບູຊາ​ພະທາດ​ຫລວງ​ວຽງ ຈັນ​ໃນ​ແຕ່ລະ​ປີ​ຫລັງງານ​ບຸນ, ກໍ​ຂໍ​ໃຫ້​ບຸນ​ນະມັດສະການ​ພະທາດ​ຫລວງ​ປີ​ນີ້​ເປັນ​ປີ​ທີ່​ສວຍ​ງາມ​ສະອາດ​ສົດ​ໃສ​ໄຮ້​ສິ່ງ​ເຮິະ​ຮ້າຍ​ເດີ​ພີ່ນ້ອງ./.

error: Content is protected !!