ຈໍາປາສັກ ຕ້ອງການງົບປະມານ 3,76 ຕື້ກີບ ເພື່ອແກ້ໄຂເສັ້ນທາງຫຼັງນໍ້າຖ້ວມໃນຜ່ານມາ

ຈໍາປາສັກ ຕ້ອງການງົບປະມານ 3,76 ຕື້ກີບ ເພື່ອແກ້ໄຂເສັ້ນທາງຫຼັງນໍ້າຖ້ວມໃນຜ່ານມາ - advert banner 728 90 728x90 - ຈໍາປາສັກ ຕ້ອງການງົບປະມານ 3,76 ຕື້ກີບ ເພື່ອແກ້ໄຂເສັ້ນທາງຫຼັງນໍ້າຖ້ວມໃນຜ່ານມາ

ສ້ອມແປງເສັ້ນທາງ ແລະ ຂົວ ທີ່ຖືກເສຍຫາຍຈາກໄພນໍ້າຖ້ວມ ທ່ານ ສຸກຂະເສີມ ປາກດີມະນີວົງ ຫົວໜ້າພະແນກໂຍທາທິການ ແລະ ຂົນສົ່ງ (ຍທຂ) ແຂວງຈໍາປາສັກ ໃຫ້ສໍາພາດວ່າ: ປັດຈຸບັນແຂວງຈໍາປາສັກ ມີຄວາມຕ້ອງການງົບປະມານ 3,76 ຕື້ກີບ ເພື່ອສ້ອມແປງເສັ້ນທາງທີ່ໄດ້ຮັບຜົນກະທົບຈາກໄພນໍ້າຖ້ວມ, ໃນນັ້ນ ມີເສັ້ນທາງເລກທີ 7808 ແຕ່ແຍກເສັ້ນທາງເລກທີ 13 ໃຕ້ ຫາບ້ານແຊລະບໍາ ແລະ ບ້ານກວາງຊີ ເມືອງຊະນະສົມບູນ ມູນຄ່າ 1,77 ຕື້ກີບ, ແກ້ໄຂເສັ້ນທາງເລກທີ 7812 ແຕ່ແຍກເສັ້ນທາງເລກທີ 16 ຫາບ້ານໃໝ່ໄຊສົມບູນ ເມືອງປາກຊ່ອງ ມູນຄ່າ 1,33 ຕື້ກີບ ແລະ ແກ້ໄຂສຸກເສີນຂົວເບເລ ຫ້ວຍຄົດນ້ອຍ ຕາມເສັ້ນທາງເລກທີ 7812 ເມືອງປາກຊ່ອງ ໃນມູນຄ່າ 600 ກວ່າລ້ານກີບ ເຊິ່ງຄວາມຕ້ອງການງົບປະມານແກ້ໄຂສຸກເສີນດັ່ງກ່າວ ນັ້ນແມ່ນພະແນກ ຍທຂ ແຂວງ ໄດ້ສ້າງເປັນເອກະສານສະເໜີຫາກົມຂົວທາງ ກະຊວງ ຍທຂ ແລ້ວ, ຖ້າວ່າເພິ່ນອະນຸມັດ ກໍຈະໄດ້ລົງມືຈັດຕັ້ງປະຕິບັດໂດຍໄວ ເພື່ອການສັນຈອນໄປມາມີຄວາມສະດວກ.

ຈໍາປາສັກ ຕ້ອງການງົບປະມານ 3,76 ຕື້ກີບ ເພື່ອແກ້ໄຂເສັ້ນທາງຫຼັງນໍ້າຖ້ວມໃນຜ່ານມາ - new3 - ຈໍາປາສັກ ຕ້ອງການງົບປະມານ 3,76 ຕື້ກີບ ເພື່ອແກ້ໄຂເສັ້ນທາງຫຼັງນໍ້າຖ້ວມໃນຜ່ານມາ

ທ່ານ ສຸກຂະເສີມ ໃຫ້ຮູ້ຕື່ມວ່າ: ຈາກສະພາບນໍ້າຖ້ວມໃນທ້າຍເດືອນສິງຫາ-ຕົ້ນກັນຍາ ທີ່ຜ່ານມາ, ທົ່ວແຂວງຈໍາປາສັກ ມີເສັ້ນທາງຫຼວງແຫ່ງຊາດ, ທາງຫຼວງທ້ອງຖິ່ນ ແລະ ຂົວຕ່າງໆ ໄດ້ຮັບຄວາມເສຍຫາຍທັງໝົດ ຄິດເປັນມູນຄ່າຫຼາຍຕື້ກີບ, ໃນນັ້ນ ເສັ້ນທາງທີ່ໄດ້ຮັບຜົນກະທົບມີ 115 ເສັ້ນ ມີມູນຄ່າເສຍຫາຍ 61,58 ຕື້ກີບ, ເຊິ່ງປັດຈຸບັນ ພະແນກ ຍທຂ ໄດ້ເຮັດໜັງສືສະເໜີຫາພະແນກແຜນການ ແລະ ການລົງທຶນແຂວງ ເພື່ອຂໍງົບປະມານເຂົ້າໃນການສ້ອມແປງແກ້ໄຂໂດຍໄວ.

ຫົວໜ້າພະແນກ ຍທຂ ແຂວງ ຊີ້ແຈງວ່າ: ການກໍ່ສ້າງ ຫຼື ສ້ອມແປງ ເສັ້ນທາງ-ຂົວທີ່ເປ້ເພເສຍຫາຍຈາກສະພາບນໍ້າຖ້ວມ ມັນບໍ່ແມ່ນເລື່ອງງ່າຍດາຍ, ສໍາຄັນຕ້ອງມີງົບປະມານ, ລັດຖະບານເຫັນດີ ແລະ ສະພາອະນຸມັດ ຈິ່ງສາມາດຈັດຕັ້ງປະຕິບັດໄດ້, ຍ້ອນແນວນັ້ນ ຈິ່ງຂໍໃຫ້ທຸກພາກສ່ວນ, ອໍານາດການປົກຄອງທຸກຂັ້ນ ຕະຫຼອດຮອດປະຊາຊົນທຸກທ້ອງຖິ່ນຮາກຖານ ຈົ່ງຮັບຮູ້ເຂົ້າໃຈຕໍ່ບັນຫານີ້ດ້ວຍ.

ຈໍາປາສັກ ຕ້ອງການງົບປະມານ 3,76 ຕື້ກີບ ເພື່ອແກ້ໄຂເສັ້ນທາງຫຼັງນໍ້າຖ້ວມໃນຜ່ານມາ - lattana 1 - ຈໍາປາສັກ ຕ້ອງການງົບປະມານ 3,76 ຕື້ກີບ ເພື່ອແກ້ໄຂເສັ້ນທາງຫຼັງນໍ້າຖ້ວມໃນຜ່ານມາ
error: Content is protected !!