ໄທເປີດສູນຕ້ານຂ່າວປອມ ກວດສອບພາຍໃນ 2 ຊົ່ວໂມງ

ໄທເປີດສູນຕ້ານຂ່າວປອມ ກວດສອບພາຍໃນ 2 ຊົ່ວໂມງ - advert banner 728 90 728x90 - ໄທເປີດສູນຕ້ານຂ່າວປອມ ກວດສອບພາຍໃນ 2 ຊົ່ວໂມງ

ຂ່າວຈາກ TTO ວັນທີ 31 ຕຸລາ ໃຫ້ຮູ້ວ່າ: ລັດຖະມົນຕີເສດຖະກິດ ດີຈິຕອນ ແລະ ສັງຄົມ Buddhipongse Punnakanta ໃຫ້ຮູ້ວ່າ: ໄທຈະເປີດສູນ ຕ້ານຂ່າວປອມເປັນຄັ້ງທຳອິດຂອງປະເທດໃນວັນທີ 1 ພະຈິກນີ້ ເພື່ອກວດສອບຂໍ້ມູນຂ່າວສານທີ່ບໍ່ທັນໄດ້ ຜ່ານການກວດກາ ແຕ່ຖືກນຳເອົາໄປຕີແຜ່ລົງໃນສື່ສັງຄົມ.

ໄທເປີດສູນຕ້ານຂ່າວປອມ ກວດສອບພາຍໃນ 2 ຊົ່ວໂມງ - new3 - ໄທເປີດສູນຕ້ານຂ່າວປອມ ກວດສອບພາຍໃນ 2 ຊົ່ວໂມງ

ທ່ານ Buddhipongse ເວົ້າວ່າ: “ຍຸກປັດຈຸບັນໃຜກໍສາມາດເປັນນັກຂ່າວໄດ້. ທຸກໆບັນຫາລ້ວນແຕ່ຖືກນຳເອົາໄປລົງໃນສື່ສັງຄົມ, ຄົນໄທມັກການແບ່ງປັນ (ແຊຣ) ແຕ່ແມ່ນໃຜເປັນຜູ້ຮັບຜິດຊອບຕໍ່ຂໍ້ມູນຂ່າວ ສານດັ່ງກ່າວ ທີ່ສົ່ງຜົນຮ້າຍ ຕໍ່ສັງຄົມ?”

ໜັງສືພິມ Straits Times ໃຫ້ຮູ້ວ່າ: ຈຸດປະສົງຂອງສູນດັ່ງກ່າວແມ່ນເພື່ອວາງຂອບໃຫ້ແກ່ຂໍ້ມູນຂ່າວສານທີ່ຄິດວ່າເປັນຂໍ້ມູນປອມ ຫຼື ຂ່າວປອມ, ກວດກາ ແລະ ແຈ້ງຂໍ້ມູນຂ່າວສານທີ່ຖືກຕ້ອງໃຫ້ສັງຄົມຮັບຊາບໂດຍຜ່ານເວບໃໝ່ບົນພື້ນຖານ ເຟສບຸກ  ແລະ ລາຍ.

ສູນດັ່ງກ່າວຈະສຸມໃສ່ຊອກຮູ້ຂົງເຂດທີ່ມີຂ່າວປອມເກີດຂຶ້ນລວມທັງບັນຫາໄພທຳມະຊາດ, ບັນຫາການເງິນ, ຜະລິດຕະພັນດູແລສຸຂະພາບ ແລະ ຜະລິດຕະພັນສິນຄ້າປອມ ແລະ ນະໂຍບາຍຂອງລັດຖະບານ.

ລັດຖະມົນຕີ Buddhipongse ໃຫ້ສຳພາດ ຕໍ່ໜັງສືພິມ Straits Times ວ່າ: “ນີ້ບໍ່ພຽງແຕ່ແມ່ນຫົວຄິດປະດິດສ້າງສະເພາະຂອງ ລັດຖະບານເທົ່ານັ້ນແຕ່ ຫາກແມ່ນການຮ່ວມມືກັບການຈັດຕັ້ງປະຊາສັງຄົມ”

ພະນັກງານກະຊວງ, ພະນັກງານຂອງຫົວໜ່ວຍທຸລະກິດຂອງລັດຖະບານ, ປະຊາສັງຄົມ, ມະຫາວິທະ ຍາໄລ ແລະ ສາມະຄົມນັກຂ່າວໄທຈະພ້ອມກັນຄຸ້ມຄອງສູນຕ້ານຂ່າວປອມດັ່ງກ່າວ.

ໄທເປີດສູນຕ້ານຂ່າວປອມ ກວດສອບພາຍໃນ 2 ຊົ່ວໂມງ - lattana 1 - ໄທເປີດສູນຕ້ານຂ່າວປອມ ກວດສອບພາຍໃນ 2 ຊົ່ວໂມງ

ທ່ານ Buddhipongse ກ່າວວ່າ: “ຂ້າພະ ເຈົ້າຮຽກຮ້ອງໃຫ້ແຕ່ລະ ພາກສ່ວນຈົ່ງຂັດສັນຢ່າງໜ້ອຍ 3 ຄົນໃຫ້ສູນດັ່ງກ່າວເພາະພວກເຮົາຈະໄດ້ກວດສອບແຕ່ລະຂໍ້ມູນຂ່າວສານຢ່າງລະອຽດວ່າແມ່ນຂ່າວຖືກຕ້ອງ ຫຼື ແມ່ນຂ່າວປອມພາຍໃນ 2 ຊົ່ວໂມງສາມາດ ໃຫ້ຮັບຮູ້ໄດ້”

ໄທ ປະກາດວ່າ: ຕົນເອງເປີດສູນຕ້ານຂ່າວປອມພາຍຫຼັງ 2 ເດືອນທີ່ສະເໜີໃຫ້ບັນດາບໍລິສັດສ້າງຕັ້ງ ສູນຕ້ານຂ່າວປອມຢູ່ ແຕ່ລະ ປະເທດສະມາຊິກອາຊຽນ.

ສາມະຄົມບັນດາຜູ້ບໍລິຫານໂທລະຄົມອາຊຽນໄດ້ຮັບຮອງເອົາຄຳສະເໜີຂອງໄທ. ແຫຼ່ງຂ່າວໜຶ່ງທີ່ເວົ້າກັບຣອຍເຕີວ່າ: ການແນະນຳຈັດຕັ້ງປະຕິບັດ ຄຳສະເໜີດັ່ງກ່າວຂອງໄທ ລັດຖະບານອາດຈະນຳສະເໜີຕໍ່ກອງປະຊຸມສຸດຍອດອາຊຽນໃນເດືອນພະຈິກນີ້.

ຮຽບຮຽງໂດຍ: ລູກເມືອງພວນ

error: Content is protected !!