ລັດ​ພວມວາງ​ແຜນ​ປ້ອງ​ກັນ ​ແລະ ຮັບ​ມື​​ໄພພິບັດ ​ໃຫ້​ດີ​ຂຶ້ນ

ລັດ​ພວມວາງ​ແຜນ​ປ້ອງ​ກັນ ​ແລະ ຮັບ​ມື​​ໄພພິບັດ ​ໃຫ້​ດີ​ຂຶ້ນ - advert banner 728 90 728x90 - ລັດ​ພວມວາງ​ແຜນ​ປ້ອງ​ກັນ ​ແລະ ຮັບ​ມື​​ໄພພິບັດ ​ໃຫ້​ດີ​ຂຶ້ນ

   ປັດຈຸບັນ ລັດຖະບານ​ພວມ​ສຸມ​ໃສ່​ການວາງ​ແຜນ ປ້ອງ​ກັນ ​ແລະ ຄວບ​ຄຸມ​ໄພພິບັດຕ່າງໆ ​ໃຫ້​ດີ​ຂຶ້ນ, ຊຶ່ງ​​ແຜນ​ງານ​ດັ່ງກ່າວ​ໄດ້​ມີ​ການ​ປຶກສາ​ຫາລື ກັບ​ຫລາຍ​ພາກສ່ວນທັງ​ພາກພຶ້ນ ​ແລະ ສາກົນ ຢູ່ ​ໃນ​ກອງ​ປະຊຸມກະກຽມກອງ​ປະຊຸມ​ໂຕະມົນ​ປະຈຳ​ປີ 2019 ທີ່​ຈັດ​ຂຶ້ນ​ໃນ​ວັນ​ທີ 5 ພະຈິກ ນີ້, ຢູ່ ນະຄອນຫລວງ​ວຽງຈັນ ​ໂດຍ​ການ​ເປັນ​ປະທານ​ຂອງ​ທ່ານ ຄຳ​ແພງ ​ໄຊ​ສົມ​ແພງ ລັດຖະມົນຕີ​ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ, ມີ​ຜູ້ຕາງໜ້າອົງການສະຫະ​ປະຊາ​ຊາດ​ເພື່ອ​ການ​ພັດທະນາ ​ແລະ ປະ​ເທດ​ເພື່ອນ​ມິດ​ເຂົ້າ​ຮ່ວມ​ເປັນ​ຈຳນວນ​ຫລາຍ.

ລັດ​ພວມວາງ​ແຜນ​ປ້ອງ​ກັນ ​ແລະ ຮັບ​ມື​​ໄພພິບັດ ​ໃຫ້​ດີ​ຂຶ້ນ - new3 - ລັດ​ພວມວາງ​ແຜນ​ປ້ອງ​ກັນ ​ແລະ ຮັບ​ມື​​ໄພພິບັດ ​ໃຫ້​ດີ​ຂຶ້ນ

    ທ່ານ ລັດຖະມົນຕີ​ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ ​ໃຫ້​ຮູ້​ວ່າ: ບັນຫາໄພພິບັດ ແລະ ການປ່ຽນແປງຂອງດິນຟ້າອາກາດ ເປັນຕົ້ນ: ໄພນໍ້າຖ້ວມ ແຜ່ນດິນໄຫວ, ຄື້ນສຶນາມິ, ລົມພະຍຸ ​ແລະອື່ນໆໄດ້ກາຍເປັນສິ່ງທ້າທາຍຢ່າງໃຫຍ່ຫຼວງ ຕໍ່ພາກພຶື້ນ ແລະ ສາກົນ.ໄພພິບັດດັ່ງກ່າວ ໄດ້ເກີດຂຶ້ນເປັນປະຈໍາ ແລະ ເພີ່ມຄວາມຮຸນແຮງຂື້ນເລື້ອຍໆ, ສ້າງຜົນກະທົບ ແລະ ຄວາມເສຍຫາຍຢ່າງຫຼວງຫຼາຍ ຕໍ່ຊີວິດ ​ແລະ ຊັບ​ສິນ​ຂອງ ປະຊາຊົນ ກໍ​ຄືສ່ວນ​ລວມ ທັງໃນໄລຍະສັ້ນ ແລະ ໄລຍະຍາວ. ໄພພິບັດ ຍັງສົ່ງຜົນກະທົບຢ່າງໜັກໜ່ວງຕໍ່ການພັດທະນາເສດຖະກິດ-ສັງຄົມ, ລະບົບນິເວດວິທະຍາ ແລະ ທໍາມະຊາດ-ສິ່ງແວດລ້ອມ;ເປັນອຸປະສັກຂອງການພັດທະນາ​ໃນບັນດາປະເທດທົ່ວໂລກ ແລະໜ້າ​ຕົກ​ໃຈ​ວ່າບັນຫາດັ່ງກ່າວ ຈະ​ເກີດ​ຂື້ນ​ຢ່າງ​ຕໍ່​ເນື່ອງ ​ແລະເພີ່ມທະວີຄວາມຮຸນແຮງຂຶ້ນເລື້ອຍໆ,ກາຍເປັນໄພຂົ່ມຂູ່ຕໍ່ປະຊາຄົມໂລກໃນປັດຈຸບັນກໍ​ຄື​ອານາ​ຄົດ.ໄພພິບັດ ຍັງສົ່ງຜົນກະທົບຢ່າງ​ໜັກຕໍ່ກຸ່ມຄົນທີ່​ອ່ອນ​ແອ ​ແລະຜູ້ດ້ອຍໂອກາດໃນສັງຄົມ ເປັນຕົ້ນ; ແມ່ຍິງ, ເດັກນ້ອຍ,ຜູ້ອາຍຸສູງ, ຄົນພິການແລະປະຊາຊົນ​ຜູ້ທຸກຍາກຫ່າງ​ໄກ​ຊອກ​ຫຼີກ.

    ສະເພາະຢູ່ ສປປ ລາວ, ໄພພິບັດນັບມື້ມີຄວາມຮຸນແຮງຂື້ນ, ສ້າງຄວາມເສຍຫາຍຢ່າງຫຼວງຫຼາຍທີ່​ສຸດ. ເຫດການໄພພິບັດໃນປີ 2018 ຖືວ່າເປັນຄັ້ງປະຫວັດສາດ ທີ່ໄດ້ຮັບຜົນກະທົບຢ່າງຮຸນແຮງຈາກໄພນໍ້າຖ້ວມ ທັງສາເຫດມາຈາກທໍາມະຊາດ ແລະ ມະນຸດເປັນຜູ້ສ້າງຂື້ນເຮັດໃຫ້ປະຊາຊົນຕ້ອງ​ເສຍຊີວິດເປັນຈໍານວນຫຼາຍ, ໂຄງລ່າງພື້ນຖານດ້ານເສດຖະກິດ, ສັງຄົມ ແລະ ສິ່ງແວດລ້ອມ ໄດ້ຮັບຄວາມເສຍຫາຍຢ່າງໜັກໜ່ວງ ຄິດເປັນມູນຄ່າເສຍຫາຍຫຼາຍກວ່າ 3 ພັນຕື້ກີບ, ​ເຊິ່ງມີ​ຄວາມ​ຈຳ​ເປັນຕ້ອງໄດ້ນໍາໃຊ້ງົບປະມານຫຼວງຫຼາຍເຂົ້າໃນການແກ້ໄຂ ທັງໄລຍະສຸກເສີນ ແລະ ຟື້ນຟູຄືນຫຼັງໄພພິບັດ. ​ເຫດການ​ຜ່ານ​ພົ້ນພໍດີ​ຄົບ​ປີ, ມາໃນປີ 2019 ນີ້, ໃນຊ່ວງໄລຍະການເລັ່ງປະຕິບັດຟື້ນຟູຄືນຫຼັງໄພນໍ້າຖ້ວມປີ 2018, ໃນຊ່ວງໄລຍະເດືອນ ກໍລະກົດ ຫາ ຕົ້ນເດືອນກັນຍານີ້ ກໍ່ໄດ້ເກີດ​ໄພພິບັດ​ຄັ້ງ​ໃຫຍ່ຂື້ນ​ອີກສາເຫດຈາກພາຍຸ​ໄຕ້​ຝຸ່ນ ​ເຂ​ດຮ້ອນ ​ເຮັດ​ໃຫ້​ເກີດນໍ້າຖ້ວມ​ເປັນ​ວົງ​ກວ້າງກວມ​ເອົາ 6 ​ແຂວງ​ພາກ​ກາງ ​ແລະພາກ​ໃຕ້ເຮັດໃຫ້ປະຊາຊົນຫຼາຍສິບພັນຄົນຂາດທີ່ຢູ່ອາໃສ ແລະ ຕ້ອງໄດ້ຍົກຍ້າຍໄປບ່ອນທີ່ປອດໄພຊົ່ວຄາວ, ສ້າງຄວາມເສຍຫາຍຕໍ່ພື້ນທີ່ການຜະລິດກະສິກໍາ, ໂຄງລ່າງດ້ານເສັ້ນທາງ, ຂົວ, ໂຮງຮຽນ, ໂຮງໝໍ, ແຫຼ່ງນໍ້າກິນ ນໍ້າໃຊ້, ລະບົບສຸຂະອານາໄມ, ໄຟຟ້າ, ນໍ້າປະປາ, ອື່ນໆ ຄິດເປັນມູນຄ່າເສຍຫາຍຫຼາຍກວ່າ 1.300 ຕື້ກີບ. ແນ່ນອນ​ວ່າ, ສປປ ລາວ ທີ່​ເປັນ​ປະເທດພວມ​ສູ້​ຊົນ​ໃຫ້ຫຼຸດພົ້ນອອກຈາກຄວາມດ້ອຍພັດທະນາ, ​ມາຖືກຄຸກຄາມຈາກໄພພິບັດທໍາມະຊາດທີ່ເກີດຢ່າງ​ຮຸນ​ແຮງຂື້ນຊໍ້າແລ້ວຊໍ້າອີກ ຍິ່ງ​ຈະເຮັດໃຫ້ການພັດທະນາ​ເສດຖະກິດ-ສັງຄົມ ​ໃຫ້​ປະຊາຊົນ​ຫຼຸດ​ຜົ້ນອອກ​ຈາກ​ຄວາມທຸກ​ຍາກພົບກັບອຸປະສັກ​ຢ່າງຫຼວງ​ຫຼາຍ.

ລັດ​ພວມວາງ​ແຜນ​ປ້ອງ​ກັນ ​ແລະ ຮັບ​ມື​​ໄພພິບັດ ​ໃຫ້​ດີ​ຂຶ້ນ - lattana 1 - ລັດ​ພວມວາງ​ແຜນ​ປ້ອງ​ກັນ ​ແລະ ຮັບ​ມື​​ໄພພິບັດ ​ໃຫ້​ດີ​ຂຶ້ນ

ທ່ານ​ລັດຖະມົນຕີ​ຍັງ​ຍົກ​ໃຫ້​ເຫັນ​ວ່າ: ການຈັດກອງປະຊຸມຄັ້ງນີ້ ສຸດທີ່ມີຄວາມໝາຍ ສໍາຄັນເປັນຢ່າງຍິ່ງ ຊື່ງພວກເຮົາຈະໄດ້ຮ່ວມກັນນໍາສະເໜີ ແລກປ່ຽນບົດຮຽນ ແລະ ມີຄໍາຄິດຄໍາເຫັນ ຕໍ່ກັບວຽກງານຫຼຸດຜ່ອນຄວາມສ່ຽງໄພພິບັດ ແລະ ຂອບແຜນວຽກການຟື້ນຟູຄືນຫຼັງໄພພິບັດ ຢູ່ ສປປ ລາວ ຊຶ່ງຜົນຂອງກອງປະຊຸມດັ່ງກ່າວກ່າວນີ້ ຈະເປັນພື້ນຖານດ້ານເນື້ອໃນໃຫ້ແກ່ ກອງປະຊຸມໂຕະມົນປະຈໍາປີ 2019 ທີ່ຈະມີຂື້ນໃນທ້າຍເດືອນ ພະຈິກ 2019 ຢູ່ ແຂວງ ຫຼວງພະບາງ, ພ້ອມນີ້ ກໍ່ຈະເປັນຂໍ້ມູນສໍາຄັນ ຮັບໃຊ້ໃຫ້ແກ່ການຄົ້ນຄວ້າ ແລະ ນໍາເອົາເນື້ອໃນດັ່ງກ່າວ ເຂົ້າໃນແຜນການພັດທະນາເສດຖະກິດ-ສັງຄົມ 5 ປີ ຄັ້ງທີ 9 ຂອງ ລັດຖະບານ ໄລຍະ 2021 ຫາ 2025.

error: Content is protected !!