ໜາວ​ມາ ​ໃຫ້​ຮັກສາ​ສຸຂະພາບ

ໜາວ​ມາ ​ໃຫ້​ຮັກສາ​ສຸຂະພາບ - 02 - ໜາວ​ມາ ​ໃຫ້​ຮັກສາ​ສຸຂະພາບ
ໜາວ​ມາ ​ໃຫ້​ຮັກສາ​ສຸຂະພາບ - AGL banner - ໜາວ​ມາ ​ໃຫ້​ຮັກສາ​ສຸຂະພາບ

​ໂດຍ: ທ່ຽງ​ທຳ

ສະບາຍດີ, ເພື່ອນຜູ້ອ່ານທີ່ຮັກແພງ, ປັດຈຸບັນຫລາຍ ເຂດແຂວງຂອງປະເທດເຮົາ ໄດ້ປະສົບກັບສະພາບອາກາດໜາວເຢັນແລ້ວ, ໂດຍສະເພາະແມ່ນບັນດາແຂວງພາກເໜືອ, ເຖິງວ່າຍັງບໍ່ຮ້າຍແຮງແຕ່ກໍ ແມ່ນເປັນຊ່ວງໄລຍະປ່ຽນລະ ດູການ ເຊິ່ງໄລຍະນີ້ມັກມີພະຍາດຕ່າງໆ ເກີດຂຶ້ນ, ໂດຍສະເພາະໄອ ແລະ ໄຂ້ຫວັດໃຫຍ່, ອັກເສບລະບົບຫາຍໃຈ ແລະ ພົບເຫັນຫລາຍໃນຜ່ານມາ ແມ່ນພະຍາດໄຂ້ຫວັດສັດປີກ ເຊິ່ງອາດຕິດແປດມາສູ່ຄົນ ເຮົາໄດ້.

ດັ່ງນັ້ນຫລີກເວັ້ນພະຍາດ ດັ່ງກ່າວດີທີ່ສຸດແມ່ນພວກເຮົາຕ້ອງເອົາໃຈໃສ່ຮັກສາສຸຂະພາບດ້ວຍການປະຕິບັດ ຫລັກ ການອະນາໄມ 3 ສະອາດໃຫ້ ມີປະສິດທິຜົນເຊັ່ນ: ກິນໃຫ້ ສະອາດ,ຫຸງຕົ້ມໃຫ້ສຸກດີ, ບໍ່ກິນອາຫານບູດເໜົ່າ ແລະ ເປັນພິດ, ຢູ່ສະອາດໝາຍວ່າ ຕ້ອງຮູ້ຮັກສາອະນາໄມສິ່ງ ແວດລ້ອມ ແລະ ບ້ານເຮືອນ ໃຫ້ສະອາດ ແລະ ປອດໂປ່ງ ບໍ່ປະປ່ອຍໃຫ້ເຮືອນຊານຫົກ ເຮື້ອເປື້ອນເປີະ, ນຸ່ງຫົ່ມໃຫ້ ອົບອຸ່ນ ຢູ່ສະເໜີ, ພ້ອມນັ້ນກໍແມ່ນ ເລື່ອງກິນຕື່ມກໍຕ້ອງໃຫ້ຖືກຫລັກອະນາໄມນ້ຳ ຕ້ອງສະອາດ ແລະ ຕົ້ມສຸກດີ ແລະ ການຮັກສາສຸຂະພາບອະນາໄມອື່ນໆ ໃຫ້ເຂັ້ມງວດ. ຖ້າປະຕິບັດໄດ້ແນວນີ້ກໍຈະ ຊ່ວຍໃຫ້ພວກເຮົາສາມາດ ຕ້ານກັບໄພໜາວໄດ້.

ສິ່ງໜຶ່ງອີກທີ່ຂະແໜງສາທາລະນາສຸກ ຈະຕ້ອງໄດ້ເອົາໃຈໃສ່ແມ່ນການເຄື່ອນໄຫວ ລົງຊັກຢາ ແລະ ຢອດຢາວັກຊິນຕ່າງໆໃຫ້ເດັກນ້ອຍໃນກຸ່ມເປົ້າໝາຍໃຫ້ທົ່ວເຖິງ, ເພື່ອຫລີກລ່ຽງຕໍ່ການຕິດແປດພະຍາດຕ່າງໆຄື: ຍາມໜາວນີ້ ກໍແມ່ນໄອໄກ່, ຄໍແດງ, ເປ້ຍລ່ອຍ ແລະ ອື່ນໆ./.

ໜາວ​ມາ ​ໃຫ້​ຮັກສາ​ສຸຂະພາບ - lattana banner - ໜາວ​ມາ ​ໃຫ້​ຮັກສາ​ສຸຂະພາບ
ໜາວ​ມາ ​ໃຫ້​ຮັກສາ​ສຸຂະພາບ - lattana banner 1 - ໜາວ​ມາ ​ໃຫ້​ຮັກສາ​ສຸຂະພາບ
ໜາວ​ມາ ​ໃຫ້​ຮັກສາ​ສຸຂະພາບ -    AD conten website - ໜາວ​ມາ ​ໃຫ້​ຮັກສາ​ສຸຂະພາບ
error: Alert: ເນື້ອຫາຂ່າວມີລິຂະສິດ !!