ການ​ຜະລິດ​ສະບຽງອາຫານຂອງນະຄອນຫລວງມີ​ທ່າ​ອ່ຽງ​ດີ​ຂຶ້ນ

ການ​ຜະລິດ​ສະບຽງອາຫານຂອງນະຄອນຫລວງມີ​ທ່າ​ອ່ຽງ​ດີ​ຂຶ້ນ - advert banner 728 90 728x90 - ການ​ຜະລິດ​ສະບຽງອາຫານຂອງນະຄອນຫລວງມີ​ທ່າ​ອ່ຽງ​ດີ​ຂຶ້ນ

  ພະ​ແນ​ກກະສິກໍາ-ປ່າ​ໄມ້​ນະຄອນຫລວງ​ວຽງ​ຈັນ ​ໃຫ້​ຮູ້​ວ່າ: ສະພາບ​ການ​ຜະລິດ​ສະບຽງ​ອາຫານ​ຂອງ​ຊາວ​ກະສິກອນໃນທົ່ວ​ນະ​ຄອນ​ຫລວງ​ວຽງ​ຈັນ​ປີ​ນີ້​ແມ່ນ​ໄດ້ຜົນ​ຜະລິດ​ຫລາຍສົມຄວນ​, ​ໂດຍ​ສະ​ເພາະ​ແມ່​ນປະ​ເພດພືດ​ຜັກ ​ແລະ ໝາກ​ໄມ້, ຂະນະ​ທີ່​ການ​ຜະລິດ​ເຂົ້າ​ແມ່ນ​ຫລຸ​ດຄາດໝາຍ​ເລັກ​ໜ້ອຍ, ​​ເນື່ອງຈາກຕາມ​ແຜນການປີ​ກໍາ​ນົດ​ໄວ້ມີ​ເນື້ອ​ທີ່ 68.270 ກວ່າ​ເຮັກຕາ, ​ແຕ່​ປັກ​ດໍາ​ຕົວ​ຈິງປະຕິບັດໄດ້ພຽງ 66.270 ກວ່າ​ເຮັກຕາ, ສາມາດ​ເກັບ​ກ່ຽວ​ເຂົ້າ​ໄ​ດ້ຫລາຍ​ກວ່າ 302.560 ​ໂຕນ, ​ເຊິ່ງລື່ນ​​ແຜນ​ການ​ຄວາມ​ຕ້ອງການຂອງ​ຜູ້ບໍລິ​ໂພ​ກທີ່​ຕັ້ງ​ໄວ້​ສະ​ເລ່ຍ 250 ກິ​ໂລ​ຕໍ່​ຄົນ​ຕໍ່​ປີ, ທັງ​ມີ​ເຂົ້າ​ເຫລືອ​ແຮ​ໄວ້ ​ແລະ ຈໍລະ​ຈອນ​ໃນ​ຕະຫລາດ​ໄດ້​ທົ່ວ​ເຖິງ. ສ່ວນ​ການ​ຜະລິດ​ພືດຜັກປະຕິບັດ​ໄດ້ 112.780 ກວ່າ​ໂຕນ ​ເທົ່າ​ກັບ 101%, ໝາກ​ໄມ້ປະຕິບັດ​ໄດ້ 26.430 ກວ່າ​ໂຕນ ​ເທົ່າ​ກັບ 212% ຂອງ​ແຜນ​ການ.

ການ​ຜະລິດ​ສະບຽງອາຫານຂອງນະຄອນຫລວງມີ​ທ່າ​ອ່ຽງ​ດີ​ຂຶ້ນ - new3 - ການ​ຜະລິດ​ສະບຽງອາຫານຂອງນະຄອນຫລວງມີ​ທ່າ​ອ່ຽງ​ດີ​ຂຶ້ນ

ອັນ​ພົ້ນ​ເດັ່ນ​ແມ່ນ​ການ​ປູກ​ກ້ວຍ, ໝາກຫຸ່ງ, ມັງກອນ, ໝາກມ່ວງ,​ ໝາກ​ເງາະ, ໝາກພ້າວ, ລໍ​າມຸດ, ໝາກຂຽບ, ໝາກ​ແຕງ, ໝາກຂາມ ​ແລະ ​ພືດ​ໃຫ້​ໝາກອື່ນໆ, ສ່ວນ​ໝາກ​ໄມ້​ເຂດ​ໜາວ​ປະ​ເພດ ໝາກ​​ແອັບ​ເປີ້ນ, ​ເຊີ​ຣີ, ລາ​ແຊັງ, ລອງ​ກ່ອງ….​ຕ້ອງ​ໄດ້​ນໍາ​ເຂົ້າ​ຈາກ​ຕ່າງປະ​ເທດ. ສໍາລັບ​ການ​ຜະລິດທາດ​ຊີ້ນ​ກໍ​ເຫັນ​ວ່າເພີ່ມ​ຂຶ້ນ, ນອກຈາກ​ການ​ລ້ຽງປາ​ແມ່ນ​ບໍ່ປະຕິບັດຕາມ​ແຜນ ຍ້ອນ​ສະພາບໄພ​ທໍາ​ມະຊາດ.

  ສໍາລັບການຜະລິດ​ເປັນ​ສີນ​ຄ້າຕາມ​ນະ​​ໂຍບາຍ​ສົ່ງ​​ເສີມ​ລັດຖະບານ ​​ກໍ​ປະຕິບັດ​ໄດ້ຫລາຍໂຄງການ​ຄື: ​ໂຄງການ​ຜະລິດ​ຊີ້ນ​ງົວ, ປູກ​ເຂົ້າອິນ​ຊີ, ​ສາລີ, ມັນ​ຕົ້ນ, ລ້ຽງ​ໝູ, ສັດປີກ,​ ລ້ຽງປາ ​ແລະ ສັດ​ນໍ້າ​ເປັນ​ສີນ​ຄ້າ, ​ເຊິ່ງທັງ​ໝົດ​ນີ້, ລ້ວນ​ແຕ່​ໄດ້​ສ້າງ​ອາຊີບ​ຄົງ​ທີ່, ພ້ອມ​ທັງ​ສ້າງ​ລາຍ​ຮັບ​ທີ່​ໝັ້ນ​ຄົງ​ໃຫ້​ແກ່​ຊາວ​ກະສິກອນ ​ແລະ ສ້າງ​ວຽກ​ເຮັດ​ງານ​ທໍາ​ໃຫ້​ປະຊາຊົນ ​ເພື່ອ​ຫລຸດ​ພົ້ນ​ອອກ​ຈາກ​ຄວາມທຸກ​ຍາກ​​ໄດ້ເທື່ອ​ລະ​ກ້າວ.     

ການ​ຜະລິດ​ສະບຽງອາຫານຂອງນະຄອນຫລວງມີ​ທ່າ​ອ່ຽງ​ດີ​ຂຶ້ນ - lattana 1 - ການ​ຜະລິດ​ສະບຽງອາຫານຂອງນະຄອນຫລວງມີ​ທ່າ​ອ່ຽງ​ດີ​ຂຶ້ນ
error: Content is protected !!