ໜ້າເປັນຫວ່ງນຳປະເທດຊາດ ຂາດແຄນສິນຄ້າ

ໜ້າເປັນຫວ່ງນຳປະເທດຊາດ ຂາດແຄນສິນຄ້າ - advert banner 728 90 728x90 - ໜ້າເປັນຫວ່ງນຳປະເທດຊາດ ຂາດແຄນສິນຄ້າ

ສະບາຍດີເພື່ອນຜູ້ອ່ານທີ່ຮັກແພງ, ປະເທດລາວເຄີຍ ຂຶ້ນຊື່ລືຊາມາແຕ່ບູຮານນະການວ່າ: ປະເທດລາວ ຮັ່ງມີອຸດົມສົມບູນ, ເປັນອູ່ເຂົ້າອູ່ປາ, ມີຊັບໃນດິນສິນໃນນໍ້າ, ປະຊາຊົນມີມູນເຊື້ອດຸໝັ່ນ ຂະຫຍັນພຽນໃນການອອກແຮງງານເພີ່ມພູນຜະລິດຜົນ “ໄປຢຽບໝາ ມາຢຽບຂຽດ”.

ໜ້າເປັນຫວ່ງນຳປະເທດຊາດ ຂາດແຄນສິນຄ້າ - new3 - ໜ້າເປັນຫວ່ງນຳປະເທດຊາດ ຂາດແຄນສິນຄ້າ

ພາຍຫຼັງປະເທດຊາດ ໄດ້ຮັບການປົດປ່ອຍຢ່າງສົມບູນທົ່ວປະເທດ ແລະ ໄດ້ປະກາດສ້າງຕັ້ງເປັນ: ປະເທດສາທາລະນະລັດ ປະຊາທິປະໄຕປະຊາຊົນລາວແລ້ວ ພັກ- ລັດຖະບານໄດ້ວາງນະໂຍບາຍ, ມະຕະຄຳສັ່ງ, ບົດແນະນຳ ແລະ ນິກຳຕ່າງໆອອກມາ ເພື່ອຫວັງເປັນແນວທາງ ແລະ ກະຕຸກຊຸກຍູ້ໃຫ້ເສດຖະ ກິດແຫ່ງຊາດເຂັ້ມແຂງ. ໃນນັ້ນນະໂຍບາຍຕົ້ນຕໍທີ່ຄົນລາວທັງປະເທດໃຜກໍຮູ້ ແລະ ສາມາດເລົ່າໄດ້ກັບປາກກໍຄື: “ເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງເທື່ອລະກ້າວ”. ລັດຖະບານໄດ້ລົງທຶນໃສ່ພື້ນຖານໂຄງລ່າງກະສິກຳການປູກຝັງຢ່າງມະຫາສານໃນແຕ່ລະປີ ເພື່ອຫວັງເຮັດໃຫ້ປະຊາຊົນຍຸທ່າງທຳມາຫາກິນ ແລະ ມີເງື່ອນໄຂສະດວກໃນການດຳເນີນການຜະລິດ,  ເປັນຕົ້ນແມ່ນການລົງທຶນສ້າງຊົນລະປະທານ, ບຸກເບີກພື້ນທີ່ການຜະລິດ, ລ້ຽງສັດ, ແນວພັນ, ເຄື່ອງໄມ້ເຄື່ອງມືທັນສະໄໝຈາກຕ່າງປະເທດ ເຂົ້າມາ ເພື່ອຫວັງຫັນເປັນທັນສະໄໝດ້ານກະເສດຕະກຳເທື່ອລະກ້າວ, ຊຸກຍູ້ສົ່ງເສີມ ການປູກການລ້ຽງຂອງປະຊາຊົນໃຫ້ແຂງແຮງດ້ວຍມາດຕະການຍົກເວັ້ນພາສີ, ຍົກເວັ້ນອາກອນລາຍໄດ້ ແລະ ອື່ນໆ, ເພື່ອຫວັງຊຸກຍູ້ໃຫ້ເສດຖະກິດພາກປະຊາຊົນມີຄວາມເຂັ້ມແຂງກຸ້ມຕົນເອງໄດ້ເພິ່ງຕົນເອງ ແລະ ສ້າງ ຄວາມເຂັ້ມແຂງດ້ວຍຕົນເອງເທື່ອລະກ້າວ.

ທັງໝົດນີ້, ແມ່ນນະໂຍບາຍທີ່ຖືກຕ້ອງບໍ່ມີໃຜປະຕິເສດໄດ້. ແຕ່ແລ້ວ, ໃນພາກປະຕິບັດຕົວຈິງຊໍ້າ ພັດບໍ່ໄດ້ເປັນດັ່ງຄວາມຕັ້ງໃຈຂອງລັດຖະບານ. ເສດຖະກິດແຫ່ງຊາດເຖິງຈະມີການພັດທະນາດີຂຶ້ນແດ່ເລັກນ້ອຍ ແຕ່ໂດຍລວມແລ້ວຍັງບໍ່ສາມາດເພິ່ງຕົນເອງກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງໄດ້ຢ່າງແທ້ຈິງເທື່ອ. ບັນຫານີ້ບໍ່ຮູ້ວ່າຈະຖິ້ມໂທດໃສ່ໃຜ. ຖ້າຖິ້ມໂທດໃສ່ພັກ-ລັດ ເພິ່ນກໍໄດ້ສ້າງກາລະໂອກາດໃຫ້ໝົດແລ້ວ, ຖ້າຖິ້ມໂທດໃສ່ປະຊາຊົນເຂົາເຈົ້າກໍເຮັດເຕັມທີ່ແລ້ວ.

ຄັນຊັ້ນເມື່ອ ເສດຖະກິດຕົກຕໍ່າແບບນີ້ແມ່ນໃຜຮັບຜິດຊອບ, ແມ່ນຄວາມຜິດຂອງໃຜ? ບັນຫານີ້ພວກເຮົາຕ້ອງເບິ່ງຄືນທັງໝົດໂຄງສ້າງ ແລະ ໂຄງປະກອບດ້ານເສດຖະກິດຄືນໃໝ່. ຂັ້ນເທິງພັກ- ລັດກໍຕ້ອງເບິ່ງຄືນວ່າມັນສະດຸດຢູ່ຂອດໃດ? ພາກປະຊາຊົນກໍເບິ່ງຄືນວ່າມັນເປັນຍ້ອນຫຍັງກັນແທ້. ເສດຖະກິດບ້ານເມືອງຈຶ່ງບໍ່ທັນແຂງແຮງພໍ, ເວົ້າແບບນີ້ອາດຈະໂລດຜົນເກີນໄປ, ພວກເຮົາບໍ່ປະຕິເສດວ່າເສດຖະກິດຂອງຊາດບໍ່ມີການພັດມະນາເລີຍ, ຈາກນະໂຍບາຍຂອງລັດຖະບານໄດ້ເກີດມີ ຫຼາຍຫົວໜ່ວຍທຸລະກິດເກີດຂຶ້ນ, ຫຼາຍຕົວແບບໃນການຜະລິດທຸລະກິດເກີດຂຶ້ນ, ໂຮງຈັກ, ໂຮງງານເກີດຂຶ້ນເປັນພັນໆຫົວໜ່ວຍໃນທົ່ວປະເທດ.

ແຕ່ເມື່ອມາເບິ່ງຄັກໆແລ້ວລາວເຮົາຍັງຂາດສິນຄ້າຢ່າງຫຼວງຫຼາຍ, ການຜະລິດສິນຄ້າເຖິງແມ່ນມີກໍໜ້ອຍທີ່ສຸດບໍ່ສາມາດຕອບສະໜອງຄວາມຮຽຮ້ອງຕ້ອງການຊົມໃຊ້ພາຍໃນໄດ້, ພວກເຮົາຍັງອາໃສການນຳເຂົ້າຈາກຕ່າງປະເທດເປັນຕົ້ນຕໍບໍ່ວ່າແຕ່ຜະລິດຕິພັນທາງກະເສດ ຫຼື ຜະລິດຕະພັນດ້ານອຸດ ສາຫະກຳກໍເຊັ່ນດຽວກັນ. ແມ່ນແຕ່ຜັກໝີ່ສີຊອມ, ເຂົ້າແປ້ງນໍ້າຫອມ, ແມ່ນແຕ່ໄມ້ຈີ້ມແຂ້ວ, ໄມ້ຖູ່, ໄມ້ປີ້ງໄກ່, ໄມ້ສຽບເອັນກໍນຳເຂົ້າຈາກຕ່າງປະເທດ, ໃນສອງສາມວັນຜ່ານມານີ້ເຫັນໜ້າສື່ຫຼາຍສະບັບອອກຂ່າວວ່າ: ລາວຈະ ນຳເຂົ້າເຂົ້າສານຈາກມຽນມາຕັ້ງຫຼາຍພັນໂຕນວ່າຊັ້ນ.

ໜ້າເປັນຫວ່ງນຳປະເທດຊາດ ຂາດແຄນສິນຄ້າ - lattana 1 - ໜ້າເປັນຫວ່ງນຳປະເທດຊາດ ຂາດແຄນສິນຄ້າ

ເມື່ອໄດ້ຍິນຄວາມນີ້ແລ້ວສຸດທີ່ມີຄວາມຫົດຫູ່ ແລະ ເສຍໃຈ ເປັນຢ່າງຍິ່ງເພາະລາວເຮົາເປັນປະເທດອູ່ເຂົ້າອູ່ປາແທ້ໆແຕ່ເປັນຫຍັງຈິ່ງໄດ້ນຳເອົາເຂົ້າຕ່າງປະເທດເຂົາມາກິນມາລ້ັ້ຽງປະຊາຊົນຕົນເອງ. ຍິນແລ້ວເປັນໜ້າເຈັບໃຈແທ້ໆ. ຄືວ່າຄົນລາວເຮົາເຮັດຫຍັງບໍ່ເປັນເຮັດຫຍັງບໍ່ໄດ້ເຊິ່ງ    ກົງກັນຂ້າມກັບຄຳວ່າ: ປະຊາຊົນລາວເປັນຄົນດຸໝັ່ນຂະຫຍັນພຽນໄປແລ້ວ.  ແມ່ນຫຍັງແມ່ນຫຍັງກໍນຳເຂົ້າທັງນັ້ນ. ແຕ່ລະປີລັດຖະບານຕ້ອງຂາດດຸນເງິນຕາ, ຂາດດຸນການຄ້າຢ່າງມະຫາສານແທນທີ່ເຮົາຈະເປັນຜູ້ສົ່ງອອກພືດພັນທາງກະເສດແຕ່ກົງກັນຂ້າມພັດເປັນຜູ້ນຳເຂົ້າລາຍໃຫ່ຍ. ບໍ່ຜິດກັບຄຳເວົ້າຂອງການນຳບາງປະເທດໄກ້ຄຽງກັບລາວວ່າ: “ຈະເຮັດໃຫ້ລາວກາຍເປັນຕະຫຼາດຈຳໜ່າຍສິນຄ້າຂອງເຂົາ”. ມາເບິ່ງແລ້ວຈະເປັນແນວນັ້ນແທ້ 90% ແລ້ວ.

ເຖິງເວລາແລ້ວ ບໍທີ່ພວກເຮົາຈະຕ້ອງໄດ້ເບິ່ງໂຄງສ້າງເສດຖະກິດຂອງພວກເຮົາຄືນໃໝ່, ເບິ່ງຄືນກົນໄກ ແລະ ວິທີການດ້ານເສດຖະກິດຄືນໃໝ່ນັບຕັ້ງແຕ່ຂັ້ນສູນກາງລົງເຖິງທ້ອງຖິ່ນຈົນເຖິງພາກ ປະຊາຊົນຜູ້ຜະລິດຕົວຈິງ. ຖ້າເສດຖະກິດລາວຫາກຍັງອາໄສແຕ່ການນຳເຂົ້າຕໍ່ໄປລາວເຮົາຈະເປັນແນວໃດ? ບົດຮຽນໄດ້ສັ່ງໄວ້ແລ້ວ, ຍຸກ ນີ້ການທີ່ຢາກມ້າງປະເທດ ໃດໜຶ່ງບໍ່ແມ່ນໃຊ້ຄວາມຮຸນແຮງຄືແຕ່ເກົ່າຄາວຫຼັງອີກແລ້ວແຕ່ຫາກເລີ່ມຈາກເສດຖະກິດກ່ອນໝູ່ໝົດ. ຖ້າເສດຖະກິດອ່ອນແອກໍລາມໄປໃສ່ບັນຫາການເມືອງ ແລະ ຄວາມໝັ້ນຄົງຂອງຊາດ. ຕົວຢ່າງ: ປະເທດເວເນຊູເອລາ, ປະເທດ ປ໋ອກໂຕລີໂກ ຈົນເຖິງຖືກປະກາດເປັນປະ ເທດລົ້ມລະລາຍໃນທີ່ສຸດ ຍ້ອນເປັນໜີ້ສິນຕ່າງປະເທດຈົນເກີນຄວາມສາມາດທີ່ຈະ ໃຊ້ໄດ້./.

ລູກເມືອງພວນ

error: Content is protected !!