ນໍ້າຂອງ ປ່ຽນໄປ

ນໍ້າຂອງ ປ່ຽນໄປ - advert banner 728 90 728x90 - ນໍ້າຂອງ ປ່ຽນໄປ

ໂດຍ: ມຶກບໍ່ແຫ້ງ

ນໍ້າຂອງ ປ່ຽນໄປ - new3 - ນໍ້າຂອງ ປ່ຽນໄປ

ການບົກແຫ້ງຂອງແມ່ນໍ້າຂອງໄດ້ນຳມາເຊິ່ງຄວາມກັງວົນຫຼາຍເລື່ອງ ເພາະແມ່ນໍ້ານີ້ ໄດ້ຫຼໍ່ລ້ຽງຊີວິດຈຳນວນຫຼາຍລ້ານຄົນມາແຕ່ໃດແຕ່ມາຮອດ ປີນີ້ ສະພາບນໍ້າຂອງໄດ້ປ່ຽນແປງໄປຢ່າງໜ້າກັງວົນ.

ປາກົດການທີ່ໜ້າເປັນຫ່ວງນີ້ ໄດ້ເລີ່ມແຕ່ ເດືອນກໍລະກົດ 2019​ ຜ່ານມານີ້ ເຊິ່ງນໍ້າໄດ້ບົກແຫ້ງລົງຢ່າງວ່ອງໄວແລະຜິດປົກກະຕິທີ່ນໍ້າກັບມາແຫ້ງໃນເດືອນກໍລະກົດແທນນໍ້າກຳລັງຂຶ້ນເພາະແມ່ນຍາມຝົນແຕ່ ນໍ້າຂອງ ແຫ້ງລົງເຫັນຮອດໂງ່ນຫີນລຽນຊ້າຍລ້າຍ ແລະມາຮອດປັດຈຸບັນການບົກແຫ້ງຂອງນໍ້າຂອງໄວຜິດປົກກະຕິເພາະພຽງແຕ່ເດືອນຕຸລາເທົ່ານັ້ນແຕ່ ການບົກແຫ້ງຂອງແມ່ນໍ້າໄດ້ ສະແດງໃຫ້ ເຫັນເຖິງການປ່ຽນແປງຂອງລະບົບນິເວດທາງແມ່ນໍ້າໄປຢ່າງຫຼວງຫຼາຍເຊິ່ງໄດ້ສົ່ງຜົນກະທົບໂດຍກົງຕໍ່ການດຳລົງຊີວິດປະຈຳວັນຂອງປະຊາຊົນ.

ນອກນັ້ນການແຫ້ງຂອງແມ່ນໍ້າເຊັ່ນນີ້ ໄດ້ກາຍເປັນສິ່ງທ້າທາຍຕໍ່ການ ຊຸກຍູ້ການຜະລິດກະສິກຳໃນຍາມແລ້ງເຊິ່ງບວກກັບສະພາບນໍ້າຖ້ວມເມື່ອ 2​ ເດືອນທີ່ຜ່ານ (ສິງຫາ) ໄດ້ທຳລາຍຜົນຜະລິດຂອງປະຊາຊົນໂດຍສະ ເພາະເຂດພາກໃຕ້ຂອງລາວເຊິ່ງສິ່ງດັ່ງກ່າວເຮັດໃຫ້ ຕ້ອງການນໍ້າຢ່າງ ຫຼວງຫຼາຍໃນການຜະລິດທົດແທນຄືນຜົນເສຍຫາຍຈາກນໍ້າຖ້ວມແຕ່ ນໍ້າພັດ ກັບມາພົບພໍໄພແຫ້ງແລ້ງເຊັ່ນນີ້.

ນໍ້າຂອງ ປ່ຽນໄປ - 355639 1024x576 - ນໍ້າຂອງ ປ່ຽນໄປ
ພາບປະກອບ

ຈາກສະພາບນໍ້າແຫ້ງຄືດັ່ງກ່າວຫຼາຍຄົນກໍອົດສົງໄສບໍ່ໄດ້ວ່າແມ່ນຫຍັງແທ້ ໂດຍໂຍນຄວາມຜິດໃສ່ການສ້າງເຂື່ອນຕາມລຳແມ່ນໍ້າຂອງເປັນຕົ້ນຕໍ.

ແຕ່ເມື່ອຂໍ້ມູນຈາກກົມອຸຕຸນິຍົມແລະອຸທົກກະສາດ, ກະຊວງຊັບພະຍາ ກອນທຳມະຊາດ ແລະ ສິ່ງແວດລ້ອມໄດ້ອອກມາຊີ້ແຈງວ່າສາເຫດທີ່ເຮັດ ນໍ້າແຫ້ງຜິດປົກກະຕິໃນປີນີ້ ກໍຍ້ອນປະລິມານນໍ້າຝົນທີ່ຕົກລົງມາໃນຊ່ວງລະ ດູຝົນນັ້ນແມ່ນຫຼຸດລົງເຖິງ 70% ເຊິ່ງສະແດງວ່າປະລິມານນໍ້າທີ່ແມ່ນໍ້າ ຂອງ ແລະ ບັນດາສາຂາແມ່ນໄດ້ຮັບປະລິມານນໍ້າຈາກລະດູຝົນນັ້ນຫຼຸດ ລົງຢ່າງຫຼວງຫຼາຍເຊິ່ງເຮັດໃຫ້ ແມ່ນໍ້າຂອງແລະບັນດາສາຂາບົກແຫ້ງຢ່າງ ໄວວາເມື່ອຮອດຍາມແລ້ງ.

ນໍ້າຂອງ ປ່ຽນໄປ - lattana 1 - ນໍ້າຂອງ ປ່ຽນໄປ

ພ້ອມນັ້ນ, ກົມອຸຕຸິຍົມ ແລະ ອຸທົກກະສາດຍັງເວົ້າຕື່ມວ່າເນື່ອງຈາກ ການປ່ຽນແປງດິນຟ້າອາດໂດຍສະເພາະປະກົດການເອລນີໂຍໄດ້ເຮັດໃຫ້ບັນດາປະເທດໃນພາກພື້ນ, ໃນໂລກ ແລະ ສປປ ລາວ ປະສົບໄພແຫ້ງແລ້ງຄືດັ່ງ ກ່າວ.

ແຕ່ເຖິງພວກເຮົາບໍ່ສາມາດປະຕິເສດໄດ້ວ່າໄພແຫ້ງແລ້ງປີນີ້ ນັ້ນຍ້ອນ ການຫຼຸດລົງຂອງປະລິມານນໍ້າຝົນແຕ່ຄຽງຄູ່ກັນນັ້ນຄະນະກຳມາທິການແມ່ນໍ້າຂອງສາກົນຍັງຊີ້ໃຫ້ເຫັນໃນບົດລາຍງານສະຖານະພາບຂອງອ່າງແມ່ນໍ້າຂອງ 2018​ ວ່າທາງຕອນເໜືອຂອງແມ່ນໍ້າຂອງນັ້ນໄດ້ມີການພັດທະນາ ເຂື່ອນໄຟຟ້າເຊິ່ງຈຳນວນໜຶ່ງເປັນເຂື່ອນທີ່ໄດ້ເກັບກັກນໍ້າໄວ້ ເພາະສະນັ້ນ ຈຶ່ງມີຜົນກະທົບຕໍ່ການໄຫຼຂອງນໍ້າບໍ່ວ່າຍາມຝົນຫຼືແລ້ງ.

ເພາະສະນັ້ນ, ຈຶ່ງເບິ່ງຄືວ່າຄຽງຄູ່ກັບສະພາບອາກາດທີ່ປ່ຽນແປງໄປ ບວກກັບການເກັບກັກນໍ້າຂອງບັນດາເຂື່ອນນັ້ນໄດ້ສົ່ງຜົນກະທົບຕໍ່ປະລິມານການໄຫຼຂອງນໍ້າຢ່າງຊັດເຈນ.

ສິ່ງທີ່ພວກເຮົາເຮັດໄດ້ ກໍຄືການກຽມພ້ອມໃນການຮັບມືກັບສະພາບອາ ກາດທີ່ປ່ຽນແປງໄປ, ພວກເຮົາມີທ່າອ່ຽງທີ່ພົບພໍ້ກັບໄພພິບັດທາງທຳ ມະຊາດຫຼາຍຂຶ້ນທຸກມື້ ບໍ່ວ່ານໍ້າຖ້ວມ ຫຼື ແຫ້ງແລ້ງ, ພ້ອມນັ້ນການພັດ ທະນາພື້ນຖານໂຄງລ່າງໃນແມ່ນໍ້າສາຍຫຼັກຄືນໍ້າຂອງກໍຄວນໄດ້ຮັບການວາງແຜນ, ການພິຈາລະນາຢ່າງຖີ່ຖ້ວນເພື່ອຮັບປະກັນວ່າແນວໄດ້ ຫຼາຍກວ່າ ແນວເສຍ.

error: Content is protected !!