ບຸນມະໂຫລານ ຢ່າສ້າງລານຂີ້ເຫຍື້ອ

ບຸນມະໂຫລານ ຢ່າສ້າງລານຂີ້ເຫຍື້ອ - advert banner 728 90 728x90 - ບຸນມະໂຫລານ ຢ່າສ້າງລານຂີ້ເຫຍື້ອ

ໂດຍ: ມຶກບໍ່ແຫ້ງ

ບຸນມະໂຫລານ ຢ່າສ້າງລານຂີ້ເຫຍື້ອ - new3 - ບຸນມະໂຫລານ ຢ່າສ້າງລານຂີ້ເຫຍື້ອ

ບຸນນະມັດສະການ ພະທາດຫຼວງກຳລັງດຳເນີນໄປໃນລະຫວ່າງວັນທີ 5-11 ພະຈິກ 2019 ເຊິ່ງຫຼາຍຄົນກຳລັງ ຕັ້ງໃຈລໍຄອຍ ແຕ່ສິ່ງໜຶ່ງທີ່ ຫຼາຍຄົນເປັນຫ່ວງກໍຄືເລື່ອງຂີ້ເຫຍື້ອ.

ການຖີ້ມ ຂີ້ເຫຍື້ອຕາມສະຖານທີ່ງານບຸນໄດ້ກາຍເປັນ ບັນຫາຊໍາ ເຮື້ອມາດົນນານ ທີ່ຍັງບໍ່ສາມາດ ແກ້ໄຂໄດ້ ຢ່າງຂາດຕົວ ແລະ ຜູ້ຂຽນ ຈະຂໍຍົກເລື່ອງນີ້ ມາເວົ້າອີກ.

ໃນບຸນນະມັດສະການ ພຣະທາດຫຼວງປີນີ້ ໄດ້ມີການກະກຽມ ຫຼາຍຢ່າງ ທີ່ໜ້າຈັບອົກຈັບໃຈ ເປັນຕົ້ນ ເຮືອນບູຮານລາວ, ເບ້ຍໄມ້, ມີການວາງສະ ແດງ ຂອງບັນດາຫ້ອງການ ແລະ ອົງການຕ່າງໆ ແລະ ຂາດບໍ່ໄດ້ ກໍແມ່ນ ກິດຈະກຳ ຕາມຮີດຄອງປະເພນີ ຂອງຄົນລາວ ທີ່ສືບທອດກັນມາ.

ຄຽງຄູ່ກັບຄວາມສວຍງາມດັ່ງກ່າວ ມັນກໍອາດຈະເປັນການຂັດກັນ ຖ້າເຫັນກອງຂີ້ເຫຍື້ອຊະຊາຍຕາມງານບຸນ ເຊິ່ງເບິ່ງແລ້ວບໍ່ງົດງາມໃນສາຍ ຕາເລີຍ.

ຜ່ານມາ ພວກເຮົາກໍຮູ້ນຳກັນດີວ່າ ຕາມສະຖານທີ່ງານບຸນຕ່າງໆ ບໍ່ວ່າຈະເປັນ ບຸນຊ່ວງເຮືອ, ບຸນຕັກບາດ ແລະ ບຸນໃຫຍ່ ອື່ນໆ ກໍດີ ມີຂີ້ເຫຍື້ອຖືກຖີ້ມຊະຊາຍ ຢ່າງບໍ່ເປັນລະບຽບ, ຫຼັງຈາກ ງານບຸນແລ້ວ ເຮັດໃຫ້ຂີ້ເຫຍື້ອ ປິວໄປ ທົ່ວທີບ.

ບຸນມະໂຫລານ ຢ່າສ້າງລານຂີ້ເຫຍື້ອ - lattana 1 - ບຸນມະໂຫລານ ຢ່າສ້າງລານຂີ້ເຫຍື້ອ

ແຕ່ຖືວ່າເປັນຂ່າວດີກໍວ່າໄດ້ ເພາະໃນງານບຸນນະມັດສະການ ພຣະທາດ ຫຼວງປີນີ້ ຫ້ອງການຄຸ້ມຄອງແລະບໍລິຫານຕົວເມືອງວຽງຈັນ (ຄບຕ) ນຳຖັງຂີ້ເຫຍື້ອ 160 ຖັງວາງຕາມຈຸດຕ່າງໆ ກຽມຮັບຂີ້ເຫຍື້ອຈາກມວນ ຊົນທີ່ຈະເຂົ້າຮ່ວມທ່ຽວຊົມງານບຸນທາດນະມັດສະການພຣະທາດຫຼວງໃນໄລຍະ 6 ວັນແຕ່ວັນທີ 5 ຫາ 11 ພະຈິກນີ້.

ທ່ານບຸນຈັນແກ້ວສີທຳມະຫົວໜ້າຫ້ອງການຄບຕໄດ້ ຮຽກຮ້ອງທຸກຄົນ, ທຸກພາກເປັນເຈົ້າການໃນການຮັກສາຄວາມສະອາດແລະຖີ້ມຂີ້ເຫຍື້ອໃຫ້ຖືກບ່ອນ, ຊ່ວຍກັນຮັກສາຄວາມສະອາດງານບຸນ ເພື່ອໃຫ້ມີຄວາມຈົບງາມ.

ເນື່ອງຈາກ ງານບຸນນະມັດສະການ ພຣະທາດຫຼວງ ເປັນບຸນລະດັບ ຊາດ, ເປັນບຸນທີ່ມີແຂກຜູ້ມາຢາມປະເທດເຮົາ ຈຳນວນຫຼວງຫຼາຍ ມີໃຈຈົດຈໍ່ມາທ່ຽວຊົມ ແລະ  ເນື່ອງຈາກ ວຽກງານ ທ່ອງທ່ຽວກໍເປັນບູລິ ມະສິດ ຂອງລັດຖະບານເຮົາໃນການພັດ ທະນາເສດຖະກິດ-ສັງຄົມ.

ເພາະສະນັ້ນ ຄວາມສະອາດງາມຕາ ຕາມງານບຸນ ຈຶ່ງເປັນສິ່ງຈຳເປັນ ທີ່ທຸກຄົນຄວນມີສ່ວນຮັບຜິດຊອບ ຊ່ວຍກັນ ເພື່ອວ່າ ເວລາແລ້ວບຸນແລ້ວ ຈະບໍ່ເຫັນຂີ້ເຫຍື້ອ ທີ່ເປັນຖົງຢາງ ຫຼື ເສດແນວອື່ນປິວກະຈັດກະຈາຍ ຕາມເດີ່ນ ແລະ ທ້ອງຖະໜົນ.

ແນ່ນອນພວກເຮົາອາດບໍ່ຄາດຫວັງຈະໃຫ້ຂີ້ເຫຍື້ອກ້ຽງ 100% ແຕ່ຖ້າ ທຸກໆຄົນພະຍາຍາມຊ່ວຍກັນແລ້ວ ພວກເຮົາກໍສາມາດຫຼຸດຜ່ອນຄວາມຊະ ຊາຍນັ້ນລົງໄດ້ຫຼາຍ ເພື່ອໃຫ້ແນ່ໃຈວ່າໃນບຸນມະໂຫລານນີ້ຈະບໍ່ສ້າງ ລານຂີ້ ເຫຍື້ອເຕັມໄປໝົດ.

error: Content is protected !!