ຮອງປະທານປະເທດໄດ້ຮັບຫລຽນລະດັບຊາດ ຍີ່ປຸ່ນ ຈາກເຈົ້າຈັກກະພັດ ນາຣຸຮິໂຕະ

- advert banner 728 90 728x90 - ຮອງປະທານປະເທດໄດ້ຮັບຫລຽນລະດັບຊາດ ຍີ່ປຸ່ນ ຈາກເຈົ້າຈັກກະພັດ ນາຣຸຮິໂຕະ

ພິທີປະດັບຫລຽນລະດັບຊາດຍີ່ປຸ່ນ (Grand Cordon of the Order of the Rising Sun) ຈາກເຈົ້າຈັກກະພັດ ນາຣຸຮີໂຕະ ໃຫ້ແກ່ ທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ມີຂຶ້ນໃນວັນທີ 7 ພະຈິກນີ້, ທີ່ສຳນັກພະຣາຊະວັງຍີ່ປຸ່ນ.

- new3 - ຮອງປະທານປະເທດໄດ້ຮັບຫລຽນລະດັບຊາດ ຍີ່ປຸ່ນ ຈາກເຈົ້າຈັກກະພັດ ນາຣຸຮິໂຕະ

            ທ່ານ ພັນຄໍາ ວິພາວັນ ໄດ້ມີຜົນງານຫລາຍດ້ານໃນການປະກອບສ່ວນເຂົ້າໃນການພົວພັນຮ່ວມມືລະຫວ່າງລາວ-ຍີ່ປຸ່ນ ໃນໄລຍະດຳລົງຕຳແຫນ່ງ ຮອງນາຍົກລັດຖະມົນຕີ,  ລັດຖະມົນຕີກະຊວງສຶກສາທິການ ແລະ ກິລາ ແລ້ວ ທ່ານຮອງປະທານປະເທດ ສປປ ລາວ ໃຫ້ຄວາມສໍາຄັນ ຕໍ່ການພົວພັນຮ່ວມມື ກັບ ຍີ່ປຸ່ນ ໃນຂະແໜງການສຶກສາ, ກິລາ, ວັດທະນະທໍາ ແລະ ສັງຄົມ ຕະຫຼອດມາ. ໂດຍສະເພາະໄລຍະຫຼັງນີ້ ທ່ານໄດ້: ສະໜັບສະໜູນດັ່ງກ່າວ ລົງສະໝັກເປັນເຈົ້າພາບຈັດງານແຂ່ງຂັນກິລາ ໂອແລມປິກ 2020, ເຊິ່ງ ສປປ ລາວ ເປັນປະເທດອັນດັບຕົ້ນ ແຈ້ງໃຫ້ການສະໜັບສະໜູນຍີ່ປຸ່ນ ແລະ ຍີ່ປຸ່ນ ໄດ້ຮັບເລືອກຕັ້ງ, ສົ່ງເສີມການຮ່ວມມືດ້ານກິລາ ລາວ ແລະ ຍີ່ປຸ່ນ. ໂດຍສະເພາະ ການຝຶກແອບນັກກິລາລາວ ທີ່ຈະເຂົ້າຮ່ວມງານມະຫາກຳກິລາ ໂອແລມປິກ 2020 ທີ່ ໂຕກຽວ ສະໜັບສະໜູນການສ້າງຕັ້ງຫ້ອງການຜູ້ຕາງໜ້າສູນອາຊີມູນນິທິຍີ່ປຸ່ນ ປະຈໍາ ສປປ ລາວ. ປັດຈຸບັນ, ຫ້ອງການດັ່ງກ່າວ ໄດ້ປະຕິບັດໜ້າທີ່ຢ່າງຕັ້ງໜ້າໃນການສົ່ງເສີມການແລກປ່ຽນທາງວັດທະນະທໍາ ແລະ ສັງຄົມ ສອງປະເທດ ໄດ້ເປັນຢ່າງດີ   ແລກປ່ຽນຄໍາຄິດເຫັນຢ່າງຕັ້ງໜ້າ ແລະ ຮ່ວມກັບ ທ່ານ ຕາເກໂອະ ຄາວາມູຣະ, ປະທານສະມາຄົມມິດຕະພາບ ຍີ່ປຸ່ນ-ລາວ ຝ່າຍສະພາ ເຂົ້າຮ່ວມພິທີປູກຕົ້ນຊາກູຣະ (ປະມານ 220 ຕົ້ນ) ໃນປີ 2015 ທີ່ ແຂວງຫົວພັນ ເຊິ່ງແມ່ນກິດຈະກໍາສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ ແລະ ຍີ່ປຸ່ນ ຄົບຮອບ 60 ປີ ແລະ ໄດ້ມີການພັດທະນາສະຖານທີ່ປູກຕົ້ນຊາກູຣະດັ່ງກ່າວ ໃຫ້ເປັນ ສວນສາທາລະນະຕົ້ນຊາກູຣະມິດຕະພາບ ລາວ ແລະ ຍີ່ປຸ່ນອີກດ້ວຍ. 

       ໃນໄລຍະດຳລົງຕຳແຫນ່ງ ຮອງປະທານປະເທດ ທ່ານໄດ້ໃຫ້ຄວາມສໍາຄັນ ຕໍ່ການເສີມຂະຫຍາຍສາຍພົວພັນມິດຕະພາບ ລາວ-ຍີ່ປຸ່ນ. ມີການແລກປ່ຽນ ຄໍາຄິດເຫັນແບບກົງໄປກົງມາ ແລະ ສ້າງສັນ ກັບ ການນໍາຂັ້ນສູງຍີ່ປຸ່ນ ອັນໄດ້ເຮັດໃຫ້ບັນຍາກາດການຮ່ວມມືສອງຝ່າຍ ມີບາດກ້າວຂະຫຍາຍຕົວຍິ່ງຂຶ້ນ ເປັນຕົ້ນແມ່ນ ການພົບປະສອງຝ່າຍ  ນອກນັ້ນ, ທ່ານຍັງໃຫ້ຄວາມສໍາຄັນຕໍ່ການເຄື່ອນໄຫວ, ການລົງທຶນ ແລະ ຢ້ຽມຢາມ ບໍລິສັດຍີ່ປຸ່ນ ທີ່ລົງທຶນ ຢູ່ ລາວ. ພາຍໃຕ້ການຊີ້ນໍາຂອງທ່ານ ເຮັດໃຫ້ລະດັບທ້ອງຖິ່ນຂອງລາວ ເຂົ້າໃຈ ແລະ ຮັບຮູ້ວິທີການບໍລິຫານສວນກະສິກໍາ ແລະ ເຕັກນິກການລ້ຽງສັດແບບຍີ່ປຸ່ນ, ເຮັດໃຫ້ສາຍພົວພັນມິດຕະພາບ ແລະ ການຮ່ວມມື ສອງປະເທດ ລາວ ແລະ ຍີ່ປຸ່ນ ມີການຂະຫຍາຍຕົວຢ່າງຕໍ່ເນື່ອງ ແລະ ກວ້າງຂວາງ ຊ່ວຍໃຫ້ບໍລິສັດຍີ່ປຸ່ນ ທີ່ມາລົງທຶນ ຢູ່ ລາວ ໄດ້ຮັບການຍົກລະດັບສູງຂຶ້ນ.

        ຫຼຽນ Order of the Rising Sun ແມ່ນຫຼຽນລະດັບຊາດ ທີ່ລັດຖະບານຍີ່ປຸ່ນ ມອບໃຫ້ແກ່ຊາວຕ່າງຊາດ ເລີ່ມແຕ່ປີ 1875 ເປັນຕົ້ນມາ. ໂດຍປະດັບໃຫ້ແກ່ຜູ້ທີ່ມີຜົນງານດີເດັ່ນໃນຂົງເຂດວຽກງານການທູດ, ການພົວພັນສອງຝ່າຍ, ດ້ານເສດຖະກິດ, ວັດທະນະທຳ-ສັງຄົມ, ການຮັກສາສິ່ງແວດລ້ອມ ແລະ ອື່ນໆ ໂດຍແມ່ນເຈົ້າຈັກກະພັດຍີ່ປຸ່ນ ເປັນຜູ້ມອບ 02 ຄັ້ງ ຕໍ່ ປີ (ລະດູໃບໄມ້ປົ່ງ “ຕັ້ນປີ” ແລະ ລະດູໃບໄມ້ຫຼົ່ນ “ທ້າຍປີ”), ເຊິ່ງປະກອບມີ 06 ຂັ້ນ (ຂັ້ນ 1 ແມ່ນຂັ້ນສູງສຸດ) ຄື:

       ຂັ້ນ 1  : Grand Cordon of the Order of the Rising Sun;

       ຂັ້ນ 2 : The Order of the Rising Sun, Gold and Silver Star; ແລະ ຂັ້ນ 3 : The Order of the Rising Sun, Gold Rays with Neck Ribbon;

ໃນຕອນແລງຂອງມື້ດຽວກັນນີ້, ທ່ານ ພັນຄຳ ວິພາວັນ ຮອງປະທານປະເທດແຫ່ງ ສປປ ລາວໄດ້ເຂົ້າພົບປະກັບທ່ານ  ໂຢຊິຮິເດະ ຊູກະ (Mr. Yoshihide SUGA), ຫົວໜ້າເລຂາທິການລັດຖະບານຍີ່ປຸ່ນ (ທັງເປັນຜູ້ປະຈໍາການຄະນະບໍລິຫານງານລັດຖະບານຍີ່ປຸ່ນ) ຢູ່ທີ່ສຳນັກງານນາຍົກລັດຖະມົນຕີຍີ່ປຸ່ນເພື່ອສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນ ໃນໂອກາດຢ້ຽມຢາມຍີ່ປຸ່ນ ຄັ້ງນີ້ເຊິ່ງເປັນການປະກອບສ່ວນສຳຄັນເຂົ້າໃນການສືບຕໍ່ ຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມ ໂດຍສະເພາະການເປັນຄູ່ຮ່ວມຍຸດທະສາດຂອງສອງປະເທດ ສປປ ລາວ ແລະ ຍີ່ປຸ່ນ ໃຫ້ກວ້າງຂວາງ, ເລິກເຊິ່ງ ແລະ ໜັກແໜ້ນຍິ່ງຂຶ້ນ, ພ້ອມນີ້ທ່ານຮອງປະທານປະເທດ ຍັງໄດ້ຕີລາຄາສູງຕໍ່ການຮ່ວມມືຊ່ວຍເຫລືອຂອງຍີ່ປຸ່ນ ແກ່ ສປປ ລາວ ຕະຫລອດໄລຍະເວລາທີ່ຜ່ານມາ./.

error: Content is protected !!