ສານ​ສັ່ງ ທ​ຣຳ ຈ່າຍ 2 ລ້ານ​ໂດ​ລາຢຸດ​ຕິ​ຄະ​ດີ​ມູນ​ນິ​ທິ​ເພື່ອ​ປະ​ໂຫຍດ​ການ​ເມືອງ

- advert banner 728 90 728x90 - ສານ​ສັ່ງ ທ​ຣຳ ຈ່າຍ 2 ລ້ານ​ໂດ​ລາຢຸດ​ຕິ​ຄະ​ດີ​ມູນ​ນິ​ທິ​ເພື່ອ​ປະ​ໂຫຍດ​ການ​ເມືອງ

     ນາງ ເລ​ຕິ​ເຕຍ ເຈມ ໄອ​ຍະ​ການ​ລັດ​ນິວ​ຢ໋ອກ ກ່າວ​ພາຍ​ຫລັງ​ຮູ້​ຄຳ​ຕັດ​ສິນ​ກໍ​ລະ​ນີ​ຍື່ນ​ຟ້ອງ​ມູນ​ນິ​ທິ​ທ​ຣຳ​ດຳ​ເນີນ​ການ​ຢ່າງ​ຜິດ​ກົດ​ໝາຍ​ວ່າ: ເປັນ​ໄຊ​ຊະ​ນະ​ຄັ້ງ​ໃຫຍ່​ຂອງ​ຄວາມ​ພະ​ຍາ​ຍາມ​ປົກ​ປ້ອງ​ຊັບ​ສິນ​ຂອງ​ມູນ​ນິ​ທິ ແລະ ລົງ​ໂທດ​ຜູ້​ນຳ​ເງິນ​ຂອງ​ມູ​ນ​ນິ​ທິ​ໄປ​ໃຊ້​ປະ​ໂຫຍດ​ສ່ວນ​ຕົວ.

- new3 - ສານ​ສັ່ງ ທ​ຣຳ ຈ່າຍ 2 ລ້ານ​ໂດ​ລາຢຸດ​ຕິ​ຄະ​ດີ​ມູນ​ນິ​ທິ​ເພື່ອ​ປະ​ໂຫຍດ​ການ​ເມືອງ

     ທັງ​ນີ້ ນາງ ເຈມ ໄດ້​ຟ້ອງ​ຮ້ອງ​ປະ​ທາ​ນາ​ທິ​ບໍ​ດີ ທ​ຣຳ ເພື່ອ​ຮຽກ​ເງິນ​ໃຊ້​ແທນ ແລະ ເງິນ​ຄ່າ​ປັບ​ຫລາຍ​ຮ້ອຍ​ລ້ານ​ໂດ​ລາ, ເຖິງວ່າ​ໃນ​ເດືອນ​ທັນ​ວາ​ປີ​ຜ່ານ​ມາ ທ​ຣຳ ຍອມ​ປິດ​ມູນ​ນິ​ທິ ແຕ່​ຄະ​ດີ​ຄວາມ​ຍັງ​ເດີນ​ໜ້າ​ຕໍ່​ໄປ.

     ໃນ​ຄຳ​ຟ້ອງ​ລະ​ບຸ​ວ່າ: ທ່ານ ທ​ຣຳ ໃຊ້​ເງິນ​ຂອງ​ມູ​ນ​ນິ​ທິ​ຢຸດ​ຕິ​ຄະ​ດີ​ຕ່າງໆ, ປະ​ຊາ​ສຳ​ພັນ​ໂຮງ​ແຮມ​ໃນ​ເຄືອ ແລະ ນຳ​ໄປ​ໃຊ້​ຈ່າຍ​ສ່ວນ​ຕົວ​ເຊັ່ນ: ຊື້​ຮູບ​ແຕ້ມ​ຕົນ​ເອງ​ໄປ​ໂຊ​ຢູ່​ສະ​ໜາມກ໊ອຟ. ນອກ​ຈາກນີ້ ຍັງ​ຈັດ​ງານ​ທີ່​ອ້າງວ່າ​ເປັນ​ການ​ລະ​ດົມ​ທຶນ​ຂອງ​ມູນ​ນິ​ທິ​ໃນ​ຕົ້ນ​ປີ 2015 ແຕ່​ຄວາມ​ຈິງ​ແລ້ວ​ເປັນ​ງານ​ລະ​ດົມ​ທຶນ​ຫາ​ສຽງ​ເລືອກ​ຕັ້ງ​ໃນ​ປີນັ້ນ.

      ສ່ວນ​ປະ​ທາ​ນາ​ທິ​ບໍ​ດີ ທ​ຣຳ ກ່າວ​ຫາ​ນາງ ເຈມ ເຊິ່ງ​ສັງ​ກັດ​ພັກ​ເດ​ໂມ​ແຄ​ຣດ​ວ່າ: ບິດ​ເບືອນ​ການ​ຢຸດ​ຕິ​ຄະ​ດີ​ໄປ​ໃຊ້​ເພື່ອ​ວັດ​ຖຸ​ປະ​ສົງ​ທາງ​ການ​ເມືອງ ແລະ ຂັດ​ແຍ່ງວ່າ: ການ​ຢຸດ​ຕິ​ຄະ​ດີບໍ່​ແມ່ນ​ເງິນ​ຄ່າ​ເສຍ​ຫາຍ ແຕ່​ເປັນ​ເງິນ​ບໍ​ລິ​ຈາກ​ໃຫ້​ມູນ​ນິ​ທິ​ຕ່າງໆ ພ້ອມ​ເນັ້ນ​ວ່າ: ເງິນ​ທີ່​ມູນ​ນິ​ທິ​ທ​ຣຳ​ລະ​ດົມ​ໄດ້ 19 ລ້ານ​ໂດ​ລາ ຖືກ​ນຳ​ໄປ​ໃຊ້​ໃນ​ງານ​ການ​ກຸ​ສົນ​ໂດຍບໍ່​ມີ​ການ​ຫັກ​ຄ່າ​ໃຊ້​ຈ່າຍ.

     ເຖິງ​ຢ່າງ​ໃດ​ກໍ​ຕາມ, ຄະ​ດີນີ້​ເປັນ​ຄະ​ດີ​ທີ 3 ແລ້ວ​ໃນ​ອາ​ທິດ​ຜ່ານ​ມາ​ຂອງ​ປະ​ທາ​ນາ​ທິ​ບໍ​ດີ ທ​ຣຳ ຫລັງ​ຈາກ​ຖືກ​ສານ​ອຸ​ທອນ​ມີ​ຄຳ​ສັ່ງ​ໃນ​ວັນ​ທີ 4 ພະ​ຈິກ ໃຫ້​ເປີດ​ເຜີຍ​ຂໍ້​ມູນ​ການ​ຍື່ນ​ເສຍ​ພາ​ສີ​ເປັນ​ໄລ​ຍະ​ເວ​ລາ 8 ປີ ຕາມ​ທີ່​ທ່ານ​ຮັບ​ປາກ​ຊ່ວງ​ຫາ​ສຽງ​ເລືອກ​ຕັ້ງ.

error: Content is protected !!