ນັດຖາວາລາ ນັກຕົ້ມຕຸ໋ນ ຊາວອິນເດຍ ຜູ້ເຄີຍຫລອກລວງຂາຍ ທັດສະມາຮາລ

- advert banner 728 90 728x90 - ນັດຖາວາລາ ນັກຕົ້ມຕຸ໋ນ ຊາວອິນເດຍ ຜູ້ເຄີຍຫລອກລວງຂາຍ ທັດສະມາຮາລ

ລູກເມືອງພວນ

- new3 - ນັດຖາວາລາ ນັກຕົ້ມຕຸ໋ນ ຊາວອິນເດຍ ຜູ້ເຄີຍຫລອກລວງຂາຍ ທັດສະມາຮາລ

ຊື່ນີ້ຫຼາຍຄົນອາດຈະບໍ່ຄຸ້ນຫູ ແຕ່ນີ້ຄືສຸດຍອດນັກຕົ້ມຕຸ໋ນ ຊື່ດັງຂອງຊາວ ອິນເດຍ, ຜູ້ກໍ່ຄະດີເປັນຮ້ອຍໆຄະດີ. ໜຶ່ງໃນນັ້ນ ຄືການຫຼອກຂາຍ ທັດສະມາຮາລ.

ເຂົາຄົນນີ້ແມ່ນໃຜ ລອງມາຟັງນຳກັນ

ນັດຖາວາລາ ເກີດເມື່ອປີ 1912 ທີ່ລັດວິຫານ ປະເທດ ອິນເດຍ. ໃນໄວເດັກເຂົາມີຊີວິດຄືກັບຄົນທົ່ວໄປໃນ ອິນເດຍ ເມື່ອຮຽນຈົບ ກໍມີອາຊີບເປັນນັກກົດໝາຍ. ແຕ່ເຂົາກັບຮູ້ສຶກວ່າ ເຂົາມີຄວາມຮູ້ ແລະ ຄວາມສຳນານໃນການເວົ້າ ເພື່ອໂນ້ມນ້າວໃຫ້ຄົນອື່ນເຊື່ອ ນັບທັງການປອມເອກະສານຕ່າງໆ ແລະ ລາຍເຊັນຂອງຄົນອື່ນ.

ເມື່ອເຂົນຄິດໄດ້ແບບນີ້ ເຂົາກໍຄິດຢາກປ່ຽນອາຊີບ ຈາກນັກກົດໝາຍ ມາເປັນນັກຕົ້ມຕຸ່ນ.

ເບື້ອງຕົ້ນ ເຂົາເລີ່ມຈາກການ ປອມລາຍເຊັນ ໃນໃບແຊັກເພື່ອຍັກຍອກເອົາເງິນຈາກບັນຊີຂອງຄົນອື່ນ ແລະ ຍັງຫຼອກລວງຜູ້ບໍລິຫານລະດັບສູງຂອງບໍລິສັດຊື່ດັງຂອງ ອິນເດຍ ເຊັ່ນ Tata Group และ Reliance Industries.

ເຂົາຍັງມີຊື່ປອມອີກຫຼາຍກ່ວາ 50 ຊື່ ເພື່ອອຳພາງຊື່ແທ້ຂອງຕົນ ເພື່ອຫຼົບຫຼີກຄະດີຄວາມຂອງຕົນ.

ພຶດຕິກຳທີ່ຫຼອກລວງແບບນັ້ນ ໄດ້ສ້າງຄວາມເສຍຫາຍໃຫ້ແກ່ຄົນທົ່ວໄປຢ່າງຫຼວງຫຼາຍ ຈົນເຂົາໄດ້ກາຍເປັນໜຶ່ງໃນ ຄາດຕະກອນ ທີ່ຕຳຫຼວດ ອິນເດຍ ຕ້ອງການຕົວຫຼາຍທີ່ສຸດ.

ເຂົາກໍ່ຄະດີເປັນຮ້ອຍຄະດີໃນ 8 ລັດຂອງອິນເດຍ

ໃນທີ່ເຂົາຢູ່ໃນຄຸກນັ້ນ ເຂົາໄດ້ລັກເອົາເຄື່ອງຂອງເຈົ້າໜ້າທີ່ຄຸມຂັງ ຫຼັງຈາກນັ້ນເຂົາກໍໃສ່ນັ້ນ ຍ່າງອອກຈາກຄຸກໄປ ຄືກັບວ່າບໍ່ມີຫຍັງເກີດຂຶ້ນ.

ແຕ່ທີ່ໜັກໄປກ່ວານັ້ນກໍຄື ການຫຼອກລວງນັກທ່ອງທ່ຽວວ່າ ເຂົາສາມາດຂາຍ ທັດມາຮານໄດ້ ອະນຸສອນແຫ່ງຄວາມຮັກຊື່ດັງຂອງໂລກ ໃຫ້ແກ່ຄົນທີ່ເຂົາຄິດວ່າມີເງິນ.

ເລື່ອງນີ້ເກີດຂຶ້ນຈາກທີ່ເຂົາໄດ້ປອມຕົວເປັນເຈົ້າໜ້າທີ່ຂອງລັດຖະບານ ແລ້ວກໍເຮັດຕາງຕິໄປເລາະລຽບເບິ່ງຄວາມຮຽບຮ້ອຍໃນບໍລີເວນ ທັດຊະມາຮານ ເພື່ອຕິດຕາມເບິ່ງນັກທ່ອງທ່ຽວ ແລະ ເສດຖີຕ່າງຊາດ ທີ່ມາທ່ຽວຊົມ.

- lattana 1 - ນັດຖາວາລາ ນັກຕົ້ມຕຸ໋ນ ຊາວອິນເດຍ ຜູ້ເຄີຍຫລອກລວງຂາຍ ທັດສະມາຮາລ

ຫຼັງຈາກນັ້ນ ເຂົາກໍທຳທ່າ ເຂົ້າໄປໂອ້ລົມ ກັບນັກທ່ອງທ່ຽວ ແລ້ວບອກວ່າ ລັດຖະບານ ອິນເດຍ ມີແຜນຈະຂາຍ ທັດຊະມາຮານ ໂດຍເຮັດໃບສັນຍາການຊື້ຂາຍ ແລະ ລາຍເຊັນປອມ ຂອງ Rajendra Prasad ປະທານາທິບໍດີຂອງອິນເດຍ ເພື່ອໃຫ້ຜູ້ອື່ນເຊື່ອ.

ດ້ວຍວິທີນີ້, ເຂົາກໍສາມາດຫຼອກເອົາເງິນຈາກຄົນດັ່ງກ່າວ ບໍ່ແມ່ນພຽງແຕ່ຄັ້ງດຽວ ແຕ່ຫາກສາມາດຫຼອກໄດ້ເຖິງ 3 ຄັ້ງດ້ວຍກັນ.

ເຂົາເຄີຍປອມຕົວເປັນຜູ້ຊ່ວຍຂອງ N. D. Tiwari ອະດີດລັດຖະມົນຕີກະຊວງການເງິນຂອງ ອິນເດຍ ແລ້ວໄປທີ່ຮ້ານຂາຍໂມງຢູ່ໃນ ນິວເດັນລີ ແຫ່ງໜຶ່ງ ເພື່ອເວົ້າກັບເຈົ້າຂອງຮ້ານວ່າ: ເວລານີ້ຄະນະລັດຖະມົນຕີກຳລັງມີປະຊຸມທີ່ສຳຄັນ, ທຸກຄົນທີ່ເຂົ້າຮ່ວມກອງປະຊຸມ ຕ້ອງໃສ່ໂມງ ເຈົາຂອງຮ້ານກໍເຊື່ອ ແລະ ນຳເອົາໂມງອອກມາໃຫ້ຕາມທີ່ເຂົາຕ້ອງການ ໂດຍເຂົາໃຊ້ ບັດປອມເພື່ອຈ່າຍເງິນ.

ໃນທີ່ສຸດເຂົາໄດ້ເສຍຊີວິດລົງໃນປີ 1996 ຊຶ່ງໃນຕອນນັ້ນ ທາງການຍັງຈັບເຂົາບໍ່ໄດ້ ແລະ ຍັງມີຫຼາຍຄະດີຄ້າງຢູ່ຫຼາຍຄະດີ

ບັດນີ້ ທ່ານຄິດວ່າເຂົາຖືກເສຍຊີວິດ ໃນປີ 1996 ແທ້ ກໍໝາຍຄວາມວ່າຖືກ ນັດຖາວາລາ ຕົວະອີກແລ້ວ.

ເພາະໃນປີ 2009 ທະນາຍຄວາມຂອງເຂົາອອກມາປະກາດວ່າ ນັດຖາວາລາ ເສຍຊີວິດແລ້ວ ດັ່ງນັ້ນ ຄະດີຄວາມຕ່າງໆ ຂອງເຂົາຈຶ່ງສິ້ນສຸດລົງໂດຍປະລິຍາຍ ໝາຍຄວາມວ່າເປັນເວລາ 13 ປີ ທີ່ເຂົາຫຼອກຄົນອື່ນວ່າຕາຍແລ້ວ ຊຶ່ງໃນຂະນະນັ້ນ ນັດຖາວາລາ ໄດ້ໃຫ້ອ້າຍຂອງເຂົາ ຕົວະຄົນອື່ນວ່າ ເຂົາເສຍຊີວິດ ແລະ ຖືກເຜົາໄປແລ້ວ ເພື່ອຫຼີກລ່ຽງການຈັບກຸມຂອງເຈົ້າໜ້າທີ່.

ຈົນມາເຖິງໄລຍະນີ້ ເລື່ອງລາວຂອງການຫຼອກລວງ ຕົ້ມຕຸ່ນຂອງເຂົາ ຍັງໄດ້ຮັບການກ່າວຂານກັນຢູ່ ປັດຈຸບັນໄດ້ມີການນຳເອົາເລື່ອງຂອງເຂົາໄປສ້າງເປັນລະຄອນຕະຫຼົກທີ່ມີຊື່ວ່າ: “Mr. Natwarlal”

ເລື່ອງລາວຂອງ ນັດຖາວາລາ ໄດ້ໃຫ້ບົດຮຽນກັບພວກເຮົາວ່າ ເມື່ອທ່ານເລີ່ມເກີດມີນິໄສຂິີ້ຕົວະຫຼາຍຄັ້ງ ມັນອາດຈະເຮັດໃຫ້ທ່ານຕ້ອງຂີ້ຕົວະຫຼາຍຂຶ້ນ ເພື່ອປົກປິດການຂີ້ຕົວະໃນຄັ້ງກ່ອນໜ້ານີ້.

ການຂີ້ຕົວະ ຫຼາຍຄັ້ງອາດຈະເຮັດໃຫ້ໂຕເຮົາເອງສະບາຍໃຈຂຶ້ນ ແລະ ມີຄວາມສຸກ ແຕ່ມັນກໍເປັນພຽງຊົ່ວຄາວເທົ່ານັ້ນ ແລະ ມັນຈະກັບມາທຳລາຍຕົວເຮົາເອງໃນທີ່ສຸດ.

ເມື່ອອ່ານມາຮອດນີ້, ກໍມີຄຳຖາມຕັ້ງຂຶ້ນວ່າ ທ່ານມີຄວາມໝັ້ນໃຈພຽງໃດວ່າຕອນນີ້ ນັດຖາວາລາ ເສຍຊີວິດແລ້ວ.

error: Content is protected !!