ເສດຖະກິດ​ຂະໜາດ​ນ້ອຍ​ ​ແລະ ກາງ ຄືນ​ຫົນທາງ​ພົ້ນທຸກ

- advert banner 728 90 728x90 - ເສດຖະກິດ​ຂະໜາດ​ນ້ອຍ​ ​ແລະ ກາງ ຄືນ​ຫົນທາງ​ພົ້ນທຸກ

​ໂດຍ: ທິດ​ກ່ຳ

- new3 - ເສດຖະກິດ​ຂະໜາດ​ນ້ອຍ​ ​ແລະ ກາງ ຄືນ​ຫົນທາງ​ພົ້ນທຸກ

ໄດ້ເຫັນແຫລ່ງຂ່າວຈາກມີເດຍລາວຄອມ (Mediala. com)ທີ່ເປັນສື່ອອນລາຍໃນວັນທີ 4 ພະຈິກຜ່ານມາວ່າ: ໃນທ້າຍເດືອນຕຸລາທີ່ຜ່ານມານີ້ ລັດຖະບານເຮົາໄດ້ແຕ່ງຕັ້ງ ຄະນະສະເພາະກິດສົ່ງເສີມ ການຜະລິດຊົມໃຊ້ພາຍໃນ ເພື່ອຫວັງຈະຄຸ້ມຄອງການ  ນຳເຂົ້າສິນຄ້າອຸປະໂພກ ແລະ ບໍລິໂພກ.

ເມື່ອເຫັນຂ່າວອອກມາ ແບບນີ້ແລ້ວ, ຫລາຍຄົນກໍດີ ໃຈ ແລະ ມີຄວາມຫວັງເພາະຈະໄດ້ເຫັນວົງການຜະລິດຢູ່ ບ້ານເຮົາໄດ້ເຕີບໂຕແຂງ  ແຮງຂຶ້ນໂດຍສະເພາະແມ່ນ ຂົງເຂດເສດຖະກິດການຜະລິດຂະໜາດນ້ອຍ ແລະ ຂະໜາດກາງ ທີ່ຍັງອ່ອນແຕ້ມ ຍ້ອນຄົນລາວເຮົາຫັນໄປນິ ຍົມຊົມໃຊ້ຜະລິດຕະພັນທີ່ນຳ ເຂົ້າຈາກປະເທດເພື່ອນບ້ານຢ່າງໜ້າເປັນຫ່ວງ.

ແນວໃດກໍຕາມ, ພວກ ເຮົາກໍມີຄວາມຫວັງຢ່າງຍິ່ງ ວ່າໃນເມື່ອມີຄະນະສະເພາະກິດນີ້ຂຶ້ນມາແລ້ວ, ໝາກຜົນທີ່ໄດ້ຮັບໃນທາງບວກນັ້ນຄົງ ເປັນໄປຕາມຈຸດປະສົງເປົ້າ ໝາຍທີ່ພັກ ແລະ ລັດຖະບານ ເຮົາໄດ້ຄາດກະເອົາໄວ້, ແຕ່ ອັນສຳຄັນກ່ອນອື່ນໝົດແມ່ນ ເວົ້າແລ້ວຕ້ອງເຮັດຢ່າງຈິງ  ຈັງ ແລະ ສິ່ງສຳຄັນອີກອັນ ໜຶ່ງມັນກໍຕ້ອງຂຶ້ນກັບຫລາຍ ປັດໄຈກວ່າຈະໄດ້ເຫັນໝາກ ຜົນ ເປັນຕົນເປັນໂຕອອກມາ ຢ່າງ ເປັນຮູບປະທຳເພາະມັນ ກໍບໍ່ ໄດ້ງ່າຍຄືປອກກ້ວຍ.

ຕາມເຮົາຄິດ, ຕະຫລອດ ໄລຍະ 40 ປີກວ່າມານີ້ຕ້ອງ ຍອມຮັບວ່າຂົງເຂດເສດຖະ ກິດຂະໜາດນ້ອຍ ແລະ ຂະໜາດກາງຢູ່ປະເທດເຮົາຍັງ ບໍ່ທັນເຂັ້ມແຂງ ແລະ ເຕີບໂຕ ຂຶ້ນຢ່າງແຂງແຮງ. ເພາະສະ ນັ້ນ, ຈຶ່ງເປັນເຫດໃຫ້ລາຍໄດ້ຈາກຂະແໜງການນີ້ມີ ໜ້ອຍ ແລະ ເຕີບໂຕຊ້າ, ທັງ ປະສົບບັນຫາເງິນເຟີ້, ມີການຂາດດູນ, ຂາເຂົ້າຫລາຍ, ຂາອອກໜ້ອຍຊ້ຳບໍ່ໜຳຄົນ ລາວເຮົາໃນຍຸກນີ້ມີຈຳນວນບໍ່ໜ້ອຍເລີ່ມມັກງ່າຍເຫີນຫ່າງຈາກການຜະລິດວ່າ ເຮັດໄປຕົ້ນທຶນມັນກໍສູງ,        ຕະຫລາດຈຳໜ່າຍກໍຈຳກັດ ຫັນໄປຊື້ຜະລິດຕະພັນສຳເລັດຮູບທີ່ນຳເຂົ້າ ດີກວ່າເພາະ ລາຄາມັນກໍຖືກ, ທັງຮັບ         ປະກັນຄຸນນະພາບ ແລະ ທັງ ວ່ອງໄວທັນໃຈອີກດ້ວຍວ່າຊັ້ນ! ເມື່ອພາກັນຄິດ ແລະ ມີ ພຶດຕິກຳແບບນີ້, ໃນແຕ່ລະ ວັນໂດຍສະເພາະແມ່ນວັນ ເສົາ, ວັນທິດ, ຫລື ຍາມມີງານ ຕ່າງໆ ຄົນລາວເຮົາບໍ່ວ່າຢູ່ ແຂວງໃດທີ່ມີຊາຍແດນຕິດ ກັບປະເທດເພື່ອນບ້ານມັກໄປລົງຕະຫລາດຢູ່ຝັ່ງໄທ, ຊື້ ຂອງໄທ, ໃຊ້ຂອງໄທເກືອບ ອ້ອຍຕ້ອຍ.

ຕົວຢ່າງຄົນວຽງຈັນກໍ ມັກໄປໜອງຄາຍ, ອຸດອນ, ຂອນແກ່ນ, ຄົນບໍລິຄຳໄຊ ກໍ ເຫີ່ໄປບຶງການ, ຄົນຄຳມ່ວນ ກໍໄປນະຄອນພະນົມ, ສະ ຫວັນນະເຂດກໍມັກໄປມຸກ ດາຫານ, ປາກເຊກໍໄປເຂດ ອຸບົນຊ່ອງເມັກ ດັ່ງພວກເຮົາ ເຫັນມາເປັນປະຈຳຈົນມາ ຮອດທຸກວັນນີ້.

ຍົກບັນຫານີ້ຂຶ້ນມາກໍບໍ່ໝາຍຄວາມວ່າບໍ່ຢາກໃຫ້ໄປ ຊື້ສິນຄ້າຂອງໄທ, ໃຊ້ຂອງ ໄທ. ແຕ່ອັນໃດລາວເຮົາມີກໍ ຄວນຊົມໃຊ້ເພື່ອເປັນການຫລຸດຜ່ອນການນຳເຂົ້າ, ທັງ ເປັນການຊຸກຍູ້ສົ່ງເສີມການ ຜະລິດເສດຖະກິດຂອງບ້ານ ເຮົາໃຫ້ສົດໃສໃນຕໍ່ໜ້າ. ເອີ້ນຢ່າງໜຶ່ງກໍແມ່ນມີສະຕິໃນ ການສົ່ງເສີມຄວາມເປັນຊາດ.

ຕາມເຮົາວ່າ, ຢາກບໍ່ຢາກໃນຂັ້ນຕໍ່ໄປຖ້າພວກ ເຮົາ ຫາກຍັງພາກັນຄິດ ແລະ ເຮັດຕາມສູດໃຊ້ຂອງໝູ່, ກິນຂອງໝູ່ຄວາມເປັນເອກກະລາດທາງດ້ານເສດຖະກິດມັນ ກໍຍັງຢູ່ໄກເກີນເອື້ອມ ແລະ ບໍ່ ໄວກໍ່ຊ້າຂົງເຂດການຜະລິດຂະໜາດ ນ້ອຍ ແລະ ຂະໜາດກາງຢູ່ບ້ານເຮົາຕ້ອງຂະ ຫຍາຍຕົວຊ້າແກ່ຍາວ ແລະ ຍັງຈະກົດໜ່ວງລະບົບເສດຖະກິດແຫ່ງຊາດຢ່າງແນ່ນອນ.

- lattana 1 - ເສດຖະກິດ​ຂະໜາດ​ນ້ອຍ​ ​ແລະ ກາງ ຄືນ​ຫົນທາງ​ພົ້ນທຸກ

ໃນເດືອນກັນຍາ ຜ່ານມາ, ທາງທະນາຄານຈີນກໍ ໄດ້ປ່ອຍເງິນກູ້ໃຫ້ເຖິງ 300 ລ້ານໂດລາເພື່ອລົງທຶນໃສ່ ຂະແໜງການຜະລິດຂະໜາດນ້ອຍ ແລະ ຂະໜາດກາງ ແລະ ຕໍ່ມາເມື່ອບໍ່ດົນນີ້ ທາງ ຄະນາຄານ ເອດີບີ ກໍອະນຸມັດ ເງິນເຖິງ 140 ລ້ານໂດລາສະຫະລັດ ເພື່ອປັບປຸງໂຄງສ້າງ ໃນຂົງເຂດການກະສິກຳ, ການສຶກສາ ແລະ ການຄຸ້ມ ຄອງການເງິນພາກລັດ.

ໃນອະນາຄົດຕໍ່ໜ້ານີ້, ເມື່ອໃດຂະແໜງການຜະ   ລິດຂະໜາດນ້ອຍ ແລະ ຂະ ໜາດກາງຫາກເປັນຕົນເປັນ ໂຕຂຶ້ນມາຢ່າງແຂງແຮງ ຢ່າຄິດວ່າຈະບໍ່ມີຕະຫລາດ ຈຳໜ່າຍ, ສຳຄັນແຕ່ວ່າ ເຮົາ ຜະລິດໄດ້ຫລືບໍ່, ເຮັດແທ້ ຫລື ບໍ່, ສິນຄ້າຮັບປະກັນຄຸນນະ ພາບຫລືບໍ່, ເພາະວ່າລະຫວ່າງ ການຜະລິດ ແລະ ການຈຳ ໜ່າຍນັ້ນມັນມີຕ່ອງໂສ້ ແລະ ມີການຕິດພັນເຊື່ອມໂຍງ      ເຊິ່ງກັນ ແລະ  ກັນ.

ໃນໄລຍະປັດຈຸບັນກໍຄືຕໍ່ ໜ້າຕະຫລາດໃຫຍ່ທີ່ສຸດ ຂອງລາວເຮົາຄື ສປ ຈີນ ປີ 2021 ເສັ້ນທາງລົດໄຟ  ລາວ- ຈີນ ສຳເລັດລົງເມື່ອ            ໃດ, ເມື່ອນັ້ນຕະຫລາດ     ແລະ ຄວາມຫວັງອັນສົດໃສ        ໃນການສົ່ງອອກສິນຄ້າກະ ສິກຳໄປຈີນ ກໍຍິ່ງເພີ່ມທະວີ ແລະ ແຕກໜໍ່ຈໍ່ແນວຂຶ້ນ     ຢ່າງຫລວງຫລາຍ.

ໃນຫລາຍປີຜ່ານມາ ກໍ   ຄືໃນປັດຈຸບັນລາວເຮົາໄດ້       ສົ່ງອອກສິນຄ້າກະສິກຳໄປ ຈີນນັບມື້ເພີ່ມຂຶ້ນເປັນຕົ້ນ    ເຂົ້າ, ໝາກກ້ວຍ ແລະ ອື່ນໆ, ທາງການຈີນຍັງຕ້ອງການ ຊື້ມັນດ້າງ ແລະ ປະເພດ      ສິນຄ້າກະສິກຳອື່ນໆອີກ ຫລາຍຢ່າງ.

ນອກຈາກນັ້ນ, ຍັງມີປະ ເພດສັດລ້ຽງເຊັ່ນ: ງົວຈຳ ນວນຫລາຍຮ້ອຍໂຕຕໍ່ເດືອນ ແລະ ຫລາຍສິບພັນໂຕຕໍ່ປີ.

ເຖິງຢ່າງໃດກໍດີ, ໃນ ຄວາມເປັນຈິງແລ້ວເວົ້າເຖິງ ການຜະລິດຂະໜາດນ້ອຍ ແລະ ຂະໜາດກາງບໍ່ວ່າ ຂົງເຂດໃດພວກເຮົາຍັງບໍ່ ທັນເຂັ້ມແຂງຫລາກຫລາຍ ແລະ ບໍ່ທັນສາມາດກຸ້ມຕົນ ເອງເພິ່ງຕົນເອງໄດ້ເກືອບ ທຸກຢ່າງເປັນຕົ້ນ: ນັບແຕ່ນ້ຳ ປາ, ແປ້ງນົວ, ເຄື່ອງໃຊ້ຄົວ ເຮືອນລວມລາມໄປຮອດ ແນວກິນແນວຢູ່ ຕ້ອງໄດ້ເພິ່ງ ພາການນຳເຂົ້າທັງໝົດ, ດ້ວຍສາເຫດນີ້, ການຜະລິດ ຂະໜາດນ້ອຍ ແລະ ຂະໜາດ ກາງ ຈຶ່ງມີຄວາມຈຳເປັນອັນ ໃຫຍ່ຫລວງສຳລັບປະເທດ ເຮົາທັງເປັນເສັ້ນທາງພົ້ນທຸກ ຂອງຄົນພາຍໃນຊາດສ້າງ ໂອກາດໃຫ້ຄົນລາວຮັ່ງມີສີ ສຸກໃນອະນາຄົດ./.

error: Content is protected !!