ຟີລິບປິນຂໍໃຫ້ກຸ່ມຕິດອາວຸດຍອມເສຍໄຊເພື່ອຫລຸດການສູນເສຍ

- 1496127670912 960x0 - ຟີລິບປິນຂໍໃຫ້ກຸ່ມຕິດອາວຸດຍອມເສຍໄຊເພື່ອຫລຸດການສູນເສຍ
- Untitled design - ຟີລິບປິນຂໍໃຫ້ກຸ່ມຕິດອາວຸດຍອມເສຍໄຊເພື່ອຫລຸດການສູນເສຍ

- 1496127670912 960x0 - ຟີລິບປິນຂໍໃຫ້ກຸ່ມຕິດອາວຸດຍອມເສຍໄຊເພື່ອຫລຸດການສູນເສຍ

 

ມາຣາວີ 30 ພຶດສະພາ: ທາງ​ການ​ຟີ​ລິບ​ປິນຂໍ​ໃຫ້​ກຸ່ມ​ຕິດ​ອາວຸດ​ອິສລາມ​ເຫັນ​ໃຈ​ປະຊາຊົນ​ທີ່​ຄົງ​ຄ້າງ​ຢູ່​ໃນ​ພື້ນທີ່​ສູ້​ຮົບ ຢູ່​ເມືອງ​ມາຣາວີ​ທາງ​ຕອນ​ໃຕ້​ຂອງ​ປະ​ເທດ ​ໂດຍ​ການ​ປະກາດ​ຍອມ​ເສຍ​ໄຊ​ຕໍ່​ກອງທັບ​ຂອງ​ລັດຖະບານ.

 

ກ່ອນ​ໜ້າ​ນີ້, ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ປະກາດ​ໃຊ້​ກົດ​ໄອ​ຍະ​ການ​ເສິກ​ຄວບ​ຄຸມທົ່ວ​ທຸກພື້ນທີ່ຢູ່​ເກາະ​ມິນ​ດາ​ເນົາ ​ເພື່ອ​ອຳນວຍ​ຄວາມ​ສະດວກ​ໃຫ້​ກອງທັບ​ເຂົ້າຄວບ​ຄຸມ​ສະຖານະ​ການ, ພາຍຫລັງ​ກຸ່ມ​ຕິດ​ອາວຸດ​ເມົາ​ເຕ ທີ່​ມີ​ການ​ເຊື່ອມ​ໂຍງ​ກັບ​ກຸ່ມ​ລັດ​ອິສລາມ ຫລື IS ກໍ່​ເຫດ​ໂຈມ​ຕີ​ເມືອງ​ມາຣາວີ ​ໃນ​ອາທິດ​ຜ່ານ​ມາ. ສະຖານະ​ການ​ການ​ປະ​ທະ​ກັນ​ລະຫວ່າງ​ເຈົ້າໜ້າ​ທີ່ ​ແລະ ສະມາຊິກ​ກຸ່ມ​ຕິດ​ອາວຸດ​ທີ່​ໄດ້​ຮັບ​ການ​ຕີ​ລາຄາ​ວ່າ​ມີ​ປະມານ 100 ຄົນ​ຍັງ​ຍືດ​ເຍື້ອຕໍ່​ເນື່ອງ​ມາ​ເປັນ​ວັນ​ທີ 8 ​ເຮັດ​ໃຫ້​ປັດຈຸບັນ​ນີ້​ມີ​ຜູ້​ເສຍ​ຊີວິດ​ແລ້ວ 100 ກວ່າ​ຄົນ ​ແລະ ອີກ​ເກືອບ 84.000 ຄົນ​ບໍ່​ມີ​ບ່ອນຢູ່​ອາ​ໄສ, ຂະນະ​ທີ່​ຝ່າຍ​ຜູ້​ກໍ່​ຄວາມ​ບໍ່​ສະຫງົບ​ຍັງ​ບໍ່​ຍອມ​ຢຸດ, ​ເຖິງ​ວ່າ​ຈະ​ຖືກ​ຝ່າຍ​ກອງທັບ​ຟີ​ລິບ​ປິນ​ໂຈມ​ຕີ​ທັງ​ທາງບົກ ​ແລະ ທາງ​ອາກາດ​ກໍ​ຕາມ.

 

- Wave100S AD to Website 2020 0 - ຟີລິບປິນຂໍໃຫ້ກຸ່ມຕິດອາວຸດຍອມເສຍໄຊເພື່ອຫລຸດການສູນເສຍ

 

ພົນ​ຈັດຕະວາ ​ເຣສຕິ​ຕູ​ໂຕ ພາ​ດິວລາ ​ໂຄສົກ​ກອງທັບ ກ່າວ​ວ່າ: ກອງທັບ​ໃຫ້​ໂອກາດ​ບັນດາ​ຜູ້​ກໍ່​ເຫດ​ໂຈມ​ຕີ​ເມືອງ​ມາຣາວີ​ວາງ​ອາວຸດ ​ແລະ ປະກາດ​ຍອມ​ເສຍ​ໄຊ ​ເພື່ອ​ຊ່ວຍ​ຫລຸດ​ຄວາມ​ເສຍ​ຫາຍ ​ແລະ ຄວາມ​ສູນ​ເສຍ​ຈາກ​ການ​ປະ​ທະ​ກັນ​ລະຫວ່າງ​ສອງ​ຝ່າຍ. ລັດຖະບານ​ທ້ອງ​ຖິ່ນ​ເປີດ​ເຜີຍ​ວ່າ: ຍັງ​ມີ​ປະຊາຊົນ​ປະມານ 2.000 ຄ້າງ​ຢູ່​ໃນ​ພື້ນທີ່​ຂອງ​ກຸ່ມ​ຕິດ​ອາວຸດ, ຂະນະ​ທີ່​ຄະນະ​ກຳມະການ​ກາ​ແດງ​ສາກົນ ​ເຕືອນ​ວ່າ: ພວກ​ເຂົາ​ຈະ​ຕົກ​ເປັນ​ເຫຍື່ອ​ໄດ້​ຮັບ​ຜົນ​ກະທົບ​ຈາກ​ການ​ໂຈມ​ຕີ​ຖິ້ມລະ​ເບີດ​ທ່າມກາງ​ການ​ສູ້​ຮົບ.

- WhatsApp Image 2020 05 27 at 5 - ຟີລິບປິນຂໍໃຫ້ກຸ່ມຕິດອາວຸດຍອມເສຍໄຊເພື່ອຫລຸດການສູນເສຍ
- WhatsApp Image 2020 05 27 at 5 - ຟີລິບປິນຂໍໃຫ້ກຸ່ມຕິດອາວຸດຍອມເສຍໄຊເພື່ອຫລຸດການສູນເສຍ
error: Alert: ເນື້ອຫາຂ່າວມີລິຂະສິດ !!