ຢູເວນຕຸສ ຕັດສິນແລ້ວ ລົງໂທດ ໂຣນັລໂດ້ ຫລື ບໍ່

- news201811080928271 - ຢູເວນຕຸສ ຕັດສິນແລ້ວ ລົງໂທດ ໂຣນັລໂດ້ ຫລື ບໍ່
- AGL banner - ຢູເວນຕຸສ ຕັດສິນແລ້ວ ລົງໂທດ ໂຣນັລໂດ້ ຫລື ບໍ່

     ຫລັງ​ຈາກ ຄ​ຣິ​ສ​ເຕຍ​ໂນ ໂຣ​ນັ​ລ​ໂດ້ ສະ​ແດງ​ອາ​ການ​ ໂມ​ໂຫ​ທີ່​ຖືກ​ປ່ຽນ​ຕົວ​ໃນ​ເກມ ກັບ ເອ​ຊີ ມິ​ລານ. ຫລ້າ​ສຸດ ຟ໊ອກ ສະ​ປອດ ສື່​ກິ​ລາ​ສຳ​ນັກ ໜຶ່ງ ລາຍ​ງານ​ວ່າ: ຢູ​ເວນ​ຕຸ​ສ ຈະ​ບໍ່​ດຳ​ເນີນ​ມາດ​ຕະ​ການ​ລົງ ໂທດ ໂຣ​ນັ​ລ​ໂດ້ ແຕ່​ຢ່າງ​ໃດ.

     ຢູ​ເວນ​ຕຸ​ສ ສະ​ໂມ​ສອນ ຍັກ​ໃຫຍ່​ແຫ່ງ​ເວ​ທີ ກັ​ລ​ໂຊ່ ເຊ ເຣຍ ອາ ອິ​ຕາ​ລີ ເປີດ​ເຜີຍ​ ແລ້ວ​ວ່າ​ພວກ​ເຂົາ​ຈະ​ບໍ່​ດຳ​ ເນີນ​ມາດ​ຕະ​ການ​ທາງວິ​ໄນ ໃດໆ​ກັບ ຄ​ຣິ​ສ​ເຕຍ​ໂນ ໂຣ​ນັ​ລ ໂດ້ ດາວ​ຍິງ​ຄົນ​ດັງ​ຂອງ​ທີມ ຈາກ​ກໍ​ລະ​ນີ​ທີ່ ໂຣ​ນັ​ລ​ໂດ້ ສະ ແດງ​ຄວາມ​ປະ​ພຶດບໍ່​ເໝາະ​ ສົມ​ໃນ​ຕອນ​ທີ່​ຖືກ​ປ່ຽນ​ຕົວ ລະ ຫວ່າງ​ເກມ​ລີ​ນັດ​ທີ່ ຢູ​ເວນ​ຕຸ​ສ ເປີດ​ບ້ານ ອັ​ລ​ລິ​ອັນ ສະ​ເຕ ດ້ຽມ ເອົາ​ຊະ​ນະ ເອ​ຊີ ມິ​ລານ 1-0 ໃນ​ວັນ​ທີ 10 ພະ​ຈິກ.

      ໃນ​ນັດ​ດັ່ງ​ກ່າວ ໂຣ​ນັ​ລ ໂດ້ ຖືກ​ປ່ຽນ​ຕົວ​ນັບ​ແຕ່​ນາ​ທີ 55 ຫລັງ​ຈາກ​ທີ່​ລາວ​ເຮັດ​ຜົນ ງານ​ໄດ້​ບໍ່​ໜ້າ​ປະ​ທັບ​ໃຈ​ເທົ່າ​ທີ່ ຄວນ ແຕ່​ແທນ​ທີ່​ຈະ​ມາ​ນັ່ງ ເຊຍ​ໝູ່​ຮ່ວມ​ທີມ​ຕໍ່​ຂ້າງ​ສະ​ ໜາມ ລາວ​ພັດ​ຍ່າງ​ຜ່ານ ເມົາ ຣິ​ຊິ​ໂອ ຊາ​ຣີ ຄູ​ຝຶກ​ຂອງ​ທີມ​ໄປ ແບບ​ໜ້າ​ຕາ​ເສີຍ ພ້ອມ​ກັບ​ ເຂົ້າ​ອຸ​ໂມງ​ໄປ​ທັນ​ທີ ແລະ ຍັງ ຂັບ​ລົດ​ອອກ​ຈາກ​ສະ​ໜາມ​ ນັບ​ແຕ່​ຕອນ​ທີ່​ຍັງ​ເຫລືອ​ການ ແຂ່ງ​ຂັນ​ອີກ 3 ນາ​ທີ​ນຳ​ອີກ.

      ທັງ​ນີ້ ຖື​ເປັນ​ເກມ​ທີ 2 ຕິດ ຕໍ່​ກັນ​ແລ້ວ​ທີ່ ໂຣ​ນັ​ລ​ໂດ້ ສະ ແດງ​ອາ​ການ​ໂມ​ໂຫ​ຈາກ​ ການ​ຖືກ​ປ່ຽນ​ຕົວ ໂດຍ​ເທື່ອ ທຳ​ອິດ​ເກີດ​ຂຶ້ນ​ໃນ​ເກມ ຢູ​ຟາ ແຊມ​ປ້ຽນ​ລີກ ນັດ​ທີ່ ຢູ​ເວນ ຕຸ​ສ ບຸກ​ໄປ​ຊະ​ນະ ໂລ​ໂຄ​ໂມ​ ທີບ ມອ​ສ​ໂກ 2-1 ໃນ​ວັນ​ທີ 6 ພະ​ຈິກ ເຊິ່ງ​ຕອນ​ທຳ​ອິດ​ມີ ການ​ຕັ້ງ​ບັນ​ຫາ​ວ່າ: ໂຣ​ນັ​ລ​ໂດ້ ຈະ​ຖືກ​ລົງ​ໂທດ ຫລື ບໍ່ ເຊິ່ງ ຈາກ​ການ​ທີ່​ລາວ​ຈະ​ບໍ່​ຖືກ​ດຳ ເນີນ​ມາດ​ຕະ​ການ​ຫຍັງ ມັນ ເຮັດ​ໃຫ້​ລາວ​ຫລຸດ​ພົ້ນ​ຈາກ ການ​ຖືກ​ປັບ​ໄໝ​ນຳ​ອີກ.

- lattana banner 1 - ຢູເວນຕຸສ ຕັດສິນແລ້ວ ລົງໂທດ ໂຣນັລໂດ້ ຫລື ບໍ່
-    AD conten website - ຢູເວນຕຸສ ຕັດສິນແລ້ວ ລົງໂທດ ໂຣນັລໂດ້ ຫລື ບໍ່
- lattana banner - ຢູເວນຕຸສ ຕັດສິນແລ້ວ ລົງໂທດ ໂຣນັລໂດ້ ຫລື ບໍ່
error: Alert: ເນື້ອຫາຂ່າວມີລິຂະສິດ !!