ກະຊວງອຸດສາຫະກໍາ ​ແລະ ການ​ຄ້າ ຊີ້ແຈງກ່ຽວ​ກັບ​ການ​ຄຸ້ມ​ຄອງ​ລາຄາ-ຄ່າ​ບໍລິການ

- advert banner 728 90 728x90 - ກະຊວງອຸດສາຫະກໍາ ​ແລະ ການ​ຄ້າ ຊີ້ແຈງກ່ຽວ​ກັບ​ການ​ຄຸ້ມ​ຄອງ​ລາຄາ-ຄ່າ​ບໍລິການ

  ໃນວາລະດໍາເນີນກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ VII, ໃນວັນທີ 13 ພະຈິກນີ້, ໂດຍການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ, ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກໍາ ແລະ ການຄ້າ (ອຄ) ໄດ້ຂຶ້ນຊີ້ແຈງຕໍ່ຄໍາຊັກຖາມຂອງສະມາຊິກສະພາແຫ່ງຊາດກ່ຽວກັບວຽກງານຄຸ້ມຄອງລາຄາສິນຄ້າ, ຄ່າບໍລິການ ແລະ ມາດຕະການຫລຸດຜ່ອນຜົນກະທົບຕໍ່ການຜະລິດ ແລະ ການດໍາລົງຊີວິດຂອງປະຊາຊົນວ່າ:  ມາຮອດປັດຈຸບັນເຫັນວ່າຍັງມີສິນຄ້າອຸປະໂພກ-ບໍລິໂພກຈໍານວນໜຶ່ງ ລວມທັງຢາປົວພະຍາດ, ນໍ້າມັນເຊື້ອໄຟໄດ້ມີການເໜັງຕີງເພີ່ມຂຶ້ນ.

- new3 - ກະຊວງອຸດສາຫະກໍາ ​ແລະ ການ​ຄ້າ ຊີ້ແຈງກ່ຽວ​ກັບ​ການ​ຄຸ້ມ​ຄອງ​ລາຄາ-ຄ່າ​ບໍລິການ

ດັ່ງນັ້ນ, ກະຊວງກ່ຽວຂ້ອງໄດ້ກໍານົດ 5 ແຜນງານຄື: ແຜນງານນິຕິກໍາໂດຍໄດ້ແຕ່ງຕັ້ງຄະນະຊີ້ນໍາວຽກງານຄຸ້ມຄອງລາຄາສິນຄ້າ ແລະ ຄ່າບໍລິການ, ແຜນງານຄຸ້ມຄອງ ແລະ ສົ່ງເສີມລະບົບຕາໜ່າງການຕະຫລາດ, ໂດຍໄດ້ມອບໃຫ້ຂະແໜງອຸດສາຫະກໍາ ແລະ ການຄ້າແຂວງ, ນະຄອນຫລວງ ເປັນເຈົ້າການຮ່ວມກັບຂະແໜງການກ່ຽວຂ້ອງ ແລະ ຜູ້ປະກອບການລົງປະຕິບັດຕົວຈິງ, ໂດຍເອົາຕະຫລາດໃນເທສະບານແຂວງ ແລະ ເມືອງ ເພື່ອສ້າງເປັນຕະຫລາດຕົວແບບຕາມມາດຖານເງື່ອນໄຂ.

ປັດຈຸບັນ ຢູ່ນະຄອນຫລວງວຽງຈັນ ກະຊວງອຸດສາຫະກໍາ-ການຄ້າ, ພະແນກນະຄອນຫລວງ  ແລະ ຫ້ອງການເມືອງ, ສາມາດ​ອອກ​ໃບຢັ້ງຢືນມາດຕະຖານ​ໃຫ້ຕະຫລາດ​ 5 ແຫ່ງຄື: ຕະຫລາດໂຊກທະວີ, ຕະຫລາດສົ່ງເສີມກະສິກໍາເມືອງນາຊາຍທອງ, ຕະຫລາດລາວ-ອົດຊີ ເມືອງສີໂຄດຕະບອງ, ຕະຫລາດສະອາດບ້ານດົງຄໍາຊ້າງເມືອງຫາດຊາຍຟອງ ແລະ ຕະຫລາດໂພນຕ້ອງ-ຈອມມະນີເມືອງຈັນທະບູລີ, ສ່ວນຢູ່ທ້ອງຖິ່ນ ພະແນກ ອຄ ແຂວງ ແລະ ເມືອງ ໄດ້ປັບປຸງຕະຫລາດຢູ່ບັນດາເມືອງ ແລະ ຕະຫລາດເຂດຊຸມຊົນ, ຕະຫລາດນັດຈາກເຂດຊຸມຊົນ, ຕະຫລາດນັດຈາກເຂດຕົວເມືອງ ຮອດເຂດຊົນນະບົດຫ່າງໄກສອກຫລີກ ເພື່ອຂະຫຍາຍຕາໜ່າງຕະຫລາດໃຫ້ກວ້າງ ​ເພື່ອໃຫ້ປະຊາຊົນມີບ່ອນຊື້-ຂາຍຫລາຍຂຶ້ນ.

ສ່ວນແຜນງານຄຸ້ມຄອງລາຄາສິນຄ້າ, ໂດຍສະເພາະແມ່ນລາຄາຂາຍຍົກ-ຂາຍຍ່ອຍ, ກະຊວງ ອຄ ໄດ້ເປັນເຈົ້າການຄຸ້ມຄອງລາຄາສິນຄ້າ ແລະ ຄ່າບໍລິການຢ່າງຕັ້ງໜ້າ, ພ້ອມທັງມີກົນໄກປະສານງານກັບຂະແໜງການກ່ຽວຂ້ອງຂັ້ນສູນການ ແລະ ທ້ອງຖິ່ນ ໃນການຕິດຕາມກວດກາ, ຄຸ້ມຄອງລາຄາສິນຄ້າ, ໂດຍສະເພາະສິນຄ້າອຸປະໂພກ-ບໍລິໂພກ, ເຄື່ອງໃຊ້ສອຍປະຈໍາວັນ, ປັດຈຸບັນມີ 6 ຂະແໜງການ ໄດ້ສ້າງຕັ້ງອົງການຄຸ້ມຄອງ ຫລືຈຸດປະສານງານ ຕາມດໍາລັດວ່າດ້ວຍການຄຸ້ມຄອງລາຄາ ແລະ ຄ່າບໍລິການ ແລະ ຍັງ 2 ຂະແໜງການບໍ່ທັນໄດ້ສ້າງຕັ້ງອົງການຄຸ້ມຄອງ ຫລືຈຸດປະສານງານຂອງຕົນເອງ.

ສໍາລັບຂັ້ນທ້ອງຖິ່ນກໍໄດ້ແຕ່ງຕັ້ງຄະນະຊີ້ນໍາວຽກງານດັ່ງກ່າວ ແລະ ແບ່ງຄວາມຮັບຜິດຊອບຕາມພາລະບົດຂອງແຕ່ລະພາກສ່ວນ, ນອກນີ້, ບັນດາແຂວງກໍໄດ້ແຕ່ງຕັ້ງຄະນະຊ່ວຍວຽກເພື່ອຄຸ້ມຄອງ, ຄົ້ນຄວ້າ, ວິໄຈ ສາເຫດການເໜັງຕີງຂອງລາຄາສິນຄ້າ ໄດ້ກໍານົດໂຄງປະກອບລາຄາຂາຍຍົກ-ຂາຍຍ່ອຍຂອງສິນຄ້າຄວບຄຸມ, ໂດຍສະເພາະເຂົ້າ, ຊີ້ນ, ປາ, ​ເຫລັກ, ຊີມັງ ດັ່ງນີ້ເປັນຕົ້ນ, ໂດຍແຈ້ງການໃຫ້ບັນດາຫ້ອງການອຸດສາຫະກໍາ-ການຄ້າເມືອງ ແລະ ເທສະບານເອົາໃຈໃສ່ຕິດຕາມກວດກາ, ຄຸ້ມຄອງຢ່າງໃກ້ຊິດ.

- lattana 1 - ກະຊວງອຸດສາຫະກໍາ ​ແລະ ການ​ຄ້າ ຊີ້ແຈງກ່ຽວ​ກັບ​ການ​ຄຸ້ມ​ຄອງ​ລາຄາ-ຄ່າ​ບໍລິການ

ສໍາລັບການກໍານົດລາຄາສິນຄ້າຂາຍຍົກ-ຂາຍຍ່ອຍ ກົມການຄ້າພາຍໃນ ແລະ ພະແນກອຸດສາຫະກໍາ-ການຄ້ານະຄອນຫລວງໄດ້ສົມທົບກັບບໍລິສັດນໍາເຂົ້າ-ສົ່ງອອກຈໍານວນໜຶ່ງສ້າງໂຄງປະກອບລາຄາຂາຍຍົກ-ຂາຍຍ່ອຍ ເພື່ອກ້າວໄປເຖິງການກໍານົດອັດຕາກໍາໄລໃຫ້ຜູ້ປະກອບການຢ່າງສົມເຫດສົມຜົນ. ມາຮອດປັດຈຸບັນ ໄດ້ອອກແຈ້ງການກ່ຽວກັບການກໍານົດສິນຄ້າຂາຍຍົກ-ຂາຍຍ່ອຍບາງປະເພດ ເຊັ່ນ: ຊີ້ນໝູ ປະເພດ 1 (ຊີ້ນກ້ອນ, ຊີ້ນສັນ ແລະ ດູກຂ້າງ) ສູງສຸດບໍ່ໃຫ້ເກີນ 36 ພັນກີບຕໍ່ກິໂລ, ຊີ້ນໝູປະເພດ 2 (ຊີ້ນລວມ) ລາຄາຂາຍຍ່ອຍສູງສຸດບໍ່ໃຫ້ເກີນ 33 ພັນກີບຕໍ່ກິໂລ.

ສໍາລັບແຜນງານຕິດຕາມ-ກວດກາ ແລະ ແຜນງານໂຄສະນາ ໄດ້ມອບໃຫ້ພະແນກອຸດສາຫະກໍາ ແລະ ການຄ້າແຂວງ, ນະຄອນຫລວງວຽງຈັນ ເປັນເຈົ້າການສົມທົບກັບຂະແໜງຖະ​ແຫ​ລງຂ່າວ, ວັດທະນະທໍາ ແລະ ທ່ອງທ່ຽວແຂວງ ແລະ ເມືອງ ປະສານກັບເຈົ້າຂອງຕະຫລາດ, ຫ້າງຮ້ານຕ່າງໆ ເພື່ອໂຄສະນາເຜີຍແຜ່ຫລາຍຊ່ອງທາງ ເພື່ອໃຫ້ປະຊາຊົນຮັບຮູ້ ແລະ ປູກຈິດສໍານຶກໃຫ້ຫັນມາຊົມໃຊ້ສິນຄ້າທີ່ຜະລິດພາຍໃນ ຫລື ທ່ອງທ່ຽວຢູ່ພາຍໃນໃຫ້ຫລາຍຂຶ້ນ ເພື່ອ​ຫລຸດຜ່ອນການຮົ່ວ​ໄຫລຂອງເງິນຕາໄປຕ່າງປະເທດ.

ປັດຈຸບັນເຫັນວ່າລາຄາສິນຄ້າ ແລະ ການບໍລການ ມີຄວາມສະຫງົບໂດຍພື້ນຖານ, ບໍ່ມີການຂຶ້ນລາຄາແບບກະໂດດແຮງ, ມີພຽງບາງຊະນິດສິນຄ້າທີ່ຂຶ້ນລາຄາຕາມລະດູການ. ເຖິງແນວໃດກໍຕາມ ການປະຕິບັດຕົວຈິງ ໃນວຽກງານຄຸ້ມຄອງລາຄາສິນຄ້າ ແລະ ຄ່າບໍລິການ ຍັງມີຄວາມຫຍຸ້ງຍາກ ແລະ ມີຂໍ້ຈໍາກັດບາງດ້ານ, ຊຶ່ງຮຽກຮ້ອງ​ໃຫ້​ມີການຮ່ວມມືຈາກທຸກຂະແໜງການກ່ຽວຂ້ອງ ທັງສູນກາງ ແລະ ທ້ອງຖິ່ນ, ໂດຍສະເພາະເປັນເຈົ້າການປະຕິບັດຂໍ້ຕົກລົງວ່າດ້ວຍການແຕ່ງຕັ້ງຄະນະຊີ້ນໍາວຽກງານຄຸ້ມຄອງລາຄາສິນຄ້າ ແລະ ຄ່າບໍລິການ ​ໃຫ້​ມີ​ປະສິດທິ​ຜົນ.

error: Content is protected !!